Ahlam al - Banat😍

ቃላቶች ተሰሳክተው ሊገልፁት የማይችሉት ሃሴት ሄዶ ሄዶ ዛሬ ላይ አረፈ።ዛሬ የምንጊዜም የህይወት ዓላማችን የሆነውን ቁርዓን ተፍሲር (መሰረታዊ ማብራሪያ) አጠር ባለ መልኩ ለ5 ተከታታይ ወራት ኢማም አል ቡኻሪ ኢስላሚክ አሶሴሽን በርቀት አስተምሮ አስመርቆናል።በዚህ ሂደት ላይ የተሳተፉትን ሁሉ አላህ ጀዛቸውን እጥፍ ድርብ አድርጎ በዱንያም በአኺራም ይመንዳቸው።ቀስ በቀስ እንቁላል በግሩ ይሄዳል ነውና እኛም ለትልቁ የቁርዓን ጉዟችን ይህ መንደርደርያ መሰረት ይሆነናል።ለ5 ወራት በሙሉ 10ፈተናዎችን ሙሉ 30ጁዝ ቁርዓንን ማለትም 114 ምዕራፎችን በፅሁፍ እየፃፍን ስናስገባ ነበር። ከብዙ የህይወት ሃላፊነቶች እና ውጣ ውረዶች ጋር ይህንን እቅድ በርቀት ማስኬድ ከባድ ነበር።ፈተና ደርሶ ስንፈተን የነበረበት ጊዜ አሁንም አይኔ ላይ በምናብ ይታየኛል።ወላሂ ይናፍቃል!! የአላህ ቃልን እንደኛ ወይም ከኛ በበለጠ ቅርብ ሆኖ ላየው ሰው ወላሂ ጣፋጭነቱ ልብን ይሰረስራል።የላቀ ጌታችን አነገገሩ የስነ ፅሁፍ ጠበብቶችን በዝረራ ማርኮ ጥሏል። ቁርአንን ለእኛ የሰው ልጆች መግለፁ ከባድ ነው።ስለዚህ አላህ እራሱ ሲገልፀው እንሐልከት።ልዕልናው የላቀው ሃያሉ ጌታችን አላህ ባወረደው ጥበብ በተሞላው መፅሃፉ እንዲህ ብሎ የለ! وَكَذَٰلِكَ أَوْحَيْنَا إِلَيْكَ رُوحًا مِّنْ أَمْرِنَا ۚ...... እንደዚሁም ወደ አንተ ከትእዛዛችን ሲኾን መንፈስን (ቁርኣንን) አወረድን፡፡.....42፥52 አላህ ቁርዓንን ሩህ (እስትንፋስ፣መንፈስ)ብሎ የጠራው ልቦች በርሱ ህያው ስለሚሆኑ ነው። የሞቱ ልቦች ህይወት ይዘራሉ። يَا أَيُّهَا النَّاسُ قَدْ جَاءَتْكُم مَّوْعِظَةٌ مِّن رَّبِّكُمْ وَشِفَاءٌ لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ እናንተ ሰዎች ሆይ! ከጌታችሁ ግሳጼ በደረቶች ውስጥም ላለው (የመጠራጠር በሽታ) መድኃኒት ለምእምናንም ብርሃንና እዝነት በእርግጥ መጣችላችሁ፡፡ ለዚህ እኔ አንዱ ምስክር ነኝ።ልቤን ዳግም የተወለድኩ ያህል ህያው ሲያረግ ይሰማኛል።ነገሮችን የምመለከትበን የእይታ አቅጣጫ ለውጦልኛል። እኔ ሁሌም ማይረሳኝ የተፍሲር ኦድዮ እያዳመጥኩ የጀነት ወስፍን የሚያብራሩ አንቀጾች ሲመጡ ጥልቅ የሆነ ተመስጦ ውስጥ እገባ ነበር።ልክ ሌላ ዓለም ላይ እንዳለው ይሰማኛል።ኡስታዝ አቡ ያሲር(አብዱል መናን) ልቤን ሰለበው እንዴ ያስብላል።