خادمین امام حسین علیه السلام

حضرت اباعبدالله الحسین علیه السلام https://t.me/KhademineHosein 🌺🌱🌺🌱🌺🌱🌺 ویردون ای چرخ ندن فرصتی اشرار الینه رشته‌ی کار گچوب مرد تبه‌کار الینه نه روا بلبل او ذوقیله قفسده یاشیا گل او اندازه لطافتله دوشه خار الینه حکم زندان ویریله یوسفه تقوایه گوره مصر قبضه اولا بیر حاکم جبّار الینه سن مگر ساحریدون رمز طلسماتیله قورخیدان تاپشوراسان گنجی سیه مار الینه نه صلاحیله امیر ایتدون عبیداللهی ویرر عاقل نجه قدّاره‌نی غدّار الینه وریلا سکّه‌ی اسلام یزیدون آدینا ویریله سنگر دین شارب و خمّار الینه اختیارات آلنا صاحب تقوادن اگر تاپشوراللار سر یحیانی زناکار الینه بیعت ایتمز ابی‌عبدالله عبیداللهه ساربان ظلمینی هر چند ایده تکرار الینه یتشوب جاه و مقامه هامی قدّاره‌کشان بنده‌لر بند چکوب زبده‌ی احرار الینه حکمتیلن بیر ایشون اولدی پسندیده فقط ذوالفقار ارث یتشدی شه ابرار الینه گرچه دورد اوغلی ئولوب آلتی جوان قارداشی آز قالور عترتی مقهور اولا اغیار الینه https://t.me/KhademineHosein ئوزی تک دوره‌سی دشمن اوره‌گی داغلی سوسوز بیر نفر یوخ ویره ال حقّه طرفدار الینه باشینون اوسته حرارت ایاقی آلتدا غبار دورت طرف دشمن آلوب نیزه‌ی خونخوار الینه سوونوللر اوقدر عرصه‌ده یالقزلقنا سانکه درّنده سالوب طعمه‌ی پروار الینه بله فکر ایلدیلر ضعف دوتوب اندامین زنده تسلیم اولاجاق لشگر جرّار الینه ذوالجناح اوسته دوزلتدی بوکولن قدّین امام صف‌لره باخدی گله نقشه‌ی پیکار الینه دیدی لشگر سیزی اوچ امره مخیّر ایدورم بو اوچوندن بیرینی تاپشرون اقرا الینه یا قویون باش گوتوروم قورخلی قزلاریملن یوز قویوم چوللره باش ویرمیوم اشرار الینه یا بیر آز سو ویرون اوّل منه یاندی جگریم آنادان ارثدی سو عترت اطهار الینه یا اگر یوخدی سیزون جنگدن آیری هدفوز کمگیم یوخدی منیم گوزتیکم انصار الینه من تکم جنگیمه تک تک گلون ای قوم شریر تا ویریم هر نفرون باطله طومار الینه تن به تن جنگی قبول ایتدی فقط سعد اوغلی ئوزیده قیلدی تماشا گله معیار الینه بیر یزید آدلی کیشی ابطحی شهرت ملعون چخدی صفدن آلوب ئوز جانینی مردار الینه آچدی آغزین دیه‌سن که آچلوب قبر یزید سبقت ایتدی نجس آغزیندا کی گفتار الینه ناسزا باشلادی مردان سزاوار حقه ناقه‌ی عسگر شیطان ویروب افسار الینه مرکب کفره ایدوب عایشه‌ی نفسی سوار تاپشروب عهد رسول‌اللهی انکار الینه ساق رکابندن ایاقین چخادوب بی‌کس امام صول رکاب اوسته سالوب لنگر بسیار الینه ئوزی بیر فنّ‌دی بو، کیم صولا لنگر سالسا ساق طرفدن یغشار قدرت سرشار الینه بیر قلج وردی او نامرده بو کیفیتلن اولدی جبریل امین صدقیله زوّار الینه https://t.me/KhademineHosein دیدی ظالم منی سن اولما آدامسیز گوردون ویرمرم لحظه امان یوز بِله کفّار الینه زور بازوی ولایت هله سربسته قالوب ذوالفقار آلمامشام خالق قهار الینه آستینمدن اگر دست ولایت چخادام یتمز ئوز پیکریمون زحمت و آزار الینه بیر نفر زنده قوتارماز آپارا شهره خبر