Башҡортостан ҡыҙы

💢 Ҡунаҡсыл белорус еренә сәйәхәт Башҡортостанда 2020 йылдан республика Башлығы Радий Хәбиров тәҡдиме буйынса «Башҡорт оҙон ғүмерлелеге» программаһы ғәмәлгә ашырыла. Уға ярашлы, хаҡлы ялдағы ханымдар һәм уҙамандар хозур тәбиғәтле республикабыҙҙың иҫтәлекле урындарына бушлай бер көнлөк сәйәхәт ҡылыу мөмкинлегенә эйә. Проект сиктәрендә 2023 йылдан башлап Белоруссияға сәфәрҙәр ҙә ойошторола. Былтыр был илдә 1,6 мең яҡташыбыҙ булған. Форсаттан файҙаланып, мин дә ҡунаҡсыл белорус ерен күреп ҡайтырға ниәт иттем. Дауамы: https://bashkizi.ru/articles/nisek-y-sh-y-e-olo-keshe/2024-07-02/una-syl-belorus-eren-s-y-h-t-3831048

Рәсәйҙә күп балалы ғаиләнең статусын раҫлаған таныҡлыҡ өлгөһө барлыҡҡа киләсәк. Тейешле бойороҡҡа хөкүмәт рәйесе Михаил Мишустин ҡул ҡуйған. Башта – ҡағыҙ, ә артабан электрон таныҡлыҡ булдырыласаҡ. Ғаиләләр уны үҙ төбәгендә ярҙам сараларын һәм тотош илдә федераль льготалар алыу өсөн файҙаланырға мөмкин (мәҫәлән, мәҙәни йәки ял итеү учреждениеларында). Таныҡлыҡ биреү тәртибе төбәк кимәлендә билдәләнә. Хәтерегеҙгә төшөрәбеҙ, Башҡортостанда күп балалы тигән статусты раҫлаған һәм магазинда, күңел асыу үҙәгендә, музейҙа, театрҙа төрлө ташламаларға хоҡуҡ биргән рәсми документ 2019 йылда уҡ таратыла башланы. Хәҙер илдә шундай берҙәм документ булдырыла. Сығанаҡ: "Башинформ".

Башҡортостанда 72 йәшлек кейәү менән 66 йәшлек кәләш никахлашҡан Башҡортостан Юстиция эштәре буйынса дәүләт комитетының матбуғат хеҙмәте хәбәр итеүенсә, быйыл тәүге ярты йыллыҡта Ишембай районы һәм ҡалаһының ЗАГС бүлегендә никахҡа инеү тураһында 162 акт яҙмаһы теркәлгән. Улар араһында иң йәш пар — 25 йәшлек егет менән 17 йәшлек ҡыҙ. Ә иң өлкәне — 72 йәшлек кейәү менән 66 йәшлек кәләш. 2024 йылдың 29 июнендә Владимир Лефлер һәм Любовь Глазырина өйләнешкән. Уларҙың һөйөүе һүрелмәһен, күңелдәре һәр саҡ йәш ҡалһын! 

💢 Әсәй кеүек булды улар Һәр кемдең ғүмерлеккә иҫтә ҡалған беренсе уҡытыусыһы була. Юғары синыфтарҙа уҡыусы балалар күмәктәр араһынан яратҡан остаздарын айыра һәм улар тураһында ла күңелдәрендә йылдар дауамында матур хәтирәләр һаҡлай. Ә яҙмышы интернат-мәктәпкә илткән малай һәм ҡыҙҙарҙың мәктәп йылдары тураһында иҫтәлектәре тағы бер изге һөнәр эйәләренән – тәрбиәселәрҙән – айырылғыһыҙ. 📍 Дауамы: https://bashkizi.ru/articles/t-rbi-merlek-i/2024-07-01/s-y-ke-ek-buldy-ular-3831040

☀ Көндәр йәнә эҫетә Рәсәй Гидрометеоүҙәге мәғлүмәттәре буйынса, июлдә республикала уртаса айлыҡ һауа температураһының нормаға ярашлы булыуы көтөлә (+19,2°С). Шишәмбе, 2 июлдә, урыны менән ҡыҫҡа ваҡытлы ямғыр яуыуы, күк күкрәүе фаразлана. Ел төньяҡ-көнбайыштан талғын. Һауа температураһы төндә +12, +17°, көндөҙ иһә +23, +28°. Шаршамбы, 3 июлдә, яуым-төшөмһөҙ. Ел йүнәлешен үҙгәртеүсән, көндөҙ көслө. Һауа температураһы төндә +11, +16°, көндөҙ +26, +31°.

💢 Стәрлетамаҡтың Г.К. Жуков исемендәге скверында легендар партизан Мурзин Даян Баян улына бюст асылды.

Бөйөк Ватан һуғышы ветераны, атҡаҙанған уҡытыусы 103 йәшен билдәләй Оло булһа ла, Клавдия Федоровна ҡунаҡтарға бик шат. Ул һынауҙар менән тулы тормош юлын иҫенә төшөрә, яттан шиғыр ҙа һөйләй.

Ҡойма ямғырҙар көтөлә Башгидрометүҙәк хәбәр итеүенсә, ялға ҡарай Башҡортостанда һауа торошо ҡырҡа үҙгәрә.

💢 Өнһөҙ генә тарих һөйләй туҙ бишек Башҡортостан Республикаһы Милли музейында ҡайын туҙынан эшләнгән боронғо бишек һаҡлана. Әллә ниндәй серле хикмәт бар һымаҡ ҡарап тороуға бик ябай был экспонатта. Ҡайһы оҫта яһаған икән уны ошолай уңайлы, еңел итеп? Ниндәй әсәнең наҙлы ҡулдары тирбәткән икән унда ятҡан башҡорт балаһын? Ул сабый аҙаҡ кем булып киткән, ғәмәл дәфтәрҙәре нисек яҙылған? Шул ғаиләнең тормош-көнкүрешенә, шатлыҡ-зарына, йылдар буйлап үтеүенә шаһит бишек тотош дәүерҙең ҡайнар һулышын еткерә кеүек. Музей экскурсоводы булараҡ, туҙ бишек янынан үткән һайын эске бер тулҡынланыу кисерәм. 📍 Дауамы: https://bashkizi.ru/articles/be-e-b-ygel-r/2024-06-27/n-gen-tarih-yl-y-tu-bishek-3826712

🌙 Банкрот булмайыҡ! Банкрот (мөфлис) тип был донъяла беҙ иҡдисади яҡтан хәле мөшкөл, аҡсаһын юғалтҡан кешене әйтәбеҙ. Ә ысын банкроттар – тәкәбберлек һаҡлап, Аллаһҡа һис баш эймәгән, намаҙ уҡымаған, сәждә ҡылмаған, изгелектәр эшләмәгән, гонаһтарына һис тәүбә итмәгән бәндәләр. 📍 Дауамы: https://bashkizi.ru/articles/alla-b-r-k-te/2024-06-27/bankrot-bulmayy-3823148