مَـراسـِيل .

_أنت حبيتها يا بحر؟ ولسه لحد دلوقتي بحبها ولو فاضِل فِي العُمر يوم نتمنى نكونوا ليها.

حتي الشباك صار حيط مسدود

- كل إحساس مريت بيه بيعلمني حاجة جديدة كل موقف بشوفه بتعلم منه ، لو وقعت فـ أكيد بنسى كلام أن الواحد لازم مييأسش وميتعبش ويقوم من جديد زي ما يكون محتاج حد كل ما أقع وأحس بأني مش قادر أواجه حد يصحي فيا الإراده ويقولي أنت لسه قادر تكمل وتعافر وساعتها هقوم وهكون ممتن جداً للشخص دا طول حياتي .

كون جميل ترى الجمال ' معناها أنك تجمل الأشياء تصنع من بعض الحاجات السلبيه الكئيبة حاجات إيجابية مبهجة بِصنعة لطافة تشوف نص الكوباية المليان في الظروف الصعبة ، تكون بتعرف تحب وتكون صداقات ، لكن متستناش أن كل حاجة تجيلك لحد عندك دور على الجمال قرب من كل الناس متقفلش على نفسك وتنعزل وتفكر أن دا الحل الأنسب لا مش الحل ولو كان حل فَـ هو حل مؤقت بس وبعد كده هتشمئز من نفسك لما تلاقي نفسك وحيد .

‏أنا بحس الحزن بيعيش جوايا وبقيت بكره أوقات منتصف الليل لاني بكون فيها لوحدي بواجه أفكاري وبَنهزم هزيمة ساحقة ومبقدرش أنام من كتر التفكير والزعل .

- أنا بقيت معرض لخيبات الأمل بـ شكل مُتكرر ودا مش بيسبب مناعة زي ما بعض الناس فاكرة لا دا بيسبب شعور باليأس طوال الوقت وتوقع الأسوأ دايماً مع أن الطبيعي أن نتفائل بالخير عشان نلاقيه لكن مع تكرر خيبات الأمل في بعض الحاجات زي الصحاب ، الحب ، بيخلي الواحد يفقد الثقة في إلي حواليه تدريجياً ويبدأ يتعامل مع كل واحد في حياته على أنو فترة ويبدأ يتوقع الخيانة في أي وقت وينكر العشم ويرفض أنو يتسند على حد ودا في حد ذاته شعور بالوحده بـ جانب انو عندو يأس من العلاقات وخوف من التغيير كأنه بيتجنب خيبة الأمل لكن في الحقيقة هو عايش جواها وبيتعايش معاها ، والأسوأ من أنك تواجه خيبات أمل كتيرة هو أنك تعيش معاها ومش قادر تهرب من أفكارها .

- في منتصف اليأس يوجد طريق بدايتة ظلام ونهايته ضوء أبيض أنا بحب هذا السيناريو بصراحة لأن كل ما اليأس يتملكني ربنا ينير الطريق ويبدأ يمدني بالصبر ويهديني ويصبرني على أي حال أنا فيه وبالتدريج تبدأ الحياة تبتسم وإن عَبسْت فـ هستنى لحظه الإنارة والصبر من جديد عشان هيا دي الحياة صبر ونجاح وفشل ويأس ومع كل مره بتكون داخل الدايرة دي بتتغير وتتعلم حاجة جديدة وتكسب نفسك في كل مره تقرر تكون أحسن ومتسبش الظروف تكسبك .

- يؤسفني ما وصلت إليه من حَال ، أنا صَامت لا أستطيِع مُواجهة كُل تِلك المُعاناة ، وبِداخلي أنا أُحارب للنجاة ولكني مازلت أحاول وكل المحاولة تستنزف طاقتي وتُدمرني ببطئ أتمنى لو كان بإمكاني العودة بِالزمن إلي الوراء لكي امحو بعض القرارات الغبية التي اتخذها قلبي بُدون مُشاورة عقلي . - يوسف باركر .

- على فكرة البني آدم أضعف ما يمكن وهو لوحده لأن دا طبيعي جداً أنك متعود على وجود حد وتلاقي نفسك لوحدك فـ مش قادر تتصرف ، لَكن الإنسان إلي بيدعي قوته وهو وحيد ويفضل يقول إن هو مش محتاج حد هو كده مش قوي في وحدته لا دا كأنه بيضحك على نفسه عَشان يقنع نفسه أنو مش محتاج حد لكنه محتاج حد وكأن تمثيله على نفسه استغاذه من نوع غير مُباشر عايز يقول أنا محتاج حد بس هو مش هيسمح لنفسه يضعف تاني فـ بيحفز نفسه بـ شئ وهمي عشان يقدر يكمل ويتحسن وللأسف مَبيِتحسنش وحالته بِتسوء أكتر ويظل في أشد الأحتياج لِشخص جمبه يِسنده .

مكنتش عايز منكو حاجة كنت عايزكو معايا .