IV Notes 💉

نظراً لكثرة إنتشار موت الفجأة تعرف ما هو أشهر سبب للـ sudden cardiac arrest ! فكر فيها شوية وهقولك 🤌 #By_Dr_Mo #IV_Notes

نزيييف 🩸🩸عيانك اللي انت بتديله Heparin بينزف 🙂هتعمل أيه ؟ في واحد على قد حاله قالنا : (( نزيف يعني بلازما يا دكترة إنجز )) 🙄 💉 وفيه واحد شاطر شوية رد عليه قاله : (( لا طبعا ده بياخد هيبارين المفروض نديله ال antidote بتاع الهيبارين اللي هو Protamine sulphate ولو عاوز تديله معاها بلازما براحتك بس المهم ال specific antidote 🙏 💉 وفيه برنس بقا قالهم : protamine sulphate و إوعاك تديله بلازما 😁 🫡 أيه القصة ‼️ ركز معايا كلمتين ورد غطاهم وبإختصار شديد جدا , هو الهيبارين بيشتغل إزاي بالبلدي ؟ الهيبارين بيروح يمسك في molecule معين موجود جوة البلازما في الدم اسمه anti-thrombin III ومن اسمه قدامك اهه , ثرومبين يعني تجلط anti-thrombin يعني مضاد تجلط ده ال molecule نفسه , تمام ؟ . الهيبارين بقا بيمسك ال molecule ده يخليه hyperactive فينشطه أكتر وأكتر عشان يخليه يعمل anticoagulation أكتر وأكتر , تمام كدة ؟ 🤝 تخيل معايا حصل نزيف وانت إديت العيان ده بلازما عشان فيها coagulants توقف الزنيف صح ؟ بس ممكن ترجع بنظرك كدا سطرين لورا وتقرأ تاني لما قولتلك (( molecule معين موجود جوة البلازما )) الحاجة اللي الهيبارين بينشطها عشان تعمل سيولة موجودة أصلاً في البلازما يافندم 😅 حضرتك بتديله coagulants من جه , وبتزود ال Heparin effect من الجهة التانية 😏 ولذلك هتديله ال antidote وفقط اللي هو protamine sulphate 🙌 لو عاوز تلم موضوع النزيف reversal of anticoagulants كله هتلاقيني سايبلك ملف هنا 🩸 #By_Dr_Mo #IV_Notes

وأنت بتذاكر المعلومة متسلمش أوي للمعلومة برغم إنها صحيحة 100% , بس انت موقعك في الطب مختلف عن غيرك , حدد موقعك انت الأول وبعد كدة بص على المعلومة دي من زاويتك .. سيبك من الكلام الكبير ده وخد مثال ⬇️ ما هو ال Most common type of headache ؟ 1️⃣ بكل بساطة وبدون أي تفكير هو ال Tension headache ده تقريباً اللي مفيش بني أدم على وجه الأرض مجالوش الصداع العادي ده اللي بيمسك راسك كلها كأن فيه حد مقرط على دماغك ومطبقها 🤯 ولكن لو أنت بتشتغل طوارئ وعايز ترد على السؤال ده , فدي مش هتكون إجابتك .. ليه ؟🙄 لأن ال Tension headache ده غالبا ما بيكون mild to moderate وفي معظم الأحيان العيان مبيروحش بيه الطوارئ ❌ أومال ؟؟!!🧐 ال Most common type of headache presented in ER هو ال Migraine headache لأن ال migraine ممكن يوصل بيه من شدة الصداع لأوضاع صعبة جدا والعيان ميقدرش يستحمل قعدته في البيت ولا البراشيم العادية اللي عنده للنوع ده من الصداع فساعتها هيشرفك في الطوارئ 🤕 فمهم تكون عارف انت واقف فين , وحسب مكانك غالباً هيكون عيانك شكله ايه عشان توفر على نفسك وعليه وقت ومجهود 🙏🏻 #By_Dr_Mo #IV_Notes

