"Шарқ юлдузи" журнали

Бугун Мусо Тошмуҳаммад ўғли Ойбек таваллуд топган кун * * * Хастамен… Фикрга, туйғуга тўлиб — Ой менга ҳамқадам — сокин юрамен. Соғайсам бир куни ёзамен тўйиб, Ҳисларга қалбимни қўшиб ёзамен. ...Кечалар юрурмен телбадай ҳориб – Бошимда ой борур — менга ҳамқадам. Хаёллар учади машъалдай ёниб, Тўйиб ёзажакман бир кун соғайсам...” ОЙБЕК, 1959, 15-август.

Buni albatta o‘qing SUKUT SADOSI “Kitobga bejiz “Sukut sadosi” deb nom berilmagan. Bu ikki so‘zda Ikrom Otamurodning ichki olami, tabiati mujassam. Bu sukutni his qilmoq, tinglash, anglash kabi ruhning katta ehtiyoji mavjud. Bu sukut o‘sha hadsiz olamning bepoyon kangul diyorining ramzidir. Unga yetishmoq yo‘lida biz uchun qalb tarjimon va shu qalbgina bizga borlig‘ini namoyon etayotgan sohir ko‘ngil uchun chin tilmoch bo‘la oladi, xolos. Bu sukut mohiyatida intilish va kutish, parvoz va munavvar manzil, gul va ifor orasi, nur zarralari mohiyatidagi muqaddas yorug‘lik bor. U hamisha oydinlikka, munavvar ruh olamiga, poklik olamiga yog‘du berayotgan ulug‘ musaffolikka, iymon ziloliga intiladi”. Nashriyot – “Adabiyot” Adadi – 1000 nusxa O‘zbekiston Yozuvchilar uyushmasi Axborot xizmati

#Тарқатинг Сиз таниган, суйган КУЛДИРАДИГАН ВА КУЙДИРАДИГАН “Муштум” журнали яқиндан буён ўз расмий телеграм каналини юргиза бошлади. Каналда: ИЧАКУЗАР ҲАНГОМАЛАР, ҚИЗИҚАРЛИ КАРИКАТУРАЛАР, ҲАЖВИЯЛАР, РИВОЯТЛАР, ҲИКОЯТЛАР, ТАНҚИДИЙ ВА ТАҲЛИЛИЙ ФЕЛЬЕТОНЛАР Бериб борилаяпти. ОБУНА БЎЛИБ, АФСУСЛАНМАЙСИЗ! Каналга обуна бўлинг👇👇👇 https://t.me/mushtumjurnali

