YAQIN

ҚЎРҚОҚЛАР АСОСАН ИСТЕРОИД, ПСИХАСТЕНИК ВА ЭМОТИВ ПСИХОТИПДАГИЛАРДИР БОЛАЛАРНИ ПСИХОТИПИГА КЎРА ТАРБИЯЛАШ #farzand_tarbiyasi Болалар психотипининг 8 тури мавжуд. Эътибор беринг: 1. Гипертим тур. Ҳаддан ташқари ҳаракатчан, мулоқотга жуда мойил. Ҳамма нарса уни қизиқтиради. Ҳамма билан дўстлашаверади. Кўп савол беради. Қоидалар ва бир ҳилликдан жуда тез безор бўлади.   Тарбиясидаги муҳим жиҳатлар: - назорат ўта қаттиқ бўлмагани яхшироқ. - койиш керак, бироқ майда-чуйдалар учун эмас. - қизиқишларини кузатиш ва нима муҳимлигини аниқлаб олиш лозим.   - у билан мулоқотда ҳиссиётларга берилмасдан, сабр қилиб туриш шарт. 2. Ҳиссий-лабил тур – ўзгарувчан кайфиятли. Кайфиятига қараб  ҳаракатлари, иштаҳаси, келажакка қараши ва ҳатто ўзига бўлган ишончи ҳам ўзгариб туради. У атай қилмайди. Бу самимиий туйғу. Сезгирлиги, яқинларига ҳамдарлиги билан ҳам ажралиб туради. Худди шу жиҳати билан кўпчиликнинг кўнглини топади.   Тарбиясидаги муҳим жиҳатлар:   - мухаббат ва эркалаш унинг қулфи дилини очади, қараш ва интилишларини гапириб тугата олмайди. Совуққонлик ва қўпол муомалага жавобан индимас ва хомуш бўлиб қолади.  - болага ўзингизни намуна қилиб кўрсатиб, камситманг. У ўзи учун кураша олмай қолади, депрессияга тушиши ҳам мумкин. - Ҳаётида барқарорликни таъминлашга ҳаракат қилинг. Ҳар қандай ўзгариш унга жиддий таъсир кўрсатади. 3. Конформ тур – Ҳамма сингари кўпчиликка бўйсунади. Тайёр намуналар асосида яшайди ва жуда консерватив. Унинг учун ҳамма нарса оддий. Анъаналарни севади.   Тарбиясидаги муҳим жиҳатлар: - бундай боланинг оиласи жуда аҳил бўлиши керак. - ҳаёт тарзини ўзгартирмасликка ҳаракат қилинг.  - ким билан мулоқотда бўлишига аҳамият беринг, чунки у ўзгалар фикрига ишонади ва ножоиз одамларга эргашиб кетиши мумкин.  Агар дўстлари яхши бўлса, қўллаб-қувватланг. 4. Ёпиқ тур (шизоид) – ҳамма нарса уники ва ҳамма нарса у ҳақда. Унинг ички олами дўстларига, жамоасига қараганда анча қизиқ. Ноанъанавий фикрлайди ва ажабтовур таклифлар беради. Изчил. Кам гап. Мулоқотни хушламайди. Тарбиясидаги муҳим жиҳатлар:   - кўп болалар билан танишишга ундаманг.  - бир нарсани қайта-қайта суриштираверманг.  Бир марта сўраш - етарли.   - жуда муҳим масала борасида сирлашдими, бу сирни ҳаммадан асранг.  - ишончини қозониш учун жуда эътиборли бўлинг.  - дўстларини уйга таклиф қилишни истаса, йўқ деманг, бош-қош бўлинг. Шу тарзда мулоқот сирларини ўрганиб олади.   5. Кучли портловчи тур. Жуда қатъиятли, ҳар бир ишни асосли ва пухта бажаради, интизомли. Ҳар бир иш қонуний бўлиши шарт. Бироқ, фақат ўзининг қизиқишлари борасида қайғуради. Ҳатто жанжалгача бориши мумкин. Узоқ вақт хавотирлари исканжасида қолиб кетиши  ҳиссиётларнинг навбатдаги портлашига асос бўлади. Кўринишидан жуда ўжар, тажовузкордек. Ота-она бола характерини юмшатишмаса,  эгоцентрик шахс сифатида улғаяди ва бундан яқинлари азият чекиши мумкин.   Тарбиясидаги муҳим жиҳатлар:   - бошқаларнинг муваффақиятини ўзиники қилиб олмаслиги учун уни кимгадир ғамхўрлик қилишга, яхши ишларга ўргатинг. Мақташдан олдин шу яхши ишни ўзи қилганми ёки йўқми, ишонч ҳосил қилинг.  - бошқаларни тушунишга ва кўмак беришга кўниктиринг.   - ҳар қандай бошламани охиригача олиб боришга ва  муваффақиятли тугатишга ёрдам беринг.  Меҳнатсеварлигини рағбатлантиринг.   6. Хавотирланувчан тур (психастеник). Ҳамма нарсадан қўрқади. Тортиниб, жимгина юради. Айтилганни бажаради. Ўзига ишончсиз. Ҳар қандай майда-чуйдага қайғуради. Ўзига талабчанлигидан имкониятларини паст баҳолайди. Бироқ, ўз мулоҳазалари билан ўртоқлашади. Тез чарчаб қолади. Узоқ давом этувчи ақлий ва ҳиссий юкламаларга дош беролмайди. Аммо, жуда ҳам масъулиятли, мулойим ва сезгир.   Тарбиясидаги муҳим жиҳатлар: - жамоат жойларида амал қилинадиган қоидаларни мунтазам тушунтириб боринг. - имконияти етмайдиган талабларни қўйманг. Бажара олмасдан ваҳимага тушиб қолади.   - ҳар доим мақтаб юринг, уни эътиборсиз қолдириш мумкин эмас. - муваффақиятсизлигини хотиржам қабул қилинг ва унга сиз учун азиз эканлигини, ҳар ерда ва ҳар қачон қўллаб-қувватлашга тайёрлигингизни тушунтиринг. https://t.me/DrGavharDarvish

