ሥነ-ምሳሌ

ምን ያደርጋል ሀገር…..? ሶረኔ - መስከረም - 2011 ምን ያደርጋል ሀገር፣ …. ምን ሊበጅ ዜግነት፣ ወልደው ካልሳሙበት፣…. ዘርተው ካልቃሙበት፣ ህጻናት በመስኩ፣…. አዛውንት በሸንጎ፣…. ደምቀው ካልታዩበት፣ እምቦሳን በጓሮ፣…. ጥገትቱን ከጨፌው፣… ታስረው ካልዋሉበት፣ ጋማ ከብቱ በመስክ፣… አውሬም በውርማ፣… ሞልተው ካልታዩበት፣ ፏፏቴው በዳገት፣… ጅረት በሸለቆ፣… ሲፎክር ካልሰሙት፣ ተራራውም በደን፣… ክምሩ ባውድማ፣…. ገኖ ካልታየበት። ምንያደርጋል ሀገር……? ከሰው ተወዳጅተው፣… ከሰው ተዋውለው፣…. ህይወት ካልመሩበት፣ ቅጠሉን በጥሰው፣… አፈሩንም ልሰው፣…. ቆመው ካልሄዱበት፣ አርሰው፣ አሳርሰው፣…. ነግደው፣ አትርፈው… ሐብት ካልደረጀበት፣ ከእውቀትም ጨልፈው፣… በሳይንስ ተራቀው፣… ለድገት ካልሰሩበት፣ እናቶች፣ ህጻናት፣… መበለት፣ አዛውንት፣… ካልተከበሩበት፣ ታመው ካልዳኑበት፣… አርጅተው አፍጅተው፣… ካልተቀበሩበት። ወጥተው ካልገቡበት፣…. ሰርተው ካልኖሩበት፣ ከሸንጎው ዳኝነት፣…. ከወንበሩ ፍትህ፣…. ነጥፈው ከጠፉበት፣ መብት ሚዛን አጥቶ፣…. ስርዓት ባገር ጠፍቶ፣… እብሪት ከገዛበት፣ ዜግነት ከሀገር፣…. ማንነት ከአንድነት፣…. ሰላም ከመቻቻል፣… ከተለያዩበት፣ ባሳብ ተደራጅተው፣… ደግፈው ተቃውመው፣… ውለው ካልገቡበት፣ በልዩነት ደምቀው፣… በባህል፣ በእምነት፣… ካልተከበሩበት። ምን ያደርጋል ሀገር……? መውጣትና መግባት፣…. መኖርና መስራት፣… ከሚያስጨንቁበት፣ ያገር መውደድ ፍቅር፣…. ነጻነት፣ አርነት፣… ወንጀል ከሆነበት፣ ቃዬል በመንበሩ፣… ይሁዳ ከልፍኙ፣… ከሰለጠኑበት. ዜጋው ጠላት ሆኖ፣… ዘራፊና ባእድ፣…. ተከብረው ካሉበት፣ ስደትና ረሀብ፣…. እስራትና ሞት፣…. ዳረጎት ከሆኑት፣ በስልጣን መባለግ፣…. በሀብት መንደላቀቅ፣… ገነው ከታዩበት። የሰው ነፍስ ረክሶ፣… በየጉራንጉሩ፣…. ጭዳ ከሆነበት፣ ውንብድና ባገር፣… ሸንጎ ተቀምጦ፣… ህግ ካረቀቀበት፣ ከሐዲ በዙፋን፣… ገንጣይ ባማካሪ፣… ነግሰው ከኖሩበት፣ ጦቢያ ማለት ቀርቶ፣…. ቋንቋ፣ የዘር ሐረግ፣… ሀገር ከመሩበት. የእብሪት ማራገፊያ፣… ያአምባገነን ቅርሻት፣… መትፊያ ከሆኑበት. ምንስ ሀገር አለን……! በስሟ እምንጠራት፣….ምን ወዳጅ ተጘኝቶ፣… ወገኔ የሚሉት። ሲታመም ካላዩት፣… ሲወድቅ ካላነሱት፣… ሲሞት ካልቀበሩት፣ ሲቸገር ካልረዱት፣…. ሲራብ ካልጎበኙት፣…. ሲዳር ካላኮሩት፣ ሲበደል ሲጨቆን፣ ድምጽ ካልሆኑለት፣ እጅ ካልዘረጉለት በሸንጎ ተሟግተው፣… መብቱን አስመልሰው፣.. ካላስከበሩለት፣ ዘምተው ግዳይ ጥለው፣… ወድቀው ተሰውተው፣…ታሪክ ካልሰሩለት፣ ውርደቱን በክብር፣….. ጥቃቱንም በድል፣… ታግለው ካልቀየሩት፣ ቢፎከር፣ ቢቅራሩ፣… ሀገር! ሀገር! ቢሉት፣… ዲስኩር ቢያበዙለት፣ ህንፃው ቢደረደር፣…አስፋልቱ ቢነጠፍ፣… ግድብ ቢሰሩለት፣ ምን ያደርጋል ታዲያ፣… ምን ያደርጋል ሃገር፣…. ያለሰው ቢወዱት። እግዚአብሔር ኢትዮጵያን ይባርክ !!! @senemesale