کوفه‌دن ابن زیادون ویره آمار الینه الغرض بیر بِله اخطار و نصیحتله گنه اولدی بیر آیری مبارزده گرفتار الینه https://t.me/KhademineHosein اونادا وردی صولوندان افقی بیر شمشیر باشی لعنت اوخودی گویده طمع‌کار الینه گلدی بیر بیر واریدی کیمده بیر آز باد دماغ دگمدی قانلاریدا حجت دادار الینه ذوالفقار ایتدی عجب قابض الارواحه کمک باشلاری یوللادی پیشواز ایده همکار الینه گچدی صف‌لر دالنا فارس و شجعان عرب شمر آلوب ریش عمر سعدی بَرَص‌دار الینه دیدی بو جنگی قبول ایلدون آخر نیه‌سن زُبده سرکرده‌لریم یاندی شرربار الینه https://t.me/KhademineHosein دیدی من فکر ایلدیم اوغلی ئولنلن طرفم شیر غضبان قوجالان وقته نه زنهار الینه قویمادوز کعبه‌ده ایتسون اونی رمی جمره ایندی باشلاری یغور داش کیمی فخّاز الینه ورار اعدا باشینی داش یرینه ابلیسه حجّی تکمیل اولا جان تاپشورا دلدار الینه حمله فرمانی ویریم ایندی بو سایسیز قوشونا فتنه‌دن بند چکیم حیدر کرار الینه نهر علقم طرفین خالی ایدون معرکیه باغلیوم حیله طنابین بو فداکار الینه 🌺🌱🌺🌱🌺🌱🌺 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

زبانحال حضرت امام حسین (ع) به جبرئیل در قتلگاه https://t.me/KhademineHosein 🌺🌱🌺🌱🌺🌱🌺 شهپرون گوتور روزِ وصل دور حایل اولماسون یاره جبرئیل کوی یارده خوش گلور منه دگسه هر قَدَر یاره جبرئیل https://t.me/KhademineHosein موعدم ازل گونده یاریلن ایلیم منا کربلانی من شهپرون گوتور مَحرم اولموشام نیلورم بو گون سایبانی من سو کیمی آخان قانیله گرک زینت ایلیم بو‌ منانی من کعبه‌ نی طواف ایلیوب یِتَم جلوه‌ گاهِ دیداره جبرئیل https://t.me/KhademineHosein سعیله صفایه یتورموشم جِدّ و جهد ایدوب جسم و جانیمی بسکه اوخ‌ دگوب قان ‌گئدوب آلوب الدن اختیار و توانیمی مَروه ائتمگیم بو سورونم گیم حجّ ختم توکسونله قانیمی وصلِ یاردن غیره یوخ منیم دردیمه اولا چاره جبرئیل https://t.me/KhademineHosein ویرمه شهپرون اوخ قباقنه شوقدن گوگل بیقرار اولور یاردن اوتور بسلنوب بدن باش ویرور بدن خاکسار اولور کوی یارده شوقیله سوسوز جان ویرور حسین، جان نثار اولور وقتِ ظهر دور قان وضوسی دور سو یِرینه رُخساره جبرئیل محمدباقر محمدزاده قومیان (غمگین) 🌺🌱🌺🌱🌺🌱🌺 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

زبانحال سید الشهداء بعداز تیر خوردن حضرت علی اصغر(ع) به زینب کبری https://t.me/KhademineHosein 🏴🏴🏴🏴🏴🏴🏴 « گل باجی قانه بویاندی اصغر عطشان الیمده ظلم الیله پرپر اولدی غنچه خندان الیمده » (1) .https://t.me/KhademineHosein غنچۀ باغ ولایت اللریمده پرپر اولدی آخدی خون دل عذاره دامن وصلیم تر اولدی رهرو ملک محبت اکبر اولدی اصغر اولدی مستند اثبات حقّ و باطله عنوان الیمده یاندی قلب داغداریم بو غم هر غمدن باش اولدی شاهد فی الحال عینی بو فلات و داغ داش اولدی قلبیمین قانی گوزومدن آخدی اشکیم قانیاش اولدی دامنیم ایسلاندی قالدى قانلی بو دامان الیمده https://t.me/KhademineHosein