غَيّثْ-بَيّتٌ مُسلم🥀♥️

هدايات غائبة في فقه الزواج ================= أعرني انتباهك واقرأ قراءة متأنية، فهذه خلاصة لن يخبرك بها "مستشارو العلاقات" ولا "الأخصائيون الاجتماعيون" بل ربما بعكسها: * مقاصد الزواج تتنوع وليست محصورة في الصورة الرومانسية المثالية. وكثرة الدندنة على المثاليات والتنديد بما سواها ضلال وفساد. فالناس تتزوج لأجل الكفالة، وللأنس، وللتعفف، وللسياسة، وللولد، ولغير ذلك، وكلها أغراض ومقاصد صحيحة لا ملامة على من قصد شيئاً منها دون الآخر ما لم يخالف شرعاً أو يدلس أو يضيع حقاً، بل هو محمود من أكثر من وجه طالما أنه أصاب مقصداً صحيحاً على وجه صحيح * الغنم بالغرم قاعدة مطردة شرعاً وكوناً في جميع الأبواب تقريباً وهي من مصادق معنى العدل الذي قامت عليه السماوات والأرض، وتظهر بجلاء في باب النكاح. فمن أراد شيئاً من مغانم النكاح فليعلم أنه ملزم بما يلزمه من مغرم. وكل دعوى تناقض هذا فهي إخلال بقانون الكون وحَيْدة عن مقصود الشرع لن تؤول إلى خير أبداً. فمن أرادت النفقة فيلزمها الطاعة، ومن أراد العفة والأنس فيلزمه صيانة زوجه والإنفاق عليها * الكدر جزء من ماهية الحياة الدنيا. قال تعالى بعد قَسم طويل، وهو الغني عن القَسم: "لقد خلقنا الإنسان في كبد"، أي في عناء ومشقة. وقد جعل الله الدنيا سجن المؤمن وجنة الكافر، فغايتك فيها: رفع (شيء) من الكدر عن نفسك، والصبر على ما سوى ذلك، وإلا فلن يرتفع الكدر عنك قط. وأشد ما يظهر هذا في الزواج، فإن فيه الخير والحلو، وفيه الكدر والأذى، ولا شيء من هذا يناقض سلامته ولا صلاحيته للدوام. فإن الرجل قد يظلم المرأة شيئاً ما، ويعوضها بغيره، والمرأة قد تخل بحق زوجها شيئاً ما، وتعوضه بغيره. فما دام الأمر محتملاً منهما وبقي الاجتماع على أصل المودة ومصالح الدنيا والدين فالزواج في دائرة الطبيعي. أما دعاوي (العلاقات المسمومة) و(محاربة النرجسية) و(اعتزل جميع ما يؤذيك) فما خرجت إلا من مريضات لا خلاق لهن، فنشرت أمراضهن بين النساء، فأفسدت النفوس والمجتمعات والأديان والله المستعان! * ما يزال الزوجان بخير ما حفظا حدود الله، فإن فعلا فإما إمساك بمعروف، وإما تسريح بإحسان، فإن يتفرقا يغنِ الله كلاً من سعته * الأصل في ما يقع بين الزوجين أن يسعيا في حله معاً، فإن عجزا فشيخ يفتيهما في أمر دينهما، وحكم من أهله وحكم من أهلها من العقلاء الأتقياء يحكمان بينهما وفقاً لحدود الله، فإن انقطع السبيل فقاضٍ شرعي يحكم فيهما بكتاب الله وسنة نبيه ﷺ فصلاً في الحقوق وإلزاماً بالحدود * حفظ الله حقوق الناس كافة، ذكرهم وأنثاهم، كبيرهم وصغيرهم، بل مؤمنهم وكافرهم. تلك الحقوق التي قضاها الله تعالى كيفما شاء، ولم يساو بين الناس فيها. ولا علينا بمن يفرضون لأنفسهم حقوقاً لم يفرضها الله لهم فدونهم بحار سبعة فليشربوا من أملحها حتى التضلع * طاعة الزوج ليست فضلاً من الزوجة بل هي ما تستحق به كل حق كفلها إياه عقد النكاح. وبنشوزها عن طاعته تسقط حقوقها حتى الإطعام. وأغلظ حقوق الزوج صيانة في الشريعة والتي رتب على الإخلال بها الإثم العظيم بل اللعن، والعقوبة الغليظة في الدنيا: حق الوطء. ومن فقه المرء تأمل مقادير العقوبات ليعلم مقادير الأحكام عند من شرعها * الأصل في النكاح المكارمة، فيتبادل الزوجان إكرام بعضهما البعض، ولكن هذا لا يلغي المطالبة بالحقوق وإنما يحفظه لموضع الحاجة فقط دون غيره. فبين طرف يهدر الحقوق ويبني تصوراته على أحلام وردية، وطرف يقف بدفاتر المحاسبة وقوانين المعاملة؛ تفشو الأمراض وتفسد الحياة * الأصل في المستشار: أن يكون رجلاً لا امرأة، إلا أن يُعلم من امرأة الحكمة والخبرة وسلامة النفس، فحينئذ أنعم بها. وأكثر النساء يفقهن هذا ويطلبن مشورة الرجل وهذا حسن ما استشرن من يتقي الله والتزمن الآداب الواجبة وصُنَّ أنفسهن عن الضباع * النكاح ليس قضية اجتماعية ولا نفسية في المقام الأول، بل شريعة أنزل الله لها أحكاماً كثيرة، وسن لها سنناً وآداباً. فلا يجوز استشارة من لا دراية له بالشريعة في شأنه. فإن كثيراً من "المستشارين" يخالفون مقصود الشرع بنصائحهم إهمالاً أو جهلاً أو عمداً. ولا يغرنك في هذا الشأن نقاب ولا حجاب ولا تكني (بأم فلانة)، فليس شيء من هذا شهادة فقه * واجب على المتصدرين والمتصدرات لمساعدة البيوت والسعي في إصلاحها: ١- تعلم الشريعة والسنة (وهذا فرض وليس نفلاً) ٢- تزكية أنفسهم وتطهيرها من آفاتها ٣- استسقاء الحكمة ممن عرف بها ٤- تأخير الاستفادة من ذوي الألقاب والشهادات الأجنبية، فالأغلب أنها قليلة النفع أو حتى كثيرة الضرر، اللهم إلا من كان ذا مكنة ودربة وتمييز للغث من السمين، وإلا فسيسقي الناس السم يحسبه عسلاً فيه شفاء للناس يتبع إن شاء الله والله المستعان انشر رجاءً لتصحيح المفاهيم #إصلاح_المفاهيم_مصطفى_محسن