كطبيب طوارئ ما هو ال Most common type of headache اللي ممكن تشوفه في مسيرتك ؟ فكر فيها وهرد عليك كمان شوية 🤌

أرقام تهمك في نقل الدم 👇 حجم كيس الدم حوالي 350 مل ✅ الدم بيتم تخزينه في الثلاجة من درجة حرارة 1 إلى 6 مئوية ✅ الدم صالح في تخزينه في الثلاجة إلى 42 يوم حد أقصى ✅ الدم صالح للإعطاء بعد خروجه من الثلاجة في ظرف 4 ساعات فقط ✅ كيس الدم متوقع إنه يرفع ال Hb بمقدار 1 جرام لكل كيس وال Hct متوقع إرتفاعه بمقدار 3% ✅ لو عايز تتعلم نقل الدم from zero to hero ده كورس كامل لنقل الدم مجاني على اليوتيوب 👇 https://youtube.com/playlist?list=PLDNL0MZajaLH9AHukNBI5rwnDIRfp9Ogg&si=-J_seUke_PMVJy1w #By_Dr_Mo #IV_Notes

شوية أرقام تهمك في عملية نقل الدم للعيان معتقدش إنك ممكن تستغنى عنها 🤝 1- ما هو حجم كيس الدم ؟ نقل الدم بيتم في عيان critical لازم تكون عارف بتدخله كمية قد ايه بالظبط 2- ما هي درجة الحرارة المناسبة لحفظ كيس الدم ؟ لو تلجته يبوظ , لو سخنته يبوظ 3- كم يوم يعتبر الدم صالح داخل التلاجة بتاعته ؟ لو تعدى هذة المدة فهو غير صالح للإعطاء 4- ما هي أقصى مدة يمكن نقل كيس الدم خلالها بعد خروجة من التلاجة ؟ لو تخطى المدة وجب التخلص من كيس الدم 5- ما هو مقدار التغير في ال Hb level المتوقع بعدما أعطيت العيان كيس دم واحد ؟ عشان تعرف العيان بتاعك محتاج كام كيس فكر فيها , شوية وهرد عليك 🤌

لو عايز تتعلم نقل الدم from zero to hero ده كورس كامل لنقل الدم مجاني على اليوتيوب 👇 https://youtube.com/playlist?list=PLDNL0MZajaLH9AHukNBI5rwnDIRfp9Ogg&si=-J_seUke_PMVJy1w

نقل الدم ده مش الحل أبداً في عيان الأنيميا , ده بيكون أشبه بالمسكن كدة للألم اللي ليه سبب والحل هو علاج السبب .. كذلك الأنيميا علاجها هو علاج السبب ولو أديت دم هكون مضطر أديه نظراً لخطورة الموقف كدعم مؤقت لحين حل المشكلة 👌 طيب أيه هو Indications نقل الدم ؟ ✍️ Hemorrhagic shock or ongoing rapid blood loss ✍️ Severe anemia 🩸Hb < 7 g/dL for most patients 🩸Hb ≤ 8 g/dL if cardiac patient ✍️ Moderate anemia, in any of the following situations: 🩸Symptoms of anemia 🩸Planned surgery ✍️ Conditions requiring exchange transfusion, e.g., methemoglobinemia ملخص بقى ال 3 حالات اللي سألتك عليهم من شوية 👇 واحد Hb بتاعه 12 يعني normal or low normal واحد Hb بتاعه 9 يعني moderate anemia واحد Hb بتاعه 6 يعني severe anemia على سبيل المثال وليس الحصر 👈 أولاً أخر حالة دي منطقية وواضحة عيان عنده severe anemia هنقله دم عشان ال complications of low oxygen delivery لأن زي ما انت عارف ال Hb هو اللي بينقل الأكسجين للخلايا المختلفة ✋ طيب العيان اللي Hb بتاعه 9 ده أنقله دم ليه ؟ ده عيان داخل عمليات ومتوقع Hb بتاعه يقع 2 ولا 3 جرام فبجهزله دم عشان ياخده في العمليات 👌 طيب العيان اللي Hb بتاعه 12 ده بأي أمارة أنقله دم ؟ ده عيان في Acute blood loss واحد لسة بينزف فريش أهه وده لما تعمله CBC هتلاقي ال Hb بتاعه normal كنسبة لأن لما نزف فجأة هو نزف RBCs & WBCs & platelets & plasma كل حاجة وقعت فكنسبة وتناسب مش هتلاقي إختلاف تقريباً , بس طبعا مش هتسيب العيان يتصفى كدة قدامك عشان ال CBC كويسة , هتنقله دم وتعوضه عن اللي بيخسره ده لحين ما يستقر وتسيطر على النزيف 🩸 #IV_Notes #By_Dr_Mo

