تفسير د أحمد عبد المنعم

. . . • سلسلة "فن حسن الظن بالله" للدكتور إياد قنيبي؛ سلسلة قيّمة ومفيدة جدًا، يجيب فيها على عدة أسئلة منها: كيف يمكنك أن تحوّل المِحنة إلى مِنحة؟ وكيف تستمتع بنعمة البلاء؟ كيف تمتلك عزيمة لا تنكسر وروحًا لا تقهر؟ كيف تطهّر قلبك من العتب على القدر والتساؤل عن حكمة الله تعالى؟ سلسلة أجزم أنَّ مفهومَ البلاء وتعاملنا معه سيختلف تمامًا بعد سماعها -إن شاء الله-، دونكم رابط السلسلة: https://youtube.com/playlist?list=PLA10120CEB860E57B ولو حد محتاجها ريكوردات يتواصل مع البوت دا البوت t.me/ElAqedabot ساهم في النشر الدال على الخير كفاعله . https://t.me/Fasabren #منقول

. . ❤️ . أكاديميه زاد للعلم الشرعي فتحت التسجيل (مجانيه والدراسه على النت ) 🌟 هدرس ايه في أكاديمية زاد؟! عقيده وحديث وسيرة وتفسير وتربيه إسلاميه ولغه عربيه و _فقه(وبإذن الله هتعرفوا أحكام كتير في الصلاه (مثلا لو نسيت سجده او ركعه كامله وافتكرت في الاخر اكمل ولا اعيد تاني وفي الحيض (لو الأيام المعتاده زادت او قلت او بعد الطهر ظهر نقاط بني تاني كدا تبع الحيض ولا لا وهكذا 🌟 المحاضرات مسموعة ولا كتب؟! 🌙 فيه كده وفيه كده عندك سبع كتب للسبع مواد وعندك محاضرات بتنزل ع الأكونت الشخصي لك من أيام الأحد حتى الخميس كل أسبوع، لكل مادة محاضرتين في الأسبوع إلا الفقه ٣ محاضرات في الأسبوع.🌟 هتذاكر من الكتب ولا الفيديوهات؟! وفي بردوا تردد لقناتهم على التلفزيون 🌙 هتسمع الفيديوهات طول الأسبوع وآخر كل اسبوع فيه امتحان هتذاكرله الجزء المخصص لكل اسبوع من الكتب لكن لا يكتفى بالكتب بس للدراسة لابد من السماع لفائدة أكثر. 🌟 نظام الامتحانات ايه؟! 🌙 كل اسبوع امتحان على كل المواد كل مادة وحدها سؤالين اختياري أو صح وغلط بدرجتين. _الامتحان متاح من يوم الجمعة حتى يوم الثلاثاء. _ فيه امتحان شهري على الأربع أسابيع وده امتحان كبير شوية بنفس النظام بدرجات أكتر. _ بعد كل ٣ شهور فيه امتحان شامل على كل مادة وده لامتحان الكبير ب ٦٦٪ من الدرجات بتاع المستوى بيحتاج مذاكرة أكتر، بيتاح حوالي ٣ أسابيع. 🌟 الدراسة كام مستوى وايه مدة الدراسة؟! 🌙 الدراسة ٤ مستويات كل مستوى حوالي ٣ شهور. التخرج بعد حوالي سنتين. 🌟 ازاي أقدم في الأكاديمية؟! 🌙 من الرابط ده https://www.zad-academy.com/registration/ بتملى الاستمارة دي والمهم تدخل ايميل كويس عشان ده ال هيبعتولك عليه اتقبلت او لأ ونجحت في الامتحانات ولا لا وهكذا، تحفظ الباسوورد واليوزر نيم عشان هتحتاجهم على طول، يفضل تكتبهم في نوت عشان متنساش. 🌟 اللي قدم هيبعتوله مسدج إنه اتقبل على الايميل بتاعه هيفتح اكونته لما الدراسة تبدأ وهينزل الكتب من على الأكونت والمحاضرات بتنزل كل يوم أما الدراسة تبدأ. ودا بوت لو حد مش عارف يسجل يطلب من البوت يساعده ويرسله الكتب وجروبات الدراسه t.me/ElAqedabot ياريت محدش يكسل يتعلم علم شرعي عشان ده مش زيادة ده أساس المفروض.. منشنوا صحابكم وسجلوا مع بعض وشجعوا بعض اعملوا مجموعات متابعة وتابعوا سوا وربنا يبارك في صحبتكم وفي أعماركم وفي أعمالكم.♥️ https://t.me/Fasabren الأكاديميه مجانيه شباب وبنات كلا له تسجيل منفصل