طبع المرأة البحث عن الأمان .. - م / أيمن عبد الرحيم

المرأة التي تدلل زوجها تتفوق في النهاية على أصناف كثيرة من النساء يتمتعن بمزايا أخرى واضحة ومهمة، وهذه المرأة التي تدلل زوجها يتمتع زوجها بروح في جو البيت لا يعرفها أساسًا غيره من الرجال، ولا يتخيلونها، وتكون الأسرة هي البقعة التي يشعر فيها بقيمته وكرامته حتى لو كانت الأمور تسير على غير هذا النحو في أي مكان آخر. تدلل زوجها لا أقصد بها أن تطعمه في فمه، أو تسميه اسمًا من أسماء التدليل، أو تزرر له أزرار قميصه، بل الأمر أهم من هذه التفاصيل الودودة، تدلل زوجها أي تعامله معاملة حسنة فيها نوع من السخاء، وتحب مراضاته، وتعبر عن مكانته الأولى عندها، وتفرح منه بأي لمسة جميلة، وتشجعه على أي تقدم ولو كان خطوة، وتحب أن تبشره بكل خير، وتحب أن تنقل له الأخبار السيئة بطريقة تخفف من انزعاجه، وتميل لأن تصدقه فيما يعد بأن ينفذه في المستقبل. وفي الجملة -وإن لم تفهم بعض النساء ماذا أعني- فإن الأمر يتعلق بشعور بالمكانة الخاصة، كتلك المشاعر التي تشعر بها المرأة تجاه الابن الأكبر، والعين المليئة بالحب اللا محدود، كتلك النظرة تجاه الابن الأكبر. التدليل هنا هو الأسلوب الذي ينتج عنه أن يشعر الطرف الآخر، سواء كان الزوج، او الابن الأكبر، بأن مكانته مستقرة، وأن له أن يطمئن للأبد من ناحية الشعور تجاهه، وأنه لا شيء جميل منه سينسى الطرف الآخر التعبير عن الإعجاب به. #خير_متاع_الدنيا - محمود توفيق

