TsaygTVR

Այս գիշեր անօդաչու թռչող սարքերով հարվածներ են հասցվել Վոլգոգրադին և Աստրախանին: Օդանավակայանների աշխատանքը ժամանակավորապես սահմանափակվել է:

🌤️🌧️Հանրապետության տարածքում հուլիսի 9-13-ը ժամանակ առ ժամանակ շրջանների զգալի մասում սպասվում է կարճատև անձրև և ամպրոպ, առանձին հատվածներում՝ հորդառատ, հնարավոր է կարկուտ: Քամին հարավ-արևմտյան է՝ 2-5 մ/վ, ամպրոպի ժամանակ սպասվում է քամու ուժգնացում 19-24 մ/վ արագությամբ: Օդի ջերմաստիճանը հուլիսի 9-11-ն աստիճանաբար կբարձրանա 2-3 աստիճանով։

Ես ավարտեցի իմ սպորտային կարիերան: Այդքան էլ հեշտ չէ 25 տարի լինել ծանրամարտում և հրաժեշտ տալ, քանի որ ինձնով է սկսվել կանանց ծանրամարտը Հայաստանում։ Հռիփսիմե Խուրշուդյան

Տեղի ունեցավ Անվտանգության խորհրդի հերթական նիստը: Քննարկեցինք Զինված ուժերի ընթացիկ բարեփոխումների և միասնական կառավարման ավտոմատացված համակարգի, ինչպես նաև կենսաբանական անվտանգությանն առնչվող հարցեր: Նիկոլ Փաշինյան

Ուկրաինական ԶԼՄ-ները հայտնում են, որ ռուսական հրթիռը հարվածել է Կիևի «Օխմատդետ» հիվանդանոցին, որտեղ բուժում են ստանում օնկոլոգիական խնդիրներ ունեցող երեխաները: Կան զոհեր և վիրավորներ, որոնց թիվը դեռ ճշտվում է։

Հունգարիայի վարչապետ Վիկտոր Օրբանը Չինաստանում հանդիպել է Սի Ծինփինի հետ:

Թեժ Վարդավառ՝ Գյումրիում

⛈️🌧️ ՀՀ ՇՄՆ հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։ֆեյսբուքյան գրառմամբ տեղեկացնում է, որ վաղը՝ հուլիսի 6-ին, երեկոյան ժամերից մինչև հուլիսի 10-ը սպասվող տեղումները լինելու են կարճատև և ոչ համատարած։ Երևանում հուլիսի 6-ին երեկոյան ժամերին, 7-10-ին սպասվում է կարճատև անձրև և ամպրոպ, քաղաքի առանձին հատվածներում՝ հորդառատ։ Ամպրոպի ժամանակ սպասվում է քամու ուժգնացում` 18-23մ/վ արագությամբ։ Հանրապետության տարածքում հուլիսի 6-ի երեկոյան, 7-10-ին ժամանակ առ ժամանակ շրջանների զգալի մասում սպասվում է կարճատև անձրև և ամպրոպ, առանձին հատվածներում՝ հորդառատ, հնարավոր է կարկուտ: Քամին՝ հարավ-արևմտյան՝ 2-5մ/վ, ամպրոպի ժամանակ սպասվում է քամու ուժգնացում` 19-24մ/վ արագությամբ: Օդի ջերմաստիճանը հուլիսի 5-ին ցերեկային ժամերին կբարձրանա ևս 3-5 աստիճանով, 7-8-ին աստիճանաբար կնվազի 4-6 աստիճանով։

Հուլիսի 4-ի աննախադեպ շոգերից հետո հուլիսի 5-ին Մոսկվային է մոտեցել «Օրխան» ուժեղ փոթորիկը: «Արդեն, իսկ ուժգին քամի է և փոթորիկը կտևի մինչև գիշերվա 2-3-ը: Քամու պոռթկումները կհասնեն 25 մ/վրկ, որը կուղեկցվի հորդառատ անձրևնեով, ամպրոպով և կարկուտով։ Սպասվում են ամսական նորմայի կեսից ավելին տեղումներ։ Մոսկվայի բնակիչներին հորդորել են նախազգուշական միջոցներ ձեռնարկել, մնալ տանը սպասել վատ եղանակի ավարտին և ոչ մի դեպքում դուրս չգալ։ Մեքենաները կանգնեցնել ծառերից հեռու, երեխաներին միայնակ չթողնել փողոցում»,-այս մասին գրառում է կատարել «Հիդրոօդերևութաբանության և մոնիթորինգի կենտրոնի տնօրեն Լևոն Ազիզյանը։

Հուլիսի 5-ին՝ ժամը 17:10-ին, Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին ավտոմեքենան դուրս է եկել ճանապարհի երթևեկելի հատվածից և հայտնվել ձորակում․ կան տուժածներ։ ՆԳՆ ՓԾ-ից տեղեկացնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Երևան-Սևան ավտոճանապարհի մոտ 56-րդ կմ-ին «VAZ» մակնիշի ավտոմեքենան (վարորդ` Ա․ Ս․, ծնված 2004 թ․) դուրս է եկել ճանապարհի երթևեկելի հատվածից, բախվել մոտակա ծառին և հայտնվել ձորակում։ Փրկարարները հատուկ տեխնիկայի միջոցով ավտոմեքենայից դուրս են բերել վարորդին և մոտեցրել շտապօգնության ավտոմեքենային, իսկ ուղևոր Ա․ Ա․-ն (ծնված 2004 թ․) տեղի ուժերով տեղափոխվել է բժշկական կենտրոն, որտեղ տուժածների առողջական վիճակը գնահատվել է միջին ծանրության։ Փրկարարները հոսանքազրկել են ավտոմեքենան և փակել գազի բալոնի փականը։