ИШ БОР Адабий танқидчилик деган жониворнинг юзига ёстиқ босиб ўлдиришган. Овози ҳам чиқмади бечоранинг. Бу жиноятни танқид қилишга эса кўпларнинг юраги бетламади. Бироз ўтиб, унинг қабри бошида узундан-узоқ нутқ ўқилди. Духовой оркестр музика чалиб турди... Сўнг “ими-жими”да тарқа-тарқа бўлди. Кейинчалик, маза-матрасиз нарсаларни ўқиб, ўзимизча дўқ урдик. “Қани, адабий танқидчилик? Қарамайдими адабиётга? Ҳамма ёқни эчкилар пайхон қилди-ку?!” Кўр ва кар қоровуллар тунлари бақириб чиқди: “Ухлайверинглар, эъжодда ҳамма ёқ тинч!” Шундай қилиб, бор-ёғимизни ухлатиб кетишди. Уйғоқлар эса адабий танқидчиликнинг қабри бошида осмонга кўз тикиб, Исо алайҳиссаломнинг қайтишини кутди. Шу зайлда замонлар алмашди. Ҳар қаватда мажлис. Янги келганларга “Сизлар адабиётга бошқача кириб келдинглар! Боракалло!” дейишди. Бир бурчакда эса эски келганлар бизга ҳам шундай дейишганди, ажойиб халқимиз-да, доим янги меҳмоннинг кўнглига қараймиз деб ўзини овутди. Аслида, адабиёт остонасида қўлида чўп билан (яхши мақсадда ишлатиш учун, албатта) бир киши туриши, муҳташам сўз даргоҳига кириш истагида бўлган ҳар бир ҳаваскор шу одамдан ижобий маънода қўрқиб, аввал оёғини, кўнглини, сўзини тоза тутиши, кейин “бисмилло” дейиши лозим эди. Афсуски, ундайлар қолмади ҳисоб. Тўғри, ора-орада ўзимизникилар бир-бирини "қиттай-қиттай" “пийпалаб” қўйди. Аммо ҳар икки томоннинг ҳаракатлари беўхшов чиқди. Чунки қуш уясида ҳеч нимани кўрмаган. Кўрмаганнинг кўргани қурсин… Аввало, адабий танқидчи ичимиздан чиқиши керак дедик. Тўғри. Бироқ у бизга ўхшаб назм-у наср боғига ораламасин. Чунки “аввал ўзингни бил” деган гап кўпаяди. Танқидчи ўз гулзорида ижод қилсин. Фикр-у ҳаёли адабиёт ривожида бўлсин. Шахсий адоватини олиб чопмасин. Ғаразгўйлик, бахиллик, ичиқораликдан жиркансин. Мушт ўқталиб юриши шарт эмас. Мазаси тилни ёрадиган қовунни эсланг. Ана шундай бўлсин. Камчилигимизни айтсин, биз маза қилайлик. Руҳланайлик танқиддан! Яқинда бир жойда мушоира бўлди. Қизлардан бири чиқиб, тўлқинланиб-тўлқинланиб ўқиди. Ёнимдаги адабиётшуносга “Агар пафосга берилмай ўқиса, қуруқ гап, дарак гап бўлиб қолади, бу шеър эмас” дедим. Жаҳл билан менга қаради ва “Ҳеч қачон, қайтараман, ҳеч қачон ижодкорлар ҳақида фикр билдирманг! Чунки мени ўрнимда чақимчи одам бўлса, сиз танқид қилган одамга етказади. У эса сизни кўролмасликда айблайди. Сизга керакми шу?!” деди. Ёқамни ушлаб қолдим. Наҳотки, бу мен қаттиқ ҳурмат қилган адабиётшунос бўлса?! Бир томондан ҳурфикрлик, ижод эркинлиги яхши. Умуман, ҳеч кимга ундай соғин, бундай севин деб бўлмайди. Сиз унинг асарига ҳар қанча тақиқ қўйинг, фойдасиз. Торгина хонасига биқиниб, ҳеч кимга кўрсатмай ёзаверади. Бу унинг нафас олишга тенг ҳуқуқи. Лекин ижодкорман деб чопишига, одамларга ювинди тутиб, мана шу адабиёт дейишига йўл қўйманг. Токи одамлар атиргулни алафдан фарқлай олсин. Мана бу киши “Аёлғу”ни ёзган шоир десангиз, “кўчамиздаги Эшмат носфуруш ҳам шеър ёзарди, ўшанга ўхшаган шоирдир-да” дейишларига йўл қўйманг! Тушуняпсизми? Бирор ерда ошини еб қўйган бўлсангиз, у ҳам шеърга ўхшаш бир нималар ёзиб юрса ва сиз уни ҳам шоир деб оғиз кўпиртирсангиз, билингки, еган оғзингиз уялаётган бўлади. Ошна-оғайнигарчилик ўз йўлига. Чойхонадошингизни шеърига биров салбий фикр билдирса, ёппа таламанг. Бу сизга ошмас. Ҳамма ўзини қўлига, ўзини товоғига жавоб беради. Хуллас, бизга билимли бир фидоий керак. Ижоди ва ҳаётидан воз кечиб, адабиётни қўрийдиган қоровул, текинга ишлайдиган мардикор зарур. Хизмат ҳақини эса тепада олади. Хўш, талабгорлар борми? Шаҳриёр Шавкат https://t.me/shahriyor_shavkat

Янги очилган ШАРҚ ЮЛДУЗИ каналимизга марҳамат! 👇👇👇👇👇 https://t.me/SharqYulduziJurnali

Ассалому алайкум! Адабиёт ва санъат шундай бир мўъжизаки, унинг энг яхши намуналарини ҳаммага бирдек манзур қилиб бўлмайди. Баъзан шундай бўладики, фалсафий теран, юксак бадиий дид билан ёзилган асарлардан кўра, ҳаёт икир-чикирларини ифодалаган асарларнинг харидорлари ва унинг гулдурос қарсаклар билан қарши олувчилари кўпроқ бўлади. Албатта, қочди-қувди ҳақидаги асарлар енгил ўқилади. Лекин, афсуски, унинг салмоғи ҳам, кишиларга етказадиган фойдаси ҳам, ўшанчалик енгил бўлади. Биз эса сизларга энг яхши адабий-бадиий, илмий, ижтимоий-сиёсий адабиёт намуналаридан улашиш мақсадида, эътиборингизга "ШАРҚ ЮЛДУЗИ" журналининг телеграмдаги ушбу расмий саҳифасини кутазиб боришингизни тавсия этамиз! Телеграм каналга аъзо бўлиб, янгиликлардан хабардор бўлиш учун ушбу линк устига босинг! 👇👇👇👇 https://t.me/SharqYulduziJurnali

Замонавий қирғиз адабиётининг истеъдодли вакилларидан бири Бейшенбай Усубалиевнинг "Минг" сарлавҳали ҳикоясини ўзгача иштиёқ билан таржима қилгандим. Ҳикоя қаҳрамонлари содда ва самимийлиги билан ўқувчининг эътиборига сазовор бўлади. Нуфузли ва нуфусли "Шарқ юлдузи" журналининг 2022 йил 6-сонида чоп этилган ҳикоя учун журнал бош муҳаррири ва таҳририят аъзоларига миннатдорлик билдирамиз. Адабий алоқаларимиз янада мустаҳкамланаверсин!