The troublemaker and the gentleman😈😎😱👌

😘lagegat nw zare😘 afa ketefeta kallltegebua seders kalgeagn wubetua Twejigaleshi❤️awkalew aynsh yengeral😍😍 @melu

Pls share🙏🙏🙏

ሰዎችን እንዴት እንመን? (“አመኔታ” ከተሰኘው የዶ/ር ኢዮብ መጽሐፍ የተወሰደ) አንዳንድ ጊዜ አመኔታ ሊጣልበት በማይችል ሁኔታ፣ ሰው ወይም ተቋም ላይ አመኔታን በመጣል ለስህተት እንጋለጥና ስንጎዳ ራሳችንን እናገኘዋለን፡፡ አንዳንድ ጊዜ ደግሞ አመኔታን ልናሳይበት በሚገባን ሁኔታ ውስጥ ባለማመን ምክንያት ታላላቅ እድሎች ያመልጡናል፡፡ አብዛኛውን ጊዜ ልምምዳችን የሚያደላው ግን ፈቅደንም ሆነ ሳንፈቅድ ማመን የማይገባንን ሁኔታ፣ ሰው ወይም ተቋም በማመናችን ምክንያት የምንጎዳቸው ጉዳቶች ናቸው፡፡ በእነዚህ ሁለት ጽንፎች ተወስደን አላስፈላጊ ውጤቶችን እንዳናስከትል የተለያዩ የአመኔታ ደረጃዎችን በመገንዘብ መብሰል አስፈላጊ ነው፡፡ ስቲቨን (Stephen Covey) እና ግሬግ (Greg Link) በጻፉት “ንቁ አመኔታ” ወይም “ብልህ አመኔታ” በማለት ወደ አማርኛ ልንመልሰው _ የምንችለው (Smart Trust) መጽሐፍ ውስጥ አራት አይነት የአመኔታን ደረጃዎችን ገልጸውልናል 1. ጭፍን አመኔታ (Blind Trust) ይህ ባህሪይ የድልልነት (Gulibility) እና የሞኛሞኝነት ዝንባሌ ነው። ስለሆነም፣ ጭፍን አመኔታ ማለት ካለምንም ጥያቄ፣ ጥንቃቄና ንቃት የመጣውን ሁሉ የማመንን ዝንባሌ አመልካች ነው፡፡ አንዳንድ ሰዎች ይህ አይነቱ የአመኔታ ዝንባሌ አላቸው፡፡ ዘወትር እየተጎዱ እንኳን ዝም ብለው የመጣውን በመቀበል የማመን ማንነት አላቸው፡፡ 2. አለማመን (No Trust) ይህ ባህሪይ በማመንና ባለማመን መካከል የመወላወል (indecision) እና ያለመወሰን ዝንባሌ ነው፡፡ የአለማመን ዝንባሌ ያላቸው ሰዎች ወይ አምነው አያምኑ፣ ወይም ደግሞ አንደኛቸውን ተጠራጥረው ትኩረታቸውን ወደሚያምኑት ነገር አያዞሩ እንዲሁ በመወላወል የሚኖሩ ሰዎች ናቸው፡፡ 3. ጥርጣሬ (Distrust) _ ይህ ባህሪይ ሁሉን ሰውና ሁኔታ በጥርጣሬ (Suspicion) የማየት ዝንባሌ ነው፡፡ እንደዚህ አይነት ሰዎች አመለካከታቸው፣ “ማንም ሰው ሆነ ምንም አይነት ተቋም ሊታመን አይገባውም” የሚል የጭፍን ጥርጣሬን ዝንባሌ ያቀፈ ነው፡፡ እንደዚህ አይነት ሰዎች ምንም ነገርና ማንንም ሰው ስለማያምኑ አንድን ነገር ለመገንባት ያስቸግራቸዋል፡፡ 4. ንቁ አመኔታ (Smart Trust) ይህ ባህሪይ ትክክለኛውን የፍርድ ሚዛን (Judgment) ተጠቅሞና አመዛዝኖ የሚታመነውንና የማይታመነውን የመለየት ዝንባሌ ነው፡፡ እንደዚህ አይነት ሰዎች ከአመኔታ ውጪ ምንም ነገር መስራት እንደማይችሉ ስሚያውቁት በንቁ ሕሊና ነገሮችን እየመረመሩና እየመረጡ ማመንንና መታመንን አዳብረዋል፡፡ በዚህ መጽሐፍ ውስጥ እንደተመለከትነው የአመኔታ ሁኔታ እጅግ የወረደበትና “ማንን ልመን?” በማለት ግራ የምንጋባበት አለም ውስጥ እንኖራን፡፡ ይህንን ማእበል ማለፍ የምንችለው አራተኛውን የመአኔታ ገጽታ በመጠቀም ብቻ ነው፡፡ ጭፍን አመኔታ (Blind Trust) ያስበላናል ... አለማመን (No . Trust) ወደኋላ ያስቀረናል ... ጥርጣሬ (Distrust) ለራሳችንና _ ለሕብረተሰብ ጠንቅና ሸክም ያደርገናል ... ንቁ አመኔታ (Smart Trust) ግን ጠቢባንና ስኬታማ ያደርገናል፡፡