IV Notes 💉

معلش يا جماعة بسبب زيادة عدد المشتركين في ال community عن 2000 فمينفعش حد جديد ينضم انا عملت الجروب ده جديد لل training program القادم ان شاء الله تقدروا تنضموا عليه https://chat.whatsapp.com/KrkpSaWJVb9Gc6XITef8va?mode=hqrc

https://chat.whatsapp.com/Jfkr9TvBQ1P6QBZpbdlD37?mode=hqrc للمهتمين بالإنضمام للبرنامج ده لينك واتساب جروب هننزل عليه كل التفاصيل ونتواصل عليه لحين البدء إن شاء الله 💪🏻 ولو فيه أي مقترحات يهمني أسمعها منكم هنا https://forms.gle/iXYsbPqUNEv15ZxN7

هو ايه اللي هيتم بالظبط جوة البرنامج التدريبي على الطوارئ العصبية !🤔 أولاً انت اصلا معظم الحالات مش هتعرف إنها neurology 🧠 ومفيش عيان هيخش عليك رافع راية مرسوم عليها brain عشان تعرف إنه عيان نيورو وتتصرف معاه كعيان نيورو 🏳️‍⚕️ لذلك إحنا هنبدأ بمحاضرة How to take a history في العموم كدة من أي عيان داخل عليك 👨‍⚕️👂 بل خليني أقولك المحاضرة اسمها بالظبط: How to take a history in ER 🚑 طيب وهو هيفرق ايه يعني history في الطوارئ من history في العيادة !! فرق السما والأرض طبعاً 🌌⚡️ عشان تعرف تصنف عيانين الطوارئ تحديداً مين نيورو ومين لأ يعني مش هيكون رص كلام وخلاص لأ… العيان ال acute غير العيان ال chronic ⏱️ والعيان ال stable غير العيان ال unstable ده هتتصرف معاه بطريقة وده بطريقة من أول ال History 📝 كمان لازم هنراعي عامل الوقت المزنوق جدا في الطوارئ ⏳ الدوشة والسربعة اللي العيان وأهله وانت شخصياً فيها في الطوارئ 😵‍💫 العيان من شده ألمه ممكن ميعرفش يحكيلك قصته 😣 العيان أصلا ممكن يكون مش في وعيه 🧑‍🦯 واللي جايبهولك ممكن ناس من الشارع محدش يعرف عنه حاجة 🚶‍♂️🚶‍♀️ ازاي بقى انت هتاخد history بإحترافيه وتخرج بأهم المعلومات اللي محتاجها عشان تاخد قرار سليم سريع ؟! ⚡️🧠 ... عشان كدة هنبدأ بمحاضرة تفهم إزاي وليه تاخد History مظبوط في الطوارئ ثم هيتم التدريب على ده بشكل عملي لايف 🎥 كل واحد هيكون طبيب ياخد فرصته ويمشي على فورمه محدده لل History مع عيان محدد بحيث تكون فعلاً متدرب وواثق من كل خطوة بتعملها 👌👨‍⚕️ ده بإختصار عبارة عن أول خطوة في ال Neurological emergencies training programe اللي هنعمله في IV Notes 📘 خد بالك الخطوة دي مش محاضرة… الخطوة دي لوحدها عبارة عن كورس أصلا إزاي تاخد history في الطوارئ 🎓 تابعني عشان تعرف باقي الخطوات اللي هننفذها جوة البرنامج إن شاء الله 🤝✨

بالمناسبة تعاهدت مع نفسي إن شاء الله إن قبل أي wave للبرنامج المدفوع هيكون فيه workshop بنفس الكفاءة ومجانية إن شاء الله زي ما هيتم دلوقتي 🙌🏻 طولت عليكم معلش 😁 عايز رأيكم للمهتمين بالإنضمام للبرنامج التدريبي ده على الفورم دي وعندك مساحة كمان لأي إضافة أو فكرة حابب ننفذها جوة البرنامج ده عشان ترفع من كفاءته وتكون فعلا مفيدة للمنضمين اكتبها وان شاء الله أحاول أدخلها في النظام انتظروني في التفاصيل الكاملة عن ال workshop ثم ال training program شكراً 🙏🏻 https://forms.gle/iXYsbPqUNEv15ZxN7