ሌላ ተጨማሪ ወራትን ምነው በድጋሜም ቢሆን ተምሬ ባሳልፍ የሚለው ሃሳብ እስካሁን ከአእምሮዬ ላይ ብቅ ካለ ጀምሮ ሊጠፋ አልቻለም።ብዙ ማለት ይቻላል ግን ቃላቶችን ነባብሬ ስሜቴን ልገልፅ ባለመቻሌ እዚህ ጋር ላቁም። ሁላችሁም ዛሬ በኢማም አል ቡኻሪ ተመራቂ ተማሪ የነበራችሁ ሁሉ እንኳን ደስ አላችሁ።አላህ በዚህ በተማርነው ለትልቅ እውቀት እንድንደረደር በር የሚከፍትልን ያርገው።አደራ የምለው ይህ የተፍሲር ትምህርትን ኢማም አል ቡኻሪ ገብታችሁ እንድትማሩ ነው።ወላሂ ከቁርዓን ጋር መተሳሰር እጅግ እጅግ እጅግ እጅግ.... ቃላቶች ከሚገልፁት በላይ ደስ ይላል።ነገሩ ከትግልና ከልፋት ጋር ሲሆን ደግሞ የመጨረሻው ውጤት ይበልጥ ውብ ይሆናል። ይሄ ዋና ቻናላቸው ነው ገብታችሁ መረጃዎችን ታገኛላችሁ፦ https://t.me/ethiobukhari2020 https://t.me/ethiobukhari2020 ለመመዝገብ ዝግጁ የሆነ 🔑

የሳሊም ታሪክ አዲስ የሼኽ ኻሊድ ራሺድ ትርጉም ዳዕዋ//2021 ትርጉም>>በላጭ ሕዝቦች https://youtu.be/WbJ_roA_E34 https://youtu.be/WbJ_roA_E34

وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ባሮቼም ከእኔ በጠየቁህ ጊዜ (እንዲህ በላቸው)፡- እኔ ቅርብ ነኝ፡፡ የለማኝን ጸሎት በለመነኝ ጊዜ እቀበለዋለሁ፡፡ ስለዚህ ለኔ ይታዘዙ፤ በኔም ይመኑ፤ እነሱ ሊመሩ ይከጀላልና፡፡ #ደስ_የሚል_ዳዕዋ_በትርጉም https://t.me/Benat165

እስልምና ኢቅረዕ በሚል አንቀፅ የሚጀምር እምነት ነው። መጀመርያ መማር ከዚያ ልሎችን ማስተማርን የእምነቱ አስኳል ተጣሪዎች እንጂ ፈራጆች እንዳንሆን ያዙናል።ወደ ኢስላም በመልካም ግሳፄና በጥበብ በመጣራት ሌሎች ወደ ኢስላም እንዲቀርቡ ማድረግ የእያንዳንዳችን ሃላፊነት ሆኖ ሳለ እኛ ግን ሰዎች ላይ በመፍረድ በመስደብና በማሸማቀቅ እያራቅናቸው እንገኛለን ለመሆኑ ግን እኛ ከእነሱ እንደምንሻል በምን ይሆን ያረጋገጥነው! የአላህ ቃልስ "ነፍሶቻችሁን አታጥራሩ ከእናንተ ውስጥ አላህን ፈሪ ማን እንደሆነ እርሱ ብቻ ነው የሚያውቀው" አይደል እንዴ የሚለው!  