رغم كل اللي بحكيهولكم عن وجعها بس مكناش متوقعين موتها مع إنه طبيعي نتوقعه عارفين ليه! .. عشان مكانتش بتشكي كان حسن ظنها مخلينا عندنا أمل إنها ترجع .. هدير كانت معانا في معهد(علي) علوم شرعية .. كانت بتجيب كل الكتب اللي بتنزل وتتقرر .. رغم إنها مكانتش بتقدر أصلا تمسك كتاب .. رغم إنها أكتر من سنتين مرضها مقعدها في البيت .. بس كان عندها حسن ظن إنها راجعة .. فـ ازاي إحنا نظن إنها مش راجعة .. كانت ديما تنشدلنا لا لا لا مش هنفارق إن شاء الله فازاي إحنا نظن إنها هتفارق .. كانت بتقوللنا هنموت سوا وإحنا بنحرر الاقصى .. كانت بتقوللنا هنموت سوا وإحنا بنصلي في مسجد علي فازاي نظن إنها تسبقنا .. بس أصدق كلمة اتقالت بعد ما توفاها الله (هو إحنا ازاي افتكرنا إن هدير تفضل عايشة في الدنيا دي) واحدة بالجمال دا .. كان الوقت متأخر لما عرفنا خبر وفاتها .. روحنالها البيت أنا وبنات سنة خامسة ومعلماتها .. اتفاجئنا ان الكل بيجي حتى اللي ميعرفهاش رغم إن الوقت متأخر .. والدتها لما شافتني بتقوللي ( جايين تزفوا هدير ) .. روحنا الجمعة عشان نغسلها وأنا كنت رايحة بنية واحدة عشان أسترها .. لأن دي كانت دعوة هدير ديما ان ربنا يسترها ومنكشفش حتى وشها على خشبة الغسل ولأنها كانت بتحب الستر .. كان غسلها سهل واللي غسلها إخواتها ومعلماتها اللي كانت حتة منهم .. كانت عروسة .. ولما روحنا الصلاة عليها في مسجد علي اللي روحها كانت فيه .. كان زحمة جدا رغم كبر المسجد لكن كانت زفة مش جنازة .. واتصلى عليها صلاة الغائب في مساجد كتير و في قطر والكويت مساجد كتير دعولها بدون مايعرفوها .. لعلها من المجهولين في الأرض ومعروفين في السماء .. لأن في حياتها مكانتش بتحب نحكي عنها .. كان المحيط القريب فقط يعرف تفاصيلها .. ولكن لما توفاها الله اترفع ذكرها والكل ببتكلم عنها .. في الصلاة عليها الكل بيبكي ومنهار بس على حاله .. وعلى فراق حد جميل زي هدير .. لكن جوانا كلنا فرحانين إنها ثبتت حتى تلقى الله نحسبها كذلك .. قبل ماتنزل قبرها كان اتعملها إفطار في قرية في أفريقيا واتدبحلها خروفين .. كان اتجمع في أول يوم فقط حوالي 30 ألف .. نصف تمن بير في أفريقيا عايزين نعملهولها وحاليا بيتجمع لمسجد هيتبني على روحها إن شاء الله .. طبتِ حية وطبتِ ميتة .. نحسبها من الشهداء والله حسيبها .. مش عارفة أقولكم ندعيلها ولا ندعي لأنفسنا .. لأن رغم كل ده إلا إن تفاصيل