بُلمیوب سعد اوغلی بُلمز بو سیاسی اتفاقی اوخلامازلار موقع دعواده آلت آیلیق اوشاقی غیر قانونی بیر ایشدور سند فرار بو اختناقی گون کیمی دنیایه اولموش مسئله اعلان الیمده ظاهراً اوخلاندی اوغلوم حلقی اولدی پاره پاره مفتضح ایتدی یزیدی باطناً بو شیرخواره ساخلاسون تا حشر اولونجا یولّادیم قرب نگاره ایلرم حقّى تلقی اوخلی بو قربان الیمده https://t.me/KhademineHosein ایلدیم اتمام حجّت فرقۀ بی نام و ننگه سود امر بو طفله باخسون خاتمه ویرسون بو جنگه اصغرین حلقی نشانه اولدی اوچ شعبه خدنگه لالۀ احمر کیمیدی تحفۀ جانان الیمده عبدی قراملکی 🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

زبانحال_حضرت_رباب_س https://t.me/KhademineHosein 🏴🏴🏴🏴🏴🏴 ✍ او اوخ آتان که سنی قانیله خضاب ایلیوب اوخون آتاندا منیم قلبیمی کباب ایلیوب https://t.me/KhademineHosein او اوخ یخوب ایویمی روزگاریمی چووروب سنی اگر چه فرات اوسته کامیاب ایلیوب او اوخ نجّه اوخوموش بولمورم، دیولّه ولی همان اوخون تایی سقانی دلکباب ایلیوب نه لازمیدی سنه اوچ پر اوخ آتا دشمن نه خاطره گورسن اوچ پر انتخاب ایلیوب گورن دیور که رباب ، حرمله سنون بالاوی مقام عشقده بیر قهرمان حساب ایلیوب گه آغلورام سنه گاهی باخوب فرحلنیرم یوزونده نور خدا گور نه بازتاب ایلیوب او قانلی گوزلریوه گوزلریم اولا قربان دوباره قانلی باشون نی ده انقلاب ایلیوب صبا آلور گوزل عطرون مشامیمه یتیرور خمار و نشئه، منی عطر و بوی ناب ایلیوب https://t.me/KhademineHosein مشامیمه یتیشن عطریوه اوزوم قربان او اوچ پر اوخ گولومی ایله بیر گلاب ایلیوب اوجاتموسان باشیمی عرشه سن ایوین آباد منی شهید آناسی هر گورن خطاب ایلیوب ولی ئورکده منیم نچّه نیسکیلیم واردور خدا بولور که نجه روحیمه عذاب ایلیوب بیری بودور کی سو اوستونده باغلادوم اَلیوی آنان خیال ایلیردی اوغول ثواب ایلیوب ولی دیولّه او اوخ سانجلاندا حنجریوه قولی که باغلی قالوب چوخلی پیچ و تاب ایلیوب اودم سودوم یوخودی ناعلاج قالمیشدوم دیمه آنام اَلیمی بسته طناب ایلیوب گلوبدی سینه مه سوت ایندی منّتون چکیرم سالوبدی جانیمه اود، قلبیمی کباب ایلیوب وریدیلر او باشی سینم اوسته ساخلاردوم هزار حیف که دشمنلریم جواب ایلیوب https://t.me/KhademineHosein نّئیون یوخوندی (عتیقا) بو دار فانی ده بو بس کی اصغر آدی دیده وی پرآب ایلیوب طهمورثی عتیق 🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

‍ اوخ دگنده اصغره اوچ شعبه اوخ قان آغلادی سوزدی قان نازک بوغازدان باخدی سلطان آغلادی https://t.me/KhademineHosein یغدی قانی اوجینا مظلوم دشت نینوا سپدی یردن گویلره شاه لب عطشان آغلادی همهمه قوزاندی قوم بد شعار کوفی دن سس یتشدی خیمیه مخیمده نسوان آغلادی غیرتیندن تیتردی قان ایچره سقای حرم نهر علقمده یاتان قولسوز نگهبان آغلادی خیردا حنجردن بویوک تیری چکنده شاه عشق قوملار اوستونده قالان باشسیز شهیدان آغلادی جبرئیل اندی یره طاها گلوب زهرا گلوب