Yangon Division News 2024

ပြည်တွင်းဆန်ဈေးကွက်တွင် သင့်တင့်မျှတသည့်ဈေးကွက်ဈေးနှုန်းထက်ပိုမို၍ ဈေးနှုန်းမြှင့်တင်ရောင်းဝယ်နေသူများအား  ဖော်ထုတ်ဖမ်းဆီးအရေးယူ နေပြည်တော်၊ ဇွန်လ ၃၀ ရက်

ဆိုင်ကယ်ကိုရှောင်တဲ့ ခရီးသည်တင်ကား အရှိုန်လွန်တိမ်းမှောက်မှုကြောင့် ခရီးသည် ၉ ဦးဒဏ်ရာရ ရန်ကုန်၊ဇွန် ၃၀ ပဲခူး- ရန်ကုန် ပြေးဆွဲနေတဲ့ ခရီးသည်တင်ကားတစ်စီးဟာ ဆိုင်ကယ်ကို တိမ်းရှောင်ရာကနေ အရှိုန်လွန်စလစ်ဖြစ်ပြီး တိမ်းမှောက်ခဲ့တာကြောင့် ခရီးသည် ၉ ဦး ဒဏ်ရာရရှိခဲ့တယ်လို့ သိရပါတယ်။ အဆိုပါဖြစ်စဥ်ဟာ ဒီကနေ့ ဇွန်လ ၃၀ ရက် ညနေ ၄ နာရီဝန်းကျင်အချိန်ခန့်မှာ ဖြစ်ပွားခဲ့တာဖြစ်ပြီး အမှတ် (၂)လမ်းမ၊ ရထားသံလမ်းကွေ့(ရှမ်းတဲကြီး ရေကန်အနီး)မှာ ဖြစ်ပွားခဲ့တာလို့ ဆိုပါတယ်။ တိမ်းမှောက်ခဲ့တဲ့ယာဥ်က ပဲခူး-ရန်ကုန် ပြေးဆွဲနေတဲ့ ကမ္ဘာကျော်ခရီးသည်တင်ယာဉ်ဖြစ်တယ်လို့ သိရပြီး ဒဏ်ရာရသွားတဲ့ လူနာ ၉ ဦးကို မြောက်ဥက္ကလာဆေးရုံကြီးဆီ ပို့ပေးထားရတယ်လို့ သိရပါတယ်။

သွေးလွန်တုပ်ကွေး အသစ် အထူး ဂရုစိုက်ကြပါ ဖျားပီး ၃ ရက်မြောက်မှာ သွေးစစ်ကို စစ်ပါ အခု ဖြစ်နေတဲ့ သွေးလွန်တုပ်ကွေးက အရင်ဖြစ်နေတာနဲ့ မတူဘူးနော် ... အဖျားတောက်လျောက်တက်ပီး ၃ ရက်မြောက်မှာ ကိုယ်ပူကျသလို ဖြစ်ပီး လန်းလာတယ် ... ပီး တကိုယ်လုံးအေးစက်လာပီး ... Pressure , Oxygen , Platelet Count တွေ ကျ ၅ ရက်မြောက်နဲ့ ၇ ရက်မြောက်အထိ အသက်လုရတယ် အရည်တွေ ဝင်အောင် တိုက်ရတယ် ... ( ကြက်ကြမ်း စွပ်ပြုတ် ( အချိုမှုန့်မပါရ ရေဓာတ်ခမ်းတာဖြစ်လို့ အချိုမှုန့်က ရေဓာတ်ကို စုပ်ယူလို့ပါ ) / အုန်းစိမ်းရည် / အိုဗာဖြူ / ငုံးဥ / ကြက်ဥ / အမဲစွပ်ပြုတ် ) အစာမဝင်ရင် လက္ခဏာတွေ သတိမထားမိရင် Expired ဖြစ်သွားကြပါတယ် .... ၈ ရက်နဲ့ ၉ ရက်တွေက Platelet count ပြန်တက်စေတဲ့ရက်တွေပါ ဒီအထိ တောင့်ခံထားနိုင်ရင် ဒီပိုးကို တိုက်ထုတ်နိုင်ပါပီ ... အခု ကလေးတွေ အများကြီး ဖြစ်နေကြတယ် .... မိနစ် ၂၀ တခါ Pressure ကျပါတယ် အမြဲတိုင်း နေရပါမယ် နော် ... သွေးလွန်တုပ်ကွေးခြင် က ရောဂါရှိသူကို ကိုက်ပီး ကူးစက်ခံရသူကို ကိုက်လိုက်တာနဲ့ ...၁၀ ရက်အတွင်း Virus ပေါက်ဖွားတာ အဖျားတက်စေပါတယ် ... 103-104 မကျ ပါ ...ကယောင်ကတမ်းပြောပါတယ် ... Hess test မှာ တချို့ မပေါ်ပါ သွေးစစ်မှ ပေါ်ပါတယ် ... ကိုယ့်ရဲ့ မြို့ ပတ်ဝန်းကျင်မှာ ရောဂါကူးစက်ခံရသူ ရှိရင် သင့်တို့လဲ ကူးစက်နိုင်ပါတယ် ... မပေ့ါ့ဆကြပါနဲ့ ဆေးခန်း အချိန်မှီ မရောက်နိုင်တဲ့ ကလေးတွေ Expired ဖြစ်တာ များနေပါတယ် #crd_to_owner_with_respect

