مدرسة المصلحات📚

Гуноҳларни ювувчи айрим осон ибодатлар: 1. Ушбу ҳадиси шариф билан ювинг: "Ер юзида кимда-ким "ла илаҳа иллаллоҳ, валлоҳу акбар, ва ла ҳавла ва ла қуввата илла биллаҳ" дер экан, унинг барча гуноҳларига каффорат бўлиб кетади, гарчи гуноҳлари денгиз кўпигидек кўп бўлса ҳам". 2. Овқатдан сўнг ювинг: "Кимда-ким таом еганидан сўнг "алҳамду лиллаҳиллазий атъамани ҳазат тоъаама ва разақанийҳи мин ғойри ҳавлин минний ва ла қувва" (мендан ҳеч куч-қувват бўлмасдан ушбу таомни менга едириб ризқ бериб қўйган Аллоҳга ҳамд бўлсин) деса, ўтган гуноҳлари кечирилади". 3. Кийим кийиш асносида ювинг: Кимда-ким кийим киятуриб "алҳамду лиллаҳиллазий касааний ҳазас савба ва разақанийҳи мин ғойри ҳавлин минний ва ла қувва" (мендан ҳеч куч-қувват бўлмасдан ушбу кийимни менга кийдириб ризқ бериб қўйган Аллоҳга ҳамд бўлсин) деса, ўтган гуноҳлари кечирилади". 4. Ҳар кунингизда ювинг: "Кимда-ким бир кунда юз бор "субҳаналлоҳи ва биҳамдиҳи" деса, унинг барча гуноҳлари каффорат қилинади, гарчи денгиз кўпигидек кўп бўлса ҳам". 5. Ҳар намоз ортидан ювинг: "Кимда-ким ҳар намоз ортидан 33 марта "субҳаналлоҳ", 33 марта "алҳамдулиллаҳ", 33 марта "аллоҳу акбар" деса, бу 99 та, юзинчисида "ла илаҳа иллаллоҳу ваҳдаҳу ла шарика лаҳ, лаҳул мулку ва лаҳул ҳамду, ва ҳува ала кулли шайъин қодийр" деса, унинг барча гуноҳлари каффорат қилинади, гарчи денгиз кўпигидек кўп бўлса ҳам". Юқорида келган дуоларнинг барчаси саҳиҳ ҳадисларда келган. Бундан ташқари пайғамбар алайҳиссалом бошқа кўпгина дуоларни, гуноҳларни тўкувчи зикрларни ўргатиб кетганлар. Бизга эса фақат бунга ихлос билан амал қилиб, чин қалбдан айтиб юриш қолди. Бир неча лаҳзаларда шунчалик катта савобларга эга бўлишни истамаймизми? Парвардигор барчамизни тилидан Аллоҳ зикри аримайдиган бандаларидан қилсин, амалларимизни ихлос билан суғорсин, риёдан, кибрдан, ҳасаду нифоқдан, бошқа қалб касалликларидан узоқ қилсин, ибодатларни баланд иштиёқ билан адо этадиганлардан қилсин. Омин. Эслатма: Албатта, юқоридаги гаплардан қотиллик, ўғрилик, зинокорлик, судхўрлик, порахўрлик, ғийбат, етим молини ейиш, ёлғон гувоҳлик бериш ва бошқа гуноҳи кабира (катта гуноҳ)лар мустасно. Чунки уларни қилган одам қаттиқ афсус-надомат билан тавба қилиб, қайтиб қилмай кетмас экан, гуноҳкор Аллоҳга ҳавола этилади: хоҳласа кечиб юоради, хоҳласа азоб беради.. https://t.me/MuslihalarMadrasasi

Рамазон хайити бир кун. Қурбонлик хайити эса хайит намози ўқилган кун ва кейинги уч кун нишонланади. У еб, ичиб, шукрона қилинадиган кунлардир. У кунларда рўза тутишлик ҳалол бўлмайди, фақатгина хожилар бундан мустасно. Демак Рамазоннинг хайити Шаввол ойининг биринчи куни, иккинчи кунидан эса Шавволнинг олти кунлик рўзасини тутишлик жоиз бўлади. Хадисда “Кимки Рамазоннинг рўзасига Шавволдан олти кун эргаштирса, унга бир йиллик рўза тутганни ажри берилади”дейилган. Агар Рамазондан қазо рўзаларингиз бўлса, уларни аввал тутинг, агар қазоларингиз кўп бўлиб, Шаввол ойида тугата олмайдиган бўлсангиз, унда олимлар биринчи Шавволни олти кунлигини тутиб олишни жоиз дейишган. Қисқа кунларда катта ибодатларга эришиш фурсати, яна Меҳрибон Зот тарафидан берилди. Рўза тутинг, ифторлик улашинг, саловот ва зикрларни инсонларга ўpгатиб қўйинг. Сизнинг бу дунёда борлигингизни ўзи, атрофга нур таратсин. Яхшилик қолдиринг, яхшиликлар олиб кетинг. Бу дунё сармоя майдони, буни билган  шошади, билмаган эса махрумдир. https://t.me/MuslihalarMadrasasi