جمالها أكتر من إنها تتكتب .. كانت شغالة دعوة لآخر وقتها .. كانت بتحب الكل ومسامحة الكل وبتتمنى الخير للكل .. كانت شارية جنة كانت بتحب الآية (مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا (23)الأحزاب ربنا أراد إنها تكون في حياتنا لعلنا نتعلم منها .. ادعوا لأهلها ربنا يربط على قلبهم واصدقوا الله يصدقكم الله .. قصة أختنا هدير رحمها الله ناقلاها من كلام صديقتها نورا .. متكسلوس وقدموا في الأكاديميه اللي كانت فيها للنساء فقط 👇 https://t.me/joinchat/cl54Xm7EnII4OGZk اي استفسار . دا البوت t.me/ElAqedabot

صحيح كان لازم يجلها أوقات ضعف .. بس بتسترجع على طول .. كانت كاتمة حزنها جواها بتشكي لله بس .. كان كل اللي بتقوله لو حد جاب سيرة دعاء او وقت مطرة مثلا نلاقيها كاتبة علي الجروب . ادعولي ربنا يردلي عمر وكانت ديما بتطلع صدقات كتير جدا بنية إن ربنا يرده .. كل دا وهي شغالة دعوة كانت بتنزل تدي حلقات وهي بصحتها و دورات للأطفال .. ولما اتمنعت من الحركة فتحتلهم بيتها يجوا ياخدوا عندها .. ولما بقت حياتها كلها في المستشفيات استخدمت النت بكل طاقتها عشان تكلم الناس عن ربنا .. وتوالت عليها الابتلاءات وهي بفضل الله ثابتة! يجي الدكتور يقولها هنعمل تحليل وهتدخلي عملية واحتمال نحتاج نعمل بتر لرجلك! قالهالها كدا .. تخيلي نفسك في الموقف ده! وقدرا اليوم اللي كانت مستنية فيه نتيجة التحليل كنا بناخد حلقة تفسير .. وأبلة جيهان كانت بتتكلم عن الابتلاء .. واجر الصبر ومكانتش تعرف إن هدير على الموبايل بتسمع الحلقة .. وعندها الابتلاء دا ولكن ربنا كان بيثبت هدير بكلام معلمتها جدا .. ويومها بعد الحلقة روحنالها وبعد ما اتكلمنا شوية قالت تعالوا نقرأ قرآن شوية ونتدبر .. ودي كانت عادتها لما نروحلها والحمدلله رجعت ثبتت أكتر .. وقالت حتى لو حصل بتر أنا راضية يارب وسبحان الله محتاجتش البتر بعدها .. بس هو كان اختبار من ربنا ونجحت فيه .. بعدها يظهر الورم في الثدي وتحتاج استئصال .. بعد شهر مثلا يظهر ورم في الظهر .. بعد مدة جلطة في الرجل .. بعدها بمدة حاجة في النخاع .. وعمليات ورا عمليات .. كل يوم في المستشفى على كرسي متحرك محاليل ومناعة واقعة وضعف وأنيميا .. جسم بيتكوي بالكيماوي وهي والله زي ماهي على حالها بتذكر الله وتكلمنا عن النعم .. كنا ديما عندها تخيلوا مكانتش بتشتكي ولاتجيب سيرة وجع .. كانت مبتسمة وبتدعي عمر يرجع رغم إنهم بلغوها إنهم شاكين إنه من اللي تم تصفيتهم يوم 29 ديسمبر .. بس هي ميأستش او بمعنى صح مبتعرفش غير إنها تحسن الظن في ربنا .. وكل ما تيجي وهلة ضعف أو وهن لأن اللي شافته مش هين .. كان ربنا بيردها ويثبتها ويبعتلها رسايل ترجعها لحسن ظنها فيه .. (وهل جزاء الإحسان إلا الإحسان) .. كانت كل يوم تقريبا تفتح تبعتلنا رسالة عن رحمة ربنا بيها .. عن آيه قرأتها فوقع في قلبها .. معنى عن نصيحة عشان صحبتنا تفضل وميفرقناش حاجة عن موقف ربنا جبرها بيه .. كانت هي اللي بتسأل علي الكل وتصبرهم .. كانت أم لينا ولأهلها في البيت .. كانت جميلة وطيبة وحنينة .. لحد من فترة ظهر الورم في الرئة وحاجة في بطنها .. هنا الدكتور قال مفيش استئصال للرئة هتاخد علاج اشعاعي وبذل وكيماوي و..