စမ်းချောင်းမြို့နယ်အတွင်း 16:40ခန့်တွင် ဖီဒါလိုင်း ဓာတ်အားပြန်တင်ချိန် မကြီးကြီးလမ်းနှင့်ပြည်လမ်းထောင့်၌ T-piller ပွင့်ထွက်သွားပြီး Cable lug ချို့ယွင်းသွားပါသဖြင့် Underground ဌာနဖြင့် အမြန်ပြုပြင်ဆောင်ရွက်လျက်ရှိရာ ကျွန်းမြောက်ရပ်ကွက်နှင့် မြေနီတောင်ရပ်ကွက်ရှိ နေရာအချို့ ယာယီဓာတ်အားပြတ်တောက်နေမည်ဖြစ်ပါကြောင်း အသိပေးအပ်ပါသည်။

မင်္ဂလာဒုံမြို့နယ်တွင် ငွေကျပ်သိန်း ၅၀၀၀ တန်ဖိုးရှိ စိတ်ကြွရူးသွပ်ဆေးပြား ၅ သိန်း ဖမ်းဆီးရမိ နေပြည်တော်၊ ဇွန် ၃၀ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဇွန်လ ၂၅ ရက်နေ့ နံနက် ၉ နာရီခွဲအချိန် ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ အောင်မင်္ဂလာအဝေးပြေးကားဝင်းတွင် ဆန်းပြည့်အောင် မောင်းနှင်လာသော TOYOTA SUCCEED မော်တော်ယာဉ်အား သတင်းအရရှာဖွေရာ ယာဉ်ပေါ်မှ ကြိမ်ဆွဲခြင်းများ အတွင်း မုန့်ထုပ်များဖြင့် ဖုံးအုပ်သယ်ဆောင်လာသည့် ဒေသကာလတန်ဖိုးငွေကျပ်သိန်း ၅၀၀၀ တန်ဖိုးရှိ စိတ်ကြွရူးသွပ်ဆေးပြား ၅ သိန်း သိမ်းဆည်းရမိခဲ့သည်။

ရန်ကင်းမြို့နယ်အတွင်း ကျန်းမာရေး အ ထောက်အကူပြုလုပ်ငန်းများဆောင်ရွက် ရန်ကုန် ဇွန် ၂၉ ရန်ကုန်မြို့တော်စည်ပင်သာယာရေးကော်မတီ ၊ပြည်သူ့ကျန်းမာရေးဌာနသည် အများပြည်သူနေရာများတွင်ကျန်းမာရေးအထောက်အကူပြု လုပ်ငန်းများကိုစဥ်ဆက်မပြတ်ဆောင်ရွက် လျက်ရှိရာ ယနေ့နံနက်ပိုင်းက ရန်ကင်းမြို့နယ်အမှတ်(၈)ရပ်ကွက်၊ နှင်းဆီလမ်း၊ ကံဘဲ့စည်ပင် ဝန်ထမ်းအိမ်ရာဝင်းအတွင်း မြို့နယ်စည်ပင်သာယာအုပ်ချုပ်ရေးမှူးရုံးမှ ဝန်ထမ်းများနှင့်ပူးပေါင်း၍ သွေးလွန်တုပ်ကွေးရောဂါကာကွယ်နှိမ်နင်းရေးအတွက် ခြင်ဆေးမှုတ်ခြင်း၊ အဘိတ်ဆေးခတ်ခြင်း၊ ဖုံး၊သွန်၊လဲ၊စစ် ပြုလုပ်ခြင်း၊ ကျန်းမာရေးအသိပညာပေးပိုစတာပေးဝေခြင်းများ ဆောင်ရွက်ခဲ့ကြောင်းသိရသည်။ ယဥ်မွန်