معايا 3 عيانين دلوقتي هنقل للـ 3 دم 🩸 الأول Hb بتاعه 12 ✅ الثاني Hb بتاعه 9 ✅ الثالث Hb بتاعه 6 ✅ تقدر تقولي Indication لكل واحد فيهم يبررلي نقل الدم ؟ 🤔 هنزل الإجابة على بيدج الفيسبوك كمان شوية 🤌 https://www.facebook.com/share/p/1GH2ZvxapN/

أثناء ال Dehydration اوعى تنخدع في 3 حاجات في تحاليل المريض : 1- Hematocrit 2- Albumin 3- Uric acid 👌👌👌 ال Hct و ال albumin هيزيدوا بسبب ال hemoconcentration معاك كباية ماية فيها معلقة سكر , ومعاك نص كباية ماية فيها بردو معلقة سكر .. برغم ان الكوبايتين مقدار السكر فيهم ثابت إلا إن اللي فيها ماء قليل تركيز السكر فيها أعلى وده نفس الفكرة اللي حصلت معانا هنا . 🔻 أما ال Uric acid فهو زاد بشكل حقيقي وفعلي مش مجرد تركيزه بس , لأن لما حصل dehydration الكلى حاولت تعمل compensation بإنها تزود ال Na reabsorption والأمتصاص ده لحقه بالتبعية إمتصاص uric acid بردو فزادت كميته في الدم ومن هنا نطلع بمعلومة إن ال dehydration flare up gout 🧠🧠 #By_Dr_Mo #IV_Notes

كان صلى الله عليه وسلم خير مثال يحتذى به لأي إنسان مهما كان .. انت مثلاً بتظن إن العمر فاتك ، هل تفكرت أنه صلى الله عليه وسلم نزل عليه الوحي في سن ال ٤٠ يعني بعدما قضى ( ثلثي عمره ) !! 😅 حد هيقول ياعم ده اللي راح أكتر من اللي جاي ؛ بس لو عملت بقوله صلى الله عليه وسلم " إذا قامت الساعة وفي يد أحدكم فسيلة فليغرسها " هو قال هذا الحديث بعد ما أثبت للجميع أنه قد عمل به أقولك على ملحوظة تانية ، هل تفكرت في مرة أنه صلى الله عليه وسلم قد قضى ١٣ عام من البعثة في مكة في حالة استضعاف وتعذيب ، ثم قضى ١٠ سنين فقط في المدينة يبني الدولة منهم ٥ سنوات غزوات دفاع عن النفس ( بدر وأحد والأحزاب ) انت متخيل كم الصبر ! ثم تلى هذا (( الصبر الجميل )) غزوة خيبر في ٧ هجرية ثم فتح مكة ٨ هجرية ثم غزوة تبوك ٩ هجرية هنا تتساقط كل العبارات المحفزة أمام نموذج حى بيقولك "واعلم أن في الصبر على ما تكره خيرا كثيرا، وأن النصر مع الصبر، وأن الفرج مع الكرب، وأن مع العسر يسرا"