#في_فقه_العلاقات أكبر خطأ يرتكبه الأزواج حين تتصاعد المشكلة هو محاولة الحل الفوري أو الاقتراب. وهذا معنى حرفي لصب الزيت على النار، فالقرب وطلب الحل الفوري (ضاغط) على الطرفين. لهذا كانت النصيحة النبوية مباشرة في حالة الغضب: أن يسكت المرء، وفي حديث آخر إذا كان واقفاً بأن يجلس.... هذه النصيحة النبوية ترياق لقتل الغضب، وأعلى منها منع النفس عن الغضب من الأساس حيث قال عليه الصلاة والسلام: لا تغضب ولك الجنة. - عمار سليمان

ينفتحُ قلب المرأة على مصراعيه أمام رجُلٍ يلتقطُ مِن بين حديثها الطويل شيئًا صغيرًا عابرًا، ذَكرَته -هِي- مرةً دُون اهتمام، و يصنعُ لها منه لحظةً خاصَّة جدًا.

إن أعظمَ ما يُمكن أن تقدّمه لأحدهم هو أن تطفئ في صدره نيرانُ الخوف المُتّقدة وتحلّ مكانها نسائمُ الأمن والأُنس ((:

"أدخل ابني مدرسة عربي ولا لغات؟" السؤال الذي غابت إجابته كثيرًا.. والحقيقة إن تعليم الرياضيات والعلوم المنطقية عموما (وهي العلوم اللي بتحتاج الطفل يفكر فيها جوه عقله "inner voice" مهم إن تكون منظومة تعليمها بنفس لغة تفكير الطفل فميقعدش كل مسأله وكل موضوع جديد يمارس "عمليات الترجمة بين اللغة ال بيتعلم بيها، واللغة ال بيفكر بيها" يعني ايه؟ العلوم المنطقية دي اسمها علوم العمليات العقلية العليا، ولما بتم باللغة الأصلية لغة تفكير الطفل واللغة ال بيحلم بيها وبتكلم بينه وبين نفسه بيها، بيكون مستواه الأكاديمي فيها سريع ومتطور اكتر من الاشخاص ال بتتعلمها بلغة تانية مش لغتهم الأصلية كذلك أغلب دول العالم المتقدم مفيش حاجة اسمها نعلم العلوم المنطقية بلغة مختلفة عن اللغة الأم في المرحلة الاساسية، بل بتدرس باللغة الأم عادي.. وبالنسبة للسؤال ال هيجي على بالك حالا: "كده ابني هيبقى ضعيف في الإنجليزي؟ هل لما يكبر ويجي يتعلم المواد دي بالإنجليزية، هيبقى ضعيف فيها غير ال اتعلمها من الصغر بالانجليزية؟" العكس هو الصحيح.. اللغة التانية ولتكن الانجليزية، الطفل بيتعلمها كمادة منفصلة وتعليم منضبط ومتطور عبر متحدث لبق يتحدثها كأنها لغته الأم، ويتقنها الطفل إتقانا بدرجة كاملة عبر التعليم بالغمر، يعني بيقعدله وقت لا يقل عن ساعة كل كام يوم يتكلم الانجليزية بشكل كامل في كل مهامه ويومه وحياته، دروس وروتين واكل وشرب وكل حاجة.. بيتكلم اللغة الثانية كانها لغة أصيلة عنده بكده بنكسب فائدتين: 1. فهم الطفل للغات المنطقية "الرياضيات - الفيزياء - الكيمياء - الفلسفة - المنطق - الإحصاء" بيكون بلغته الأم مما يحقق له تطورا وإتقانًا. 2. يتعلم الطفل اللغة الثانية ويتقنها كأهلها. وهنا بيبقا الانتقال بالمواد الدراسية المنطقية دي في المستقبل من (لغة يفهمها) إلى (لغة يتقنها كأهلها)، سهلا لا يكبده أي عناء او مشقة بالعكس بيكون فاهم العلوم كويس وبيقدر يتقنها باللغة التانية ال هو متقنها أصلا! وده أفضل من المدارس اللغات في الصغر لذا دي إجابة السؤال "المدرسة العربي أفضل" لانها تقدم العلوم المنطقية باللغة الأم.. وهذا هو الصواب وللأسف تكاد تختفي المدارس العربية ذات المستوى الرفيع بسبب تهافت الآباء على مدارس اللغات ظنًا أن ذلك أفضل لأطفالهم وهو أمر مُحزن للغتنا العربية ولمجتمعنا العربي بالتوفيق والحُب لجيل المستقبل <3

