Gorsa Jireenyaa✈️

If you are understand about yourself, that is the first knowlegde. Knowlegde come from knowing. Know is come from understand. Understandings come from meditiate and analyze what you are see and what you are hear. by this way you can be knowlegdeble. without understand you cannot know everything. Without analyze you cannot understand any things. If you are want to know one things, first analyzed about that things for understand! Yoo waa'ee ofii keetii hubatte, sun beekumsa jalqabaati. Beekumsi beekuu irraa argama. Beekumsi hubannoo irraa argama. Hubannoon kan argamu waan argituu fi waan dhaga’aa jirtu xiinxaluu fi xiinxaluu irraati. karaa kanaan beekumsa qabaachuu dandeessa. osoo hin hubatin waan hunda beekuu hin dandeessu. Xiinxala malee waan tokkollee hubachuu hin dandeessu. Yoo waan tokko beekuu barbaadde, jalqaba waa'ee wantoota sanaa xiinxali hubachuuf! Via: WameranTolera Joinformore: @Gorsa_jireenya

Akkam jirtu jaalatamtoota Koo turtii waggaa sadii oliif channel kana irraa waan adda addaa Akka argachaa turtan Nan amana. Garuu Har'a nama as duubaa taa'ee isin gorsaa tureenis wal barattu, akkasuma waan xiqqoo takka wayii isinirraan barbaada. Innis Dorgommii dhaabbanii #BAJAI_NARASH Jedhamu barattoota qofaaf qopheesse irraatti anis Akka barataa tokkotti dorgomeera "Abdii Aabbiyyoo jedhama. Yuuniversiitii Arsiitti Barataa saayinsii fayyaa waggaa Afraffaatti (medicine C-1). Miidiyaalee adda addaa fayyadamuun akkamitti barattonni Barnoota isaaniitiin Akka ciman tajaajila qayyabannaa fi gorsa kennaa jira.keessumaayyu Waggaa sadan darbaniif karaa telegram dhaan channela " milkaa'ina Jireenyaa" jedhuun gara barattoota 20,000 oliif gorsa adda addaa kennuun Akka barattonni haala kamiin qayyabatanii milkaa'oo ta'uu danda'an hubannaa kennaafii tureera. Kanumarraa ka'uun barattoota Kanaaf muxannoowwaani fi muudannoowwan ofii koofi hiriyyoota koo irraa walitti kuusee , research garagaraas kan jalqabe xumuree yeroo dhiyotti barattootaf gumaachuun fedha. Dorgommii kana yoon moo'adhe haala addaan nuffii tokko malee research kana xumureen barattoota sadarkaa olaanoo fi gadi aanootiif Nan gumaacha." AKKUMA AN WAGGAA SADIIF NUFFII TOKKO MALEE GORSA ADDA ADDAA ISINIIF KEENNAA TURE , ISIN AMMOO SECOND SHAN NAAF KENNAATII NA MOOSISAA. Link gadii kanaan seenaatii #like #comment #share naaf godhaa 👇👇👇👇👇 https://www.facebook.com/100002028524680/posts/pfbid02AfMi9JWgL4CxTqbsk1QHxQepz6vPLfGGryKoDP6bhedmGtxy78wjv4ddhC17eMNRl/?app=fbl Isinan jaaladha!