یَا أَیُّهَا الَّذِینَ آمَنُوا لا یَسْخَرْ قَومٌ مِنْ قَوْمٍ عَسَى أَنْ یَکُونُوا خَیْرًا مِنْهُمْ وَلا نِسَاءٌ مِنْ نِسَاءٍ عَسَى أَنْ یَکُنَّ خَیْرًا مِنْهُنَّ وَلا تَلْمِزُوا أَنْفُسَکُمْ وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإیمَانِ وَمَنْ لَمْ یَتُبْ فَأُولَئِکَ هُمُ الظَّالِمُونَ﴿١١﴾ "49:11 - እናንተ ያመናችሁ ሆይ! ወንዶች ከወንዶች አይቀልዱ፡፡ ከእነርሱ የበለጡ ሊኾኑ ይከጀላልና፡፡ ሴቶችም ከሴቶች (አይሳለቁ)፡፡ ከእነርሱ የበለጡ ሊኾኑ ይከጀላልና፡፡ ነፍሶቻችሁንም አታነውሩ፡፡ በመጥፎ ስሞችም አትጠራሩ፡፡ ከእምነት በኋላ የማመጽ ስም ከፋ፡፡ ያልተጸጸተም ሰው እነዚያ እነርሱ በዳዮቹ ናቸው፡፡" ሱረቱል ሁጁራት አንቀፅ 11 ኢስላም እንዲኖረን የሚሸው ስብእና ባማረ ስነምግባር ላይ የተገነባ ነው።እራሳችንን አክብረን ሌሎችን እንድናከብር ያዘናል።የኢስላም አላማዎች "መቃሲደል ሸሪዓ" ከሚባሉት ውስጥ አንዱ የሙስሊሙን ክብር መጠበቅ ነው። የአላህ መልእክተኛም ሰለላሁ ዐለይሂ ወሰለም ሙስሊም ማለት ሙስሊሞች ከምላሱም ከእጁም ሰላም የሆኑለት ሰው ነው ብለዋል ። ኢብኑ መስዑድ (ረድየላሁ ዐንሁ) ባስተላለፉት ሌላ ሃዲስ ደግሞ ሙስሊምን መስደብ ወንጀል ነው።መጋደሉ ደግሞ ክህደት ነው ይላሉ መምህራችን አሽረፈል ኸልቅ! ሌሎችን በስነ ምግባራችን ጠርተን ወደ ኢስላም ማምጣት ሲጠበቅብን ያሉትን ስህተቶቻችንን እንዲያርሙ በጥበብ ከመንገር ይልቅ በስድብ እንገፋቸዋለን! ከመነሻው እነርሱ እንዲስተካከሉ ቢሆን ኖሮ ደግመን ደጋግመን ጥሪ ባረግንላቸው እና ባስታወስናቸው ነበር። ግና እኛ ከሌሎች መሻላችንን ማንፀባረቅ ስለሆነ የምንሻው ከማስተማር ይልቅ ስድብና ነቆራን መርጠናል ይህ ሙስሊሞች ላይ ስህተት ስንመለከት ብቻ አይደለም።ሙስሊም ያልሆኑ ወገኖችንም ስለ ኢስላም አንድ ነገር ሲፅፉ አልያም ሲጠይቁ በስነ ስርዓት ከመመለስና ከማስረዳት ይልቅ ስድብን እንመርጣለን። በአንድ ድንበር ውስጥ አብረን የምንኖር የድንበር ወንድሞቻችን ላይ ድንበር በማለፍ እኛንም እስልምናንም እንዲጠሉና እንዲጠራጠሩ በር እንከፍታለን።በእርግጥ ይህ ነገር ከግንዛቤ እጥረት ተነስቶ ሊሆን ይችላል የሚደረገው ግና ፍፁም ስህተት ነው።ሌሎች ወደ ቀናው እንዲመጡ ምክንያት መሆን ባንችል እንኳ ከኢስላም እንዲርቁ ገፍታሪ መሆን የለብንም።ሰዎች ኢስላም ምን ይላል ሚለውን ሳይሆን ቀድመው የሚመለከቱት ሙስሊሞች ምን ይላሉ የሚለውን ነው።