هود و نوح و صالح و خضر و سلیمان آغلادی قدسیان کرّوبیان لاهوتیان ناسوتیان اهل رضوان و ملک هم حور و غلمان آغلادی ابر و باد و ماه و خورشید و فلک غملندیلر کائنات آغلاشدی حتی عرش رحمان آغلادی بیر گولوردی حرمله بیرده علی اصغر فقط بو ایکی گولمکده کلّ کون و امکان آغلادی https://t.me/KhademineHosein حرمله خوشحالیدی فکر ایلیوردی کام آلوب بیلمدی ظالم اونون ظلمینده یزدان آغلادی اصغرین بیلمم ندی اسرار لبخندی اوخا گولدی اصغر شرم ائدوب اوچ شعبه پیکان آغلادی «زعفرا» اصغر بوکنده کربلا طومارینی لوح تقدیر و قضا و حکم دیوان آغلادی زعفرآزادمهر 🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

یا علی اصغر(ع) https://t.me/KhademineHosein 🏴🏴🏴🏴🏴🏴 قانلی بیر قنداقی دوتموش الده شاه کربلا ایله کی بلبل دوتار گل یاپراقین منقار آرا https://t.me/KhademineHosein بارماقی آغزیندا حیرتله باخار کرّوبیان حالینه آغلار او مظلومین زمین و آسمان باش آچوق سویلر اوغول وای خاتم پیغمبران نینوا دشتین دولانور نی کیمین ایلر نوا قالمیوب باشینده بیر دیّار اولا یار و معین ئولدوروبلر یار و انصارین قالوب تنها حسین اکبر صد پاره اولموش زینت روی زمین ساق دگول عباس نام آور اله آلسون لوا https://t.me/KhademineHosein گاهی نظاره ائدر حسرتله نحر علقمه نعش عباسی گوروب غرق اولدی دریایه غمه تیترینده پرچمی ایلردی دشمن واهمه قورخمادی عباس ئولندن صونرا هیچ قوم دغا قیلدیلار ادنا رعیّت پادشاهه هلهله آلدی زهرآلود اولان اوخ بیر الینه حرمله گلدی آغوشینده شاهون اوخ دگوب برگ گله گل نسیمه توقوشوب دگدی گله باد صبا اصغر آغوشته اولوب لاله کیمین ئوز قاننه حرمله شومون باسوب ایکی الین پیکاننه اللری پیکاندا جان تسلیم ائدوب جاناننه آغلیوب قان اصغرون حالینه شاه ِ کربلا دوندروب یوز خیمه گاهه زادۀ ختم مآب زینب محزونه قیلدی بو طریقیلن خطاب اولدی سیراب اصغریم پیکان دمیندن ایچدی آب کئچدی حدّ و حصریدن بو چولده ظلم اشقیا https://t.me/KhademineHosein بار سنگین گنه" بیضانی "ائتمیش خسته دل روز و شب هوهو دییه تاپسون ئوزینه بیردلیل دائما پردور حسین ذکریله شهراردبیل مخزن اکسیر اعظم کیمیادور کیمیا مرحوم بیضای اردبیلی 🏴🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

هلال برج عزت گون الینده باتدی گل زینب چوخ آغلوردی بالام لای لای دیدی اوخ ، یاتدی گل زینب آلان یوخ بیر نفر بو قانلی قنداقی قوجاقیمدن سنه معلومدور حالی ربابین، اوز سیاقیمدن یوزیندن اوپمیشم از بس، آخور قانی دوداقیمدن یوزیمده،اللریمده تازه قانه باتدی گل زینب آچلدی عالم ارواحده تا عشق بازاری متاع وصل حقین اولمادی من تک خریداری آچوب اکبر آدی، اصغر آدی ختم ایتدی طوماری بالام اوخلاندی ، من آلدیم ، حبیبیم ساتدی گل زینب رباب آغلوردی سویلوردی آز آغلا سینه می داغلا گورنده آغلامور ایندی دیور آغلا بالام آغلا آناسندان باجی گیزلین یاراسین گل آپار باغلا آنا آغوشنون فکرین باشینان آتدی گل زینب دگن