١٤- علميه الصبر على أخلاق الناس و ان الرجل القوي بيبقى حليم مش العكس و طبقي ده معاه ف مواقف كتير طول ما انتو ماشيين ف الشارع زي ببساطة لو لاقيتي واحد بيشتم وهو سايق قوليله هو دلوقتي ضِعف دي مش قوة ! ١٥- عليمه ان الراجل كريم و ان البخل مش من صفات الرجال و ده عن طريق تخصيص مصروف و لو بسيط له و يجيب لصحابه و حبايبه حاجه حلوة كل أسبوع معاه و يوزع بنفسه ١٦- علميه ان الجور و الظلم مش من أخلاق الرجال و ده عن طريق انه ميظلمش اخواته ولا يعتدي عليهم لكن .. له حق القصاص عادي ! و تعلميه حدود القصاص و كيفية تطبيقه بشكل عادل و متجرد. ١٧- كلميه عن مشاعره و خوفه و مناطق ضعفه و قوليله ان الرجالة بتخاف عادي و بتحب و بتعيط و كل حاجه و الصلابة الزائفة مرهقة جدا و انه كل ما كان حقيقي كل ما كان صلب فعلا ١٨- قوليله انك فخورة بيه طول الوقت و انه اكتر واحد عاجبك رجولته و سط الرجالة كلهم ١٩- فهميه ان الأمانة و الصدق من أخلاق الرجال و ان الراجل كلمته سيف ميكدبش ولا يراوغ أبدا ولو هيلقى حتفه فيها فهميه ان المراوغة من الدناءة بمكان و انك لو حقيقي و صادق مش مضطر خالص تلف و تدور علميه ان المجالس امانات و ان اللي سمع ف مجلس مينقلوش لحد تاني حتى من غير ما حد يأمنه و عمليه ان الكلمة اللي بتطلع من بؤه وعد حتى لو خسر قدام ده أمور مادية عشان يتعلم قيمة الكلام ٢٠- فهميه مكانة الكبير و رحمة اللي اصغر و أضعف منه استعن بالله يا بنات و ادعوا كتير اوي و انت بتربي اجعلي نيتك خالصة انك ربنا امتحنك بالاستخلاف على اولاد و ينبغي عليك تربيتهم على مراد الله لا لنفسك خدي نية إصلاح المجتمع و تقديم نموذج جيد يصلح من بعدك .