#mulohaza Кўпинча катталар ёшларга, айниқса, қайноналар келинларга "бизни вақтимизда бола катта қилиш қийин бўлган, ҳозиргидақа қулайликлар бўлмаган" деб кўп ва хўп такрорлашни яхши кўришади. Ҳозирги ота-оналарга осон тутишади. Уларга ёқмаса ҳам бир гапни айтмоқчиман. Аслида ҳозирги замон ота-оналарига олдингиларга қараганда бир неча баравар қийин. Шунчаки мен улардан фарқли равишда қийинчилик деганда жисмоний машаққатни назарда тутмаяпман. Аксинча, руҳий босимни назарда тутаяпман. Айнан шу тарафдан олганда, ҳозирги замон ота-оналарига кўпроқ қийин ва оғир. Чунки бугунги болалар бошқача, улар билан тил топишиш, уларни машғул қилиш, умуман, уларни ҳозирги имтиҳонли,тузоқли,таҳликали замонда тўғри тарбиялаш осон иш эмас! Чунки улар туғилган, улғаяётган замон буткул бошқа. Шунчаки чиройли тарбия беришнинг ўзи етарли эмас! Бироз муболаға бўлса ҳам, 24 соат назорат қилиб, 12 саот улар билан машғул бўлишимиз керак. Акс ҳолда уларни йўқотамиз. Ҳа, кўз ўнгимизда бой берамиз! Ҳозирги замон болаларига эгалик қилиш осонмас! Чунки кўринмас, уларга эгалик қилишга даъвогар кучлар кўп. Ана шу кўринмас кучлар билан доимий курашда ҳушёр ва уйғоқ бўлишимиз керак. "Йўғее" дейсизми? Унда болангиз,набирангиз қўлига битта телефон бериб, интернетини очиб қўйиб, уни назоратсиз қолдирсангиз, кўрасиз - қисқа вақт ичида ўз фарзандингизни танимай қолишингиз аниқ. Шундай таҳликали даврдамизки, фарзандимиз ташқарига чиқишига, ёмонларга қўшилишига ҳожат йўқ. Шундоқ олдингизда, бағрингизда туриб кимларга, нималарга қўшилиб кетганини билмай қоласиз. Яқинда инстаграмда бир пост остида аёл киши ёзаяпти: "15 ёшли ўғлимга компьютер ўйинини тақиқлаган эдим, менга қўл кўтаришгача борди..." Постга қўйилган видеода эск айнан шундай ҳолат акс этган эди: 17 ёшли ўғлининг компьютерини олиб қўйишган экан, бола ўша матоҳни қидириб уйнинг ҳамма тарафини бузиб, синдирибди. Гаджетларга қарамлик, экран,интернетга боғланиб қолиш оқибати бу! Ҳатто икки-уч ёшли болани қўлидан телефонни олиб қўйинг кўрасиз: дунёни бошига кўтаради. Ҳозирги болалар олдингилардек битта ўйинчоқ билан соатларча (ўйинчоқ ҳам бўлмаган ҳаттоки) ўзини ўзи ўйнатиб ўтирадиган болалар эмас. Улар ҳамма нарсадан жуда тез зерикишади. Чунки туғилар-туғилмас теле ва мобил экранларга "ошно" бўлишгани сабаб уларнинг онги бизникидан бутунлай бошқача шаклланиб ишлайдиган бўлади. Дейлик, бугунги болаларни оддий нарсалар қизиқтирмайди. Чунки улар кўриб ўрганаётган, кашф этаётган экрандаги ҳаёт ўта ёрқин ва ранг-баранг, қизиқарли. Масалан, тўрт ёшдаги қизим ҳаётини мультфильмларсиз тасавур қилолмайди.(Телефонни тақиқлаганмиз. Охирги олти ойдан бери қўлига умуман бермаймиз.) Лекин телевизорда, ютубда мультфильм кўрмаса, қиёмат кўтаради. Уйда ўйинчоқлари кўплигидан хонасида бўй жой йўқ. Ўйнашга ўйнайди, лекин тезда зерикади. Телевизорни ўчириб қўйиб, бирга ўйнаб ўтирсак, ярим соат ўтар ўтмас, "зих бўляпман" дейди. Улар зерикмаслиги учун эса мунтазам уларга эътибор қилиб, бирга вақт ўтказишга тўғри келади: уйда,ташқарида. Боғчага борса, Акс ҳолда... Ўша оқибат! Бугун яхши фарзанд тарбиялаш учун яхши тарбиянинг ўзи камлик қилади. Уларга етарлича вақт, эътибор ва назорат керак!! Буларни ҳаммаси ҳар бир фарзандга бериш, кўрсатиш эса осон эмас! ✍Ситора Алихонзода, Туркия

