تَوَّاق

ياما ضربت الدرب، غصبٍ بلا كيف و ياما مشيت وشوق قلبي: خلافي

خطبة الجمعة: "انتهزوا فرصة الأيام فإنها لا تطول، ولا تفسدوها بالشقاق والجفاء والنزاع حول أتفه الأسباب، واملأوا أعيُنكم من وجوه الأحباب"

‏اضحكي لي يا ليال العمر . . دام العمر مرّه ‏و اسقي جفافٍ تفرّع و احتضن زهرة شبابي

‏"ودك إنك ماتعاتب غير طيّب / شرهةٍ ماهي على طيب خساره"

يدك لا مدت وفاء لا تحرى وش تجيب

يغنيك عن كثر الحكي مجمل ابيات ومن ياخذ المضمون يلقى الادله تدري وش اللي يقتل الحب بسكات لا صرت في بوحك تحس بمذله و تدري وش اللي يكسر الظهر حزات لامن عطيت احساس ماهو محله وتدري متى تستاهل الطعن مرات لامن خطيت الدرب وانته تدله لاتتبع المقفي على كل حالات بعض الوجيه اللي تقابلك عله ولاتسأل الغالي عن الجرح لافات نبش الحكي يزود الطين بلّه طالع في من حولك وتاخذ شهادات ما نلتها لو تدرس الدهر كله ناسٍ تجر من كثرة الضيق ونات وناس تقضيها وناسه و فله هذاك شال هموم غيره ولا بات وهذاك مايدري عن احساس خله احدٍ يهين اصله على كل زلات و احدٍ ترومه شيمته ما تزله لا تقول حظي من عنا الوقت قد مات قل مات حظ اللي عناه استحله ولا ضاقت الدنيا وعلى الكيف ماجات اطلق احجاجك ثم توكل على الله -محمد بن فطيس

عامٍ جديد وحبّه اكثر من العام ❤️

من خَلقنا الله وحنّا عزيزين النفوس مانوطي شمخ الروس غير لربها ماردينا والليالي لها وجهٍ عبوس ‏ خل يوم إن الليالي سميحٍ دربها

"‏ ولو مايبقى من الوصل شيٍ إلا الصدوف ‏مرحبا بالصدفه اللي تجيبك يا مرحبا "

كل عام وانتم بخير نسيتكم