ساعت بوغازنان بو قوم سفله پیکانی یارالاندی جگر گوشم گلوب جوشه جگر قانی پوزولدوم باغریما باسدیم باجی بو تشنه قربانی یاراسیندان آخان قان، سینه می ایسلاتدی گل زینب عطشدن ایله سولموشدی سارالمیشدی بو دلخسته گورنده سس چکوپ آغلاشدی دشمن دسته به دسته سها تک اصغری هر کیم باخوب گوردی الیم اوسته منی مهره ، بالامی اولدوزا اوخشاتدی گل زینب بوغاز نازک، آتان قول قوه لی ، اوچ شعبه لی پیکان اودور علت بوغازین بیچدی اوخ چون خنجر بران گیچوب دگدی قولومدان ، آخدی قان بو فرقه عدوان ایکی قان بیر بیرینه بیر اوخیله قاتدی گل زینب ربابین سینه سین ، اوز صورتین دیرناق یاراسیله خراش ایلوردی آجلیقدان ، سو فکری سود هواسیله نه آغلور نه دینور نه حسی وار بیر اوخ صداسیله بالامی حرمله سسدن سالوب یوخلاتدی گل زینب بالام پستان خیال ایتدی ازل پیکان دمین امدی بولوب تا سوزشین ، آچدی گوزون گوردی ئولن دمدی ایله گولدی او گولماق تا جهان وار مایه غمدی دوباره گوزلرین یومدی مرامه چاتدی گل زینب "حسینی" ویردی الدن سود امر بیر طفل شش ماهه یتوب بولدی نه غم اصغر غمینده حجه اللهه نشست ایلر بو سوز ، چون نوک پیکان قلب آگاهه هلال برج عزت گون الینده باتدی گل زینب حسینی سعدی زمان 🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

سبک ایران(معمای شاه) https://t.me/KhademineHosein 🏴🏴🏴🏴🏴🏴 اصغر یارالی تشنه شیرخواره گوزیوی آچگینان دوباره وروبلار اوچ پر اوخ بغازین سراسر ایلیوبدی یاره لای لای شهید شیرخواره لای لای قانا باتان ستاره لالای,,, https://t.me/KhademineHosein اصغر قماطین الده لخته قاندی بو قلبیم اود دوتوبدی یاندی قانون آخوب گوزل جمالون بو چولده قانیوه بویاندی شهید شیر خواره لای لای قانا باتان ستاره لای لای مصیبتون اوغول چوخ اولدی واریم بو دشتیده یوخ اولدی سوایستدون ولی نصیبون سنه سه شعبه بیر اوخ اولدی شهید شیرخواره لای لای قانا باتان ستاره لای لای نه غصه قلبیمه سالوبسان قراریمی اوغول آلیبسان قانین سمایه سپدیم اما الیمون اوسته سن قالوبسان شهید شیرخواره لای لای قانا باتان ستاره لای لای غمون هله اورکده قالسین جنازوی اوغول کیم آلسین بو غمده وار یری که والله رباب خونجگر قوجالسین شهید شیرخواره لای لای قانا باتان ستاره لای لای یوزیمده واردی شرمساری گیدنمیرم خیامه ساری گرک سنه قازام بو چولده اوز اللریمله بیر مزاری شهید شیر خواره لای لای قانا باتان ستاره لای لای خوش نواز مرندی 🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

بار الها بیزه رحم ایله او پیغمبره خاطیر محراب عبادتده اولن حیدره خاطیر پهلوسی سینان فاطمه ی اطهره خاطیر محشرگونی قونداغدا گلن اضغره خاطیر چون جام بلایه اورگیم تاب ایده بیلمور اصغرمنی آواره قویوب خواب ایده بیلمور مقصودی او گون حرمله نون چون اله گلدی اوخ بوسه ادیب حلقینی بیردن دیله گلدی ای کاش سوزوم خاتمه چاتسون بله گلدی حتما او زمان زینب اوزی مقتله گلدی صیاد قضا تیر غمه سالدی حسینی خاتون