هتستحملوني شوية في القراءة 😅 اخر ورشة عملناها كان من 6 شهور لو تفتكروا بخصوص نقل الدم بس أنا من أول ورشة عملتها ومع رد الفعل اللي لقيته منكم تجاه اللي بقدمه وأنا بصراحة كنت متشجع أعمل حاجة كبيرة مش مجرد ورشة تخص موضوع واحد .. إيماني كان بيزيد مع كل ورشة بعملها من خلال كلامكم ليا أثناء وبعد الورشة اللي أنا كنت حابب جدا إنه يكون على فورم مجهولة عشان كل واحد فعلا يقول رأيه بدون حرج أو مجاملة .. واللي بيكتب مش مضطر يقول كلمة حلوة لأني غالبا حتى مش هعرف هو مين ولا هعرف اشكره عليها ... بس كان دايماً كلامكم بيقولي إن ربنا موفقني في حاجة انتوا حابينها وذات نفع ، بعد أخر ورشة بالذات جالي بعض الرسائل بتشجعني أعمل كورس كبير متكامل حتى لو بمقابل .. ويعلم الله والله قد ايه انا كنت مبسوط جدا في الورش المجانية اللي عملتها ولسة هعملها بردو إن شاء الله وإني إذا كنت هعمل شئ بمقابل مادي فهيكون نظراً للتفرغ اللي هتفرغه للحدث الكبير ده 😃 عشان كدة متستغربش لو قولتلك أنا من ساعة اخر ورشة من 6 شهور وأنا شبه متفرغ لمحاولة إنجاز ما يمكن إنجازه من عمل برنامج تدريبي متكامل ( مش كورس ) يكون بيغطي most problems of acute medicine in emergency wise ولك أن تتخيل إني بعد الكام شهر دول أنجزت فقط ال neurological emergencies بس لأجل الصدق يعني هما 4 شهور فقط من الست شهور اللي كنت بشتغلهم فكان المفروض نكون بادئين بدري شهرين عن كدة ولكن شاء الله يأخرني شوية بمرض ابني ثم وفاته من حوالي شهرين فكان فيه فترة حوالي شهرين توقفت فيها عن العمل والحمد لله قدرني في الأخر وأنجزت المطلوب طيب وايه سبب طول مدة التحضير دي (4 شهور) !! السبب في ده ( والناس اللي حضرت معايا قبل كدة عارفة ) مبعرفش أعمل حاجة نص نص , لو قولتلك معلومة لازم أفهمهالك من أصلها لفصلها , لو هعملك pdf تذاكر منه لازم يكون كامل متكامل بترتيب معين انا كاتبه بأيدي متارجت بيه الفوتو ميموري بتاعتك وكأن أنا اللي بذاكرها , متارجت بيه راحة العين وإنه يكون مبهج ميخلكش تزهق وتحس بدش كتير تحت بعضه وخلاص وكأنه textbook لازم أعملك ملخصات بنفسي و to do list عشان تسهل عليك وقفة الشغل لازم أعملك algorithm من ال guidlines الرسمية بس بعمله بإيدي عشان يكون منظم ومريح للعين والعقل , لازم أكون عامل حسابي على المستقبل وإن فيه معلومات كتير هتذاكرها بس بعد