𝐀𝐛𝐮 𝐒𝐮𝐟𝐲𝐚𝐧~𝐂𝐡𝐚𝐧𝐧𝐞𝐥

رفقاً بالقوارير! «ለተሰባሪዎች እዙኑላችሁ -» ~ረሱላችን ﷺ ናቸው ይህን የሚሉን።አደራ ይሰበራሉ፣ከተሰበሩ ይጎዳሉ፣ ከተጎዱ መድረሻ ያጣሉ፡፡―ስለ ሴቶች ነው እያወራን ያለነው!― •አንጠልጥላችሁ አትተውዋቸው፣ ወይ ፍቷቸው ወይ አግቧቸው፣ ወይ ያዟቸው ወይ ልቀቋቸው፣ጠብቂኝ ብላችሁ አትክዷቸው፣ ቃል ገብታችሁ አትሽሿቸው፣ በልባችሁ የሌለን አትንገሯቸው፣ በምላሳችሁ አታታሏቸው፣ ቆይ እያላችሁ አትጫወቱባቸው፣ማፈላለጊያ አታድርጓቸው።ዉበታቸዉን አርግፋችሁ፣ ወጣትነታቸዉን አክስማችሁ፣ዕድሜያቸዉዉን ጨርሣችሁ፣ ገንዘባቸዉን በልታችሁ፣እንደዋዛ አትጣሏቸው። • ይሰበራሉ ተጠንቀቁ - «ጋብቻ ኢማን ይሞላል» ማለት ሁለት ሲያገቡ ኢማን ይጨምራል፣ አራት ቢያደርጉ ሞልቶ ይፈሳል ማለት አይደለም፡፡  እናም  ኑሯችሁ፣ አስተሳሰባችሁ፣ ዕውቀታችሁ፣ግንዛቤያችሁ፣ አላህን ፈሪነታችሁ፣ ንቃታችሁ…ሳይጨምር አትጨምሩ፡፡ አንድ ሚስት እንኳ በአግባቡ ማስተዳደር ያቃተው ሰነፍ ወጣት ስለ ሁለተኛ ማውራቱ ከጤና አይመስለኝም። እንዳው አሻፈረኝ ብላችሁ ከጨመራችሁ፤ አንዷን ከተማ አንዷን ገጠር፤ አንዷን ክፍለ ሀገር አንዷን ሸገር፤ አንዷን ለሆድ አንዷን ለፍቅር፤ አንዷን ለሥራ አንዷን ለመንገድ … አታድርጉ፡፡ ይሰበራሉና አታዳሉ፣ ማዳላት የቂያማ ቀን ቅጣቱ ከባድ እንደሆነ አስተውሉ፡፡ • ምርጥ ነን ካላችሁ ለሚስታችሁ ምርጥ ሁኑ፣ ጎበዝ  ነን ካላችሁ ወንድ ሁኑ፣ ነቢያችሁን ተከተሉ፣ ቤታችሁን በአግባቡ ያዙ፣ በሥራም በሀሳብም አግዙ፣ አጋራችሁን ተንከባከቡ፣ቁጣችሁን ተቆጣጠሩ፣ በሴቶች ጉዳይ አላህን ፍሩ፣ይሰበራሉ ጠንቀቅ፣ ከእጅ ያመልጣሉ ጠበቅ፣ አትጫኗቸው ቀስ ቀስ፣ አትሻክሩ አትጨክኑ ለስለስ፣… ሪፍቀን ቢልቀዋሪር! =t.me/AbuSufiyan_Albenan

አልሀምዱሊላህ ተፈተዋል በትላንትናው እለት ሜክሲኮ አከባቢ ላይ ዳዕዋ በሚያደርጉበት ጊዜ የታሰሩ የነበሩ ወንድሞቻችን አሁን ተፈተዋል። በዱዐችሁ ከጓናቸው የነበራችሁ ወንድም እና እህቶቻችን ጀዛኩሙላሁ ኸይራ። ነገር ግን ይህ ጉዳይ ወጥ መፍትሄ ልናበጅለት የሚገባ ነገር መሆኑን መዘንጋት የለብንም!!