يعني أيه leukoreduction ! 🙄 دي عملية فلترة للدم بيتم إزالة الـ WBCs من كيس الدم 🩸 طيب هستفاد منها ايه ؟ 🧐 أولاً ال WBCs دي بتنتج cytokines من أول يوم أخدنا فيه الدم من المتبرع ولذلك لو عملتلها فلترة من أول يوم كدة إحنا هنضمن إنها متنتجش cytokines 👌 طيب وأنا هستفاد ايه لما متنتجش cytokines ! 🤔 ال Cytokines دي هي اللي بترفع ال set point في ال brain وترفع درجة الحرارة ... فدي هي السبب اللي بتخليك كل ما تدي كيس دم لعيان يسخن منك وتضطر توقف كيس الدم وتعالج العيان بتاعك ... فلو عملت فلترة للدم من الأول ال Reaction ده مش هيحصل اللي هو non hemolytic febrile transfusion reaction 🔥 ثانياً ال cytokines اللي خرجت من ال WBCs دي بتعمل irritation للـ RBCs ولذلك بتقلل من عمرها وبالتالي لو عملت فلترة لكيس الدم ده هيساعد إن كيس الدم ده عمره يكون أطول ♻️ ثالثاً الـ WBCs دي نفسها بتكون شايلة بعض أنواع الفيروسات زي CMV & EBV ولذلك لو عملت فلترة للدم هتقلل risk نقل العدوى 🦠 عملية الـ Leukoreduction مهمة الحقيقة ومفيدة في كل الأحوال وفيه بعض الأماكن اللي بتعملها بشكل روتيني لكيس الدم 🩸 #IV_Notes #By_Dr_Mo

نقل الدم مش هو الحل للعيان اللي عنده أنيميا ❌ نقل الدم ده بيكون أخر مرحلة وبيكون مجرد support بسيط لجعل ال severe anemia لتكون mild anemia 👌 حتى أنا مبحاولش بيه أنهي ال Anemia لأن ال over transfusion ليه مشاكله اللي بتكون أكتر بكتير من مشاكل ال mild anemia 🤏 وهنا أنا مقصدش بال Over إن ال Hb بتاع العيان يبقى 18 ولا 20 ⬆️ لأ أنا أقصد كتر نقل وحدات الدم حتى لو خليت ال Hb في ال normal range وليكن 13 أو 14 فده بردو غلط ❌ الصح في نقل الدم إنك بتنقل أقل عدد وحدات ممكنة يمنع المريض من إنه يكون في severe anemia اللي هو Hb تحت 8 ⬇️ أو تديله دم وقائياً حتى لو Hb فوق ال 8 عشان هو داخل عمليات وفيها نزيف وانت متأكد انه هيهبط لل7 و 6 و 5 كمان ⬇️ أو إن ال severity دي تكون في شكل Anemic symptoms حتى لو ال Hb الرقم بتاعه moderate anemia 🤝 طيب وبعد ما أخلي العيان Hb فوق ال 8 هتصرف معاه إزاي ؟! هسيبه كدة !! 🙄 لأ طبعاً هتدور بقى على سبب المشكلة وتعالجها حديد قليل أو بينزف من coagulopathy أو CKD ومحتاج erythropoietin أو أي سبب آخر موجود في العيان ومسببله الأنيميا 🤚 #IV_Notes #By_Dr_Mo

سنة الله في خلقه ... أي محاولة منك إنك تعارض هذة السنة أو مجرد تفكير بس في دماغك انك ممكن توصل لحاجة كبيرة بدون الصبر و الكد هي أوهام من الشيطان بيمشيك في طريق وهمي مفيش في أخره غير سراب ... لا تحقرن من المعروف شيئاً ، كل نقطة ماء صغيرة بتسقيها لنبتتك النهاردة هتبقى حاجة عظيمة جدا بعد كدة ، ومفيش طريق تاني غير كدة .. فاصبر كما صبر أولي العزم 🤝