سنة ممكن تنساها فلازم اعمل flashcards تقدر تكرر بيها المعلومات المهمة دي في ثواني كل كام شهر عشان متنسهاش ومتكونش مضطر تسمع محاضرات من تاني , لازم أكون عملتلك مواقف حقيقية في cases صغيرة او كبيرة عشان تعرف بتاخد القرار ازاي وبتفكر ازاي , لازم بحط نفسي مكانك واني لو داخل على المحاضرة دي هكون مهتم بمعلومات ايه بالظبط اعرفها فبعملك MCQs عليها قبل المحاضرة عشان ذهنك يفضل منتبه لإجابة المعلومة لما تتقال في المحاضرة , ثم انزلك نفس ال MCQ بعد ما تخلص من غير ما اقولك اجابتها انت بتكون عرفتها لوحدك لما ذاكرت فتفرح ومعنوياتك ترفع لما تشوف الفرق بنفسك قبل وبعد فتعرف انك جامد جدا ولا ينقصك شئ سوى الجدية ، لازم أكون اطمنت بنفسي انك هتعرف تطبق الكلام ده على ارض الواقع فبجهزلك سيناريوهات real cases ونعمل محاضرة live أخليك تمشي معايا بسيناريو طبيب ومريض وأتأكد انك هتعمل كل الخطوات صح زي ما عملنا في ورشة الإنسولين ال material نفسها اللي بنشرح عليها بكون مختارها بعناية مش مجرد history exaination investigation treatment لو عملت كدة مش هفرق حاجة عن كتاب الباطنة بتاع الكلية , الحقيقة انا بحاول أطلع فيها كل اللي أنا كنت مفتقده أول ما اتخرجت وبدأت شغل وكان نفسي ألاقي مصدر يرد على اسئلتي اللي بتظهر من واقع الشغل , ازاي هوصل لتشخيص وازاي هتصرف مع مشاكل ال management مش مجرد ترتيب نقاط وخلاص .. كل ده كنت بحاول أراعيه عشان فعلا متواجهش الصعوبة اللي قابلت الجميع قبل كدة كذلك الجزئية الأهم بالنسبالي وهي انك تكون فاهم كل كلمة انت بتقرأها او كل خطوة انت بتعملها في شغلك من أول ال pathophysiology لحد طريقة اعطائك للعلاج .. الموضوع ده كان بيكلفني وقت ومجهود فظيع بس كنت مؤمن من زمان إن ده اللي هيخليني متميز في تفكيري وفي ال communication بتاعي حتى مع المريض وأهله وقد كان بفضل الله عشان كدة فكرت أتوكل على الله وابدأ البرنامج التدريبي ده مجزأ ويكون أول جزء هو ال neurological emergencies محبتش أصبر لما أخلص البرنامج كله لإني حسيت إنه مع حجم المحتوى وشدة النظام اللي هيكون موجود صعب أخلي كل واحد فيكم منتظم لفترة طويلة , فكان من الأفضل تجزئته عشان تقدروا تمشوا على النظام الموضوع كما يجب ( لأن الحقيقة اذا كنت في المجاني بسيبلك حرية الإنضباط , فـ في المدفوع مش هقدر أسيبلك الحرية دي أنا اسف 😁 )