💦Тугаяпти рамазон.....фойдаланиб олайлик 📌Жаннат дарвозалари очилган 📌Жаҳаннам дарвозалари ёпилган 📌Катта шайтонлар кишанланган 📌Ҳар бир яхши амалга...нечи баравар ошириб ажрлар бериладиган Муборак ой тугаяпти ⏱Тавба қилиш билан ялиниб дуо қилайлик...қабул қил Роббим деб !!! ⏱Фарз намоз...Нафл намоз...тасбеҳ..зикр...Қуръон тадаббури....тавба истиғфор...муножот..ялиниб ёлвориб дуолар қилиш....анча ошириб бериладиган ажрлар...фойдаланиб олайлик ‼️Аммо фақат рамазонда эмас..жонимиз чиққунча Роббимизгагина ибодат қилишимиз керак!!! ✅ Хижр: 91. Улар Қуръонни бўлакларга ажратиб, тақсимлаган кишилар эди. Уни баъзилари “сеҳр”, баъзилари “фолбинлик” дейишар, баъзилари бундан бошқа гапни айтишар, одамларни ҳидоятдан тўсиш учун уни ўз истак-хоҳишларига мувофиқ буришар эди. 92, 93. Роббингизга қасамки, Биз албатта Қиёмат куни уларни ҳисоб-китоб қиламиз, уйдирма гаплар билан Қуръонни бўлакларга бўлишгани, уни бузиб, нотўғри таъвил қилишгани, шунингдек, бутпарастлик ва бошқа гуноҳу маъсиятларга гирифтор бўлишгани жазосини уларга албатта берамиз. 94. Сиз Аллоҳ буюрган ҳаққа даъват этишни ошкора қилинг ва мушрикларга эътибор берманг! Аллоҳнинг ўзи улар айтаётган гаплардан сизни поклаб қўйгандир. 94. Сиз Аллоҳ буюрган ҳаққа даъват этишни ошкора қилинг ва мушрикларга эътибор берманг! Аллоҳнинг ўзи улар айтаётган гаплардан сизни поклаб қўйгандир. 95. Сизни масхара қилаётган кимсаларга Биз Ўзимиз кифоямиз. 96. Улар Аллоҳга бут-санамларни шерик қилаётган Қурайш пешволари бўлиб, қилмишларининг оқибатини дунёю охиратда аниқ билиб олишади. 97. Эй Пайғамбар, Биз бу мушрикларнинг сиз ҳақингизда ва даъватингиз тўғрисида айтаётган гапларидан юрагингиз сиқилаётганини яхши биламиз. 98. Юрагингиз сиқилган пайтда Роббингиз томон ошиқинг ва Унга шукр қилиб, ҳамду сано билан тасбеҳ айтинг. Аллоҳ учун намоз ўқувчи ва ибодат қилувчилардан бўлинг! Албатта, бошингиздаги ғам-ташвишларга шунинг ўзи кифоя қилади. 99. Токи аниқ нарса – ўлим сизга келгунича Роббингизнинг ибодатида бардавом бўлинг! Пайғамбар соллаллоҳу алайҳи ва саллам Роббиларининг бу амрига бўйсундилар ва то Роббилари томонидан ўлим келгунича Аллоҳнинг ибодатида бардавом бўлдилар.‼️‼️‼️

Хайит байрамини қандай ўтказамиз? https://t.me/+0fJiqrpZkvRhZjIy Hidoyat Sari

Эслатма🔴 Кўпчилик Рамазоннинг сўнгги кунини Арафа куни деб билиб,шу кун билан бир-бирларини табриклашади.Аслида Рамазоннинг охирги куни Арафа куни эмас,балки Қурбон ҳайитидан бир кун олдинги кун Арафа куни ҳисобланади.У кунда Хажга борган мусулмонлар Аср намозида кейин то Шом намози вақти киргунга қадар Арофат тоғида туришиб Аллоҳ таолога тавба-тазарруълар қилиб дуода бўладилар. Хажга боролмаган кишилар эса, ўз уйларида Аллоҳга дуо-илтижода бўладилар. ❗ Урфимизда тарқалганидек одамлар бир-бирларига ош улашиб шундай ғанимат вақтларни зое қилиб юборишади.Бу эса ҳақиқий махрумликдир. Рамазоннинг сўннги куни Арафа куни бўлмасада, рўзадорнинг ифтор вақтидаги дуолари мустажоб бўлади.Бундай фурсатни қўлдан бой бериб қўймайлик азизларим! https://t.me/MuslihalarMadrasasi

