اشعار رضایت رضایی سرجویی

«ناز مخصوص» نازت مخصوصه چوی نوعروسان طیعنه مین ار گُل شمامه‌ی بوسان دنگت دلنشین چوی کوک کوسان تمایل نیرین دل بین وَ دوسان هزار نام خدا وَ فضل‌و فامت هر چوی ریزه قن شیرینه تامت من مَی نه چشته مستم وَ جامت محالن دی‌تر در چم ژَ دامت شیوه‌ت شیرینه‌و نامت نازاره لیوت گُل خمچه‌ی باخ وهاره چیَمت چوی کلاسک دیشت تاتاره دل باخته‌ت چوی من هزار هزاره گونات گَل‌ناری سینه‌ت چوی سیوه ابیضی بازوت شمناری شیوه تون وَی چَتر بور مایل وَ ریوه قیس وَ قساوت ویت مَکین لیوه هم نامت نازار هم سرو نازین گاهی نی‌لَبک گاه نی نوازین خوش تیپ منظر خوش ریزه‌ورازین هم دَنگت خوَشه هم چوپی خوازین دنگت دل‌چسبه چوی چهچهه‌ی بلبل نغمه خوانیتَن ژَ هجران گُل غیر ژَ «رضایت» داخ تون وَ دل دل کی وَ دستور تو بی چَپاول «سراینده رضایت رضایی سرجوبی» 🌺🌹💖🌺🌹💖🌺🌹💖🌺🌹💖 @rzait1

«چرخ چه‌و مَس» لیوه‌م کردیه چرخ چه‌و مه‌سی خوینم طلا ناب ها دور ده‌سی هانای هاوارم وه کس نیه‌رسی سر مه‌سم له بوی عَطر نه‌فه‌سی دنان کان دُر لیو لال کانی چه‌ویل کال و کاو مژگان کترانی کلافه‌ی کمند شورره له سر شانی شال سر فر داس گیر داسه بانی فره نازاره وه نازه‌و خه‌نی خوه‌م نازی سینم ار بویشید چه‌نی وه لهجه‌ی شیرین چوی ریزه قه‌نی ساتی صد مقام ساز ارام ژه‌نی کُشتیه‌سَم له قَص ای کافر کیشه شهدی له شیرین ارمنی بیشه خُدا من تا کی صور بکَم پیشه کم کم سزانَم تا بان ریشه دلیل تو وی تیپ بی مثاله وه نخطه‌ی نا محسوس گونا چاله وه چانه چوی گُل توپ‌و لیو لاله وه خُلک‌و خوم نیه‌کی بامه ماله وه هر چی کَسم چَرخ چَویل کالده خوشحال وَ هَرکَس هاوسا مالده «رضایت» لیوه‌ی لیو لالده حَسرت کیش زلفَیل قَطران تالده 🌷سراینده رضایت رضایی سرجوبی🌷 🍂🍁🌾🍂🍁🌾🍂🍁🌾🍂🍁🌾🌾 @rzait1

💖« دل آرام »💖 «دو ۲» دل‌آرامی هَس چیَه‌مَه‌ل مَسَه‌سی شیوه هر چوی شَمس مُقَدَسَه‌سی سَر گوپ چوی اَنار تازه رَسه‌سی کالات من قیمت طلا دَسه‌سی قلبم و مودای مژگان ریشه‌سی یه‌ی پا ار شیرین ارمن پیشه‌سی مَر ای نازاره کی ناز کیشه‌سی ناز ار نازاره‌ل که‌لهور بیشه‌سی دم چوی توپ طلا سینه سیمه‌سی میهر وَ حجره‌ی دل من مقیمه‌سی صورت چوی سکه مال قدیمه‌سی یه‌ی دل نه صد دل لیوه بیمه‌سی سینه چوی صدف سفید صافه‌سی خالی نخش وَ کنج حجره‌ی نافه‌سی کراس کوردی دوز زرین بافه‌سی برزای بخت تا بان قله‌ی قافه‌سی رنگینی رخسار چوی گُل باخه‌سی چتر زلف وَ رنگ سیاه زاخه‌سی مشام وَ بو مشک تر دماخه‌سی چن کس تر چوی من نقره داخه‌سی مرخ دل وَ دام زلف اسیره‌سی آوازه‌ی ادب عالم گیره‌سی پیری ار جَفای چرخ پبره‌سی شیوه هر چوی دت تازه سویره‌سی شیوه گُل دیری‌و نسرین نامه‌سی لهجه‌ کلهوری شیرن تامه‌سی قُله‌ی قاف هوا برزی بامه‌سی دل «رضایت» دیل حلقه‌ی دامه‌سی 🌾🌾🌾🌾🌾🌾🌾🌾🌾🌾🌾🌾🌾🌾🌾 «سراینده رضایت رضایی سرجوبی» 🌺💖🌼🌸🌺💖🌼🌸🌺💖🌼🌸🌺💖🌼🌸 @rzait1