هتوكل على الله و أقولها بقى وخلاص 😁 في حدث كبير هنعمله اليومين الجايين عايزكم تستعدوا كويس أوي 🙈 بدل ما إحنا كنا الفترة اللي فاتت بنخطف معلومات أو مواضيع صغيرة ، هنعمل حاجة كبيرة تخليك تقطع شوط كبير في الطب وتخلي مستواك في منطقة تاسعة خالص إن شاء الله 🤌🏻 إلى أصحاب الصدور الواسعة واللي كان منتظر ورشة جديدة زي اللي فاتوا هكتبكلم رسالة كبيرة حبيتن 😃 be ready

أي عيان حصله acute pancreatitis في وقت ما من حياته ومش Diabetic فهو معرض بشدة يكون diabetic في أي وقت بعد دور ال pancreatitis ده ، خد بالك واعمله screening بعد 6 شهور من ال attack ولو لقيته سليم فهمه إنه هيعمل ال screen ده كل سنة 🩸✋🏻

هو أيه اللي يخلي ال folic acid يقل في جسمك ؟🧐 السؤال بطريقة أخرى أمتى أكون متوقع إن يحصل folate deficiency فأتابعه كويس وأعوض العيان عنه ؟! 🤨 ما هو يا إما ال folic موجود بس الإستهلاك عالي 1️⃣ يا إما ال folic موجود بس بعطل اللي موجود ده بالفعل 2️⃣ يا إما الجسم مش بيدخله كمية كافية فمفيش folic من الأساس 3️⃣ 1) زيادة الـ Cell Turnover ♻️ لما جسم المريض يبقى بيعمل تكوين خلايا كتير وسريع، الفولات بيتسحب بسرعة في الـ DNA synthesis. أمثلة: Pregnancy 🤰 الحمل بيزود احتياجات الجسم للفولات عشان الـ fetal neural development. Chronic Hemolytic Anemia 🩸 زي في الـ Hereditary Spherocytosis أو Sickle Cell Disease، الـ RBCs عمرها قصير فبنحاول تعويضها فده يعمل استهلاك Folate عالي. 2) Medications Interference 💊 أهمهم: Methotrexate بيشتغل كـ Folate antagonist فيمنع تكوين خلايا جديدة وبالتالي بيستخدم في ال abortion في البداية زي ال ectopic pregnancy عشان نمنع إستكمال نمو الخلايا البسيطة اللي موجودة. Anti-epileptics (Phenytoin, Valproate) يا بتقلل absorption يا بتزود metabolism في النهاية مش هستفاد من ال folate 3) Intestinal Malabsorption ❌ أي مرض يأثر على امتصاص الـ Folate في الـ small intestine (خصوصا jejunum) هيقلل نسبته. مثال: Celiac Disease طيب أنا فاكر إن نقص ال folic acid بيعمل macrocytic anemia وكذلك نقص vitamin B12 إزاي هفرق بينهم ؟ 🙄 خليك فاكر نقص Folate ممكن يعمل Macrocytic anemia من غير Neurological symptoms زي B12 deficiency. #By_Dr_Mo #IV_Notes

ليه الـ Fibrates ممكن تعمل Gall Stones؟ 🙄 لما بتشوف عيان Hypertriglyceridemia خصوصاً فساعتها بتحب توصفله Fibrates تحديداً كـ lipid-lowering drugs 👌🏼 بس مهم نفتكر إن لها Side effect مهم على الـ Gallbladder لازم نفهمه صح 🧠 الميكانيزم ببساطة إن الـ Fibrates (زي Fenofibrate, Gemfibrozil) بتشتغل في الأساس إنها: تقلّل الـ Triglycerides 1️⃣ المادة المضرة ❌ تزوّد نسبة الـ HDL 2️⃣ المادة المفيدة ✅ لكن في المقابل بيحصل تأثير غير مرغوب بخصوص الـ Bile composition… إزاي؟👇 الـ Fibrates بتقلل تكوين الـ Bile Salts عن طريق إنها بتعمل inhibition لإنزيم اسمه 7 alpha hydroxylase وده الإنزيم الأساسي لتحويل Cholesterol → Bile acids 🤌🏻 لما الإنزيم ده يتثبّط يحصل التالي: يقل Bile Salts production يزيد Free Cholesterol proportion in bile يحصل Supersaturation للـ bile بالكوليسترول النتيجة النهائية = Increased risk of cholesterol gallstones ✋🏻 مين أكتر فئة معرضة للـ Risk؟ 🧐 مهم تعرفهم عشان المتابعة تكون أدق: Obesity Type 2 Diabetes History of Gallstones or biliary disease وحد بالك استخدام Fibrates + Statins بيزود ال risk ولذلك قبل ما تكتب Fibrates اسأل المريض عن: Symptoms of biliary colic (right upper quadrant pain post-fatty meals) History of cholelithiasis 💊💊💊💊 #By_Dr_Mo #IV_Notes

