Study_with_me

السلام عليكم ليكيب 👋 جيت نقولكم للاسف وبسبب خلل تقني هذي القناة رح نتوقفوا عن عمل فيها وباين بلي منسمحوش فيكم فتحنالكم قناة اخرى ادخلوا و متفوتوا والو بسك لي جاي ميتراطاش ومتبخلوش بالعلم برتاجوا مع صحابكم و اتهلاو ليكيب ❤️😇 https://t.me/wiamayaaya

19/09/2023🥰 يا صباح البدايات القوية بدايات الأحلام وبدايات تحقيقها 😻 اليوم بدات رحلتكم ياجماعة وما اجملها من رحلة ، استمتعوا بيها لانو رح يجي يوم وين تتوحشوهااا ومتنساوش راه عام ويفوت يعني قدموا كل ما عندكم جاهدوا وحاربوا وحطوا هدف من الأن تلحقوا ليه متتهاونوش واياكم والتسويف فهو عدوكم الاول والاخير كل يوم رح يروح منكم راه ميرجعش دك الوقت يفوت يجري ابداو ونظموا كلش واتكلوا على الرحمان وربي يجعلها بداية خير ليكم يا ابطال 2024✨🌱🦋💕❤️+ متنسوش بلي هذ الخطوة هيا لي رح تحدد مستقبلكم 🫶🏻

19/10/2023 🥰 يا صباح البدايات القوية بدايات الأحلام وبدايات تحقيقها 😻 اليوم بدات رحلتكم ياجماعة وما اجملها من رحلة ، استمتعوا بيها لانو رح يجي يوم وين تتوحشوهااا ومتنساوش راه عام ويفوت يعني قدموا كل ما عندكم جاهدوا وحاربوا وحطوا هدف من الأن تلحقوا ليه متتهاونوش واياكم والتسويف فهو عدوكم الاول والاخير كل يوم رح يروح منكم راه ميرجعش دك الوقت يفوت يجري ابداو ونظموا كلش واتكلوا على الرحمان وربي يجعلها بداية خير ليكم يا ابطال 2024✨🌱🦋💕❤️+ متنسوش بلي هذ الخطوة هيا لي رح تحدد مستقبلكم 🫶🏻

كيف اتعامل مع اللغات الاجنبية 🧐؟ Part 2 الانجليزية و الحقرة 😈 باش نكونوا فصورة الانجليزية فيها شوي حفاظة سواء مصطلحات كيفها كيف الفرونسي بل و اكثر و كذلك فهم سيرتو للقواعد بسك انا عن نفسي لا اشجع على حفظ القواعد لانها منداك تخرج فامثلة شاذة عن قاعدة يعني متصلحش معاها و تتخلطلك وكان تحفظ القواعد سيرتو اذا معندكش باز مليحة فيها سما خلي عليك اخي اختي. الانجليزية عدنا حوالي 13 قاعدة الاكثر ورودا في البكالوريا سما على الاقل لازم تتقن 10 منهم (متخافش مهمش حاجة 😂) ولي هوما ( Condition - Cause - Whishes - Result - Cause - Had Better - Prefix and Suffix - Modals - Unless - Stress - Passive And Active voice - Direct and Reported Speech - How to ask question ) على كل حال هوما سهلين بالنسبة للتلميذ الفوق متوسط في المادة لكن مشكلتهم انهم كتقرى وحدة و تزيد اخرى و اخرى يبداو يتخلطو سما عليك بالمداومة على الامثلة و التطبيق وكاين قواعد بالنسبة ليا وللكثير ثقافة عامة 🙂 بالنسبة لما في المادة عدنا ثلاث وحدات كالعادة : وحدة اولى ethics in business او اخلاقية العمل ولي رايحين تشوفوا فيها بعض التصرفات الغير اخلاقية في العمل او الفساد عموما كالرشوة و التزوير و التبيض(غسل) اموال… تشوفوا تعريفها و اسبابها و نتائجها و كيفية محاربتها. الوحدة الثانية safety first او الوقاية اولا هذي الوحدة تنقسم الى زوج بالنسبة ليا : الجزء الاول هو الاكل food وهاو باين علمن تحكي على المؤكولات الكيميائية و المؤكولات المعدلة جينيا (وراثيا) و ان لازم نستبدلوها بمؤكولات صحية اما الجزء الثاني ونقدرو نسميوه الاعلانات advertising ونحكو فيه على الترويج و التسويق وكل ما يتعلق بيه وناقشوه اذا مليح ولا لا وعلاه. الوحدة الثالثة astronomy الفضاء الخارجي وحدة متعة هدي برك حطوها الاخيرة للاسف 💔 وتحكي على الكواكب و الاقمار و المجرات و المجموعة الشمسية خصوصا مفيهاش بزاف مصطلحات و تكسار راس سيمبل هيمبل فقرات فيها قع خمسة ماكسيمو جماعة ثقافة العامة تددلوا 😂 بالنسبة لمواضيع حل وعاود حل بسك عن تجربة ولله تلميذ متوسط يحل مواضيع خير بعيد من تلميذ يتكلم الانجليزية بطلاقة من ناحية معدل لي راح يجيبو فيها.. كيما مره لي فاتت قتلكم جيب موضوع من اي مصدر ومدابيك معاه الحل باه متشقاش لاستاذ و حط pomodoro قدامك و حل… نسيت مره ليفاتت باش نقلكم عفسة ولي هي حتى الانجليزية و الفرنسية فيهم منهجية هي ملخر مكانش مادة مفيهاش منهجية جست علوم lvl 99 في المنهجية 😂 (ربما مستقبلا نخمم كيفاش نديرلكم منهجية في كل مادة و اخطاء شائعة … ) نرجعوا للموضوع لي يجي قدامك عندك فيه نص واسئلة الاسئلة قسمان واحد متعلق بالنص صحيح وخطا و اسئلة حول النص و…. و الاخر متعلق بالقواعد تقريبا كيما لي قلناهم قبيل الجزء الاخر من الموضوع وهو الفقرة written expression ولي عندك topic 1/2 تختار وحدة بيناتهم وغالبية يختارو الاولى لانها فيها معطيات زعما مصطلحات و جمل توظفهم في فقرة تاعك وهدا وش ننصح.. المراجع وعلبلي نصكميقرا غي علجالها شوفوا نفهمكم حاجة المصادر راهي بزاف وكل واحد وش يليق بيها سما انت اختار مراجع مليحة فهمتلها و اعتمدها وكمل معاها سواء كتب او قنوات نفوتوا ديراكت للمفيد عدنا في الكتب : مراجعة الشاملة في الانجليزية منصوري ✅- ملخص الوحدات منصوري ✅- سلسلة الفضية الانجليزية من الالف الى الياء ✅ - english النوابغ -ملخص الانجليزية ناصري . القنوات : Mr.mansouri ✅- Nasri anglais - Amine english ✅- Mazouz english - Ferni anglais . هذا والله اعلم 🤍