ንግግራችንም ሆነ ተግባራችን ኢስላምን የሚወክል በመሆኑ ከኢስላማዊ አስተምሮ የተቀዳ ይሁን አልያም ተናገሩ ብሎ የሚያስ ገድደን የለምና ዝም እንበል "መድሃኒት ስለወሰድነው ሳይሆን ፈውስ የሚሰጠው በአግባቡ ስንጠቀመው ነው" እስልምናም ምሉእነት ነው ብለን ስለፎከርን ሳይሆን ውብ ሆኖ የሚታየው በእኛ ህይወት ውስጥ ስጋና ደም ለብሶ ሲከሰት ብቻ ነው።እየናረ የሚገኘውን የስድብ ፍጆታችንን መቀነስ ካልቻልን ስለ ኢስላም የምንፈጥረው ገፅታ በጥላሸት የተሞላ ነው የሚሆነው! ይህን ፅሁፍ ጠቃሚ ሆኖ ካገኛችሁት ሼር አድርጉት!! በድምፅ የደረሰኝን መጣጥፍ ጠቃሚ ሆኖ ስላገኘውት በፅሁፍ ገልብጬ አቀርብኩላችሁ። እኔም ሰዎችን የማስተማር ጥበብ የጎደለን ይመስለኛል! በነብዩ ሰለላሁ ዐለይሂ ወሰለም ጊዜ አንድ እእራቢይ(ዘላን ወይም የገጠር ሰው) በሚሰግዱበት መስጂድ ውስጥ ወደ አንድ ጥግ ዞር አለና ሽንቱን መሽናት ጀመረ።ሰሃቦችም በጣም ተቆጥተው እና ገንፍለው አደነባበሩት የአለም እዝነት የሆኑት ነብያችን ሰለላሁ ዐለይሂ ወሰለም ግን ሰሃቦችን አስቆሟቸውና ተውት ይጨርስ አሏቸው። ሸንቶ እንደጨረሰ ነብያችን ሰለላሁ ዐለይሂ ወሰለም ቀረብ ብለው የሚሰገድበት ቦታ ውስጥ እንዲህ እንደማይደረግ በጥበብ አስተማሩት ያ አእራቢይም እንዲህ ነበር ያለው! "አላሁመ እርሃም አነ ወሙሃመዳ ወላ ተርሃም መዓና አሃዳ" "አላህ ሆይ ለእኔና ለሙሃመድ እዘንልን ከእኛ ጋር ለአንድም አትዘን" እዩት ያደረገው ዱዓን ምን ያክል በሰሃቦቹ ተከፍቶ እንደነበር ያሳየናል።ማስተማር፣ዳዕዋ ማድረግ እና የመሳሰሉት ኸይር ናቸው የምናስተምርበትን መንገድ አለማወቅ ግን አደጋ ነው! አየህ የሃቢባችን ሰለላሁ ዓለይሂ ወሰለም ጥበብ ልቡን እንዴት እንደማረከው! በኢስላማዊ ጥበብ ህይወታችንን እናሳምር!! በቪድዮ ለማየት ለምትሹ👇👇 https://www.facebook.com/belachhizboch/videos/1712446248921929/

እረኛው በጎችን ይዞ ወደ ማደሪያቸው አስገብቶ በሮችን ሁሉ በሚገባ ዘጋው። የተራቡ ቀበሮዎች በጎቹን ሊበሉ ሲመጡ በሮች ሁሉ በሚገባ ተዘግተው አገኙት። በሮችን አልፈው መግባትን ተስፋ የቆረጡት ቀበሮዎችም፤ በጎቹን ከበሮች ቁጥጥር ውጭ ለማድረግ ሴራቸውን ይጠነስሱ ጀመር። በመጨረሻም ቀበሮዎቹ (የበጎች ነፃነት ይከበር) የሚል መፍክር ይዘው የበጎቹን ማደርያ ዙርያ ለመዞር ወሰኑ። በጎችም ለነሱ ነፃነት እንዲከበር ቀበሮዎች ትልቅ አብዮት እንዳቋቋሙ ሲሰሙ ልባቸው ወደ ቀበሮዎቹ ይሸፍት ጀመር። የነፃነት አብዮቱን ለመቀላቀል በርካታ በጎችም የግቢያቸውን አጥር በቀንዶቻቸው ይነቀንቁ ጀመር። ከረጅም ግዜ ረብሻ እና ትርምስ በኋላ በጎቹ ማደሪያቸውን አፍርሰው አብዮቱን ለመቀላቀል ወደ ጫካዎች ፈረጠጡ። ቀበሮዎችም ከበጎቹ ኋላ ይሮጡ ጀመር፤ እረኛውም ከኋላ ኋላ እየሮጠ አንዴ በድምፁ አንዴ በብትሩ ሊመልሳቸው ቢሞክርም ሊሳካለት አልቻለም። አብዮታዊ ሩጫው ቀጥሏል፤ በጎች ከፊት ቀበሮዎች ከኋላ....