ليه تحليل (ABG) لمريض Pulmonary embolism بيبقى غالباً Decompensated respiratory alkalosis ؟ 🤔 🫁🫁 1️⃣ الجسم بيتنفس بسرعة بسبب نقص الأكسجين لما بيحصل انسداد في شريان الرئة، الأكسجين مش بيوصل كويس. وده بيعمل tachypnea عشان يعوض. 2️⃣ الCO₂ بيختفي بسرعة من الدم ال tachypnea بتخلي الCO₂ يطلع برا بسرعة وبالتالي pCO₂ بيقل. 3️⃣ الpH بيعلى (alkalosis) مع انخفاض ثاني أكسيد الكربون، قيمة الpH بتعلى وبالتالي respiratory alkalosis. 4️⃣ ال kidneys في سابع نومة دي حالة respiratory فقط، ال kidneys لسه ما بدأتش تعوض لأن ده حصل بشكل مفاجئ و البيكارب مبيلحقش يتصرف ويعادل الكلام ده بسرعة وبالتالي بقت Decompensated respiratory alkalosis 🫁🫁 وللعلم 👇 In severe PE CO₂ may normalize or rise if ventilation fails (in cardiogenic shock or respiratory muscle fatigue) #By_Dr_Mo #IV_Notes

يهمك في أيه إنك تعرف إذا كان العيان بتاعك ESRD ولا لأ قبل ما تقيسله الضغط؟ من الأخر ده هيأثر على ايه في عملية قياس الضغط ؟! 🤔 عيان الكلى اللي بيغسل دكاترة ال vascular بيعملوله وصله ما بين artery and vein في دراعهم .هتقدر تشوفها وتحسها لو حطيت ايدك عليها , الوصلة دي حساسة جدا فممنوع نعمل فيها أو حواليها أي شئ يمثل ضغط عليها , حتى الشكة فيها مش أي حد بيعملها بيكون فيه فني غسيل متخصص في شكة هذة الوصلة , من أحد أساليب الضغط على هذة الوصلة هو إنك تقيس الضغط في نفس الذراع فده يكتم الدم ويعرض الوصلة دي لمشكلة ... ولذلك عيان الكلى اللي بيغسل مهم تسأله بتغسل منين عشان لو بيغسل من وصلة في ذراعه فممنوع تقيس منها الضغط وتنبه على اللي معاك ممنوع نقسله منها الضغط وتنبه على العيان إنه ينبه على أي حد بيتعامل معاه إنه ممنوع يقيس منها الضغط 🚫

متديش للعيان بتاعك محلول لو ...... ‼️ حلقة في ودنك كدة توفر عليك كتير من التفكير والأخطاء 👇 في الحر اللي إحنا فيه ده ناس كتير هتيجيلك مهبطين من خسارة السوائل , مفيش مشكلة إديله المحلول المتين بتاعك , بس عايز أحطلك حلقة في ودنك عن إمتى تخاف على العيان من المحلول ده عشان تعرف المفروض تديه ولا لأ أو على أقل تقدير تديله أقل كمية ممكنة ثم تعيد التقييم 🤌 انت محتاج تطمن إن السوائل اللي هتدخلها دي الجسم هيطلع منها الزيادة عشان ميحصلش overload تمام كدة ؟ 🤚 طيب مين اللي بيخرجها ؟ ال Kidneys صح كدة ؟ 🤚 طيب مين اللي بيوصلها لل Kidneys ؟ الماتور اللي هو ال cardiovascular system 🫀 يبقى انت يا معلم محتاج تتأكد إن الكلى شغالة والقلب شغال .. مكنة الكلى شغالة يعني بتجيب (قماش) بول , كدة انت هتضمن لو فيه سوائل زيادة دخلت هتقدر تخرجها 🤝 و محتاج تتأكد إن الماتور قادر يضخ الماية في المواسير عشان توصل الكلى , طيب ودي هعرفها إزاي من غير Echo مثلا ! هتحتاج تبص على المواسير اللي قبل الماتور , عشان لو الماتور مش قادر يضخ ، فالسوائل هتتراكم قبله ومش هتوصل بعده ، يعني من الأخر الشرايين ناشفه والأوردة مبلولة يبقى الكلى هتبقى ناشفه مش واصلها سوائل ومش هتجيب بول و .... : Jugular veins congested Lungs congested Lower limbs edematous كدة انت عرفت إن القلب مش شغال ومش هيقدر يزق ازازة الملح لقدام عشان تخرج من الكلى فيهيخليها تتراكم في الجسم 💢 الخلاصة قبل ما تدي إزازة المحلول بص على 4 حاجات من فوق لتحت : 1- في الرقبة بص على ال neck veins محتقنة ولا لأ ✅ 2- في الصدر اسمع ال back مبقلل ولا لأ ✅ 3- في الحوض بيجيب بول ولا لأ ✅ 4- في الرجلين فيه edema ولا لأ ✅ لو تمام اديله محلول الملح 👍 لو مش تمام فالعيان ده محتاج إهتمام شديد و continuous monitoring وانت بتديله محاليل بشويش بشويش 🤌 واضحة 🫡 إضافة أخرى : مش بيجيب بول ده المقصود بيه العيان اللي مش بيجيب ولا هيجيب بسبب intrinsic renal disease 😵 إنما مش مقصود بيه عيان ال pre renal AKI اللي مبيجيبش بول لأنه ناشف من جوة , العيان ده هيحتاج خمس ست سبع تمن تسع عشر أزايز محلول 😅 المهم خدت بالك قد ايه ال analysis of symptoms مهمة في ال history وامتى ال onset وال duration خلتك من متديش محاليل خالص أو إنك تفتحله برميل محاليل 🙈 #By_Dr_Mo #IV_Notes

