Kosonsoy.uz | rasmiy kanal

🔰 Такрорий экин - ҳам ерга, ҳам эл-юртга фойда ▫️Ўзбекистон фермер, деҳқон хўжаликлари ва томорқа ер эгалари кенгашининг бўлим бошлиғи З.Алламуродов томонидан Косонсой туманида 2024 йилда ғалла ҳосилидан бўшаган майдонларда такрорий экинларни экиш ишларини ташкил этиш бўйича ўрганиш ишлари олиб борилди. 2024 йил Косонсой туманида ғалладан бўшаган жами 6535 гектар ер майдонларига, сабзавот 625 гектар, мойли экинлар 535 гектар, дуккаклик экинлари 1445 гектар, полиз 9 гектар ва озуқа экинлар 2660 гектар ер майдонларига такрорий экинлар экиш режалаштирилган. Шунингдек, тумандаги “Намуна ширин” фермер хўжалигида ғалладан бўшаган 9 гектар ер майдонларга такрорий экинларни экиш бўйича амалий семинар ташкил этилди. Семинарда туман фермер, деҳқон хўжалилаклари ва томорқа ер эгалари кенгаши раиси, бухгалтерия марказ ходимлари, "Гўрмирон" маҳалла фуқаралари йиғими раиси, ҳоким ёрдамчиси, хотин-қизлар фаоллари ва маҳалла ёшлари иштирок этди. Семинар давомида такрорий экин экиш жараёнида “Бир контур-бир маҳсулот” тамойили асосида қишлоқ хўжалиги экинларни экиш ташкил этиш лозимлиги тушунтирилди.

📹 Шавкат Мирзиёев: «ОАВ ходимлари билан мулоқот қилмаган раҳбарларнинг келажаги бўлмайди». ▫️27 июнь - Матбуот ва оммавий ахборот воситалари ходимлари куни. Фурсатдан фойдаланиб барча ҳамкасбларимизни ушбу сана билан муборакбод этамиз.

“Ўзбекистон – 2030” тараққиёт стратегияси Бирлашган Миллатлар Ташкилотининг “Барқарор ривожланиш мақсадлари”га уйғун Ўзбекистон – 2030” тараққиёт стратегияси Бирлашган Миллатлар Ташкилотининг “Барқарор ривожланиш мақсадлари”га уйғун Маълумки, Бирлашган Миллатлар Ташкилоти Бош Ассамблеясининг 2015 йилнинг сентябрида Барқарор ривожланиш бўйича ўтказилган саммитида 2030 йилгача бўлган даврда давлат ва ҳукумат раҳбарлари томонидан қабул қилингант ҳужжат принципиал жиҳатдан янги глобал мажбурият ҳисобланади. Барқарор ривожланишининг 17 мақсади ва тегишли вазифалар кенг миқёсли масалаларни, яъни соғлиқ ва фаровонликдан тортиб то иқлим ўзгаришларигача, гендер тенглигидан тортиб истеъмол ва ишлаб чиқариш моделлари ўзгаришларигача бўлган жараённи қамраб олган. 👉Батафсил

❗️Расман: Тест синовлари 14 июлдан бошланади, мандат 22 августга қадар эълон қилинади ▫️2024/2025 ўқув йили учун олий таълим муассасаларига кириш тест синовлари 2024 йил 14 июлдан 28 июль кунига қадар ўтказилиши режалаштирилган. Имтиҳонлар 28 июлда якунланади ҳамда 30 июлдан бошлаб 15 кун йўналиш танлаш имконияти яратилади. 13 августда (шу куни ҳам танлаш мумкин бўлади) ушбу муддат якунланади. 7 кунлик муддатдан сўнг мандат ҳисобланади ҳамда 21-22 августда мандат эълон қилинади.

🔰 Президент Шавкат Мирзиёев Жиззах вилоятига келиб, “BYD Uzbekistan Factory” қўшма корхонаси фаолияти билан танишди.

