Husan Tangriyev

Жонли эфирда йўқ қилинган сигарет! Айни шу ташаббус миллионлаб обуначиларга эга блогерлар, вайнерлар ва бошқа таниқли шахслар томонидан давом эттирилса, чакки бўлмас эди. Якунига етаётган ҳафтада "Ренессанс" телеканалининг "Ренесанс минбари" ток-шоусида тамаки маҳсулотларининг ноқонуний муомаласига чек қўйиш борасида божхона органлари томонидан амалга оширилаётган чора-тадбирлар ҳақида сўз юритдик. https://www.youtube.com/watch?v=v2DeaMKHKj4

Кун нафаси: Янгиҳаёт туманида тадбиркорлар билан бўлиб ўтган сайёр учрашувда мобил репортаж

Кун нафаси…

Тадбирда таъкидланишича, ҳар бир мамлакатда амалга оширилаётан ислоҳотларнинг асосий мақсади, аҳоли турмуш даражасини оширишга қаратилган бўлиб, бу борада айниқса озиқ-овқат саноатини ривожлантириш муҳим аҳамият касб этади. Шу ўринда, озиқ-овқат маҳсулотлари импорти статистикасига қарасак, ўтган 6 йилда кундалик асосий истеъмол маҳсулотлари, яъни гўшт, картошка, ёғ, гуруч, макарон, шакар ҳамда ун ва буғдой импорти 1,6 баробарга (4,4 млн. тоннага) ошганлигини кўришимиз мумкин. Ушбу маҳсулотлар 2018 йилда 7,5 млн. тонна олиб кирилган бўлса, 2023 йилда 12 млн. тонна импорт қилинган. “Таҳлиллардан кўриниб турибдики, озиқ-овқат соҳасида фаолият олиб бораётган тадбиркорлар билан ҳам яқиндан ишлаб, муаммоларини жойида ҳал этиш, таклифларини амалга оширишда кўмаклашишимиз лозим.” - деди Тошкент шаҳар божхона бошқармаси бошлиғи Т.Саидов.

Муҳокамалар қизғин давом этмоқда.

Сайёр учрашув таасуротлари юзасидан тадбиркорлар интервью беришмоқда.

Тадбир доирасида “ божхона ҳудудида қайта ишлаш” режимининг афзалликлари ҳақида тўхталиб ўтилди.

Тизимнинг тўлиқ ишга туширилиши натижасида истиқболда қўйидаги натижаларга эришилади: Биринчидан, тадбиркорларнинг декларант хизматлари учун 20-25 млрд сўмлик харажатлари тежалади; Иккинчидан, экспорт жараёнлари учун сарфланадиган вақт 5 соатдан 1 соатга ҳамда декларациялар расмийлаштируви 40 дақиқадан 2 дақиқага қисқаради; Учинчидан, экспорт фактининг чегарада қайд этилиши натижасида “Сохта экспорт” операциялари олди олинади; Тўртинчидан, ушбу тизимга экспорт жараёнида бевосита иштирок этувчи давлат идораларининг дастурлари интеграция қилиниб, барча руҳсатномалар онлайн киритилади; Бешинчидан, товарлар амалда божхона чегарасини кесиб ўтганида солиқ ва тегишли идораларга маълумотлар онлайн тақдим этилиши натижасида Қўшилган қиймат солиғини ҳисобга олиш тартиботлари соддалаштирилади. Ушбу тизимнинг амалиётга жорий этилиши нафақат божхона, балки бошқа соҳаларда ҳам яратилаётган қулайликларнинг бош мақсади, тадбиркорлик субъектларининг ортиқча харажатларини қисқартириш ҳисобланади.

Савол-жавоблар қизғин давом этмоқда.

Пойтахт миқёсида божхона тўловларидан давлат бюджетига 11,1 трлн. сўм маблағ ўтказилди. Шунингдек, 6,9 трлн. сўм божхона тўловларидан имтиёзлар қўлланилди. ТИФ иштирокчиларини қўллаб-қувватлаш мақсадида, Тошкент шаҳар божхона бошқармаси томонидан жорий йил бошидан жами 73 нафар тадбиркорга 2,2 трлн. сўмлик божхона тўловларини кечиктириб тўлаш имтиёзи берилди. Бу эса ўз навбатида тадбиркорларнинг бизнесини ривожлантириш ва кенгайтириш учун яхши қулайликлардан биридир.