selo_adm_vervil

Бэс ыйын 10 күнүттэн МАУ "МАРС ВЕРВИЛ" тэрилтэ үлэһиттэрэ (сал. Николаев А. Н.) Үөһээ Бүлүү сэлиэнньэтин кытаанах бүрүөһүннээх суолларыгар разметка ууран (кырааскалаан) саҕалаатылар.

Бүгүн нэһилиэк дьаһалтатын тэрийиитинэн эр дьоннор субуотунньуктара буолан ааста. Сарсыардаттан субуотунньукка Ленина 7 аадырыска кладовка көтүрүүтүгэр Альберт Гаврильев салпйааччылаах Олох дьаһах хаһаайыстыбата ГУП Үөһээ Бүлүүтээҕи филиалын уолланнарын биригээдэтэ биир погрузчик уонна Урал массыына техникалаах таһаарыылаахтык үлэлээтилэр. Эбиэт кэннэ Сахаснефтегазсбыт Үөһээ Бүлүүтээҕи филиалын, Исидор Барахов аатынан орто оскуола, үөрэх управлениятын, улуус дьаһалтатын ЕДДС сулууспатын, П.Н.Тобуруокап аатынан норуот айымньытын киинин, ветеринарнай станция,нэһилиэк дьаһалтатын тэрилтэлэрин бэрэстэбиитэллэрэ кыттыылаах 16 эр бэртэрин биригээдэтэ Ленина 6/1 аадырыска баар кладовканы көтүрүүгэ куйааһы, быылы аахсыбакка күүстээхтик үлэлээтилэр.

Васильева Наталья Матвеевна салайааччылаах бастакы Билиилээх туелбэтин олохтоохторо Н. В. Егоров аатынан( ППМИ программатынан тутуллубут) сквергэ сайын ахсын бэйэлэрин ба5аларынан сибэкки ууннэрэллэр.

Бу куннэргэ Уеьээ Булуу нэьилиэгин дьаьалтатын баьылыгын солбуйааччы Михайлов Егор Владимирович ППМИ программатын чэрчитинэн ГУП ЖКХ Уеьээ Булуутээ5и филиала, ГАУ "Лесресурс", ВВРЭС, тэрилтэлэригэр мунньахтаата. Нэьилиэнньэттэн харчы хомуйуу атырдьах ыйын 1 күнүгэр дылы буолар. Маны сэргэ, харчыны хомуйуу туох да күһэйиитэ суох, баҕа өттүнэн барыахтааҕын санатабыт. Нэһилиэкпит, сэлиэнньэбит тупсан, сайдан иһиитэ биһиги хас биирдиибититтэн тутулуктаах буоларын умнумуоҕуҥ!

Убаастабыллаах нэһилиэкпит олохтооҕо! Эһиги билэргит курдук, кэнники сылларга ППМИ (олохтоох нэһилиэнньэ көҕүлэһинин өйүүр бырагыраама) чэрчитинэн биһиги нэһилиэкпитигэр, хас да сквер тутулунна, ойоҕос уулуссалар өрөмүөннэннилэр, уулуссалар куораттардыы тииптээх саҥа лаампаларынан сырдатыллар буоллулар. Ааспыт сылга биһиги нэһилиэкпит бу куонкуруска кыайыылааҕынан тахсыбытын туһунан саҥа дьыл бырааһынньыгын иннинэ иһитиннэрэн турабыт. Бу бюджеты таһынан кэлэр кырата суох (куонкурус түмүгүнэн кыайбыт нэһилиэккэ 6 мөл. үп көрүллэр) үп нэһилиэнньэ баҕатын учуоттаан барар тутууларга ананан кэлэр. Үп министиэристибэтин балаһыанньатын быһыытынан маныаха, нэһилиэнньэттэн уонна тэрилтэлэртэн кыттыһыы бэрээдэгинэн үп хомуллар, онон сибээстээн, урукку сыллардааҕы курдук, биирдии киһиттэн 500 солк хомуйарга диэн инициативнай комиссия быһаарда. Бу харчыны испииһэгинэн хомуйан баран дьаһалта бухгалтериятыгар Анна Саввична Кузьминаҕа аҕалан туттарыаххытын сөп, ол эбэтэр кини 8-914-105-00-78 моб. бааныгар түһэриэххитин сөп. Ханнык баҕарар түгэнигэр харчы бэриллиитэ анал испииһэккэ киллэриллэр уонна квитанция бэриллэр. Харчы атырдьах ыйын 1 күнүгэр дылы хомуллуохтаах. Маны сэргэ, харчыны хомуйуу туох да күһэйиитэ суох, баҕа өттүнэн барыахтааҕын санатабыт. Нэһилиэкпит, сэлиэнньэбит тупсан, сайдан иһиитэ биһиги хас биирдиибититтэн тутулуктаах буоларын умнумуоҕуҥ! Үөһээ - Бүлүү нэһилиэгин дьаһалтатын баһылыга Максим Филиппович Силигиянов.

Уьуйааннар быыстапкаларыттан тугэннэр