هلوووو ، ليوم راح نهدرو على مادة العلوم وبما أنو فيها بزاف لحوايج رح نخليكم لي كونت تاعي ولي عندو استفسار يسقي باش نعرف واش نجاوبكم @Houudaa00a

كيف اتعامل مع اللغات الاجنبية 🧐؟ نبداو بالفرنسية .. لحاجة لمليحة فيها انها مفيهاش قواعد بزاف 😮‍💨 سما نقدروا نقولوا اسهل من الانجليزية نوعا ما لذلك لازم تركز على جانب vocabulaire او المفردات من اسماء و افعال و صفات خاصة بكل وحدة هدا شي قادر يرفع معدلك من 5 حتى 15 ولفوق لانك تفهم النص و كذلك تعرف تعبر في اجوبتك و ثالثا و الاهم دير compte rendu مليح و ان كان موضوع compte rendu موضوع آخر و طويل نخصصولوا ليلة اخرى، في الفرنسية عدنا ثلاث وحدات : text historique معشوقة التلاميذ ولي تتكلم عند احداث تاريخية عموما ماشي برك ثورة انتبه ⚠️ وفيها ما فيها من اسئلة ثابتة و اجبتها ثابتة لذلك رح تحبها كتلميذ لكن فالحقيقة وحدة اسهل من وحدة text argumentative ولي معروفة و العريقة في المنهاج الحزائري ولي نحكموا فيها موضوع معين فيه جدال ونعرضوا الجدال لي صاري text exortatif زعما خطاب او نداء سواء كان للناس او للسلطات او لشخص … اما لحاجة لي ناكد عليها ونعاود وهي مصااااادر يا ناس اعرفوا منين تقراو سواء كتب و لا قنوات يوتيوب و حتى اساتذة لي كور انا رح نرشحلكم في الكتب و القنوات اما ليكور نتوما تعرفوا.. الكتب عدنا : مراجعة شاملة الفرنسية منصوري - ملخص الفرنسية منير شبوة - مراجعة نهائية الفرنسية منشورات كليك. قنوات اليوتيوب : قناة منصوري عبد الناصر - منير شبوة sally francais - francais avec chahrazed - francais avec shefa - courdz rema كذلك حاولوا تديروا على اقل موضوع واحد في الاسبوع تحلوه بشكل اختبار يعني استعملوا لون واحد و احترام الوقت كي تكملوا خلي استاذ مادة يولي متمكن و متعود على تصحيح البكالوريات يحلوا قدامكم باش ينبهكم على كل صغيرة و كبيرة مره اولى زاوجة ثالثة تشوف روحك عنفت لغة الناس 😅 بصح معليش هكدا كمل صدقني سوجي تاسع و العاشر تولي نابليون بونابرت خويا ختي لعزيززة "بصوت جوفر" 😂

🛑 أنماط النصوص الادبية و مؤشراتها في الأدب العربي لعقبة بن نافع .