ታስረዋል ድምፅ እንሁናቸው። ከላይ በምስሉ ላይ የምትመለከቷቸው ጀግኖቻችን ትላንትና አዲስ አበባ ቄራ አካባቢ ሰላማዊ ደዕዋ በሚያደርጉበት አጋጣሚ በድንገት በፖሊስ ታፍነው ተወስደዋል። በየ ቦታው ጉረሮ እያነቁ የጆሯችን ታንቡር እስኪቀደድ ለብሽሽቅ በሚመስል መልኩ በየ አስር ሜትር ርቀት ላይ የሚጨፍሩብን ጴንጤወች አንድም ቀን ሀይ ተብለው አያውቁም #ጀግኖቻችንን ግን በብርሀን ቅፅበት ያለ ምንም ወንጀል የሀገሪቱን ህግ የነፃነት መብት በሚጋፋና #ለእስልምና_ያላቸውን_ጥላትነት ለማሳየት በሚመስል መልኩ በማናለብኝነት አስረዋቸዋል። እነዚህን ጀግኖቻችንን ያለ ምንም ቅድመ ሁኔታ በአስቸኳይ እንድፈቱልን እንጠይቃለን። ለምንድነው ሁሉም ሙስሊሞችን ሲያይ አይኑ እሚቀላው እንዴ!? ስንት ጋጠ ወጦች የሌሎችን ክብር የሚዳፈሩ ስርዓት አልበኝነት ያደነዘዛቸው ከፖለቲከኛ በላይ ውሸታምና አጭበርባሪ የሆኑት ፓስተር ነን ባይ ደናቁርቶች በሚበጠረቁባት#ኢትዮጲያ እንደት ሰላማዊ ሙስሊም ለምን አየንህ ተብሎ ይታሰራል!? ሀገሪቱ ዛሬም ለአንድ እምነት ከማጋደል አልተቆጠበችም ማለት ነው!? ዛሬም ዘመናዊ አንባ-ገነንነትን የመረጡ መንጋወች አሉ ማለት ነው!? የዚህ አይነት ርካሽ ተግባር የሚፈፅሙና የሰውን ክብር ብሎም በኢስላምን ጥላቻ የታነፁ መሀይማኖችን እየፈተሸ እርማት ሊሰጥ ይገባል። ይህ የዋህ ህዝብ ነው ሁሉን ችሎ ይህች ሀገር እንድትቀጥል የመጨነሻው ተስፋ እና ተስፋችሁን ባታጨልሙት እመክራለሁ። እንዴ ለምን እነዚያ አጭበርባሪ በየጎዳናው የሚጮሁት አልታዩም!? እስር ቤቱ የሙስሊም ዳዒወችን ብቻ ነው የሚቀበለው!? ለሙስሊሞች ብቻ ነው የናንተ ስልጣን የሚያገለግለው!? ጀግኖቻችንን በአስቸኳይ ፍቱልን!? ሁላችንም ሸር በማድረግ መረጃውን እናሰራጭ ኑረዲን አል አረብ http://t.me/nuredinal_arebi

~በሪያዱ ሷሊሒን ኪታብ በተውባ ምእራፍ ሥር የቀረበውን ረጅሙን የከዕብ ኢብኑ ማሊክ ታሪክ ብዙዎቻችን እናስታውሣለን ብዬ አስባለሁ፡፡ ከዕባ ኢብኑ ማሊክ ነቢዩ (ሰለሏሁ ዓለይሂ ወሰለም) እና ሰሐቦች ለዘመቻ ወደ ተቡክ ለመሄድ ሲንቀሣቀሱ ልቡ ከነርሱ ጋር ቢሆንም እግሩ ተጎተተበትና ዛሬ ነገ እሄዳለሁ እያለ ሲዘናጋና ችላ ሲል የዘመቻው ተሣታፊዎች ርቀውት ሄዱ፡፡ ኋላ ላይ ግን በመዘግየቱና በመቅረቱ ምክኒያት ውስጡ በፀፀትና በቁጭት መቃጠሉ አልቀረም፡፡―ሙሉውን ክስተት በድምፁ ላይ ስሙ!― =t.me/AbuSufiyan_Albenan

