ក្រុមមេធាវី ឌឹ ខ័រ ll THE CORE Law Group

ប្រធានបទសម្រាប់សប្តាហ៍ទី២ “តួនាទីមេធាវីនៃក្រុមមេធាវី ឌឹ ខ័រ ដើម្បីផ្តល់សេវាកម្មក្នុងសំណុំរឿងរដ្ឋប្បវេណី” ---------------------------------- នាព្រឹកថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៥ ខែកក្កដា ឆ្នាំ២០២៦ វេលាម៉ោង ១០:០០ នាទីព្រឹក ក្រុមមេធាវី ឌឹ ខ័រ បានរៀបចំបទបង្ហាញបទបង្ហាញសម្រាប់សប្តាហ៍ទី២ ក្រោមប្រធានបទ ស្តីពី “តួនាទីមេធាវីក្នុងសំណុំរឿងរដ្ឋប្បវេណី” ដល់សិស្សសារការី ជំនាន់ទី៤ នៃសាលាភូមិន្ទសារការី នៃបណ្ឌិត្យសភាភូមិន្ទយុត្តិធម៌កម្ពុជា ដែលបានអញ្ជើញមកបំពេញកម្មសិក្សានៅក្រុមមេធាវី ឌឹ ខ័រ។ ក្រុមមេធាវីបាន រៀបចំការចែករំលែកលើប្រធានបទ ស្ដីពី “តួនាទីមេធាវីក្នុងសំណុំរឿងរដ្ឋប្បវេណី” ដល់សិស្សសារការី រួមមាន៖ ១.សេវាកម្មទាក់ទងនឹងសំណុំរឿងរដ្ឋប្បវេណី, ២. សកម្មភាពមេធាវីក្នុងសំណុំរឿងរដ្ឋប្បវេណី, ៣. លិខិតប្រើប្រាស់ក្នុងសំណុំរឿងរដ្ឋប្បវេណី និង៤.បច្ចេកទេសធ្វើសំណុំរឿងរដ្ឋប្បវេណី។ ការចែករំលែកទាំងនេះគឺមាន លោក មេធាវី ស៊ុន លៀងហេង ជាស្ថាបនិក និងជាប្រធាននៃក្រុមមេធាវី ឌឹ ខ័រ, លោក មេធាវី អ៊ីវ វិចិត្រ ជាមេធាវី នៃក្រុមមេធាវី ជាវាគ្មិនកិត្តិយស និងកញ្ញា អ៊ុង ពេជ្រដារីកា ជាអ្នកសម្របសម្រួល ដែលបទបង្ហាញនេះ ត្រូវបានរៀបចំឡើងក្នុងគោលបំណងចែករំលែកចំណេះដឹង និងបទពិសោធន៍ជាក់ស្តែងអំពីតួនាទី និងការទទួលខុសត្រូវរបស់មេធាវីក្នុងការផ្ដល់សេវាកម្មផ្នែកសំណុំរឿងរដ្ឋប្បវេណី ការចរចាដោះស្រាយវិវាទ ទាំងសំណុំរឿងទាមទារប្រាក់កម្ចី និងសំណុំរឿងអនុវត្តចំពោះអចលនវត្ថុ (ការលក់ដោយបង្ខំ)។ ក្រុមមេធាវី ឌឹ ខ័រ នឹងបន្តប្តេជ្ញាចិត្តក្នុងការចូលរួមចែករំលែកចំណេះដឹងដល់សិស្សសារការី ដើម្បីចូលរួមលើកកម្ពស់ធនធានមនុស្សក្នុងវិស័យច្បាប់ និងលើកម្ពស់គុណភាពវិជ្ជាជីវៈមេធាវីនៅកម្ពុជា។