ዶሮ ሲጮህ 🐓 ልክ እንደጴጥሮስ ክደቴ ቢሰላ ሀጥያቴ ቢቆጠር፤ ዶሮ ስንት ጊዜ ለኔ ይጮህ ነበር ? ሀጥያት በቃኝ ብዬ ክደቴን እንዳውቀው፣ በንስሀ ውሀ ልቤን እንዳጠምቀው፣ ልንቃ ከእንቅልፌ ዶሮውን አጩኸው። ✍እፁብ ዘመቻ @senemesale

Remember that the most beautiful things in the world are the most useless. —John Ruskin, The Stones of Venice , I

መንቃት አልፈልግም መደሰት መንጫጫት ገደብ አልባ ሁከት፣ በገንዘብ ላይ መርካት ለጊዜያዊ ስሜት፣ ለደስታ ቢመስልም ለሞላበት ውጥረት፣ ባንድ ጎኑ ሀሴት በሌላው ደግሞ እልቂት፣ ጎን ለጎን ሲጓዙ ጥፋት እና ልማት፣ ማየት እና መስማት ማውራት እና መስራት ፣ ሲያስኬዱ በጥምረት ፡፡ ይህንን አይቼ አላየው አልልም ፣ ግርግር ትርምስ ለሞላበት አለም፣ ተካፋይ ለሆኑት ሆኛለው እንቅልፋም፣ አሁን ላይ ቁጭ ብዬ መንቃት አልፈልግም ፡፡ ✍ ሔርሜላ

. ገዳይ ተሰደደ ሟችም ተቀበረ የተጣሉበት ቤት ብቻውን አደረ . @senemesale

የቤቴ ጠቀራ . . .     አቧራው ብናኙ ለሠራሁት ሥራ . . .     ምስከር እማኙ መራቄን አየና ሆኜ ተቀምጨ እንደጠል ዳመና   :: መጥቶ ተመረገ . . . ጉድፋን ደነጎረ ዓይኔን ሊያሳክከኝ . . . እየቆረቆረ  :: የተጋደምኩት ርብራቡ ብዙ . . . ደልደላ ምንጣፉ ዙሪያ ዝምዝማቱ . . . ውብ አቀናነፉ     አሾህ ተሰካበት . . . ትቸው የመጣሁት . . . ጠልቸው የራቅኩት     ብናኙ ትናኙ . . . የቤቴ ጠቀራ አላይህም ያልኩት . . . አላውቅህም ያልኩት     ምላሽ የነፈግሁት . . . ቢጣራ ቢጣራ ጉልጥምት አበጅቶ   : ጥርስ ጥርስ አውጥቶ  :     ጎኔን ጠበሰቀኝ . . . ከአለሁበት መጥቶ ከተጋደምኩበት ጦሩን ይዞ መጣ . . .     ትዝታውን ሰብቆ በወና ኮረብታ . . . ድምጹን እያወጣ . . .     በድኑን እያሳየኝ . . . አካሉን አርቆ ስሜን እያወጀ . . . ግብሬን እያሳጣ     ከተበዘበዘው ከድንኳኔ ዘልቆ አመጣብኝ ደግሞ . . . አርፌ እንዳልተኛ     ጎኔ እንደደቀቀ   : ፀፀቴን አየና . . . ሆኜ ሀዘንተኛ     ወስዶ እየመለሰ . . . አቅርቦ እየራቅ ኮረብታ ጉድጓዱ . . . ስንጥቅጥቅ መሬቱ     ገደል ገመገሙ   : ጥሻ መሽሽጊያው . . . ቁልቁለት ዳገቱ     ጉበኑ ግርግሙ  : እየተማከሩ . . . በእኔ አየዶለቱ በኔ እየተስማሙ እየወጉት ጎኔን . . . ሰይፍ እየመዘዙ     በትዝታ ሳንጃ ፀፀት አፀንሰው . . . ብሶት አስረገዙኝ     አጣሁ ማስወገጃ ማስተዋል ተስኖኝ . . . መንቅሬ የጣልኩት     እንደቃ ጨዋታ   : ጊዜያዊ ቻቻታ . . . አሳጥቶኝ ተስተካከሎ ራሱን     ቀልሶ የናቅኩት ትዳሬ ቢንቀኝ መልሶ ምጥ እንደያዛት ቤት . . . ጭንቄ እየተነሣ     ሰዓት በጨመረ እንደሞት ፍርደኛ . . . አካሌ እየሳሳ     ቀን በተቆጠረ መነሻ እንደሌለው . . . ወድቆ እንደተረሳ     ቀለሜ ረገፈ . . . ቅሳሜ ተሰበረ የቤቴ ጠቀራ  . . . እንደባሕር ሞገድ . . . ድምፁ እየተመመ     ብቅ እልም እያለ በእኔ እየፎከረ . . .  በኔ እየፈለመ     ትውስታውን ሳለ ጉድፍ ሆኖ ገብቶ ዳግሚያ ቆረቆረኝ መረቡን ዘርግቶ      . . . በኔ ላይበርትቶ   ::   መቅደስ ጀምበሩ @senemesale