چاوی مدام مَس وَ سُرمه‌ی توره زلفی چوی کَمَند بَهرام گوره شکر نی اندام‌و بدن بلوره پگاه ژَ پَرتَو چهره‌ی معذوره شیرو شَکَر نوش شیرین بیانه انگیزه‌ی حیات‌و مایه‌ی ژیانه توده‌ی خم کوچ دَید له آشیانه چوی نسخه حکیم شفابخش گیانه 🌼سراینده رضایت رضایی سرجوبی🌼 🌼💖🌼💖🌼💖🌼💖🌼💖🌼💖💖 @rzait1

شیرنی شیوه‌ت له شکر بیشه قَلبم وَ مودای مژگانت ریشه سینه‌ت سفیدتر له شیر میشه داخت وَ روی دل چَن سَخره تیشه 🍃💖🍂💖🍃💖🍂💖🍃💖🍂💖💖 @rzait1

«کاو وکج مدار» «تقدیم به روح پر فتوح مرحوم حاج پاشاه نجفی بزرگ مردی از ایل بزرگ جلالوند » کاو وکج مدار کاو وکج مدار/چرخ چپی گرد کاو وکج مدار/ شکارچی تر دس قضا جوی قهار/شیران وه کمند گور مکین شکار/ کهینه شکارچی تیر کمان وه دس/نه اغراق دیرین نه اغماض وه کس/ وه امر خالق تا مکین هوس/شکاره مکین شیران سر مس/ اجل بی رحمی ثبتن وه نامت/یک یک منوشیم باده وه جامت/ سنگین‌تر ژه سام سام داران سامت/شیران شکارن هر دم وه دامت/ اجل بارخانه‌ت هر ها باره‌وه/سر چن سردارت نیا مزاره‌وه/ هرچوی باخوان هاینه کاره‌وه/بافه گل منین وه قطاره‌وه/ کام کست ناکام کفن پوش نکرد/چراخ دودمان کیت خاموش نکرد/ کامین دل آزات خم وه دوش نکرد/کام خاصت وه خاک هام آغوش نکرد/ کشتی کیت غریق دریای خم نکرد/بساط کیت وه تیر اجل جم نکرد/ خوصه‌ت وه خوراک کام حاتم نکرد/آمار کیت ار لیست حیات کم نکرد/ وه بختم فلک دانه شناس بین/وه انتخابت بی حد حساس بین/ باخوان آسا دس وه اساس بین/مدام وه گل چین مردان خاص بین/ فلک حق نوی شیران شکار کین/عکسان وه مدال سینه‌ی مزار کین/ تو می وه جا من هانای هاوار کین/تا ابد رختت وه رنگ داوار کین/ میر مهمان دوس دیواخان رنگین/خان و خان مهمان سفره‌ی مال سنگین/ قاضی قانی کر وه قصه شیرین/وه قدرت بیان داد ار دیوان سین/ خانا حیفه خاک گور وه آغوش کین/شم شور وه جم خاصان خاموش کین/ جرعه‌ی لاعلاج خاموشی نوش کین/ایلان وه داخین ویت سیاهپوش کین/ قلم پا پیش بن ژه دایره‌ی پرگار/چوی مودا بشکاف صفحه‌ی روزگار/ طول خم بژن ناله‌ی ناقوس وار/تا کاوان ژه داخ بپوشن داوار/ کو چین «حاج پاشاه» وو بیانه وه/وو حجب و حرمت فراوانه وه/ شان بین وه ستوین دیواخانه وه/چوی گل بوارین وه مهمانه وه/ بار مرگ وه زور هیچکس بار نماو/مردن وه حکمت حکیم چار نماو/ افسوس زندگی دی تکرار نماو/عمری که گذشت وه دو جار نماو/ «رضایت» فرصت عرض وحال نین/مردن وه کثرت سن‌و سال نین/ مرگ وه زور و زَر کس بطال نین/کس دخیل وه امر لایزال نین/ سراینده «رضایت رضایی سرجوبی» 🌺🍃🌺🍃🌺🍃🌺🍃🌺♥️🌺🍃🌺🍃🌺 @rzait1

