ڤِينْكَا

أنا أكتر حد بيساعد الكل وأنا مش عارف أفوق من نصايبي أساسا . بسنت سيد .

حاول علشان تكون أنت؛ الإنسان الطموح اللي نفسه يبقاله كارير يفتخر بيه . - متحاولش تبقى زي حد نتيجة الطريق واحدة وهي النجاح بس الاتجاهات مختلفة . بسنت سيد .

المقارنة الحقيقة الوحيدة هي مقارنة نفسك بنفسك بين الماضي والحاضر . - إنما مقارنتك بالناس دي مش مقارنة دي قلة ثقة بنفسك . بسنت سيد .

لطلاب الثانوية العامة ⚠️ . - مهما كانت النتيجة إيه يكفي إنك حاولت ومستسلمتش . - متسمعش لأي حد يحبطك ولا يقولك الوزير هيصعبها ولا الامتحانات هتيجي من برا الكوكب ولا ولا ولا إلخ . - أسمع صوت نفسك أنت؛ خلي الصوت العالي جواك حتى لو أنت مش بتذاكر جملة ( أنا أقدر، أنا أدها ) . - مفيش حاجة إسمها كلية قمة وأقسم بالله؛ القمة إن حضرتك تتحط في مكان وتبقى أنت التوب فيه ✊🏻 . - افتكر إن الثانوية العامة مش نهاية العالم ولا نهاية المطاف، حتى لو مجبتش مجموع في معاهد كويسة، لو مكملتش تعليم في شغل أيا كان نوعه هتتعب ربنا هيكافأك وهيكرمك . أنتِ مكملتيش دوري على هوايتك جواكي مفيش حد خلقه ربنا معندوش موهبة نميها وطوري من نفسك . - التعليم مش هو اللي بيحدد شخصية البني آدم، شخصيتك بتتحدد في اللي أنت بتعمله هل استسلمت وقعدت جمب حزنك وندبك ولا كملت وموقفتش علشان تعمل لنفسك حياة ؟! . - الأهم من كل دا إنكم تعملوا اللي عليكم بجد إدوا للمذاكرة حقها علشان متندمش في يوم من الأيام . - ⚠️ابعدوا عن أي حاجة سلبية ممكن تقع قدامكم ومتدوروش غير على الحاجة اللي هتديكم طاقة إيجابية تهون عليكم اللي جاي 🤍✊🏻 بسنت سيد .

الحلم مضاعش . حلمك موجود بس دا مش وقته علشان يتحقق . - الحكاية وما فيها مجرد صبر وقول يارب 🤍 بسنت سيد .

الإنسان عمر ما يبقى ليه قيمة طول ماهو عايش على الأكل والنوم والاكتئاب . مفيش حد هيحبك طول ما أنت عايش من غير هدف في حياتك . كل حاجة وحشة أو أي فشل عديت بيه خلاص هو عدى، شوف اللي جاي إيه . - اللي فات مش بتاعك، اللي جاي هو اللي بتاعك . - علشان تبقى فخور بنفسك لازم تديها حقها وقيمتها، دور على نفسك الكويسة اللي موجودة جواك هتلاقيها مليانة طاقة إيجابية وشغف لبناء حياة نضيفة جديدة بعيدة عن أي طاقة سلبية 🤍 . بسنت سيد .

مش كل دعوة هتتحقق ولا كل الأماني هتبقى حقيقة . - ربنا اللي عارف الخير ليك فين فمتزعلش على حاجة ❤️ بسنت سيد .

بعيدًا عن الهزار وكدا بس أنا شخص عاقل جدًا حتى أسأل نفيسة . - نفيسة مين؟ دي مرات الدبدوب بتاعي 😂 بسنت سيد .

أسوأ فترة ممكن يمر بيها الإنسان إنه يعيش كل يوم بيهلك في ذاته علشان يهرب من أفكاره اللي مبتنيموش . بسنت سيد .

أنا عايزة أتنازل عن كبريائي، أنا عايزة أتكلم بصوت عالي، أنا لسا بحبك . بسنت سيد .

متغيرش نمط حياتك وروتينك ومبادءك علشان خاطر حد،، محدش دايم حتى لو الشخص دا كويس هيجي يوم ويموت . خليك عايش حياتك زي ما أنت ماشي طول ما أنت في الطريق الصح علشان لو بصيت مش هتلاقي حد هيعمل علشانك حاجة . بسنت سيد .

مش عايز من الدنيا غيرك، مش محتاج غيرك في حياتي . بسنت سيد .

أنا أستاهل كل حاجة حلوة علشان أنا مقدمتش غير كدا ..! بسنت سيد .

متكتمش مشاعرك جواك تجاه أي حد . متبقاش منافق، ولا تبقى إنسان حبه غامض . - قول كل اللي في قلبك لو عيشنا النهاردة مش هنعيش بكرة! خليك أدها ومتتكسفش ❤️ بسنت سيد .

متخليش اللحظة الحلوة تضيع من إيدك، أنت أولىٰ بكل ثانية بتمر عليك وضحكتك فيها منورة . أرمي كل حاجة وحشة ورا ضهرك، متخليش غير الفرح والسعادة واللحظات الجميلة وبس . - وكل حاجة هتعدي . بسنت سيد .

كل حاجة حلوة بتحصل في حياتنا بتبقى رزق من عند ربنا . - زي الصحاب الكويسين ساعات بيكونوا أكبر رزق . بسنت سيد .

السيرش هينطق من كتر ما ببص عليك كتير ..! بسنت سيد .

مش هبطل أتمنى من ربنا إني أقابل ناس كويسة تمحي من حياتي كل الناس اللي مش كويسة . بسنت سيد .

أنا أسفة إني نزلت حاجة زي كدا بس مش أسفة للشخص دا . أنا فاتحة القناة دي لوحدي وأنا اللي مسؤولة عنها بطولي وكل كتابة نزلت هنا أنا كتبتها في الحال،، أنا مخططتش لأي حاجة ولا كنت محوشة كتابات خالص،، فلما أشوف بالصدفة حاجة ليا من غير ما يكون عليها إسمي أو هاشتاج ليا أو حتى منشن أو اسكرين من القناة نفسها حرفيا أنا بزعل ..!!! بتمنى يا جماعة الدعم يبقى إسمي فيه إحنا لو خدنا كتابات لـ دوستويفسكي بنكتب إسمه!! أتمنى من كل قلبي كل اللي موجود هنا يقدر مجهودي وتعبي علشان أنا محتاجة أوصل واسمي يكون ظاهر وموجود . ممكن الموضوع يبقى عند البعض بسيط بس بالنسبالي أنا ببدأ لسا كاريري في المجال ودا شيء محزن أوي 🙂🙂 .

أنا وضهري محتاجين ضهر يسندنا . بسنت سيد .