Mallattoolee jaalalli hiriyyoota lamaan gidduu jiru gaariidha ykn jaalala sirriidha jechuu nu dandeessisan 🔱Jaalalli sirriin maal akka ta’e ibsuun dura beekuu kan qabnu tokkotu jira. Innis, wanti tokko sirriidha ykn sirrii miti jechuudhaaf safartuun dhaabbataa ta’e waan hin jirreef, waan isaaf sirrii ta’e abbaatu murteeffata. Haata’u malee wanti waliif nu galchuu danda’u, jaalala keenyarraa gammachuu fi ofitti amanamummaa argachuu qabna. Wanti nama tokko gammachiisu isa biraa gammachiisuu dhiisuu danda’a jechuu kooti. Darbee darbee walitti dheekkamuun tarii yoo jiraateyyuu gammachuu guyyaa baayyee zeeroo gochuu hin danda’u. jaalala isaaniimoo? oohh! Waaqni ija irraa isin haa hambisu kan jedhameef warra akkamiifi? 🔆Kanaafuu amaloota ykn mallattoolee jaalalli hiriyoota lamaan gidduu jiru jaalala gaaridha ittiin jechuu dandeenyu keessaa muraasni kanneen armaan gadiiti. 🔅🔅1) Jaalallee kee faana akka barbaaddetti odeessuu kan dandeessu yoo ta’e. Kana yoo jennu waan keessa kee jiru jaalallee keetti yoo himte natti aara/aarti, jaalala keenyatu bada jettee kan hin sodaanne yoo ta’ee fi waan kamiyyuu ifatti odeessitanii irratti waliif galtu taanaan gaariidha. Fknf balleessaa jalallee keetii itti himuu, rakkina kee itti himtee gargaarsa gaafachuu, akkam akka siif gochuu qabdu/qabu itti himuu… 🔅🔅2) Amanamummaa ykn walshakkii dhiisuu. Hamma xiqqoo walshakkiin yoo jiraates homaa miti. San akka qaphxii 1ffaa jalatti ilaalleen furachuu yoo danda’ame gaariidha. Akkasumas, nama afaanii qofa osoo hin taane nama gochaa ta’anii waliif argamuun murteessadha. Fknf beellama kabajuu fi soba dhiisuu. Asin jira jennaan achitti nama argamu ta’uun barbaachisaadha. Kan biraa keessattuu isheen shamaraa hiriyaasheetti ofgatuu yoo dandeesse Jaalala gaariidha. Fkf, yeroo waliin mana tokko bulan hirriiba ho’aa rafti yoo ta’e, icciitii isaa funaanuu hin feetu yoo ta’e, Icciitii ishee naaf eega jettee isatti nama amanu yoo taate, Qaamashee hin dhoksitu yoota’e fi kkf, isuma dhugaa jaalala bareedaadha. 🔅🔅3) Walhubachuu ni dandeessu yoo taatan. Walumaa galatti afaan keessan walitti yoo siniif qajeele, arraba waliirraa jecha buttanii wal hin falmitan yoo ta’e, akkaataan sin jaalala waliif ibsitan isinuma lamaantu muuxannoodhaan gabbifachaa dhufe yoo ta’e, jaalalli keessan qabbana qaba. 🔅🔅4) Waan waliif isin hin galchinerratti akka waliif hin galle yoo waliif galtan. Jechi kuni xiqqoo walxaxaa fakkaata. Garuu wantin jechuu barbaade, dhimma yoo irratti waliif galuu baattanis rakkoo hin qabne dhiisu yoo dandeessan, kiyya malee kee hin ta’uu yoo hin qabdan ta’e, isin warra walta’e. 🔅🔅5) Nama ofiif yaadee galma kaayyoo mataa mataa keessaniirratti waljajjabeessu yoo taatan kunis jaalala bareedaa ta’uu argisiisa. Akka dhuunfaatti biizinesii ykn fedhii qabda taanaan jaalalleen kee si fuuldura kan hin dhaabbanne ta’uu qaba. Deemee deemee kanuma waliiti waan ta’eef. 