مفتی محمد تقی عثمانی صاحب

فلسطین کے حالات پر مسلم حکمرانوں کی مجرمانہ خاموشی شیخ الاسلام حضرت مولانا مفتی محمد تقی عثمانی صاحب مدظلہ بیان جمعہ کا مختصر حصہ (جامع مسجد جامعہ دارالعلوم کراچی) بتاریخ : 2024-05-10 / یکم ذوالقعدہ 1445 https://youtu.be/F-H2yCzarY4 از : دارالعلوم میڈیا

​​ابو عبداللہ البعلی الحنبلی رحمہ اللہ بیان کرتے ہیں : ”میں رات کے پچھلے پہر جامع دمشق میں موجود تھا، شیخ نوَوِی رحمہ اللہ اندھیرے میں ایک ستون کے پیچھے نماز پڑھ رہے تھے اور انتہائی غم اور خشوع کے ساتھ بار بار یہی دہرا رہے تھے: ﴿وَقِفُوهُم إنَهُم مَسئولُونَ﴾ ، اور انہیں روک کر رکھو، کہ ان سے پوچھ گچھ کی جائے گی! یہاں تک مجھ پر ایسی کیفیت طاری ہوئی جسے اللہ ہی جانتا ہے!!“ (تحفة الطالبين لابن العطار : ٦٥)

Follow this link to join my WhatsApp group: https://chat.whatsapp.com/JBXDxEoUNqXJGo9EsTOFhN

جہـــــــاد فی سبیل اللہ؛ ایک بھولے ہوئے سبق کی یاددہانی ------------- شیخ الاسلام حضرت مولانا مفتی محمد تقی عثمانی صاحب مدظلہم العالی فلسیطـــــــــــین پر جاری ظلم و ستم کے خلاف حسبِ سابق آواز اٹھاتے ہوئے سابقہ بیانات کے تسلسل میں ایک نیا اضافہ فرماتے ہوئے آج جمعۃ المبارک کے بیان میں امتِ مسلمہ کے خفتہ ضمیر کو جھنجھوڑتے ہوئے بھرپور اور مجاہدانہ انداز اور دو ٹوک و واضح الفاظ میں جہــــــاد فی سبیل اللہ جیسے اہم فریضے کی یاددہانی کروائی ہے۔.... حضرت والا نے آج کے بیان میں درج ٰذیل موضوعات پر جامع گفتگو فرمائی: 1. جہــــــاد فی سبیل اللہ کی اہمیت اور ہماری غفلت 2. جہــــــاد و مجاہدین کی عظیم فضیلت اور جہاد کا خیال نہ آنے پر وعید 3. امتِ مسلمہ سے جہــــــاد کا تصور مٹنے کی وجوہات 4. امن کے علمبرداروں کی فلسطین میں دہشت گردی 5. غـــــــزہ کی پکار اور میڈیا و مسلم حکمرانوں کی بے حسی 6. فلسطـــــــین کی موجودہ دردناک والمناک صورتحال 7. اہل فلســـــطین کا ایمانی جذبہ اور حماس کی کارروائیاں 8. فلسطـــــــین کے حالات ،عالمِ اسلام اور جہــــــاد کا فریضہ 9. فلسطــــــین کی صورتحال اور عام مسلمانوں کی غفلت 10. مسلم حکمرانوں کیلئے امتِ مسلمہ کا حق ادا کرنے کا بہترین وقت 11. قضیۂ فلسطـــــین؛عام مسلمانوں کیلئے وقت کا سب سے اہم تقاضہ 12. فلسطـــــین سے متعلق عام مسلمانوں کے فریضے 13. اہلِ فلسطـــــــین کیلئے دس منٹ ضرور نکالیں آج کا بیان ظلمتوں کے اس دور میں روشنی کے منارے کی مانند انشاء اللہ امتِ مسلمہ کو اپنا بھولا ہوا راستہ دکھانے میں معاون ثانت ہوگا، بشرطیکہ ہم یہ پیغام ہر ہر فرد تک پہنچانے کی ذمہ داری اٹھائیں۔ انشاء اللہ یہ بیان دارالعلوم میڈیا کی طرف سے جلد ہی یوٹیوب پر اپلوڈ کردیا جائے گا، جزاکم اللہ راشد حسین۔ 17 مئی 2024.

