مجد " قدرات"

ولو بحثتم بالقران عن اكثر الناس لوجدتم : ﴿وَما أَكثَرُ النّاسِ وَلَو حَرَصتَ بِمُؤمِنينَ﴾ ﴿وَلَقَد صَرَّفنا لِلنّاسِ في هذَا القُرآنِ مِن كُلِّ مَثَلٍ فَأَبى أَكثَرُ النّاسِ إِلّا كُفورًا﴾ ﴿...وَلكِنَّ أَكثَرَ النّاسِ لا يَشكُرونَ﴾ ﴿...وَلكِنَّ أَكثَرَ النّاسِ لا يَعلَمونَ﴾ ﴿...وَلكِنَّ أَكثَرَ النّاسِ لا يُؤمِنونَ﴾

ربي اني اسالك سرعة فالفهم وقوة فالحفظ ، يارب اجعل عيننا على الصواب ان تشتت تفكيرنا

تعرفوا اختبار القدرات كيف انه يأثر بالقبول بالجامعة لانه يأثر على موزونتك ابدا مو شي طبيعي كيف فكرة انه بالذكاء منتشرة 🤯 ترا والله قواعد اللغة والرياضيات مهو فطرة بل تعلمم!! والي يحطوا الاسئلة دكاترة بالجامعة كانه تحدي مين اشطر دكتور يقدر يرسب الطلاب بس نحن نخرب عليهم وننجح يارب و صدقني ساعات تذاكر افضل من الساعات الي تلعب فيها والله بتندم بتتذكر لمن كنت مو مهتم لهذي الاشياء البسيطة الي بيكون لها اثر كبير على مستقبلك اللي يهمل نفسه وهو صغير بيفحط بالمسقبل عشان يحصل الريال والله اني احبكم وانصحكم عشان افيدكم ففكروا شوييي والنجاح صبر تقوم تذاكر شوي ما بتخسر شي

الوحدة الحمرا ( الاولى ) مره دوختني من دخلت فيها معد خرجت الي عنده احد يشرح غير اينشتاين وعماد يرسل بالله لان ابغا اختصارات في الاسس والجذور 🙏

لا تضيعوا وقتكم ، كل الوقت الي تضيعوه بتزعلوا من انفسكم عليه ، لو ضغطتوا على نفسكم وذاكرتوا واختبرتوا وطلعت نتايجكم زينه ودخلتوا الجامعة الي تبونها والتخصص الي تبونه بإذن الله ، بتتذكروا ان النتيجة استحقت التعب وبتحمد الله ان وفقك بالدرجات وسهلك الامور عشان تذاكر

ومالكم دخل بنتايج غيركم هل نتايجهم بتأثر علي نتيجتي؟ اذا مالهم نصيب ينجحوا هل انا كمان مالي نصيب؟ وبرضو مره ثانية لا تطالعوا بنتايج غيركم نجحوا رسبوا الي عليك انك تذاكر وخل عندك يقين ان الله بيوفقك

ربي عدل ويشوفك وانت تجتهد عشان تنجح الي يذاكر له نصيبه واللي ما يذاكر انت توقع نتيجتك

عشان اكون صادقة كثير قالوا لي حتى القريبين مني " القدرات والتحصيلي واي اختبار بتنجحي فيه بتوفيق الله ومذاكرتك مالها اي دخل بالنتيجة" فالغالب اكيد سمعتوا هالكلام كثير طيب وش الصح؟ هل التوفيق يجي بدون عمل واجتهاد؟ انت تدعي لكن لو دعيت هل الاجابات بتنزل عليك لااا ، طيب تخيل واحد يدعي ويذاكر وواحد يدعي ومايذاكر مين له الاحقية بالنجاح؟ وكلامهم لا يأثر فيك لان انت الي بتختبر وانت الي بتستفيد من نجاحك اذا ماذاكرت ورسبت وحزنت ، ماتلاقى احد يبكي معاك لان هذي نتيجتك مو بس القدرات والتحصيلي اي شي ممكن يكون له تأثير على اهدافك او حياتك لا تطالع وش يبون الناس طالع بالي تشوفه مناسب لك واهم شي رضى الله عشان تتوفق

بالنسبة للي رايحين ثالث وماختبروا اشوف ان افضل حل لكم هو انكم تحجزون للاختبار وماتلغون الموعد وتحاولوا تذاكروا لين مايجي الاختبار اذا قاعدتوا تحجزوا وتكنسلوا مابتخلصوا وبيصير عندكم همين للقدرات والتحصيلي

دخلت منصة تقدر اختبر الي ذاكرته ولقيت اشتراكي خلص وانا ما استخدمته😔