Qadr kechasi Bugun 28 Ramazondan 29 ga (yakshanbadan dushanbaga) o‘tar kechasi Qadr kechasi bo‘lishi mumkin bo'lgan ushbu yilgi eng oxirgi kechadir. Rosululloh sollallohu alayhi va sallam: "Laylatul Qodrni Ramazonning oxirgi o‘n kunidagi toq kechalardan qidiringlar", deb aytganlar (Imom Buxoriy va Muslim rivoyati). Bu kechani uxlamasdan ibodatlar: tahajjud, Qur’on o‘qishlik, duo va zikrlar bilan o‘tkazishlik sunnat. Ahli ayolingizni ham uxlashga qo‘ymang! Oisha onamiz Rosululloh sollallohu alayhi va sallam Ramazonning oxirgi o‘n kunida kechalari oilalarini uyg‘otib, ibodat qilishga buyurishlarini aytadilar. (Imom Muslim rivoyati) Oisha onamizga Rosululloh agar Qadr kechasini topsalar: اللهم انك عفو تحب العفو فاعف عني Allohumma innaka ’afuvvun tuhibbul ’afva fa’fu ’anniy "Allohim, Sen kechirguchi Zotsan, kechirishni yaxshi ko‘rasan. Meni kechirgin!", deb duo qilishni o‘rgatganlar (Imom Termiziy va Nasoiy rivoyati, sanadi hasan). Gʻanimat biling! "Qadr" kechasida daqiqa qadri Hozirda o‘rtacha bir kecha 9-10 soat davom etadi. Alloh ta’olo Qadr kechasini (24 soatni emas, bir kechani) ming oydan yaxshi degan.  Agar hisoblab chiqilsa, USHBU MUBORAK KECHANING: BIR SOATI 3750 kundan (ya’ni 10 yildan) BIR DAQIQASI 1500 soatdan (ya’ni 60 kundan) AFZAL BO‘LIB CHIQADI. Alloh ta’olo Duxon surasida: إِنَّا أَنزَلْنَاهُ فِي لَيْلَةٍ مُّبَارَكَةٍ "Albatta, Biz uni (Qur’onni) muborak kechada tushirdik", deb aytadi. Uning muborakligi Qur’on bilan bog‘lanmoqda. Bu kecha Qur’on kechasi. Bir daqiqa tilovat qilsangiz, 60 kun tilovat qilganning va undan ham ko‘proqning savobini olasiz.  Ibn Umar roziyallohu anhumadan qilingan rivoyatda Rosululloh sollallohu alayhi va sallam aytadilar: يُقَالُ - يَعْنِي لِصَاحِبِ الْقُرْآنِ -: اقْرَأْ وَارْتَقِ وَرَتِّلْ كَمَا كُنْتَ تُرَتِّلُ فِي الدُّنْيَا ، فَإِنَّ مَنْزِلَتَكَ عِنْدَ آخِرِ آيَةٍ تَقْرَأُ بِهَا Qur’on sohibiga (oxiratda): "O‘qi, ko‘taril va tilovat qilaver. Albatta, sening joying eng oxirgi tilovat qilgan oyating o‘rnida bo‘ladi", deyiladi. Imom Termiziy va Abu Dovud rivoyati. Imom Termiziy hasan  degan. SHART: Ushbu hadisdagi bunday savobga yetishish uchun - Qur’on ma’nosini bilgan odam tadabbur bilan o‘qishligi va unga amal qilaman deb niyat qilishligi; - ma’nosini hali bilmaganlar esa o‘rganib, albatta, amal qilaman deb qasd qilishlari SHART.  Tunggi namozlarda ham yodlagan eng uzun suralaringizni o‘qishga harakat qiling! Kichik suralarni ketma-ket, orada "Bismillahir Rohmanir Rohiym" bilan bir rak’atda zam suralar qilsa bo‘ladi, joiz. Dalil: Imom Buxoriy va Muslimda kelgan zam suralarining oxirida Ixlos surasini o‘qiydigan sahobaning hadisi. Bu kechada biror daqiqani zoye qilmang! Shu daqiqa sizni ikki oylik tinimsiz tilovat darajalariga ko‘tarishi mumkin. Buning qadrini kuchli iymon va ixlos sohiblari biladi! Bu daqiqaning qadrini qabrda yotganlar biladi! Yana qaytaramiz, bugungi kecha Laylatul Qadr bo‘lishi ehtimoli katta bo‘lgan kechalardan hisoblanadi! https://t.me/MuslihalarMadrasasi

