كُن أنتَ ولا تُقلدهم 👨‍🎓👩‍🎓

إوعى فِـ يُوم تِسَتسَلم كمل سَعيّ، وأكيد فـِ يُوم هَتُوصَل إنتَ جامِد إِنتَ تِقدر 🫶🏻"".

السلام عليكم ورحمة الله وبركاته صباح الخير ،.. اهدى خالص واستبشر خير بيومك الجديد صلِّ واقرأ الورد بتاعك وردد أذكار الصباح دول اهم حاجة ومتنساش الدعاء معاهم ادعى بالبركة فى وقتك وجهدك وتعبك وربنا هيقدملك الخير. قوم يلا شوف مذاكرتك وخلصها وتذكر اننا مطالبون بالسعى فقط وأن النتيجة فهو جزاء من الله. " لا يستطاع العلم براحة الجسد " اللهم انصر إخواننا في غزه وفلسطين وفى كل مكان..

مثل الذي يذكر ربه والذي لا يذكر ربه كمثل الحي والميت اللهُمَّ انصر إخواننا في غزة والسودان وفي كل مكان

بس برضوا انا عايز اتزوج 🥹😂

"من سن الـ 18 سنة حتى سن  الـ 25 عليك بناء مستقبلك، في هذا السن أنت مش محتاج للعلاقات العاطفية ,أنت محتاج لإيجاد نفسك ومستقبلك، أنت محتاج لإيجاد ميولاتك ومصدر اهتماماتك، محتاج لضبط سلوكاتك والتركيز على اهدافك، محتاج لفعل شيء ملموس بخصوص حياتك وحدك، قبل أن تبحث عن السند عليك أن تجعل من نفسك سندًا صلبًا يمكن الاعتماد عليه، وقبل أن تبحث عن نصفك الآخر، عليك أن تجعل نفسك نصفًا كاملا متكاملًا واثقًا وصامدًا، رحلة التغيير تبدأ في هذا السن فاحذر أن تدعه يضيع من بين يديك."

فشل ايه اللي بتتكلموا عليه ف سن 20 و 25 سنه منهم 10 سنين طفوله و 10 زيهم مراهقه ايه هو النجاح الباهر اللي ممكن تتخيل انك عملته ف مرحله المراهقه والطفوله صديقي ف بدايه و منتصف العشرينات انت لو بصيت لنفسك كويس هتلاقي صفات و مواهب انت مكتشفتهاش غير لما تميت السن ده ف متجريش ورا كام بوست خايب و ياريت تاخد كل مرحله ف حياتك منغير م تجلد ذاتك بأحلام مرحله تانيه ربنا نفسه كان ممكن يخلق الكون كله بلمحه بصر لكن هو اختار أنه يقضي فيه 6 ايام كاملين هتيجي انت ياللي بتمر بكل مراحل التعليم و التجارب فحياتك عاوز تتولد تبقي ناجح و مكسر الدنيا 🤔 مش لازم تمر بمرحلة تعليم و بعدين اعداد و تحديد أهداف و تكوين شخصيه و اكتشاف للنفس و بعدين نبدأ نفكر ف النجاح طوروا فكركم و اهتموا بشخصيتكم فالاول و اكتسبوا مهارات و طباع جديده و حددوا الأهداف الصح الاول و ساعتها نشوف موضوع النجاح و الفشل ده لان الكلام ع السوشيال ميديا مش هيفيد بحاجه ❤️..

عارف يعني ايه " وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ " ‏يعني في لحظة هتلاقي مكالمة لشغل ، وإنت أصلا قاعد مهموم عمال تحسبلها وتفكر وتقول يارب انا مش عارفه هتتحل ازي.. ‏يعني في لحظة هتقوم من النوم تلاقي لحظة غيرت حياتك خالص ، ومش هتبقى فاهم حصلت ليه وإزاي.. يعني في لحظة هتبدأ تفقد الأمل وتيأس ، وبعدين تيجي حاجة من السما تحسسك إن لسة فيها.. ‏ربنا قادر على كل شيء ممكن تتخيله ، اليوم اللي بتعيشه النهاردة صعب ، بكرة مش هيكون كدة وكلها بإيد ربنا..

بص .. هي صعبة صعبة، الشغل صعب، والتعامل مع الناس صعب، وإن الواحد يعمل فلوس صعب، والجواز صعب، وإن احنا نروح الشغل كل يوم عشان دخل لا يكفى بردوا صعب. بس سيدنا عمر بن عبد العزيز قال جملة تكتب بماء الذهب.. قال: لو أن الناس كلما استصعبوا أمرًا تركوه، ما قام للناس دنيا ولا دين ... فمينفعش نبطل نعمل حاجة أو نبطل نحاول عشان الحاجة دي صعبة، لأن هي دي الدنيا. ربنا يسهّل ليا وليكم كل صعب. - لصاحبه