🔅🔅6) Nama hanqinaa fi cimina ofii beeku yoo taatan. Dogoggora ofii nama fudhatu ta’uu, dhiifama gaafachuu, dhiifama gochuu fi walgaafatanii walirraa baruu, dogoggora jaalallee ofiitti aaruu osoo hin taane gorfachuu yoo dandeessan jaalala miidhagaadha ijarraa isin.haa hanbisu! 🔅🔅7) Abdii walii keessanii yoo taatan. Dhuguma jaalala gaarii waliin qabdu taanan isin wabii waliiti. Yeroo walbira jirtan gammachuutu sinitti dhagayama. Wal bira teessanii gara biraatti yaadaan hin baddan. Walumaa galatti jaalalli gaarin soorata sammuuti. Haata’u malee kallattiiwwan armaan olii kanarraa maqee yeroon gufuu walitti ta’an, waldhiphisan fi fayyaa walii rakkina guddoo keessa galchan ni jira. Kanaafuu, dursa jaalala kennuurratti xiyyeeffadhu, jaalalleen keemmoo dachaa isaa siif kenna/kenniti. Gorsi kiyya kuni sinitti toleera jedheen abdadha. Hanga walitti deebinutti nagaan turaa. Waan dubbistaniif galatoomaa! Fuulbarruu kiyya kana #follow godhattanii guyyarraa waan heddu argachuu dandeessu👇👇👇 ✍ Abdi Abiyo Edao Join @Gorsa_jireenya

Maal yoo ta'eyyu of jiraachiisu waan dandeessuf hagaasmara waa'ee jirenyakeef sammuukee garmaale hin dhiphisin! Dhiphachuurra yoo gammaadde waayya! Waan sirra fagoo haalala jiru ilaalte garaakee hin gaaddisiisin! Yoo sabaabuma ittin of gammaachiistu dhabdee dhabde harka, miillafi dhaqnaa nagaa fi faayya qabeessa ta'e qabattee sochoo'ukee gad taa'iiti ofitti himi! Gudda dhabde ilaalte cannaaqamurra xiqqoo of harkaa qabduuti gammaadun boqonnaa fi tasgaabbi sammuu fi yaada ofiif kenni! Jireenyi bara kana isa itti toleef akka jaannata, isa carraansa itti balleesse fi karaashee dhabeef akka si'ooli. In gubaa. In dhiphaata. Waan kamiifu yeroo qabaniiti gammaadun gaariidha. Obboleessa Keessaan WameranTolera Benti Join @Gorsa_jireenya @Gorsa_jireenya

Qoraasuma Sammuu "Kitaabota kuma dubbisi, jechoonnikee akka galaanaa dambali'u" - --Virjiiniyaa Woolf Namni kitaaba dubbisu osoo hin du'iin dura, waggoota kumaatama hedduu jiraata. Namni hin dubbisne garuu si'a tokko qofa jiraata. Akkuma soorachuuf yeroo qoodnee: Ciree, Laaqana(Nyaata guyyaa) fi Irbaata(Dhiyana) jennee garaa keenya soorru, kitaabotas sagantaan qoodnee dubbisaa, sammuu keenya sooruu qabna. #Dubbisuun:- Arraba gabaabsa Afaan dhiphisa Sammuu bal'isa Wallaalaa qaroomsa Beekaa daraan qara. Kunneen bu'aa dubbisuuti, ammoo hayyoonni adda idil-addunyaatti dhiibbaa gurguddaa uumuudhaan beekamanis bu'aa dubbisuuti. Kana qofaa osoo hin taane, kalaqaawwan gurguddoo addunyaan kun itti fayyadamaa jirtus warri nu badhaasan, namootuma hiriyaa kitaabaa turanii fi hidhata kitaaba waliin qabanidha, ammoo warra dubbisuun nyaata nyaatanii olitti itti mi'aawudha. Kitaabonni gurguddoon dhiibbaa cimaa uumuudhaan beekaman, kan dhaloonni labataa labatatti darbee dubbisuus namootuma dubbistoota ciccimoo ta'antu, barreessee addunyaa kanaaf laate. Ammoo kitaabonni sun dafqa jabaatanii dubbisuu, keessaa argamidha. Barreessaa cimaa ta'uudhaaf