لـ فضاء الرّحمة | ¹⁴

لا إله إلا الله وحده لا شريك له له الملك وله الحمد وهو على كل شيء قدير.

سبحان الله، كيف ربي يبدل الشعور بشعور تاني، بشكل عجيب لا أنا ولا أي حد يقدر يقاوم ه شيء، أحيانًا يكون مرضي جدًا ومريح، وأحيانًا لا بس الغاية في النهاية واحده، وهو مدامه تدبير ربي فكله خير، كله خير والله..الحمدلله 🩹🤍

يومكم جميل إن شاءلله

الحمدلله يارب على النعم وعلى ألطاف الله في البلاء، اللهم لك الحمد والشكر 🤍

نسألك يارب قلبًا سليمًا ونسألك حسن الخاتمة والجنة مع من نحب. 🤍

متخيلين إنه في أي لحظه تشخص أبصارنا ونرحلوا من دنيا، متخيلين كمية المشاعر اللي حنحسوا بيها لحظتها، حسره وندم " ويااااريتنييي " مالها حد! متخيلين إنه تنقبض أرواحكم في أي لحظه ويتم إمتحانك، الامتحان اللي مافيش فرصة تانية ولا إعادة! الامتحان اللي مستحيل مستحيل ترجع وتعاودها لأنه كانوا بين يديك فرص عظيمة تعوض في أبسط حاجه، بس أنا وإنت وإنتِ أخترنا نفوتوا وماندوروش والمهم نعيشوا لحظتنا ونتلذذو بالدنيا ناسيين قصة الأخرة والموت كأنها حاجة بعيدة ومش حتصير، كأنه خيال ومش حيتحقق، متخيلين إنه حتقعد في حفرة وحيتسكر عليا ومش حتحصل ولو منفذ النملة تتنفس منه! اللي أصحابهم ديما يونسوا فيهم وفي كل ليلة ويسهروا ع الأغاني والملهيات والضحك واللعب، حيخلوك وقتها، حتقعد بروحك في حفره موحشة مش حينورها إلا عملك الصالح، مش حيكون لك ونيس غيرها، ولا واحد فيهم حيندفن معاك إلاها! سبحان الله كيف الشيطان يغري فينا، يقوللنا " تي جرب/ي ه مره وحتكون الاخيره، مش حتعاودها بعدها" تخايل ترقد بعدها وماعاد تنوض، تنوض على الشيء اللي قلت عنه بعيددد، وتلقاه قريب منك بشكل مش حتقدر حتى تقول شيء وتغيره، قصة الغفلة قصة طويلة وحني ضحيتها، الله يكتبلنا حسن الخاتمة ويبعد عنا الغفلة، ويوفقنا للحق ويسددنا يارب.. فضاء الرّحمة

أذكروا الله

اللهم يا مقلب القلوب تبت قلوبنا على دينك

لا بأس إن شعرت بالخسارة أحيانًا، وبضياع الوقت أحيانًا أخرى، الفشل لا يعني الخسارة أبدًا، من الجميل أن تضع أهدافك في ورقة أمامك، حتى إن استبدا اليأس بك ستعلم أنه لا جدوى من ترك الأمر، وإن تركته ستترك حلمك الجميل ذاك، المواقف التي تستدعيك للبكاء إبك بها، وعد بعدها لتملئ مكانه بالعمل، الأشياء الصعبة لها عدة طرق ليتم فهمها، حاول أنت وتوكل على الله، صدقني لن يتركك وحدك مادمت تسعى وهو يراك، وضع بذهنك أن الأيام ستمر والعمر سينقضي وأنت وحدك من سيندم إن لم تجاهد نفسك الأن... لذة الفوز والنجاح تستحق، يمكنك ذلك.. فضاء الرّحمة " رحمة الأمين "

يارب