ڤِينْكَا

صباح الخير🤍 للمرة التالتة على التوالي هعمل هعملية في رجلي والمرادي غير كل اللي فات .. ادعولي أخرج منها على خير النهاردة وأقدر أمشي على رجلي تاني فضلا🤲🏻

نتحملُ أثقالًا فوقَ طاقتُنا جبرًا لأنَّ ما مِن أحدٍ يشعُر بما نشعرُ بهِ . بسنت سيد .

ربنا قال في كتابه العزيز ‏﴿ادْعُونِي أَسْتَجِبْ لَكُمْ﴾🤍

يومكم جميل جميعًا🤍 حابة أقول حاجة على الماشي . السوشيال ميديا مبتعملش حاجة غير أنها بتفرّغ الحلو اللي جواك وبتشحنك مكانه طاقة سلبية بحته . مارس حياتك طبيعي أعمل اللي عليك وزيادة لو تقدر لكن متجيش على نفسك خوفًا من كلام اللي حواليك . سلامك النفسي وأمانك للكينونة بتاعتك أهم من إنك تتابع حاجة للأسف مش بإيدك تغير ولو واحد فالمية منها . أنت مش في مكان أول باند في قوانينه مراعاة الإحساس وحداد لحين تحسين الأوضاع! - أنت في مكان مطلوب منك فيه جهد وطاقة ونشاط وابتسامه ومصاريف ومسؤوليات وحركة ودفع وخد وهات ودماغ شغالة24 ساعة مبتنامش . بلاش الحزن اللي برا حدودك ينسيك الحزن اللي هتشوفه جوا حدودك لو قصرت في حاجة بسبب إحساسك وإنسانيتك على وضع مش قادر عليه ..!

دموعي بقى عندها عزة نفسك وبقت تنقي المواقف اللي تنزل فيها! بسنت سيد .

كنت عاملة زي الطير اللي بنى عشة في مكان حس فيه بالأمان وطلع يرفرف على أمل يرجع يرتاح ولقى الدار عمرها ما كانت أمان وولا هو دا المكان والعشة طارت زي ماهو طار . بسنت سيد .

لا أنا فاهمة حاجة ولا انتوا فاهمين حاجة ولا حد فاهم حاجة أدينا عايشين وخلاص🥹

وأنا؛ أريد أن استريح من إرهاقِ التّنقل من محطةٍ إلىٰ أُخرىٰ علىٰ أملِ أن ألتقي بمكانٍ آمنٍ استقر علىٰ أرضهِ دون تِرحال . بسنت سيد .

أنا متأخرة في حياتي علشان بداوي جروح مكنش ينفع تبقى ليا، بحاول أنسى وأهرب بالنوم وألاقي الشريط في الحلم بيتعادلي، بتأقلم وأنا مش عارفة كل دا نهايته إمتا، بقول عادي بكرة هتحلى وهي كلها شوك كل خطوة بتشرخ فيا، أتقدم إزاي وأنا بعافر بإنسانة بتتعايش على حياة كلها خيبة أمل وألم! بسنت سيد .

''.. تكملة .." الحياة عمرها ما بتقف عمرها بجد عارفين ليه عشان الزمن بينسي، الحياة والظروف بتلهي الواحد بطريقة هو ميتصورهاش . أنت وقفت حياتك بسبب واحدة وكام حد وقف حياته علشان حد، هل أصلا الشخص دا بقى يستاهل كل القلق دا؟؟! آه من حقك تزعل وتاخد وقتك ووقتك يحترم لكن الزعل دا ليه حجم، الزعل دا مرتبط بالنفسية مش بالحياة، أنت مجبر تعيش حياتك أيا كانت نفسيتك، مجبر تنزل كليتك تتابع دروسك علشان تنجح ومتبقاش شخص فاشل، مجبر تنزل تتمشى في كل الشوارع بلا استثناء عشان متبقاش شخص كئيب ومتوحد مع الوقت، مجبر تعمل كل حاجة كنت بتعملها معاها علشان تعرف تتخطى بجد علشان تعرف تعيش وتعمل ذكريات جديدة مع الشخصية اللي تستاهل . إحنا بنخش تجارب ونفكر إن دي نهاية الدنيا لكن دا للأسف بيبقى اختبار لقوة أو ضعف شخصيتك، الحرامي لما سرق واتعاقب قدر حجم الخطأ في اللي بيكمل وبيطور نفسه لحد ما يموت وياخد أجره في الدنيا والآخرة لأنه دمر نفسه واللي حواليه، وفيه اللي بيتوب علشان مكنش هيحس بالنعمة اللي هو فيها غير لما يجرب المعاناة في ناس كدا، وفي ناس من غير ما تجرب هي محافظة على دينها ونفسها إحنا البشر مختلفين . مشاكل البيت في كل بيت بلا استثناء أيا كان حجمها لازم تعود نفسك عليها وتطلعها برا الحسبة السلبية عشان دا العادي . أيا كانت ديانتك بس أهتم بدينك واتقرب من ربنا علشان يبقى راضي عنك وينور بصيرتك للحياة الجديدة اللي أنت دافنها بسبب قربك للشيطان والأفكار السلبية الهدامة .