dursa dubbisaa cimaa ta'uun dirqamadha. Galaanni hin jirre hin waraabamu. Isteefan Kiingi namni jedhamu akkana jedhee ture, "Yoo barreessaa ta'uu barbaadde waan hunda caalaa wantoota lama gochuu qabda; Baay'ee dubbisi, achii baay'ee barreessi!" Dhugaa dubbachuuf taanaan aalbeen osoo hin qaramiin waan tokko muruu hin dandeessu. Sammuun namaas akkasuma. Waa barreessuun dura dubbisuun dirqama barreessaa tokkorraa eegamudha. Sammuu kitaabota adda-addaatiin dubbisee utubame qabaachuun waan dansaati. Waa'ee dubbisuu yoo haasa'uu hayyuun beekamaan addunyaa fi mirga gurraachotaaf falmuun beekamu ture Maartiin Luuter Kiing akkas jedha ture, "Dubbisuun afaan si cufa osoo hin taane, haasaa sin madaalle si tuffachiisa!" jechuun kitaabaaf nama walitti hidha. Dubbisaan sirriin yoo dubbatu haasawaan isaa akka dammaa namatti mi'aawa. Haasaa dhageettii gurraaf tolu ,kan quuqqaaf quuqama xiin-sammuu namaa irratti hin qabaanne madaalee haasa'a. Dhaggeeffataan dubbisaa gaarii dhaggeefatullee jireenyi isaa akka malee boqochaa, akka waan siree oksijiiniin haguugame keessa jiruutti taa'ee haasaa namichaa dhudha'a. . Kana qofaa osoo hin taane, dubbisaan gaariin jireenya dhaggeeffataa isaa irratti dhiibbaa kallattii uumuudhaan beekama. Kun hundumtuun firii dubbisuu keessaa argamudha. Dubbataan dubbisaa hin taane yoo dubbatummoo, isa jalqabaa filannoo jechoota dubbatuu irrattiyyuu nama sirrii miti. Kansaa waan baay'eetu babbadaadha. Jechoota qor-qalbii yokaan xiin-sammuu namaatti bu'an dubbachuun dhaggeeffataa isaa waliin lola guddaa uumuu danda'a. Dirree waraana sammuu dhaggeeffataa isaa irratti uumuu danda'a. "Manni kitaabni keessa hin jirre akka foon lubbuu hin qabneeti!" Siiseerootu jedhe. Akkuma foon lubbuu hin qabne, socho'uu hin dandeenye manni kitaabni keessa hin jirree, abbaan mana sana keessa jiru sammuun isaa socho'uu hin danda'u. Kanaaf mi'a manaa qofaa osoo hin taane, kitaabas manaa qabaachuun dirqamadha. Waluumagalatti namoota akkasiitiif furmaanni, mana yaalaa deemuu osoo hin taane, mana kitaabni itti gurguramu deemanii yaalamuutu sirriidha. . Dubbisuun yeroo kee sirraa fixa osoo hin taane,ba'aaf rakkoo jireenyakee keessatti si quunnaman sirraa fixa. Kitaabota dubbistummoo filattee dubbisuun ga'ee kan keetii. Sammuu ofitti amanamummaa dhabee fi jireenya dhaabbii dhabeef, kitaaba dhubbisuun deebisanii ijaaruun salphaadha. Sammuu dubbisee arge qofaatu kana ragaa ba'uu danda'a. Ammaaf xumureera! Dubbisaa! Dubbisuun hanga du'aattidha! Join @Gorsa_jireenya. @Gorsa_jireeny