أهم وأول فاكتور ممكن تعتمد عليه في تحديد كفاءة ال organ perfusion هو ال oliguria , إلا في حالة ... ؟ ‼️ oliguria reflects vital organ perfusion so it's an important physiological marker of hydration if the patient doesn’t have intrinsic renal disease 💦 طيب هو الكلام على امتى مقدرش أعتمد على oliguria عشان أقول ان فيه او مفيش decreased tissue perfusion لأن في الطبيعي الـ UOP هو أول حاجة هتتأثر بنقص ال perfusion ↘️ ممكن بدل ما نقعد نعدد الأمراض نجمعهم كلهم في مصطلح any intrinsic renal disease ✋ يعني لو العيان عنده مشكلة في ال kidney مينفعش تروح لل oliguria وتقول بما ان فيه او مفيش oliguria يبقى فيه او مفيش impaired tissue perfusion, لذلك العيان اللي عنده volume depletion وانت بتعمله assessment لازم تعتمد على حاجات تانية غير موضوع ال urine output لأن للأسف أصبح لا يعتمد عليه بسبب الخلل الأساسي اللي موجود في الكلى ❌ أيه بقى اللي ممكن أبص عليه في العيان غير الـ UOP ؟! 1️⃣ ال postural hypotension طيب افرض عيان ICU ونايم مينفعش تعمله ال Test , ممكن تنفذه بطريقة تانية قيس ضغطه ، وبعدين ارفع ال lower limbs ثم قيس ضغطه تاني ، لو لقيته بيرفع يبقى كدة فيه fluid depletion, and need further fluid infusion 2️⃣ ال fluid challenge إدي العيان ده 250 سم crystalloids لو ضغطه رفع عليهم يبقى هو كدة مستجيب لل fluids ومحتاج fluids 3️⃣ ال heart rate لو فيه decreased tissue perfusion القلب هيحاول يجري أكتر عشان يوصل دم أكتر 4️⃣ال capillary refill لو الدم مش واصل كويس للأطراف فهتلاقي الدم بيملى ببطئ لما تضغط على صباعه 5️⃣ال central venous pressure إلا لو فيه cor pulmonale فالإعتماد عليه مش هيكون في محله، بس هنا هتحتاج العيان يكون مركب CVL 6️⃣ ال IVC collapsibility بس هنا هتحتاج جهاز سونار #By_Dr_Mo #IV_Notes