* *اب ہمارے سامنے اس وقت جو صورتحال ہے وہ یہ ہے کہ اس وقت ایک ایسا جہاد ہو رہا ہے جس میں بیت المقدس خطرے میں خطرے میں کیا ہے بلکہ اس پر تسلط قائم ہو چکا ہے اور اس کے نتیجے میں دشمن اور آگے بڑھ کر پوری امت مسلمہ کے اوپر حملہ آور ہونے کی کوشش کررہا ہے۔ یہ آیتیں ہمیں یاد دلا رہی ہیں کہ ہم پر کیا ذمہ داری عائد ہوتی ہے۔ اگر یہ سب واقعہ ہماری انکھوں کے سامنے ہو رہا ہو اور ہم اس کو بس ٹھنڈے پیٹوں برداشت کر کے گزر جائیں کہ ٹھیک ہے ان کے ساتھ ہو رہا ہے، تو مجھے اندیشہ ہے کہ جن ’’مخلّفین‘‘ یعنی پیچھے رہ جانے والوں کا ذکر ان آیات میں آیا ہے، کہیں ان میں ہمارا شمار نہ ہو جائے۔ العیاذباللہ۔ یہ آیات محض ایک داستان بیان نہیں کر رہیں،بلکہ ایک سبق دے رہی ہے اور ہر موقع پر ہر مسلمان کا فریضہ ہے کہ ان سے اپنے موجودہ حالات کے مطابق سبق لے۔ اللہ تعالی ہم سب کو اس کی توفیق عطا فرمائے۔آمین* طالبِ دعا:راشد حسین آج کا یہ درس اس لنک پر سنا جا سکتا ہے: https://www.youtube.com/watch?v=7BvdHfBLpfI*