Kitaaba Eebbisaa Baayisaa "Abjuu koo hin gurguru" jedhu keessaa kan fudhatame. "Qabeenyi Addunyaa kanaa guutummaan isaa Harka Namoota dhibbantaa Ja'aa (6%) qofa kan jiru yoo ta'u, Namoonni muraasni itti bashannananii Biliyoonanni garuu fedhiiwwan Bu'uraa isaanii guuttachuu dhabuun ciniinsifachaa jiraatu" "Jireenyi Namoota kaaniif hin jiraatamne jireenya jiraatame otoo hin taane, jireenya qisaasa'eedha. Jireenyikee jireenya jedhamee lakkaa'amuuf ulaagaan guddichi jireenya namootaa isaan kaanii tuquu danda'uu keeti" Jechuun dubbata! Jireenyi nuti jiraannu namoota kan biroof maal buuse laata? Namoota naannoo keenya jiraatan dhiibbaa gaarii irratti uumaa oollamoo? Hamilee isaanii cabsaa jiraanna? Jiraachuu keenyaan namoota kaaniif jireenyi nii salphatee? Moo Itti ulfaatee? Dubbisaa Akkuma Deemteen Gidduu kitaabichaa keessatti "Hojii gaarii hojjechuuf yeroon hunduu sirriidha" jedha Namootaaf jiraachuu Haa shaakallu, kitaabicha guutummaa isaa dubbisaa Galatoomaa! Kanan dubbiserra! Like share Gorsa Jireenyaa page! Join @Gorsa_jireenya @Gorsa_jireenya

☑️GATIIN MUL'ATA kee WARRA MUL'ATA QABAN BIRAATTi GUDDADHA Mul'atnii kee warra mul'ata qaban birattii fudhaatamumma yoo qabatu, warra mul'ata him qabnee biraattii gowwaa sii fakkeessa. Mul'atnii kee gatiin isaa warra waa'ee mul'ata beekaniif mul'ata qaban biraattii guddadha. Kabaajan mul'ata keetiif malus warra mul'ata Bira jira. Warrii mul'ata him qabneef mul'atniis maal akka ta'ee waa'ee isaa him beeknee mul'ata kee sii harkaattii busheessuu. Haamilee mul'ata keetii sii adeemsiisuu isaan biraa him jiru kan haamilee sii cabsuu male. ☑️MUL'ATAF keetiif  HIRIYYAA filaadhu. Abba mul'ataf nama mul'atan mul'ataf adeemuu yoo taate nama hundumaa hiriyaa him godhaatiin. Isaan keessa yoona kan waa'ee mul'ata beekuu muraasa warrii kaan mul'aticha kee gufaachiisuu. Hiriyaa filaadhu. Hiriyaa filaatu keessayyuu nama waa'ee mul'ata sirritti hubaatee beekuuf mul'ata kee wajjiinis wal maadalu barbaadadhu. Hiriyaa gadheen amaala gaarii mancaasa akkuma jedhan, hiriyaan mul'ata kee wajjiin wal him maadale siinis mul'ata keetiif gatii maleessa sii gochuu daanda'a. Kaanaafuu, hiriyaa mul'ata kee galmaa sii gahu argaachuf ykn kan barbaaduu yoo ta'ee hiriyaa mul'atiicha kee wajjiin wal maadaluf mul'atichaa kee irrattis sii gargaaruu hubaannan barbaadadhu. Hiriyyuumma isaa wajjiinis jalqaabu dursaa haammamta nama hiriyaa kee ta'uf jiru hubaadhu. ☑️MUL'ATA KEETIIS,,,,,,, Mul'ata keetiif gahan dursa sii'i. Mul'atnii kee dursa sii biraatti gahooma argaachun sii bira gatii isaa malu yoo him argaatiin quba itti qaba nama hunduma ta'aa. Hunda dursa, mul'atnii kee sii biraattii kabaaja argaachu qaba. Mul'ata keetiis kabaajii. Mul'ata kee kabajufis eenyuun hin gaafatiin murtoo mataa keetiin itti adeemii. ☑️MUL'ATA KEE ORMAAN,,,,,,,, Mul'ata kee ormaan him maadaliin of harkaattii busheessita. Kan ormaa wajjiinis wal Bira qabdee maadalun gatii maleessa him godhiin. Mul'atnii namichaa kan kee him ta'u, mul'atumma keetu siif kan keetii. Mul'atnii namiichayyuu immoo yoona him beektu malee hangaa kan keetii gatii qabeessa ta'u dhiisuu mala.  