الخ .. التعب اتمكن منها من جسمها فقط لكن موصلش لقلبها اللي كان كله حسن ظن في الله .. ويقينها إن اختياره ليها هو أفضل شيء ليها وإن هو اللي يعلم إيه الأصلح ليها .. يوم الأربعاء 15 مايو وهدير في الطوارئ وحالتها بتتدهور حلمت إنها بتتزف لعمر في الجنة .. فعلى أغلب الظن عمر اتصفى .. وكان مستنيها عشان كدا بنقول عروسة الجنة إن شاء الله .. وهند شافتلها حلم غريب يوم الاربعاء .. فكلمت هدير في الطوارئ ..لقت هدير بتقولها أنا بستعد ياهند خلاص .. يوم الخميس 16 مايو الساعة 5 ونصف .. هند بتكلمنا على جروب وبتقولنا ادعوا هدير في الطوارئ حالتها بقت صعبة أوي .. بعدها بنصف ساعة لقيت والدتها بتكلمني بتقوللي أنا كلمتك يانورا .. الحقي هدير ماتت اتصرفي .. أنا لقيت جسمي بيترعش .. مش مصدقة مصدومة أتصرف يعني إيه .. كتبتلهم على الجروب هدير ماتت .. عايزة حد يفوقني .. هنعمل إيه كنا بنرتب نعمل إيه يفرحها .. دلوقتي بنرتب نعمل إيه عشان ماتت!!!!

. كتير عايز يعرف مين هدير ضياء اللي كلنا بنتكلم عنها اللي نحسبها صدقت مع الله اللي بوفاتها ناس كتير اتغيرت لما عرفوا جزء من قصتها .. عايزة أقولكم رغم كل الكلام اللي اتقال هنا وع الواتس ده ميوفيهاش حقها .. ومش هنعرف نقول كل حاجة دي حياة وكل تفصيلة فيها أجمل من التانية واللي اتقال عن صبرها وكم ابتلائتها ده ميجيش حاجة في ابتلائتها .. لأن حجات كتير كنت بنعرفها قدرا من أهلها لأن هدير مبتقولش .. هكلمكم عنها لأننا نحسبها صدقت وثبتت وسبقت بفضل الله ويكون كلامنا في ميزانها ولعلها رسالة .. حياتها بدأت لما بدأت معانا في المسجد وكانت بتستجيب لكل حاجة تعرفها عن ربنا بدأنا مشوارنا سوا من سنة أولى واستمر خمس سنين .. بعد سنتين تقريبا من مشوارنا في المسجد والصحبة وع الطريق ولعل الله رأى منها صدقا بدأت اختباراتها .. اتقدملها إنسان فيه المواصفات اللي بتتمناها (عمر)وفرحت وتعلق قلبها جدا لدينه وإنه كان نفس حلمها ..يشاء الله الموضوع ميتمش بس كان لما بيتقدملها حد بعده كانت تلقائيا تقارنه بعمر وترفض وتدعي الله يردلها عمر .. وبعدها بفترة تكتشف إن جالها ورم خبيث في ركبتها .. أي واحدة مكانها ممكن تقول ليه يارب يعني مش كفاية وجع الموضوع متمش كمان ورم .. لكن والله هدير قالتهالي وسمعتها بتقول الحمدلله يا نورا تخيلي لو كنت اتجوزت عمر وبعدين جالي الورم كنت هعمل إيه .. ولا لو كنت حملت .. دا