ကမာရွတ်၊ စမ်းချောင်း၊ ကြည့်မြင်တိုင်၊ လှိုင် (9:00) to (13:00) နာရီအထိ သစ်ပင်ခုတ် Shutdown Edit သိပ်မကြာပါပု အရံဓာတ်အားလိုင်းနဲ့ပေးပါမည်တဲ့။

မီးကြိုးရှော့ဖြစ်ခြင်းအားအချိန်မီပြုပြင်ခြင်း ===================================== ဇွန် (၂၉)၊၂၀၂၄ ရန်ကုန်တိုင်းဒေသကြီး၊မှော်ဘီခရိုင်၊ထန်းတပင်မြို့နယ်၊ဓနဲရိကျေးရွာအုပ်စု၊ကျောင်းကုန်းကျေးရွာ၊ကျောင်းကုန်းကျေးရွာနှင့်ဆပ်ကလေးရွာခြင်းဆက်တံတားဘေးရှိမိန်းမီးကြိုးအားရိတ်စက်တင်ကားများမှကားနှင့်မလွတ်သောကြောင့်ကြိုနှစ်ချောင်းကိုဝါးတစ်လုံးဖြင့်ပူး၍ထောက်ထားခဲ့ရာမှ ယနေ့ ညနေ (၄:၁၅)နာရီခန့်တွင်ကြိုးပူးနေသောနေရာမှမီးပန်းများပွင့်၍ရှော့ဖြစ်လျှက်ရှိပါသည်။ ၎င်းမီးကြိုးရှော့ဖြစ်လောင်ကျွမ်းမှုကြောင့်မီးကြိုးပျက်ကျလုနီးနီးရှိနေသည်ကိုအနီးနားရှိတာဝန်သိပြည်သူမှ (EPC)ရုံးသို့ဖုန်းဆက်အကြောင်းကြားရာဝန်ထမ်းနှစ်ဦးအားလွှတ်ပြီးအချိန်မီပြုပြင်ကြိုးဆက်ခြင်းကြောင်းခရီးသွားပြည်သူများလျှပ်စစ်မီးဘေးအန္တရာယ်မှကင်းလွှတ်ခဲ့သည်။ တင်ထွန်းအောင် (ထန်းတပင်မြေ)

လက်ရှိဓာတ်အားစနစ်အခြေအနေများအရ Load Shed Planအား အရှေ့ပိုင်း၊ မြောက်ပိုင်း၊ တောင်ပိုင်ခရိုင်များအား မနက် (05:00)နာရီ မှ (09:00)နာရီထိ တကြိမ် မနက် (09:00)နာရီ မှ (13:00) နာရီထိ တကြိမ် နေ့လည် (13:00)နာရီ မှ (17:00) နာရီထိ တကြိမ် ညနေ (17:00)နာရီ မှ (21:00) နာရီထိ တကြိမ် အုပ်စုနှစ်ခုအား တရက်လျှင် (08:00) နာရီကြာအလှည့်ကျ ဓာတ်အားပိတ်ဆောင်ရွက်မည်ဟု သိရပါသည်။ အနောက်ပိုင်းခရိုင်သည် ယခင်ပုံစံအတိုင်း မပြောင်းလဲပဲ ဆက်လက် ဆောင်ရွက်နေမည်ဖြစ်ပါကြောင်း သိရှိရပါသည်။ #YDN