بلا سینه سینه آلدی حسینی https://t.me/KhademineHosein سس گلدی حسین غم یمه آغوشیمه آلام بیچاره ربابین عوضی لالایی چالام زینب غمی یوخ اصغریمین فکرینه قالام گهواریه یوخ بو گویرن سینه مه سالام دردین چکرم غملی ربابین عوضینده لای لای دییرم قلب کبابین عوضینده هر گوز بالاما آغلاسا محشرده اوتانماز اسمز قدمی محکمه ده بیرده دایانماز بو گوز یاشنن قیمتینی اوردا آتانماز کیم دشمن اولوب اصغره پاداشی آلانماز آیا اوخ آتب بیر اوشاقا مقصده چاتدون اصغر بویانب قانینه اما اوتا یاندون 🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian

احوالات علی اصغر علیه السلام بخش ۲ 🏴🏴🏴🏴🏴🏴 غرض او غنچه امامون الینده اوخلاندی تصوّر ایله او شاهون نقدر رقّتی وار او شهریاره بو محنت ایله مؤثر اولوب دیسم سزادی که نه حدّی وار نه نهایتی وار اونا بو نسگلی اکبر غمیندن آرتوخ اولوب گواهی واردی دیمه بو سوزون مذمّتی وار بولوردی اکبر آناسی علی قتاله گیدوب مآلِ کارده حتما" غمِ شهادتی وار ولی بونی آناسیندان آلوب ایده سیراب سو ویرمیوبدیله اگنینده قانلی خلعتی وار سو ایچمیوب بو دگل انفعالینون سببی رباب گورماقا آیا بو حالی طاقتی وار؟ سبب اودور یوزی گلمز خیامه قیترسون آناسینا نجه رد ایلسون که خجلتی وار نجه توقّف ایدوب رزمگاهیده دورسون صراحتا" دیمورم دشمنین شماتتی وار اودور که گاه گلور خیمه گاهه ، گه قیدور گورون غمون نجه اول شاهه اکثریّتی وار همین بو قصّهء جانسوزی نقل ایدر راوی یازور قلم ولی یازماقلیقا ندامتی وار دییر باخوردوم او احواله چوخ تحیّریله دئدیم خدا گوره سن بو ایشین نه حکمتی وار؟ نیه امام گیدور خیمیه گینه قییدور بو گیتماقون بو قیتماقدا نه ضرورتی وار؟ باخاندا خیمیه گوردوم بو علّته او غریب گیدور نه خیمیه ، میداندا نه اقامتی وار دوروبدی خیمه قاپوسیندا بیر خانم عورت اوزی مُجلّله ، معلومدور نجابتی وار https://t.me/KhademineHosein کمالِ یأسیله هر دم باخوردی میدانه ولی حیاسینه اعمالینون حکایتی وار یقینیم اولدی او محبوبه دور اوغول آناسی نشان ویرور که نه اندازه شرم و عفّتی وار امام گوردی گرک چاره یوخ خیامه گیده آناسینا بالانی ویرماقون ضرورتی وار چاغوردی زینبِ کبرانی ای آنام باجی گَل بالام سو اولمادی ، قان ایچدی خوابِ راحتی وار ربابه دئ نگران اولما آغلاماز بیرده سو ایستمز دمِ پیکانیله سقایتی وار ایا امامِ زمان ، شیعه لر امیدی آقا بو (خوندلون) سیزه اخلاصیله ارادتی وار نولور که ایستیَسن مشگلین خدا ایده حلّ یقیندی هر نه دعا ایتسن استجابتی وار اوزی مریضیدی مدّتدی تاپولموری چاره بدنده طاقتی یوخ ، دلده درد و محنتی وار مرام و مقصدی دلده فقط زیارتدور بیر عمردور که اونون حسرتِ زیارتی وار مرحوم حیدر خوندل التماس دعای فرج 🏴🏴🏴🏴🏴🏴🏴 اشعار مذهبی ونوحه های ناب را در کانال خادمین امام حسین(ع) جستجو کنید لینک کانال👇👇 https://t.me/KhademineHosein ارتباط با مدیر 👇👇 تلگرام @Naderbadeean اینستاگرام www.instagram.com/nader_badeeiian