~አንዳንዴ… የሆኑ ሰዎች ካንተ የሚፈልጉት ነገር ሲኖር ይጠጉሀል። ካገኙ በኋላ ቀስ ብለው እየተንሸራተቱ ከናካቴው ይተውሀል። በቃ ምርር ብሎህ «ሰው በቃኝ!» ብለህ እራስህን ለማስታመም ስትሞክር ደግሞ የሆኑ የሚገርሙ ሰዎች ወደ ሕይወትህ ይገባሉ። ይወዱሀል፣ ይናፍቁሀል፣ ያስቡልሀል። አንተ ግን ለነዚህ ሰዎች የሚገባቸውን ፍቅርና ክብር መስጠት ይከብድሀል። ተጠቅመው የጣሉህ ሰዎች እየታወሱህ ትፈራለህ። ፍቅር የሚሰጡህ ሲመጡ የራሳችሁ ጉዳይ የሚል አቀባበል ታሳያቸዋለህ፣ አብዝተው አይዞህ እያሉ ሲንከባከቡህ ምን ፈልገው ነው ብለህ ትጠራጠራለህ። ብቻ ምንም ነገራቸው አይዋጥልህም። አንዳንዴ…ለማይገባቸው ሰዎች ያለህን ሁሉ ትሰጣቸውና ለሚገባቸው ሰዎች የተሳሳተ አመለካከት ብቻ ይቀርሀል። አንዳንዴ… በትክክል ላንተ የሚጨነቁና የሚያስቡ ሰዎች ላይ ያኔ ባንተ ላይ ያሻቸውን የሰሩ ሰዎች ትሆናለህ። ደግሞ ያማል! እምነት እና ፍቅር የንግድ ፍቃድ አይደለም በቀላሉ አይታደስም።እክል የገጠመው ፍቅር እና እምነት በጊዜ ውስጥ ነው የሚታደሰው። ምክንያቱም ቁስልህ መድረቅ ያስፈልገዋልና። አንዳንዴ… አወ አንዳንዴ… =t.me/AbuSufiyan_Albenan

~ጁሙዓ ሲነሳ ሱረቱል ከህፍ ይነሳል ይህን ምዕራፍ ማንበብ ይወደዳል በውስጡ ስለ ጠንካራ አማኝ ወጣቶች ተወስቷል ፅናታቸውና አላህ ያደረገላቸው ጥበቃ ተነግሯል የሙሳና የኸደርን ጨምሮ  በነዙልቀርነይን ቂሷም ይደመማሉ። • ሐሰን አል-በስሪ እንዲህ ይላሉ፦ሙሳ ሦስት ጊዜ የኸደርን ትዕዛዝ ጣሱና በኸደር በቃ እንለያይ ተባሉ እኛስ በቀን ስንቴ የአላህን ትዕዛዝ እየጣስን ነው? በል ተለያይተናል ጥፋ ከዚህ ይለናል ብለን ለምን አልፈራንም!? ቀኑ ጁሙዓ ነው፤ወሩ ሙሐረም ነው። ዚክርና ሶለዋት አብዙ ገላችሁን ታጠቡ ፏ በሉ በጊዜ ወደ መስጊድ ለመሄድ ሞክሩ። =t.me/AbuSufiyan_Albenan

~አደብ ያላቸው ለሙስሊሙ ኡማ ጉዳትና ጥቅም አስልተው ዝም ያሉ ጊዜ፤ አደብ የሌላቸው ደግሞ እኛ ነን ዝም ያሰኘናቸው ለማለት ተሽቀዳደሙ። =t.me/AbuSufiyan_Albenan