"Қадр кечаси аломатлари" Лайлатул-қадрнинг бир қанча аломатлари бор : 1- Унинг туни мутадил бўлиши, ҳаво қаттиқ иссиқ ҳам совуқ ҳам бўлмаслиги 2- У кечада қаттиқ шамоллар тиниб қолиши; 3- Ёмғир ёғиши 4- У кечада осмон нурли бўлиши 5- Унинг тонгида қуёш шуъласиз чиқиши.. 📌Аммо.. Бу аломатлар табиий ва сунъий омиллар сабаб, баъзан йил бўйи кўриниши, баъзан йил бўйи ҳеч бири кўринмаслиги ҳам мумкин.. Баъзи минтақаларда йил бўйи ҳаво мутадил, баъзи минтақаларда йил бўйи иссиқ ёки совуқлик ҳукмрон.. Баъзи минтақаларда йил бўйи майин сакинатли шабада эсиб туради.. Баъзи минтақаларда йил бўйи ёмғир ёғади.. Баъзи минтақаларда сунъий ёритгичлар сабаб осмон йил бўйи ёруғ бўлади.. Баъзи минтақаларда йил бўйи қуёш шуъласиз чиқади. Фақат одамлар йил бўйи табиатни кузатмай рамазон охирида осмонни кузатиб ҳамма ўзича лайлатул-қадрни топдим деб ўйлайди.. "Ҳамма жамоат ўзида бўлгани билан ҳурсанд " (Мўминун. 53) Дарс : 1-Сен у кечада ҳавонинг мутадиллигига эмас, Қуръон билан қалбинг мутадил бўлганига қара.. 2-Сен у кечада шамоллар тиниб қолишига эмас, ҳирсларинг тиниб қолишига қара.. 3-Сен у кечада осмондан қанча ёмғир томчилашига эмас , кўзингдан қанча ёш томчилашига қара.. 4-Сен у кечада осмон нурли бўлишига эмас, қалбинг иймон билан нурафшон бўлишига қара.. 5-Сен у кечада қуёш шуъласиз чиқишига эмас, кўнглингда бировга ғашликсиз тонг оттиришингга қара.. https://t.me/MuslihalarMadrasasi

РЎЗАДОРИМГА. Бугун сизни бир бор йўқлаб қўяй дедим. Соғлигингиз, ишларингиз. билай дедим. Она бўлиб, опа бўлиб, сингил бўлиб. Рўзадорим, аҳволингиз сўрай дедим. Раҳмат, мағфират ойи моҳи Рамазон. Дўзахдан паноҳ ойи моҳи Рамазон. Ўн икки ой Султони, шоҳи Рамазон. Рўзадорим, аҳволингиз сўрай дедим. Рўзғорингиз бутми, йўқми каму кўсти? Ризқингизни сўраб дуо қилай дўстим. Танингиз соғ, ишларингиз ҳам дурустми? Рўзадорим, аҳволингиз сўрай дедим. "Чарчоқ йўқми?"- бермайман бундайин савол. Рўза чарчаш эмас, балки танга мадор. Йиғаяпсиз охиратга заҳиралар. Рўзадорим, аҳволингиз сўрай дедим. Барака ёғилиб турган саҳарликда. Фаришталар меҳмон бўлган ифторликда. Қадр кечаси яширинган ўн кунликда. Рўзадорим, аҳволингиз сўрай дедим. Уйқудан воз кечиб тунлар ибодатда. Кундузлари қўлда Қуръон, тиловатда. Бунга албат мукофот бор қиёматда. Рўзадорим, аҳволингиз сўрай дедим. Биров билиб, биров билмас эҳсон қилиб. Бу ойга зеб бермоқдасиз закот бериб. Етим, бемор, ночорлардан хабар олиб. Рўзадорим, аҳволингиз сўрай дедим. Йўқдир ғийбат, уят сўзлар, сўкиш, қарғиш Йўқдир дилозорлик, жанжал, гуноҳ, уруш. Нафсларни ислоҳ қилиб, қўймасдан бўш. Рўзадорим, аҳволингиз сўрай дедим. Рўзғорларни бутлаб қўйган ўғилларим. Хизмат қилган қиз, келинлар- ойдинларим. Ажру савоб олаётган азизларим. Рўзадорим, аҳволингиз сўрай дедим. Бу ой кўплаб дуо қилинг, Унга етар. Фаришталар дуоларни дарҳол элтар. Инша Аллоҳ. Сизни бешак Райён кутар. Рўзадорим, аҳволингиз сўрай дедим. Мастурахон дуо қилар, сиз Амийн денг. Келаси йил Маккада ифторлик қилинг. Масжид ул Ҳарамда дуоларни ўқиб. Байтуллоҳга қараб Зам зам сувин ичинг. Рўзадорим, аҳволингиз сўрай дедим. Она бўлиб, опа бўлиб, сингил бўлиб. Рўзадорим, сиздан хабар олай дедим. https://t.me/MuslihalarMadrasasi