شوفي حكمة ربنا إن الموضوع ميتمش عشان يرحمني .. تخيلوا شافته رحمة ! هدير كنا كل مانروحلها تحكيلنا عن نعم ربنا عليها .. كانت تدخل جروب فرقتها وتقول يا بنات هيا نعمل جلسة نعم ونذكر نعم ربنا علينا ومن ضمن كلامها في النعم .. بؤها وزورها اتحرقوا من الكيماوي لدرجة مكانتش بتقدر تبلع المية! كانت تشرب بؤ وتصبر شوية فتقوللنا احمدوا ربنا على المية اللي بتشربوها ورا بعض .. كانت تقوللنا احمدوا ربنا إنكم بتدخلوا الحمام لوحدكم محدش بيساعدكم .. كانت ديما تفوقنا لنعم إحنا مش واخدين بالنا منها .. لما كنت أتكلم معاها خاص وأقولها ياهدير نزلي الكلام ده على جروب بيت العيلة (بيجمع بنات المسجد ومعهد علي) .. تقوللي بخاف عشان الاخلاص نزليه إنتِ وقولي بنت بتقول .. كانت هي اللي بتثبتنا مش إحنا اللي بنثبتها .. وفضلت والله تكلمنا عن نعم ربنا طول فترة مرضها اللي محتاجة كتاب عشان أحكيلكم كلامها بس من ضمنه ..

كان كل يوم يتكلفوا أوبر يوديها عشان متقدرش تمشي عشان جلسات الكيماوي والمتابعة .. ومع ذلك حكتلنا عن المرة الوحيدة اللي مرضيش اللي وداهم ياخد فلوس .. وقالهم انا بعمل المشاوير دي لله .. تقوللنا شوفوا ربنا بيجبرني ازاي ! كان أصعب حاجة عليها لما تضطر تكشف وشها أو جسمها للدكاترة .. فكان لما يحصل موقف وربنا يسترها فيه تيجي تحكيلنا ازاي كانت خايفة من إشاعة الصدر اللي مفيش غير دكتور لازم يعملها وتفضل تدعي لحد ما ربنا يرزقها بدكتورة تعملهالها ومتكشفهاش .. كانت بتتكلف مبالغ كبيرة أكبر من طاقتهم ومع ذلك كانت تحكيلنا ازاي ربنا بيرزق والدها لما يجيله رزق .. وعلى فكرة هي كانت عفيفة النفس جدا عمرها ماقبلت من حد فلوس ولا أصلاً اشتكت من الناخية المادية أبدا .. واللي أكبر من كدا إن ما اتذكرش مرة روحنالها صبح ولا ليل مهما كان عددنا إلا لازم والدتها تعمل غدا لكل اللي موجود .. الأسرة كلها نحسبها على خير .. ومن المواقف اللي اتذكرها لوالدها إن في قدام معهد الاورام شقق بتتأجر غرف للمرضى اللي بيجوا كل يوم المعهد ومش بيباتواوكان صعب الحصول على غرفة بس ممكن لو قدمتوا .. فهدير أوفرلها تأجر غرفة عشان مصاريف ذهابها اللي كانت شاقة جدا .. بس والدها قالها لا يا هدير خلي الغرف للناس المغتربة اللي مش عايشة في القاهرة واحنا ربنا هيرزقنا واجيبك !! المهم .. لعل الله أراد أن يجبر قلبها ويثيبها على صبرها أو يختبرها أكتر! فرجع عمر يتقدم تاني .. هو كمان كان شاف فيها كل اللي اتمناه .. رغم معرفته بمرضها .. رغم رفض حواليه ازاي تربط نفسك بواحدة مريضة سرطان .. حتى هي مكانتش عايزاه يشيل هم مرضها .. وكانت رافضة بس هو صمم قلبه كان اتعلق بدينها وحلمها زي ماهي قلبها اتعلق بيه .. (ماكان لله دام واتصل) .. هما الاتنين كانوا بيربطهم جمال الروح والدين والحلم والهدف .. على فكرة