درد دلی به زبان حال حیدرخان غلامی (دلگیر) دروغم فرزندش فرشاد عزیز شاعر رضایت رضایی سرجوبی دل بندم لاوه ، دل بندم لاوه/جگر گوشه کی دل بندم لاوه/ کی کلبه ی احزان وه دلگیر باوه/شو بی شوق تو چوی روژه ماوه/ خیال پرتشویش دل غرقن ژه خم/وه آگر هجران مسوزم جور شم/ سیلاو سرشکم جارین وه چم/می زام دل بی تو چوی بکم مرحم/ زندگیم بی تو رنج و عذاوه/شو بی شوق تو چوی روژه ماوه/ رسول وه داخت بی حد هامه تنگ/کمر شکسته م زوان لال و لنگ/ ار دل تنگی ویم بیان کم وه سنگ/سنگ سخت وه داخ مگیلو ژه رنگ/ دل سزیام ار بند سینه م کنیاوه/شو بی شوق تو چوی روژه ماوه/ کموتر شادیم شقه دای ار بال/بوم شوم خم سکنان گرت وه مال/ جور غواص غرقم ژه دریای خیال/دل وه داخ مرگ فرشاد چوی ذوخال/ جرگم وه آگر هجران کواوه/شو بی شوق تو چوی روژه ماوه/ روله مر روژی خاک وه آغوش کم/وه داخت جرعه خاموشی نوش کم/ لاشه م جور قامت تو کفن پوش کم/داخ تو ژه دل ویم فراموش کم/ اگر سرهیز نین وی شیرین خواوه/شو بی شوق تو چوی روژه ماوه/ روله وه راسی کس وه حالم ناو/جرگ نه جگرگای سینه م بی کواو/ نه وه روژ آرام نه شو دیرم خواو/فغان مکیشم تا روی چرخ کاو/ زام کهنه و نوم ژه نو کولیاوه/شو بی شوق تو چوی روژه ماوه/ فلک خوصه و خم ثبت کرده طاله م/دل کافر کواو وه سوز ناله م/ بشم بی وه خم وماتَم حواله م/بی وه نصیب خاک گل غمچه ی لاله م/ اجل آرزو دامیه دم واوه/شو بی سوق تو چوی روژه ماوه/ یه چه دردی بی ، بی وه میهمانت/جور شم وه آرام آو بی سوخانت/ ار حکیم نورد پی وه درمانت/تا گیان بیم وه ری عزیزی گیانت/ شمع دل وه باد خزان کوشیاوه/شو بی شوق تو چوی روژه ماوه/ یه چن سالی هس هرخم وه باربیم/هرشو تا کله ی سحر بیدار بیم/ مدام لب وه ذکر پروردگار بیم/پی شفای دردت وه انتظار بیم/ هم رازم وه گرد خم وه خفاوه/شو بی شوق تو چوی روژه ماوه/ بیل تا بسوزیم هر دومان چوی هم/من ققنوس آسا تو جور شعله شم/ ار دل آزاد ناو ژه چنگال خم/می بی کسی ویم جار دم وه عالم/ خاپور بیم وه جور ای چرخ کاوه/شو بی شوق تو چوی روژه ماوه/ زندگی بی تو وه کامم تالن/کشتیم غرق قهر دریای خیالن/ شادی اوقاتم وه دل بطالن/ادامه ی حیات بی تون محالن/ بیشتر ار یعقوب حالم خراوه/شو بی شوق تو چوی روژه ماوه/ شرط بو جور اودال عالم بگردم/ترک اجماع کم دویر بوم ژه مردم/ تا هر کس گوش بی وه سوز دردم/بوه گرما بخش هناسه ی سردم/ من وی سوز دل شفیع آساوه/شو بی شوق تو چوی روژه ماوه/ هر شو تا شفق وه خلوت شین کم/زخم پیشانیم چوی بی ستوین کم/ دیده م وه ناخون خلپان وه خوین کم/تا دنیام بی تو وه کس موین کم/ من وی بحر خم بی منتها وه/شو بی شوق تو چوی روژه ماوه/ شرط بو قورسان وه سر منزل کم/گِل کو مزارت وه باخچه ی گُل کم/ وه شکل شیون گاه درد دل کم/تا درمان دردم وه لات حاصل کم/ شیشه ی دل وه برد اجل شکیاوه/شو بی شوق تو چوی روژه ماوه/ دل گیر و دل ریش دل پاره پاره م/جور شم وه سزیاین لاشه م نظاره م/ چوینای ژه ازل چفت چنیا چاره م/جور جو سر ریژن خویناو گلاره م/ فلک دام وه دم تیخ جفاوه/شو بی شوق تو چوی روژه ماوه/ من هر ژه ازل ستاره م شومن/شو پژاره و خم روژ ویمه رومن/ توده ی خم گواه بغض گلومن/وه داخت تبای ویم آرزومن/ طول دل ار ریتم آهنگ وسیاوه/شو بی شوق تو چوی روژه ماوه/ (رضایت) بنویس تا دس هم گیرن/سوز دل داخ تر ژه زام تیرن/ یه سوز دروین میرزا دلگیرن/کمر خم وه جور چرخ بی پیرن/ چمن چوی چوگان دس وه عصاوه/شو بی شوق تو چوی روژه ماوه/ سراینده ✍️ رضایت رضایی سرجوبی 🌼🌸☘️🌺🌼🌸☘️🌺🌼🌸☘️🌺🌼🌸☘️ @rzait1