لو عندك صبي و عايزه تربيه انه يطلع راجل ذو مروءة و أدب و ديانه و شهامة و أصالة دي شوية حاجات يمكن تساعدك و طبعا البوست مفتوح للزيادة اي حد عنده اقتراح يقوله ١- يقوم بمهام في البيت فيها شوية قوة بدنيه زي تغيير قارورة المية / إخراج الزباله(و تبقي مفهماه ان الأصل ان النساء متسترات و ميخرجوش كتير و ان خروجه هو أسهل ) / لو عايزه تزقي حاجه نادي عليه / يشيل طلبات البيت و هكذا و تبقي مفهماه ان هيكله البدني مختلف عنك و ده يأهله لمهام هو يقوم بيها افضل منك عشان طبيعة خلقته * ف ده يخليه يبني تصور ذهني ان جسمه زي ما فيه أفضلية فعليه تكليف. ٢- في التعاملات الخارجية ف الشارع صدريه اي تعاملات فعليا و هتتفقي معاه ع ال set up قبل ما تدخلوه يعني هندخل المكان الفلاني انت هتتصرف بالشكل الفلاني و هتطلب كذا و كذا و حضرتك هتبقي واقفة ف ضهره ساكتة تماما حتى لو غلط ليه بقى هتسكتي لو غلط؟ عشان حاجتين الأولى: انك تزرعي انه عادي يغلط لو تصدر .. فميخافش من التصدر اصلا ثانيا:انه يتعود بدام خد دفة القيادة ميبقاش فيه صوت ورا بيعدل عليه ( تلت اربع مشاكل البيوت هي ف الخناقة على مين اللي سايق اصلا) طيب لو غلط هتعملي ايه هتسبيه يخلص معاملته غلط عادي خالص و بعد كده هتقوليله ان التصرف الصح كان كذا و كذا بس انا مقدرتش اتكلم و انت واقف مع الرجالة (بظبط كده) اما لو هو طلب مساعدتك فاتدخلي بصوت واطي و شكل لطيف من غير ما تحسسيه انه مش عارف يتصرف و قوليله انك واثقة جدا انه هيقدر يخلص اللي ف ايده ده على أكمل وجه ضروري اوي لما تصدريه .. تزرعي فيه الثقة انه اهل للتصدر .. عشان ميبقاش التصدر فيلم رعب بنسبة له زي ما كتير من الامهات عملوا الله يسامحهم لا عادي تتصدر .. و انت اهل ل ده .. و انا واثقة فيك .. و حتى لو غلطت محلولة. .. ادينا بنتدرب. ٣- يتعلم مهارات قتا.لية و فروسية عشان جسمه ينشف و قلبه يقوى ٤- انا مع جدا الشغل من الصغر لانه بيفتح الذهن و بيخلي الانسان يكتسب خبرات بدري بدري و يبقى سابق سنه و مختلط بالمجتمع لو في مكان آمن للشغل ارميه فيه ٥- يقعد في مجالس الرجال و يتعلم على ايد شيخ مش شيخه و ياخد درس مع مدرس مش مدرسة عشان يفهم نفوس الرجال بدري و يلقط طريقتهم ٦- عشان تخلقي جواه الصلابة العقلية اتكلمي معاه ف مواضيع عامة و خدي رأييه كأنه استشاري مش طفل و قوليله تفتكر الموضوع ده يتحل ازاي؟ انا بثق في عقلك جدا فيحس انه قادر ع الحل .. و انه تشغيل المخ مش خطيئة 😁 ٧- لما يجي يحكيلك مشكلة خاصة بيه و انت شايفاه غلط اوعي اوعي تبادري بالحل احنا عايزين رجال مبادرين مش احنا اللي نحللهم أسأليه حسيت ايه و ايه الفكرة المحركة للشعور ده و الفكرة دي بتحاول تقولك ايه طب و انت شايف الحل ازاي؟ زقيه انه هو اللي يتحرك و يفكر و يحل مش انتي لو قالك ابعتي للميس قوليله لا ابعت انت كلمي الإدارة .. لا روح انت و هكذا علميه انه يواجه و ميخافش م العواقب و انك كده كده ف ضهره بس مش قدامه ! ٨- لما تبقوا ماشيين ف الشارع فهميه انه راجل و ان عليه دور حماية و ان تصدره مع الرجال هيحميكي و يكفيك شر ممكن تتعرضيله ( الموضوع ده تدريجي حسب سن الطفل بس بيتزرع واحده واحده من الصغر) ٩- فهميه ان عليه غض البصر و ان التعامل مع النساء بيبقى بتواضع و أدب و ان اول مقام يجب حفظه للمرأة هو الستر فميدخلش مكان فيه نساء بشكل عشوائي حتى لو انتي جوة يستأذن .. و ينتظر الأذن بالدخول و لو دخل و قعد وسط النساء يبقى هو المسؤول عن حمايتهم مثال: لو قاعدين ف مكان عام مثلا مجموعة نساء و ابنك معاك و حد م البنات الصغيرات مثلا عايزه تروح حتة قوليلي امشي جنبها و احميها (لو السن يسمح و العلاقة تسمح) و يمارس نفس الحركة مع النساء اللي ف سنك عشان مروءته تتحرك بدري بدري و يبقى فاهم ايه الطبيعي اللي بيحصل ١٠- لو قاومك في منطقة من اللي فوق و قالك بس فلان قريبنا مش بيعمل كل ده قوليله الرجولة بنستقيها من سيد الرجال محمد بن عبد الله صلى الله عليه وسلم و تجيبي كل الأدلة و تقوليله ان الناس بيصدر منها تقصير و ده عادي ف حق البشر (عشان ميحتقرش اللي مش بيعمل اللي هو بيعمله و ف نفس الوقت عنيه تبقى ع الأعلى ) ١١- علميه ان ضعف المرأة شيء جميل ينبغي أن يُراعى و يُحمى و لا يُنظر له بالاحتقار او التقليل و فهميه ان الفروقات النفسية بين الرجل و المرأة و كذا البدنيه هي اللي بتقفل الصورة و تبرز جمالها و ان القوة لوحدها تكسر والنعومة لوحدها تخسر و ان الصفتين لو اختلطوا ببعض مع تحقيق تقوى كل طرف يطلعوا احلى أداء مبهر للدنيا كلها ١٢- علميه ان صلاحه كفرد و اهتمامه برجولته نواه في صلاح المجتمع كله ١٣-علميه لما يشوف منكر قدامه يتحرك و يتكلم بشجاعة و بأدب عشان يبقى مصلح مستقبلا و فاعلا لا مفعول به