عمر كمان كانت هدير موافقة عليه .. وعايزاه رغم علمها بإنه ممكن يتاخد في أي وقت .. رجع عمر واتقدم وصمم يكون عقد مش خطبة .. متخيلين ! .. مش يقول أخطبها ولما تخف أعقد .. لأ كان هو كمان زيها سبحان من جمعهم .. أنا حضرت عقدها ودخلت ورا الستارة لما هو دخل يسلم عليها بعد العقد .. هي كانت بتنده من ورا الستارة مكسوفة مش قادرة تبص ناحيته .. ببصلها انا لو عايزة حاجة .. لمحت نظرة زوجها ليها وهو داخل وعينه مدمعة .. وفرحان ومتلخبط وهي عينها مدمعة وفرحانة ومكسوفة وملامح براءة في وشها مستحيل أنساها .. فضلت هدير فترة متناسية ألم المرض رغم إنها بتروح وتاخد كيماوي ومتدمرة .. بس فرحتها بعمر إنه معاها وإنه بيروحوا الجلسات سوا منسياها كل شيء .. كانت لما تحكي عنه يبان لمعة عنيها كان أكبر من الحب .. ولكن نحسبها ممن إذا أحبهم الله ابتلاهم .. فجأة يتاخد عمر ويختفي قسريا 18 سيبتمبر 2018 .. وقلبها يتقطع بس بدون سخط .. بدون ما تقول ليه يارب ده الرحمة الوحيدة في حياتي .. كان دعاء ورجاء ..

. . أحيانا يقولون لمن لم يأكل طعامًا شهيّا =فاتك نصّ عمرك! وحقيقةً إن الذي يخرج من الدنيا ولم يتمتع بمدارسة القرآن والسنة، وتثوير معانيهما، وتحصيل ما فيهما من كنوز ودُرر =لَمغْبونٌ في عمره كله. لقد خرج من الدنيا ولم يذق أغلى ما فيها. وأكثر منه غُبنا من انكبّ على غيرهما وأعرض عنهما د. أحمد عبدالمنعم قال الله تعالى (أفلا يتدبرون القرآن) يقول ابن القيِّم "تدبر القرآن هو تحديق ناظر القلب إلى معانيه وجمع الفكر على تدبره وتعلقه وهو المقصود بإنزاله لا مجرد تلاوته بلا فهم ولا تدبر" يقول الشيخ عبد العزيز الراجحي . . المسلم بحاجة إلى أن يعلم ويفهم ويتدبر معاني كلمات ربه... هذا الكتاب العظيم الذي هو أفضل الكتب، وأعظم الكتب، وهو المهيمن على جميع الكتب المنزلة، كيف يمضي على الإنسان عُمره وما مَرَّ على كتاب الله.) كم منا منكب على قراءه وفهم كل كلمه في الروايات والكتب... ومعرض عن تدبر كتاب ربه! الكتاب الذي فيه نجاتك وحل مشاكلك وانت تبحث عن حلول في غيره أما اشتقت لتدبر كتاب ربك؟ 🍂أما اشتاقت نفسك لتعيش في رحاب القرآن وتفهم معانيه بإتقان؟! 🌿 أما يغلبك الشوق في القيام في رمضان لأن يخشع قلبك مع الإمام، ويمنعك من تمام ذلك بعض كلمات لم تعتد تفسيرها الآذان؟! ⏱إذا كنت كذلك ندعوك للالتحاق بالرَّكْب، وتتهيأ لشهر رمضان، بعلاقة أرقى مع القرآن. 📋 سارع، وبادر بالتسجيل، وانعم بالعيش مع محكم التنزيل. 🔗 رابط استمارة التسجيل في الدفعة الخامسة من برنامج مدكر : https://moddaker.com/moddakerelearn/login/signup.php ‏•••═══ ༻✿༺═══ ••• ساهم في النشر الدال على الخير كفاعله t.me/Fasabren

دا البوت لو حد عنده اي اسئله @ElAqedabot

انضموا لهذه القناه ينزل دروس عن رمضان ♥️ t.me/Fasabren