Assalomu alaykum. Iroda ustozadan Alloh rozi bolsin , avvalo yaratganning fazli qolaversa u kishini sababchi qilib koʻp ayollar oʻzlarini oʻzlari uchun kashf qilmoqda desam adashmayman . Men ham "Farzaddim -Jigarbandim" kursini tamomlab qalb xotirjamligiga erishganlardanman . Kppdanberi qiynab kelayotgan  savollarimga javob topib va hayotimdan rozi bolib yashayabman alhamdulillah. ✍Sevaraxon **** Ustozamizdan Alloh rozi boʻlsin. Oʻzlariniyam, kurslariniyam shunaqa yaxshi kuraman. Haqiqiy onalikni, farzandimizni ilm olishida qanchalik muhim rol uynashimizni shu kursni boshlab anglab yetdim🌸 ✍Bintu Valiy ———— Va alaykum assalom va rohmatulloh yaxshi, mashaalloh, bunday iliq soʻzlarni eshitish, samimiy eʼtiroflardan bahramand boʻlish albatta har qanday odamga ilhom bagʻishlaydi. Alloh bizni siz oʻylagandek yoki undan ham yaxshiroq qilsin,ayb va nuqsonlarimizni bundan keyin ham maxfiy qilsin. Alloh barchamizga manfaatli ilm bersin. https://t.me/YaqinOzbek

Bugungi darsimiz juda qiziqarli va foydali bo'ldi mashallah, 40 dan ziyod o'quvchilar darsda jonli qatnashdi. Ustozga alohida tashakkur bildiramiz. Bugun dars davomida eng faol bo'lganlar: Hamida G'anieva Nasiba Marhamat, @yaqin1bot bilan bog'lanib hadiyyangizni olishingiz mumkin. Ustoz Zulfiya Tolibayevna darsini ushbu link orqali qayta ko'rib chiqishingiz mumkin. https://www.youtube.com/watch?v=Bw1HbIkQwS8 Dars so'ngida berilgan vazifani esa mana shu postning izohlariga joylaymiz. Bolajonlar Suvni Asraylik mavzusida rasm chizib dushanba kuniga qadar shu postning izohlariga yuborishlari mumkin. Eng yaxshi rasm egasini ham e'lon qilamiz va taqdirlaymiz. @Yaqinozbek

Darsimiz 10 daqiqada boshlanadi, 7+ bolajonlarni ekranga yaqinroq o'tqazib darsga tayyorlanib turamiz insha'Allah. Darsimiz interaktiv savol-javoblar va qiziqarli mashg'ulotlar bilan olib boriladi. Bolalar javoblarini izohga yozib qoldirishlari mumkin. Darsda eng faol ishtirok etgan o'quvchini dars so'ngida e'tirof etamiz va mahsus sovg'amizni yuboramiz. Darsga qatnashish uchun link 👇🏻 https://www.youtube.com/watch?v=Bw1HbIkQwS8