لما يجيلك عيان بــ Acute Focal Neurological Deficit فده Stroke إلى أن يثبت العكس 🔥 طيب الجملة دي هستفاد منها ايه مادام كدة كدة في أكتر من تشخيص وهحاول أفرق بينهم قبل العلاج 🧐 هتستفاد إنك وانت بتاخد هستوري وبتعمل الفحص بتاعك هتكون ممشي العيان في مسار ال stroke لحد ما يثبت العكس ✋🏻 هو يعني ايه focal deficit أصلا 🙄 من إسمها هو مشكلة وفي نقطة محددة في المخ فأنا بشوف أثرها إن فيه function محددة عطلت من المخ ... زي ايه مثلا ؟ 1️⃣ أي ضعف مفاجئ في إيد، رجل، نص الجسم (ضربنا مركز الحركة) 2️⃣ أي لخبطة كلام طلعت فجأة (ضربنا مركز الكلام) 3️⃣ أي فقدان رؤية مفاجئ (ضربنا مركز الإبصار) 4️⃣ أي تنميل في نص الجسم (ضربنا مركز الإحساس) يبقى المشكلة من عامة لأ ده فيه نقطة محددة حصل فيها مشكلة أما الباقي سليم. ده مش وقت تفكير طويل… ولا وقت طيب نخلي الـ CT بعد شوية. ده اسمه: Acute Focal Neurological Deficit وبالنسبة لنا … Stroke لحد ما نثبت العكس. 🔥 إمتى أقلق؟ لو المريض دخل عليك وهو عنده: 💢Sudden💢 🔴 Unilateral limb weakness 💪🏻 🔴 Unilateral numbness ⚡️ 🔴 Difficulty in speech 🗣 🔴 Loss of vision in one field 👀 🔴 Abnormal gait 🚶‍➡️ 🔴 Facial droop 🧏🏻‍♂️ العامل المشترك بينهم جميعاً إنه Sudden ده اللي بيخليك تترعب لأنه مادام الأعراض جديدة فأكيد المصيبة هتكون جديدة وممكن تتلحق لو اتحركت بسرعة ... عكس مثلا ما يكون العيان عنده شلل من 20 سنة ! خلاص مفيش حاجة نبكي عليها 🤷🏻 1st steps: 1️⃣ Check vital signs — الضغط مهم جدًا 2️⃣ Glucose check — Hypoglycemia can mimic stroke 3️⃣ Onset of symptoms دي أهم سؤال هي اللي هتحدد يمكن إنقاذ ما تبقى ولا لأ 🖥 CT Brain ASAP to exclude hemorrhage. لو CT is normal ولسه symptoms شغالة؟ ومفيش سبب أخر يفسر الأعراض ⬅️ اعتبرها ischemic stroke ⬅️ جهّز نفسك للـ thrombolysis لو المريض جوه ال window ⬅️ واتصل بحد Neurology فورًا Time = Brain كل دقيقة ضايعة = خلايا عصبية بتموت بلا رجعة. #By_Dr_Mo #IV_Notes