Kaanaafuu, hundumaa caalaa kan kee caalee sit haa argaamu kan ofittu kan ofitti malee kan orma kan ormaattii kan ofii him ta'u. Mul'atumma atii amma qabduttu kan keetii isumaa of harkattii gatii qabeessa taasiisii. Of harkaattii eeggadhu. Kufaatii mul'ata namoota baayeef sabaabnii of harkaatti tuffaachu mul'aata isaanitti. ☑️DAANDII MUL'ATA,,,. Daandii kee milkeessu dursaa osoo ofii barbaaduu ykn argaachu him daanda'iin nama Bira him gaafatiin. Tarii, namichii daandii mul'ata keetiif maluf maadaluu sitti agaarsiisuu dhiisuu daanda'aa. Daandiif karaa mul'ata keetiif ta'uf maadaluu kan beekuu sii qofa. Ormii mul'atnii sii keessa jiru hangaam haama inni gahu waan him beekneef daandiif karaa hangaa  mul'atiicha gahuf maadaluu siif  arguu dhiisuu daanda'a. Him arguus, him beekuus.  Daandiif karaa mul'atnii kee yoo irraa imaaleef sochoo'ee milkaa'uf galmaa Isaa barbaachiisuu gahu daanda'uu sirrittii akkataa mul'ataa sanaf maluttii kan beekuuf hubaatee nama tokkichaa, innis sii Abbumma mul'atiicha qofa.  Abba mul'ata malee waa'ee mul'ata isaa hangaamta isaa namnii beekuu daanda'uu him jiru.  Kaanaafuu, karaaf daandiin mul'ata keetiif ta'uf maadaluu suman abba mul'atichaa Bira jira. Siin Abba mul'aticha males namnii daandii mul'atichaa milkeessuu beekuu daanda'uu him jiru.  Hin dagaatiin,Daandii mul'ata milkeessus mul'atichumma keessa jalqaaba.   Galaatooma! Barreessaan; WameranTolera Bantin before 3yrs! #share share share share #join join join join join @Gorsa_jireenya @Gorsa_jireenya @Gorsa_jireenya

Nama Milkaa'ina ta'uf waantoota sadan kanatu si barbaachiisa:       1 Nama muldhaata ykn abjuu qabu ta'u. Nama abjuu qabu ta'unkee Kaayyoo milkeessuuf, galman gahunis ofiike hamma maatiikee,  biyyaa ittin jijjjirtu jiraattuf tokko akka qabaattuf si gargaara. Namni Kaayyoo jiraatuf yoo qabaate malee jireenyasaa guddisuu hin danda'u. Ka'umsikee gahumsakee murtessa. Gahumsikee immoo hamma ka'umsakee Sana gaha.      2 Muldhaata ykn abjuu qabdu sanaf jabaatte, cimte, dhaamatefi nuuffi malee galmaan gahuf hojjechuu qabda. Kun immoo abjuu ykn Muldhaata si keessaati biqilee guddisuuf, yaada hojii si keessati argame gara hojiiti/gochaati geeddaruf, Akkasumaas abjuu galman gahuf Kaayyoo godhatte dhugumaan galman geesse akka argamtuf si gargaara.     3 Akkasumaas, amala gaarii namootan ittin walii galtu, hojiikee hojeettu, jireenya mataake ittin jiraattufi amala gaarii muldhaata si keessa jiru wajjiin waliigalu qabachuu qabda.      Abjuun yaadan argamaa. Hojiidhaan galma gaha. Cimaani hojjechuudhan dhugooma. Jireenyi nama abjuu qabu hojjeeta abjuusaati. Nama guutuu ta'uf abjuu ofii dhugoomsutu barbaachiisa. Kanaafu, abjuukee dhugoomsi! Namoota kaayyokeef hin malle karaakee irra maaqsi! Hiriyyaa abjuukee hin madaalle wajjiin hin michoomin! "Hiriyyaa gadhen amala gaarii mancaasa" jedha Macaafni Qulqulluun.  