*موجودہ حالات کے تناظر ایک اہم ایک اہم و لطیف نکتہ اور فکر انگیز گفتگو* ---------- شیخ الاسلام حضرت مولانا مفتی محمد تقی عثمانی صاحب مدظلہم العالی آج بروز جمعرات مؤرخہ 16 مئی 2024/ 7ذیقعدہ 1445ھ کو درسِ قرآنِ کریم کے دوران سورۃ التوبہ کی آیت 90 تا 93 (دسویں پارے کی آخری تین آیات) کی تفسیر بیان فرمائی۔ جن میں جھوٹے عذر کرکے غزوۂ تبوک سے پیچھے رہ جانے والے منافقین، جہاد سے معذور افراد اور سواری موجود نہ ہونے کی وجہ سے جہاد میں شریک نہ ہوپانے والے افراد کی غمزدہ کیفیت کو بیان فرمایا ہے۔ ان آیات کی دلنشیں تفسیر بیان کرنے کے بعد حضرت والا دامت برکاتہم نے فلســـــــطین میں جاری موجودہ معرکے کے تناظر میں بڑی اہم اور فکر انگیز و جامع گفتگو فرمائی اور بڑا لطیف نکتہ ارشاد فرمایا۔یہ گفتگو ہر صاحبِ ایمان کو پڑھنی اور سننی چاہیے۔ اس میں کوئی شک نہیں کہ قرآنِ کریم ایک زندۂ جاوید کتاب ہے اور انسانی زندگی سے متعلق سارے معاملات میں جامع رہنمائی فراہم کرتی ہے۔لیکن بسا اوقات کوئی بات ایسے وقت میں سامنے آتی ہے جو حالات و واقعات پر اس طرح صادق آرہی ہوتی ہے کہ انسان عش عش کر اٹھے۔ ایسا ہی کچھ حضرت والا نے آج کی تشریح میں ذکر فرمایا، اور گفتگو کے آخر میں فرمایا کہ :’’مجھے اندیشہ ہے کہ جن ’’مخلّفین‘‘ یعنی جہاد سے پیچھے رہ جانے والوں کا ذکر ان آیات میں آیا ہے، کہیں ان میں ہمارا شمار نہ ہو جائے۔ -العیاذباللہ العظیم-۔۔‘‘ -------------- حضرت والا نے فرمایا: * *’’.......یہ سارا سیاق جو چل رہا ہے ، یہ غزوہ ٔتبوک سے متعلق ہے۔ یہاں قابلِ غور بات یہ ہے کہ رسول کریم سرورِ دو عالم ﷺ کی حیاتِ طیبہ میں بہت سے غزوات ہوئے ہیں، مثلاً بدر ہوا ہے، احد ہوا ہے، احزاب ہوا ہے، خیبر ہوا ہے، فتحِ مکہ ہوا ہے، غرض بہت سے غزوات ہوئے ہیں اور ان غزوات میں بھی منافقین کی ریشہ دوانیاں جاری رہی ہیں۔ بدر کے لوگوں کو بہت طعنے دیے گئے کہ ہمارے ساتھ ہوتے تو قتل نہ ہوتے۔ احد والوں کو کہا گیا ہماری بات مانی جاتی تو شکست نہ ہوتی۔ اس کا تھوڑا تھوڑا ذکر قران کریم نے مختلف جگہوں پر فرمایا ہے، لیکن منافقین کا تذکرہ اور جہاد سے پیچھے رہ جانے والوں پر نکیر، جس تفصیل کے ساتھ ، جس وضاحت کے ساتھ اور جن شدید الفاظ میں غزوہ تبوک سے کے سلسلے میں سورۂ توبہ میں ہے ، وہ اور کہیں نہیں ملتی یعنی کسی غزوے میں شامل نہ ہونے پر، کسی کے اوپر اتنی سخت پکڑ کی گئی ہو اور اتنی وعیدیں سنائی گئی ہو ،یہ بات اور کسی غزوے میں مجھے یاد نہیں پڑتی۔* * *شاید اس کی وجہ یہ ہے کہ تبوک کا یہ غزوہ پہلی بار جزیرۂ عرب سے باہر نکل کر ایک بڑی طاقت کے مقابلے کے لیے برپا ہوا تھا۔ وہ بڑی طاقت جس کا اگراس طرح مقابلہ نہ کیا جاتا جیسے رسول کریم ﷺ نے فرمایا ،تو وہ بڑی طاقت آکر پورے جزیرۂ عرب پر غالب آسکتی تھی۔ یہ پہلا موقع تھا کہ جزیرہ ٔ عرب سے باہر کی طاقتوں کے اوپر نبی کریم سرور دو عالم ﷺ کی دھاک بٹھانی مقصود تھی۔اس دھاک بٹھانے کے لیے ضروری تھا کہ ایک ایک فرد جانثاری کا معاملہ کرے اور جانثاری کے ساتھ شریک ہو تو اس لیے اللہ تبارک و تعالی نے اس موقع پر جو پیچھے رہ گئے، ان کی جو گرفت فرمائی ہے وہ اور کسی غزوے میں پیچھے رہنے والوں کی نہیں فرمائی۔ ایک بات تو یہاں یہ سمجھ یہاں سمجھ میں آتی ہے ۔* * *دوسری بات یہ ہے کہ یہ جو غزوہ تبوک سے پیچھے رہ جانے والوں کے لیے قرآن کریم کی ان آیات میں وعیدیں بیان فرمائی گئی ہیں اور جن کا سلسلہ آگے بھی چل رہا ہے، کیا یہ صرف ایک داستان کے طور پر ہمیں سنا دی گئی ہیں؟ کہ ایک ایسا غزوہ ہوا تھا اور اس میں کچھ لوگ شریک ہوئے تھے اور کچھ لوگ پیچھے رہ گئے تھے۔ کیا یہ محض ایک داستان ہے جو سنائی جا رہی ہے؟ ظاہر ہے کہ یہ محض ایک داستان نہیں، قرانِ کریم کی کوئی بھی چیز ایسی نہیں ہے جو ہمارے لیے، خود ہمارے اپنے طرز عمل میں ہدایت کا سبب نہ ہو۔چنانچہ یہ ساری اس لیے تفصیل بیان فرمائی جا رہی ہے کہ ہم کان کھڑے کریں۔یوں کان کھڑے کریں کہ جب کبھی ایسا موقع آ جائے جہاں کفر و اسلام کا معرکہ ہو، اور جہاں مسلمانوں کو طاقت استعمال کرنے کی ضرورت ہو، تو اس موقع پر ہر انسان کا یہ فریضہ بنتا ہے، ہر مسلمان کا یہ فرض بنتا ہے کہ وہ جس طرح ممکن ہو، اس عظیم جہاد کے اندر اپنا حصہ ڈالنے کی کوشش کرے۔ جس طرح اس کے لیے مکن ہو۔ اگر بذات خود شریک ہونا ممکن ہو تو بذات خود شریک ہو، اگر وہ بذاتِ خود ممکن نہ ہو اور ان کو مال کی ضرورت ہو تو مال سے تعاون کریں اور ان کے ساتھ یکجہتی اور ہمدردی کا مظاہرہ کرنا ہر مسلمان کے ذمے فرض ہے۔ یہ بتانے کے لیے اللہ تبارک و تعالی تفصیل سے غزوۂ تبوک کے احکام تفصیل سے بیان فرما رہے ہیں۔*

Hazrat Hussainؓ aur Youm-e-Ashura | Short Clip | by Mufti Muhammad Taqi Usmani

جمعہ بیان موضوع : حج کی فرضیت کے احکام بمقام :جامع مسجد جامعہ دارالعلوم، کراچی بتاریخ : 2024-04-19 مقرر : #مفتی_محمد_تقی_عثمانی

Islam mein Matam ki Haqeeqat | Short Clip | by Mufti Muhammad Taqi Usmani