💖«یا داوود هاوار»💖 یار داوود دردم یار داوود دردم هانا یار داوود درمان که دردم وَ عام عیانه رخسار زردم درمان درد نیه هرچَی مَگردم یا داوود دردم داوای که داوود درمان وَ نیاز دوشای که داوود هانا رَس توین هام رای که داوود تو دفع کرونای کذای که داوود یا داوود هاوار وَ درگاه‌ت دویرم وَ دام دل رنج کرونا گیرم چمان دس بسته‌ی پا وَ زنجیرم بغیر ژَ درگاه‌ت نیَن تَدبیرم غیر ژَ تو نیریم هنارس داوود دردم کارین وَ بی کَس داوود کارای کوسوارو کار وَ دَس‌ داوود دَخیل وَ درگاه‌ت زوی برس داوود یا داوود هاوار درمانده‌ی دردم گینو شرم دیری وَ رنگ زردم تا کی بجورم دویری وَ مَروم گاه کویره‌ی آگر گاه سلج سردم حکیم زرده‌ی خور آوا داوود درمان پی هر درد بی دوا داوود ملهم زام دل بی نوا داوود وَ حُضور سلطان ناز روا داوود یار داوود هاوار خاطر خمینم رَنگ نَمن وَ روی جام جمینم پیرم کَم توان پوینه‌ی زَمینم مُبتلا وَ دَرد کُرونای چینم دَس وَ دامانت بی کَسم داوود غیر ژَ تو نیَن دادرَسم داوود سینه‌ ست وَ سوز نَفَسم داوود درمان برَسن وَ دَسم داوود ایواره وختی زرده‌ی خور آوا یار داوود هاوار وَ گوشم یاوا دس وَ درگاه‌تم پردیور ماوا تا درد «رضایت» بکین مداوا «سراینده رضایت رضایی سرجوبی» 🌿🌼🌹🌿🌼🌹🌿🌼🌹🌿🌼🌹🌿🌼🌹

ای رنگین رمان دُم سروین دُرره وَ مودای مژگان ریشه‌ی دل برره توصیف سزاوار گورانی چرره سَر تیل سواران کوچ که‌لهورره سراینده رضایت رضایی سرجوبی 🌼💖🌺💖🌼💖🌺💖🌼💖🌺💖💖 @rzait1

شوخ‌و شورانگیز شکار شو گرد مل چوی کله‌ی قن فریمانی فرد جبین جور جامک زلف زنجیر زرد نسخه‌ی شفابخش درمان پری درد صورت هرچوی مانگ دو هفته کامل دنان مُسَمَط‌ دَم چوی پره‌ی گُل هر چوی باخوان خوف خار وَ دل حسرت دیدارت می بورم وَ گل چوی گل پرورده‌ی باخ جَنتین تَرکی طراوت‌و طاووس طلعتین خرامان جور قو چَرمی چوی بَطین کوک کوهساران‌و آهوی هَلَتین بالات بی عیبه چوی حور برین تون وَ کَمالات ار دوستان سرین وَ عین «رضایت» زیبا مَنظرین لعلین یاقوتین دورین گوهرین 💖🌼💖🌼💖🌼💖🌼💖🌼💖🌼 🌺«سراینده رضایت رضایی سرجوبی» 🌼💖🌼💖🌼💖🌼💖🌼💖🌼💖💖 @rzait1