يلا نقرب من ربنا لنشر العفة💛

بتيجي عليك فترات بتحس ان قلبك اتقفل تماما بتصلي وتقرأ قرآن وتدعي وانت مش حاسس بأي حاجة وكأنك بتأدي واجب تقيل ! مفيش خشوع ولا دموع ولا اللذة اللي كنت بتحسها زمان وبتبدأ تأنب نفسك وتتخيل ان ربنا غضبان عليك وطردك من بابه وان دي عقوبة لذنب انت عملته المعنى اللي هيصدمك ويريح قلبك في نفس الوقت ان الحالة دي مش عقوبة خالص دي ترقية لمستوى أعلى بكتير اسمها (الفطام الروحي) لما بتبدأ تلتزم ربنا بيديك حلاوة وراحة رهيبة في العبادة لكن بعد فترة بيسحب منك اللذة دي لفترة السر هنا مبهر جدا ده اختبار رباني هل انت بتعبد (الراحة النفسية) ولا بتعبد (ربنا) ؟ لما كنت بتصلي وتحس براحة انت كنت بتاخد جزء من أجرك فوراً في الدنيا لكن لما قلبك يقسى وتفضل مكمل صلاة ومحافظ على وردك وانت بتجاهد نفسك ومش لاقي أي متعة انت كده انتقلت لأعلى درجات الصدق انت بقيت بتعبد ربنا لذاته مش عشان الإحساس الحلو اللي بتاخده من ورا العبادة... العبادة في وقت الجفاف الروحي ثوابها أعظم بكتير من أي وقت تاني.