أولا بعتذر جدا عن التأخير في الرد . ثانيا حضرتك غلط جدا جدا جدا . أنت شخص ضعيف الشخصية ودا مش تقليل من شأنك ولكن الوضوح والصراحة أحسن من أننا نضحك على بعض، الراجل لما بيحب بيستقوى بحبه ولما مياخدش مقابل حبه بيستقوى من الرفض مش بالتصرفات السلبية اللي أنت عملتها، كل اللي محتاجه تقوي علاقتك بربنا علشان نفسنا وجسمنا هنتحاسب عليه وعلى سلامته ومفيش أي مخلوق في الدنيا يستاهل نئذي نفسنا ونغضب ربنا بسببه مهما كان مين . النقطة التانية إنك لازم تتخطى وتمشي في نفس الشوارع وتعمل كل حاجة عادي جدا علشان دي مش نهاية الحياة، وكان غلطك من الأول إنك تدخل في علاقة مع واحدة لسا خارجة من علاقة فاشلة لأن إحنا البنات بطبيعتنا بناخد وقت كبير جدا في التعافي . أقعد مع نفسك وصحي ضميرك اتجاه نفسك علشان هي ليها حق قوي عليك أنت مش ضحية أنت معرفتش تقدر نفسك بالتالي هي معرفتش تقدر قيمة وجودك في حياتها ولا تقدر حبك . الحب بجد أجمل من أننا نحوله من سلعة متملكة لو أخدته هملى حياتي ورد مخدتوش هردم حياتي بالنار . لأي حد مش أنت بس كلنا بنمر بتجارب أو تجربة أيا كان العدد عشان نعرف الناس على حقيقتها لازم نجرب حياتنا معاهم لازم نعاشرهم .

أنا يمكن مبعرفش أنام كويس بس بعرف أعيط كويس أوي أوي . بسنت سيد .

اتحاد الكليات دا عامل بظبط زي الكلية الحربية ليك معارف وعامل علاقات هتنجح في الانتخابات وتتعين ولو عندك واسطة هتعدي من الكشف الطبي غير كدا لا هتطول دا ولا دا . بسنت سيد .

من ساعة ما بدأت أكتب وأشارك في حاجات كتير وأنا بمجهودي بقيت مطلوبة في أماكن ومناصب معينة . المهم إني قعدت سنة في مكان كدا وكنت بدي فيه أكتر ما باخد مع إني كنت بحلم بالمكان دا جدا، وسبته بإرادتي بعد ما كنت هترقى فيه خلاص بسبب عدم مسؤولية بعض الأشخاص اللي بشتغل معاهم وعدم التقدير أحيانا . بالنسبة للجامعة نفس الموضوع كنت بشارك في حاجات كتير لحد ما خلاص كنت هتحط في المكان اللي كان نفسي فيه من قبل م أدخل الجامعة وبرضو سبته بعد سنتين بسبب نفس النقطتين . بالنسبة للأشخاص العاديين بسبب شغلي واجتماعيتي أتعرفت على ناس زي ما بيقولوا مهمين بحكم انجازاتهم وشهرتهم يعني ولكن كان التعامل والشغل معاهم كان فيه نفس النقطتين برضو وجيت في نص الطريق طردتهم من حياتي بالذوق . هل أنا ك بسنت صح في تصرفي ولا المفروض إني متنازلش عن حاجة بحبها وأتأقلم إن دا عادي عند معظم البشر؟ ولا دا الصح والمفروض إني أقدر نفسي كويس ومستناش في مكان ولا مع حد مبيقدرنيش؟ عشان أنا محتارة بجد ..🥹

http://passant213.sarhne.com بقالنا كتير مدردشناش مع بعض يلا نستعيد حكاوينا ومشاكلنا🤍 والمرادي أنا جاية أشارككم مشكلة ليا ومحتاجة رأيكم أيا كان🤍 .

كلنا بنستحمل وبنعيش فوق طاقتنا وزيادة علشان معندناش حل ولا عندنا مكان نروحه ولا هنتساب في حالنا . - كلنا مكملين علشان دا الأمر الواقع اللي مفيش مفر منه . بسنت سيد .

أعمل موڤ أون إزاي وأنا كل يوم بحلم بنفس الحاجة بكل التفاصيل؟! بسنت سيد .

بنفضل نجري ورا ناس لمجرد تمسكنا بيهم لحد ما نتكعبل في مطب يعرفنا أد أي إحنا مغفلين عشان بنقطع نفسنا ورا ناس مفكروش لحظة يقفولنا ويمكسوا بإيدينا . بسنت سيد .

وأنا في تالتة ابتدائي كنت بسرق البراشيم الملونة من الدرج وأروح أديها لأصحابي على أنها أرواح مش دي المشكلة . المشكلة إني قعدت سنة بعمل نفس الكلام وكنت باخد معاهم على إنه أرواح فعلا وهما مصدقني🤡

أخاف من نفسي أحيانًا فكلما تحمست لشيء لا يكتمل! بسنت سيد .