مش أي كانيولا ممكن تركب فيها الدم 💉 ال RBCs محتاجه lumen واسع عشان تعدي براحتها من غير ما تتجرح وتتكسر 💥 بالإضافة إن كيس الدم لزج حبتين فمحتاج مسار واسع عشان يمشي فيه بأريحية من غير ما يقف 🚫 لذلك كل ما الكانيولا كان حجمها أكبر كل ما الدم هيمشي فيها أسرع وأسهل ✅ رقم ال G بتاع الكانيولا يتناسب عكسياً مع حجمها 🔺🔻 يعني كانيولا مقاس 16G أكبر من الكانيولا مقاس 18G ⬆ والكانيولا مقاس 24G أصغر من الكانيولا مقاس 22G ⬇ ال Standard في نقل الدم إننا بنركب الكانيولا ال Pink مقاس 20G 💉 طيب تفتكر إمتى أحتاج أركب كانيولا أكبر زي الخضرا 18G ؟ 🙄 أكيد لما أكون محتاج الدم يمشي أسرع في حالات ال Massive transfusion 🩸 طيب تفتكر إمتى أحتاج أركب كانيولا أصغر زي الزرقا 22G ؟ 🤔 لما يكون حد كبير في السن أو صغير في السن وأوردته صغيرة أو ضعيفه ومش مستحمله كانيولا أكبر من كدة 🥲 #IV_Notes #By_Dr_Mo

كورس كامل عن نقل الدم مجاني على اليوتيوب https://youtube.com/playlist?list=PLDNL0MZajaLH9AHukNBI5rwnDIRfp9Ogg&si=-J_seUke_PMVJy1w

الدم بيمشي في line مخصوص مش زي اي line عادي ✋ الصورة اللي على اليمين دي هي ال Blood set اللي بننقل فيه الدم سواء RBCs or plasma or platelets واللي على الشمال هي ال IV set العادية اللي بنستخدمها عادة في المحاليل 💉 أهم فرق بين الإتنين إن جهاز الدم فيه فلتر كبير بينقي الدم من الشوائب وأي تجلطات موجودة فيه أثناء النقل 🩸 ممكن كمان نقول إن جهاز الدم معامل التنقيط بتاعه مختلف عن الجهاز الوريدي 🔺🔻 معامل التنقيط في الدم بيكون حوالي 10 في الوريدي بيكون حوالي 20 ( تختلف من شركة إلى اخرى فممكن تبص على الغلاف بتاع كل واحد ) الشاهد في النهاية إن النقطة اللي بتنزل في جهاز نقل الدم بيكون حجمها أكبر 🩸 المقصود بمعامل التنقيط هو ( كام نقطة بتساوي واحد مل ) 🤏 في جهاز الدم 10 نقط بتساوي واحد مل ✅ في جهاز الوريد ال 20 نقطة بتساوي واحد مل ✅ ودي بتفرق معايا لما أجي أحسب معدل إعطاء كيس الدم أو إزازة المحلول عايزهم يخلصوا على كام ساعة ⏳ وليها حسبة معينة هسيبلك البوست اللي بيتكلم عنها في الكومنتات 👇 ممكن كمان نقول إن جهاز نقل الدم انت ممكن تستخدمه في نقل الدم لمدة لا تتعدى ال 12 ساعة ⏰ وممنوع تمشي فيه مع الدم أي حاجة تاني ❌ ( ماعدا الـ Normal saline ) ده الحاجة الوحيدة المسموح بيها تمشي مع الدم 👌 على عكس جهاز الوريد اللي بتمشي فيه محاليل ممكن يطول أكتر من الـ 12 ساعة عادي ✅ #IV_Notes #By_Dr_Mo