Kanaafu, namoota abjuukee faalleessani wajjiin oolte nama abjuukee galmaan gahu taaate of arguuf him yaalin! Namni waliin jiraatu dhiibbaa wal irraati gochuun isa hin oolu. Atis immoo Nama dhiibbaa amala badaa Nama qabu jalati kufuu utuu hin taane, dandeessu Nama amala gaarii qabun amala badaa namni qabu geedarsiisuu ta'uf yaali! Kana yoo hin taane immoo, amalumaa gaarii qabdu sana amala badaa namoonni qabanin akka hin mancaanef eeggadhu! Milkaa'ina keenya keessaati amalli nuti qabnu gahe guddaa qaba. Jabaanne hojjechuun, abjuu qabachuunifi gargaarsa abjuu  sanaf nu barbaachiisu argachuun keenya duwwaan, Nama abjuusaati dhugoomu nun taasisu. Amalli badaan xiqqoo nuti qabnu kana hundumaa altokkichan nu jala diiga. Wantoota qabnu kana biraatis amala gaarii yoo qabaanne immoo qabeenyaa qabnuti faayyadamne of milkeessinerra jechuudha. Kanaafu amala gaarii qabachuun milkaa'ina keessati Bakka guddaa qaba.   Namoonni abjuu ykn Muldhaata gaarii malee amala gaarii hin qabne, baraan abjuusani milkeessuuf bu'ani bahani gatii kaaffalu. Garuu hin milkaa'an. Galma hin gahan. Sabaabinsa, amala badaa/ tasgaabbi hin qabne sanan waan si'a baayye itti dadhabani hojjeetan diigu. Namoonni abjuu ykn Muldhaata gaariifi amala gaarii wal simuu qaban immoo sadarkumaa sadarkaadhan abjuusani dhugoomsa adeemu. Sabaabinsa, bu'a yeroo hojjeetan argatan eeggachu danda'u waan ta'ef! Yeroo hundumaa namoonni jireenya keessaati gatii gurgudda kaaffalu malee milkaa'ina bira dafaani hin geenye, namoota amala dafaani aaru, murteessu, tarkaanfi fudhachuufi utuu itti hin yaadin waan tokko gochuu qofarraati xiyyeeffaatanidha. Atis, akka namoota  akkasi kana ta'u hin qabdu. Nama amala gaarii, tasgaabba'a, obsufi suuta jechuun waan tokko keessumessu ta'u qabda. Eessattu, bara kana amala keetu si jiraachiisa.   Amalli gaariin jireenya keessaati firaa namaaf Baayisa! Barreessaa; WameranTolera Benti Yoo isiniti tole, like share comment godhaa! Galatoomaa! Join @Gorsa_jireenya @Gorsa_jireenya

Dubbiftee hin gaabbitu; eeyyee hin gabbiitu l! kanaaf yaadan gola yaada kootii isiniif Katabe kana narraa qooddadhaa! Jireenya keessatti yeroo itti of ilaaluu qabnutti yoo of hin ilaallee, bara cabuu hin qabneetti cabna, jireenya jiraachuu hin qabne jiraachuuf dirqamnas! Iddoo ani hojjaadhu kanatti wanta bartee dhaabataa ta'ee tokkootu jira! Innis Namoonni sadarkaa geggeessummaa/hogaansaa irra jiraan... Hoogganaa qabeenyaa Hoogganaa qulqullinaa Hoogganaa Oomishaa Hoogganaa ijaarsaa Hoogganaa humna namaa fi namoonni sadarkaa hooggansaa olaanoo irraa jiraan Torbaniitti al tokko yeroo mara wal gahu; Abbaan qabeenyiichas marii sana irratti argamuun yaadoota jiraan dhageeffata/ gabaasa isaan dhiyeessaan qooddata! Namoonni sadarkaa irra jiranitti itti gaafatamummaa fudhatanii hojjataan torbaan torbaniin, maal irra akka gahaan, milkii akkamii akka fiixaan baasaan, wantoota hojjachuuf wixineessanii milkeessanii fi utuu hin milkeessiin hafaan ni gabaasu...Yaadonni garagaraa irratti kennamuun sadarkaa caalutti darbuuf, kan kaleessaa caala bor waan haaraa galmeessuuf ammoo of amansiisanii gara hojii isaanitti deebi'u! Haala kanaan rakkoo jiru atattamaan furuun