Se🤍

📌Ikki kafan saodati: Hazrati Xadicha onamizning vafotlari. Islomning eng og‘ir damlarida boyligini va butun qalblarini ALLOH yo‘lida fido qilgan, barcha mo‘minlarning onasi Hazrati Xadicha (r.a.). U kishi vafot etayotganlarida, hatto kafanlik uchun bir parcha matolari ham qolmagan edi...

Bir paytlar Makkaning eng boy va aslzoda ayoli bo‘lgan bu buyuk zot, butun boyligini iymon va da’vat yo‘lida sarf qilib bo‘lgandi. U kishi dunyodan o‘tayotib, qizi Fotima (r.a.)ning quloqlariga ohista pichirladilar: “Otangning hirqasiga o’ralishni istardim...” Rasululloh (sallallohu alayhi vasallam) ko‘z yoshlari bilan o‘zlarining muborak hirqalarini Onamizga kafan qildilar. Aynan shu lahzada Jabroil (a.s.) samodan bir omonat bilan tushdilar va dedilarki: — “Yo Rasululloh! ALLOHning Sizga salomi bor. Xadicha butun mol-mulkini Bizning yo‘limizda sarf qildi. Endi uning kafanini yubormoq Bizning zimmamizdadir.” Shu tariqa, Hazrati Xadicha onamiz ikki kafanga o‘raldilar: 1. Rasulullohning muborak hirqalari; 2. ALLOH taolo tomonidan jannatdan yuborilgan kafan. O‘sha kuni Makka osmoni ham, yeri ham yig‘ladi. “Mahzunlik yili”ning eng chuqur yarasi ochildi. Hazrati Xadicha nafaqat suyukli yor, balki Rasululloh uchun sokin bir bandargoh, ulkan tasalli va ALLOHning O‘zi salom yo‘llagan yagona ruh edilar.

Bugun biz “yo’qotish” deb bilgan narsalarimiz, aslida ALLOH yo’lida berilgan bo’lsa, eng buyuk “topish”ga aylanadi. Onamiz borini berdilar va evaziga Xoliqning iltifotini oldilar. Robbim bizlarni u zotning mislsiz sadoqati, hayosi va go‘zal axloqidan zarracha bo‘lsada nasibador qilsin.