📹 Анваржон Алиев: Сиз бугун қилаётган ишингиз учун рағбатни бугун кутманг, вақти келиб рағбатлар, мукофотлар кўпайиб кетади, лекин унгача машаққат ва меҳнатга тайёр бўлинг 27 июнь – Матбуот ва оммавий ахборот воситалари ходимлари куни муносабати билан "Давлат хизматчиси" лойиҳамизнинг навбатдаги қаҳрамони “Ўзархив” агентлиги Ахборот хизмати раҳбари, директорнинг ахборот сиёсати масалалари бўйича маслаҳатчиси Алиев Анваржон Орифжоновичнинг фикрларини тинглаймиз. —Мен ҳозир ҳам ўзимни тарбиялашга, яхши одатлар орттиришга ҳаракат қиламан, — дейди у. Манба

📹 Чиқинди учун кешбек: замонавий шохобчада аҳолидан чиқиндилар сотиб олинмоқда ▫️Марказ томонидан ўитказилган пресс-турда замонавий чиқинди йиғиш шохобчасидаги шароитлар, унда аҳолидан қайта ишланадиган чиқиндиларни харид қилиб олиш тартиби ҳақида ОАВ вакиллари, блогер ва журналистларга кенг маълумот берилди.

➡️🌳 "Mening bog‘im" loyihalari uchun ovoz bering! ▫️“Ochiq budjet” ("Open budjet") axborot portali orqali “Mening bogʻim” loyihalari uchun ovoz berish jarayoni boshlandi. Ma'lumot uchun, joriy yilda Respublikamizning 208 ta tuman va shaharlarida “Mening bogʻim” loyihalari asosida “yashil bogʻ” va “yashil jamoat parki” barpo etiladi. Buning uchun jami 52 mlrd soʻm mablagʻ ajratilgan bo‘lib, tuman va shaharlarda 250 mln soʻmdan kam boʻlmagan miqdorda teng taqsimlanadi. Ovoz berish 7-iyulga qadar davom etadi. Yakuniy natijalarga ko‘ra eng ko‘p ovoz olgan hududlarda “yashil bogʻ” va “yashil jamoat parklari” yaratiladi. Hurmatli yurtdoshlar! “Mening bogʻim” loyihalari uchun ovoz berib, hududingizda ekologik muhit yaxshilanishiga hamda tabiatimiz yashillik darajasini oshirishga oʻz hissangizni qoʻshing.

🔰 "Соҳил"да ижодий учрашув бўлиб ўтди ▫️Июнь - "Ёшлар ойлиги" доирасида Косонсой туманида  кенг қамровли маънавий-маърифий ва ватанпарварлик тадбирлари кўтаринкилик билан давом этмоқда. Жумладан, жорий йилнинг 26 июнь куни Косонсой туманидаги "Соҳил" болалар оромгоҳида Республика маънавият ва маърифат маркази Косонсой тумани бўлинмаси ҳамда Ўзбекистон ёзувчилари уюшмаси Наманган вилояти бўлими ҳамкорлигида ижодий учрашув ташкил этилди. Тадбирда таниқли ижодкорлар Руқия Ғозиева, Аъзамжон Мамажонов, Лутфулло Шариф, Насиба Мамажоновалар иштирок этиб, китоб ўқишнинг аҳамияти, вақтни мазмунли ўтказиш юзасидан ўгитлар бердилар. Шунингдек, ижодкорлар бошлаб берган мушоирага болалар жўр бўлдилар. Тадбир якунида фаол иштирокчиларга китоблар совға қилинди.

🔰 Бугун Президент Шавкат Мирзиёев Жиззах вилоятига ташриф буюриб, йирик саноат объектлари билан танишади, янги лойиҳаларга старт беради. Шунингдек, давлатимиз раҳбари Зомин туманида II Халқаро мақом санъати фестивалининг тантанали очилишида иштирок этади.