Gentlemen Thought

🩸🩸🩸🩸🩸🩸🩸🩸🩸🩸🩸🩸🩸🩸 Channaloota A/Oromoo amma join gochuun itti bashaannannuu qabdan!! Filannoo keessaniin #tuquun JOIN godha.👇👇👇

Niiw Ziilaandi COVID-19 irra aanne jette https://www.bbc.com/afaanoromoo/oduu-52350888

#Corona_update Hanga sa'aa kanaatti namoonni miliyoona 1.91 ol vaayrasichaan yoo qabaman, namoonni kuma 118 ol lubbuu dhabanii jiru. Ariitin dhibee kanaa haala yaaddessaa ta'een dabalaa jira. Kanaaf ummanni keenya of eeggannoo cimsuu qaba. Harka qalleeyyii ollaa isaa jiranis waan danda'aniin gargaaruu qabu. Yaa Rabbi balaa kanaa nurraa deebisi.

Amboo fi Gudaritti biifaan farra ilbiisota dhibee qaqqabsiisanii raawwatame Magaalaa Amboo fi Gudaritti biifaan farra ilbiisota dhibee qaqqabsiisanii raawwatame.   Ogeessa fayyaa fi jiraataa Ameerikaa kan ta’an Dooktar Dassuu Tafarraan kaka’umsa mataa ofiitin maallaqa ramadanii biificha hojjechiisaniiru.   Dooktar Dassuun ummata weerara vaayrasii koroonaa jalaa baraaruuf, magaalota biroottis hojichi kan itti fufu ta’uu ibsaniiru.   Meeshaalee qulqullinaaf barbaachisanis namoota harka qalleeyyii ta'aniif arjoomaniiru. @HawwiTiMES @HawwiTiMES

Weerara dhibee koronaavaayrasii ittisuudhaaf jecha labsii yeroo muddamaa manni maree bakka bu'oota uummataa raggaasiseen wantoota dhorkamaa ta'an Abbaan Alangaa Waliigalaa Federaalaa Itoophiyaa beeksiseera. Dhorkaan kaa'ame kun irra caalaa kan irratti xiyyeeffate dhimmoota baayyinaan namoota walitti dhiyeessuu danda'u jedhamanirratti yoo ta'u, hojjettota hir'isuu ykn waliigaltee addaan kutuus dhorkameera. Namoota mana kireeffatan irratti kiraa dabaluus ta'e gadhiisisuun yeroo turtii labsii muddamaa kana keessa dhorkamaa akka ta'e ibsaniiru Haati Alangaa Waliigalaa Federaalaa Adaanech Abeebee. Tarreeffamni wantoota labsii yeroo muddamaa kana keessa dhorkaa ta'an ijoon akka itti aanu kanatti kaa'ameera. 1. Walga'iiwwan amantiis ta'e siyaasaa, afooshawwan namoonni afurii ol irratti argaman, daboofi uqqubii akkasumas, walga'iiwwan aadaan baraman akka jaarii gaggeessun dhorkameera. Haata'u malee, sirna awwaalchaafi yeroo wantonni barbaachisoo ta'an jiraatan ilaalamee hayyamamuu danda'u. 2. Harka walfuudhaan nagaa walgaafachuun dhorkameera. 3. Barattoonniifi barsiisonni qaamaan wal-arguun dhorkameera. 4. Sirreeffamtoonni mana hidhaa jiran of eeggannoo addaatiin abokaatota isaanii waliin kan wal-argan yoo ta'u sirreeffamtoota gaafachuun garuu dhorkameera. 5. Namoota hidhamanii to'annoo poolisii jala jiraniif galaa dhiyeessuun alatti wal-arguun dhorkameera. 6. Daangaa biyyattiitiin kaarogoo, konkolaataawwan meeshaaleen shaqaxaafi dhangala'oo fe'aniin ala warra kaaniif cufameera. 7. Namoota mana kireeffatan akka gadhiisanii bahan gochuufi gatii kiraa manaa dabaluun dhorkameera. 8. Hojjettoota hir'isuufi waliigaltee hojii addaan kutuun dhorkaadha. 9. Taphawwan ispoortiifi bakkawwan daa'imman itti xaphatan dhorkamoodha. 10. Kokolaataawwan ummataa qaxxaamura biyyaa, taaksiiwwan magaalaafi konkolaataawwan dhuunfaa teessuma qabaniin keessaa %50 kan ta'uun ol irratti akka hin feene dhorkaniiru. Tajaajilli daandii baaburaa salphaa magaalaa Finfinnee ammoo hanga kaanaan dura fe'u %25 ol fe'uun dhorkaadha. 11. Daandiin baaburaa Itiyoo-Jibutiis hanga fe'uu danda'u %50 ol fe'uun dhorkaadha. 12. Manneen shubbisaafi dhugaatii kamiyyuu keessatti tajaajila kennuun dhorkaadha. 13. Bakka kamittiyyuu tajaajila shiishaa haarsuuniifi caatii/jimaa qama'uu kennuun dhorkaadha. 14. Kaaffeewwan, manneen nyaataafi hoteelonni yeroo tajaajila kennanitti teessuma tokko irratti namoota sadii ol keessumeessuun dhorkaadha. Yeroo namoota keessumeessanis tarkaanfii nama guddaa lamaa ol haala walirraa fagaateen bakka tolchuun dirqama. 15. Namni kamiyyuu bakkeewwan tajaajila adda addaa itti argatu akka baankii, gabaa, suuqii, manneen qorichaafi tajaajilwaan hawaasaa birootti walirraa fageenya hawaasummaa isaa eeggachuun yoo xiqqaate tarkaanfii nama guddaa lamaa ol walirraa siqee dhaabbachhuu/deemuu/taa'uu qaba. 16. Dhaabbileen tajaajilwaan bu'uuraafi barbaachisoo ta'an akka ibsaa, telekoomunikeeshinii, biishaan, baankii, dhaabbileen wallaansaa fayyaa kennaan, ogeessota fayyaaa, ittisa balaa ibiddaa, ogeessota fayyaa, hojii eegumsaa waliin kan walqabatan hojii dhaabuus ta'e hojiitti gufuu ta'uun dhorkaadha. 17. Odeeffannoowwan Covid-19 waliin walqabataniin oduu sobaatiin hawaasa burjaajessuun akka tasgabbiin hin jiraanne taasisuufi qoor-qalbii namaarra miidhaa qaqqabsiisuun dhorkaadha. Dhorkaawwan Abbaan Alangaa Waliigalaa Federaalaa ifa godhe kunneen ji'oota shan labsiin yeroo muddamaa labsame hojiirra oolu keessattidha.