الصورة اللي قدامك دي حملها على موبايلك ولما تقابلك حالة Hypoglycemia متشيلش هم التعامل معاها دي عبارة عن To-Do list بتختصرلك المهام المطلوبة منك عشان متنساش حاجة مهمة كان لازم تعملها ومعملتهاش ❌ أولاً انت ممكن من سيناريو العيان تشك إنه Hypoglycemia فأولاً اتأكد بشكة سكر لو كان ده متاح في المكان اللي انت فيه، طيب افرض مش متاح ! يبقى عالجه يا باشا على انه Hypoglycemia مش هتخسر حاجة حتى لو مكنش hypoglycemia فعلا بس هتخسر كتير لو كان Hypo وملحقتوش، فلو القصة اللي قدامك typical hypoglycemia ومفيش معاك جهاز سكر توكل على الله وعالجه 1️⃣ ثانياً علاجك الأساسي هيكون بـ oral glucose للـ fully conscious patient عبارة عن معلقة سكر كبيرة أو كباية عصير كبيرة أما لو المريض confused فهتحطله في الوريد 100 سم جلوكوز 25% أو ما يوازيه من التركيزات الأخرى. 2️⃣ ثالثاً هتعيد قياس السكر بعد ربع ساعة للتأكد إن السكر العشوائي بقى فوق الـ 100 ولو لسة موصلش اديله جرعة أخرى. 3️⃣ رابعاً لو السكر كل ما يرفع يقع منك تاني ده هيتحجز ويتعلقله جلوكوز مستمر مع قياسات مستمرة للسكر 4️⃣ خامساً متنساش إن الجماعة ال alcoholics & malnourished محتاجين جرعة empirical thiamine قبل الجلوكوز عشان ميدخلوش فيه Wernicke's encephalopathy لأنهم بالفعل thiamine deficient والجلوكوز هيستهلك thiamine أكتر. كذلك الجماعة اللي سكرهم مهبط من ال sulphonylurea overdose فهيكونوا محتاجين في علاجهم octeriotide عشان يقلل إنتاج الإنسولين اللي شغال بفعل البرشام اللي ضربوه. 5️⃣ سادساً عشان متبقاش بتاع علاج أعراض والسلام متنساش تتأكد من عدم وجود acute illness مسبب لل Hypoglycemia زي ال severe sepsis وال adrenal insufficiency على سبيل المثال 6️⃣ سابعاً تأكد إن ال Hypoglycemia دي مش بسبب أدوية لأن ده هيخليك تحجز العيان وتتابعه لأن الدوا ده ممكن يهبطله السكر تاني وتالت لأن تأثيره في الدم مازال موجود.7️⃣ ثامناً لو مفيش سبب واضح لل Hypoglycemia وكانت متكررة يبقى لازم نخش في فحوصات أعمق للكشف عن سبب أعمق زي Insulinoma مثلاً 8️⃣ تاسعاً متنساش تعمل consultation لحد Endocrinology سواء كان العيان اتحجز أو تحوله لعيادة الغدد لو العيان خرج 9️⃣ عاشراً العيان ده هيحتاج عناية مركزة في حالة وجود acute illness أو كان هبوط السكر متكرر فهيحتاج قياس متكرر وجلوكوز مستمر. 🔟 ده جزء من محاضرة ال Hypoglycemia هتلاقيها كاملة على اليوتيوب ⏬ #IV_Notes #By_Dr_Mo

قصة في الطوارئ 🔥 هل كل Troponin عالي = MI؟ لأ طبعاً! خليني أقولك القاعدة اللي هتخليك تفك اللغز ده في أي مريض 👇 إحنا مش بنمشي ورا رقم الـ Troponin لوحده… إحنا بنشوف القصة كاملة: ✅ ال Symptoms خصوصاً طبيعة ال chest pain ✅ الـ ECG ✅ الـ Dynamicity سواء في رسم القلب أو في إنزيمات القلب (طلع؟ نزل؟ ثابت؟) وأخر نقطة دي تكاد تكون هي الأهم وهي الكل في الكل 🫡 إمتى أتصرف بهدوء؟ لو المريض: ال Vitals تمام - الECG تمام - ال chest pain مش typical - فيه سبب يفسر ال troponin العالي زي CKD, sepsis 💥 ساعتها هنتابع العيان ونعيد ال cardiac enzymes عشان الــ ( Dynamicity ) اللي كنا بنتكلم فيها هي دي اللي بتفكلك اللغز كله، لو الإرتفاع ناتج عن حاجة ثابتة مع العيان فمش هيحصل تغير ملحوظ في نسبة ال troponin في الدم ، أما لو لقيت ال troponin بيتغير يبقى كدة فيه ongoing event شغال جوة دلوقتي 🙂 إمتى أصحي قسم ال cardio من أحلاها نومة ؟! لو المريض عنده: ❗ Typical chest pain ❗ Ischemic ECG changes ❗ Dynamic troponin ❗ Vitally unstable طيب أعمل أيه! 1️⃣ Loading antiplatelet 2️⃣ Nitrates if no contraindication 3️⃣ Call Cardiology NOW حط في نافوخك كلمتين ميطلعوش ⏬ 1- Typical / 2- Dynamic #IV_Notes #By_Dr_Mo