ብዙም ሳይርቁ ቀበሮዎች እና በጎች ያለ እረኛ ያለ ከልካይ ሰፊ በረሃ ላይ ተፋጠጡ። ያች ቀን የነፃነት አብዮትን ፍለጋ ለወጡት በጎች ጨለማ ስትሆንባቸው፤ ሴራን ላሴሩት ቀበሮዎች ግን የደስታ እና የፈንጠዝያ ቀን ነበረች። በማግስቱ እረኛው ተነስቶ ወደ አብዮት የወጡትን በጎች ፍለጋ ወደ በረሃው ሲያቀና፤ የነፃነት መገለጫ የሆኑ ቀበሮዎች ነፃነትን ፍለጋ የወጡትን በጎች ስጋዎቻቸውን በልተው፣ አጥንቶቻቸውን በመሰባበር ሜዳው ላይ በትነዋቸው አገኘው። _________________________ ድሮ የሰማናት ተረት ናት አይደል!!! ግን በአለማችን የሚገኙ የሴቶች የነፃነት አብዮትን እና ቀበሮዎችን ምን ያህል እንደሚመሳሰሉ አስተውላችሁታል!!!? የሴቶች ነፃነት አብዮት የሙስሊም ቁጥብ፣ ጨዋ እና እንቁ ሴቶችን በቀላሉ ሊያገኝ አይችልም። ምክንያቱም፦ አባቶቻቸው ኮትኩተው አሳድገዋቸዋል። ምክንያቱም፦ቤታቸውን ጠበቅ አድርገው ይዘዋል። ምክንያቱም፦ ሂጃብ አድርገዋል። ለዝያም ነው የሰው ቀበሮዎች <የሴቶች ነፃነት> የሚል መፈክር ይዘው ሚስተዋሉት። አላማው ግን <የሴቶች ነፃነት> ሳይሆን <ወደ ሴቶች መድረሻ ነፃነት> ነው። ©Al kewser https://t.me/Benat165

የረመዳን 27ተኛ ለሊት ★★★★★★★★★★★ በለይለተል-ቀድር የሚሰራ ዒባዳ ከ83 ዓመት ዒባዳ የሚበልጥ ሲሆን ከነቢዩ ሰሀባዎች ውስጥ፥ ዑመር፣ ኢብኑ ዐባስ፣ኡበይ ኢብኑ ከዕብ፣ ሙዓዊያ፣ ሁዘይፋና ሌሎችም ለይለተል-ቀድር የረመዳን 27ተኛ ለሊት ላይ ናት ይሉ ነበር! ይህች ለሊትም ዛሬ ቅዳሜ ምሽት ላይ ናትና እንበራታ!

31:33 يَا أَيُّهَا النَّاسُ اتَّقُوا رَبَّكُمْ وَاخْشَوْا يَوْمًا لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئًا ۚ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ እናንተ ሰዎች ሆይ! ጌታችሁን ፍሩ፡፡ ወላጅም ከልጁ (በምንም) የማይጠቅምበትን፤ ተወላጅም እርሱ ወላጅን በምንም ጠቃሚ የማይሆንበትን ቀን ፍሩ፡፡ የአላህ ቀጠሮ እውነት ነውና፡፡ ቅርቢቱም ሕይወት አትሸንግላችሁ፡፡ በአላህም (መታገስ) አታላዩ (ሰይጣን) አያታልላችሁ፡፡