guddinaa dhaabbatichaa ariifachiisu! Gara mata keenyattiin deebi'a! Aadaan kun aadaa waajjiraaf dhaabbataa qofa ta'uu hin qabu! Nutiis of ilaaluun, of qorachuun, maal irraa kaanee maal irraa akka geenyee, maalirraa kaanee maal irra immoo akka gahuu dandeenyu jireenya keenya guyyuu guyyuu keessatti of gaafachuu qabna! Of waliin Wal gahii jajjaboo geggeessuu, Murtoo jajjaboos murteessuu qabna! Steve Jobs namni sadarkaa kalaqaaf qabeenyaan sadarkaa fagoo irra gahee turee, falasamaa ittiin jireenya isaa hoogganuu gaafa dubbatuu "Guyyaa har'aa kana maal hojjachuu akkan qabu durseen wixineessa, galgala yeroon galuu ammoo guyyaa har'aa kana waantan wixxineesse keessaa maalan milkeessee, maaltu ammoo utuu hin milkaa'in hafee jedheen of gaafadhaa, milkaa'ina kiyyaaf Iccitii jabaan kanuma" jechuun dubbata! Eegaa jireenyi bahanii galu miti, rafanii ka'uu miti; Waan jiraataniif, Waan dafqaniif, waan wareegamaniif qabaachuudha! Wanta jiraataniif kana ammoo guyyaa guyyaan madaaluun sarara gaariif qajeela irra adeemsiisuuf qabsa'uutu barbaachisa! Of haa ilaallu, eessa turree? Eessa jirraa? Eessa gahuu qabna turree? Garummoo eessa jirra? Maal hojjachuuf dheeboonna turree? Garummoo Amma maal hojjachaa jirra? Fedhiin keenya dhugaan maal turee? Nuti garuu jireenya akkamii jiraachaa jirra? Of haa ilaallu, gola keenya yaada keenya haa dawwannuu! dhukkubaa keenyaaf wal'ansaa gochaa jireenya fayyaa qabu jiraachuuf ammoo haa dafqanuu! Dhalannee duwwaaf jiraachuu, arginee duwwaaf hojjachuu haa dhiisnuu! Waan hojjachuu qabnu, jireenya jiraachuu qabnu beekuu qabna! Yaaduuf yaadda'uun gargaari, yeroo baay'ee namoonni yaada akka yaadda'uutti fudhachuun yaaduu dhaabuu! Wanuma itti fakkaatee duwwaa hojjachuuf of jajjabeessuu! Kun garuu ta'uu hin qabu, yaaduun qabeenya guddaa dhala namaa uummamaa kan biroo irraa gargaar baasudha! Kanaaf yaaduu hin sodaatiin, dhimma jireenya keef abbaltii kan fudhatee si'ii waan ta'eef! Obboloota koo ni jiraanna tanaan ni jiraanna! #Akka feetee wanti jedhamu hin jiru! Barri ati bara badduu jettee arrabsiitu kun jaallattuus jibbituus baruma Waaqayyoo keessatti kaayyoo Kee milkeessi jedhee siif kenneedha! Barri ni dhufaa jettee kaayyoo Kee irra raftaa tanaan, dogoggoraa jirta! Maaf ibiddi sitti hin qabannee, Amma lubbuun si keessaa baatuutti bara komachuu dhiisuun dhimma dhufteef golaabi! Of hin gowwomsiin, of irratti gamna ta'i! Jireenya labataaf dubbifamuu jiraadhu; jireenya afaan hin qabnee, kan si'iifis labatafiis hin dubbannee hin jiraatiin! Jireenya baroota keessatti ol ka'ee dhalootaaf dubbatuu jiraadhu tari! Kamiis ta'u Kam garuu, nama dhiiba'aaf rinciicaa hin ta'iin! Waaqayyoo eebbisee, waan kaayyoo keef barbaachisu wajjiin si uumee! Of ilaalii; yeroo of ilaaluu qabdutti yoo of hin ilaallee, yeroo guddachuu qabdutti xiqqaatta! Isiin gati jabeessootaf gatii qabeessoota; akka kanatti of ilaalaa; dhugaa jirutu kanuma! Maadda: Miidiyaa Hawwaasa