"Sud, HMQO va Advokatura" kafedrasi

Валишер ДАВЛЯТОВ, ТДЮУ кафедра мудири, юридик фанлар бўйича фалсафа доктори (PhD): "Ўйлайманки, 2 йиллик юридик стажни бекор қилиш ҳақидаги норманинг тартибга солиш таъсири баҳоланган. Акс ҳолда, қош қўяман деб, кўз чиқариб қўйишимиз мумкин. Чунки, амалий тажрибага эга бўлмаган ёш кадрнинг адвокатурага кириб келиши соҳанинг стандарт ва “планка”сини тушириб юбориш хавфи бор. Аслида мамлакатимизда адвокатлар сони камми? Тўғри, мамлакатимизда 4577 нафар адвокат бўлса, ҳар бир адвокатга қарийб 7800 нафар аҳоли тўғри келяпти. Демак, ҳозирда барча адвокатлар аҳоли эҳтиёжини қондириш учун “қўли-қўлига тегмай” ишлаётган бўлиши керак эди. Реал воқеликда ундай эмас. Айниқса, вилоятларда адвокатларнинг аксариятида иш деярли йўқ. Аҳоли адвокатга мурожаат қилиш кўрсаткичи паст. Асосий сабаблардан бири аҳолининг молиявий ҳолати. Шунчун ҳам, тайинлов асосидаги ишларда қатнашишга интилиш кучли. Адвокатларнинг ёшига келсак, аслида ёши катта адвокатларда тажриба, билим, малака юқори бўлади. Ёшларда хато қилиш риски юқори. Хорижий тажриба таҳлили шуни кўрсатмоқдаги, биздаги “адвокат” ва улардаги “адвокат” («lawyer», «attorney at law») ўртасида катта фарқ бор. Юридик хизмат, ҳатто риэлторлик фаолиятини ҳам адвокатлар амалга оширади. Масалан, Кипрда нотариус касби йўқ, адвокат бажаради. Шунинг учун баъзан, палон мамлакатда 1 адвокатга 200-300 аҳоли тўғри келишини эшитамиз. Назаримда, адвокатуранинг жозибадорлиги пастлигига қуйидаги омиллар сабаб бўлган: 1. Суднинг чинакам мустақиллигини таъминлашда муаммоларнинг мавжудлиги. Адвокат томонидан тақдим этилган материаллар суд томонидан етарли даражада баҳоланмаса, адвокатларнинг нуфузи унга ишонч билдирган шахс олдида тушиб кетади, ишончсизлик ошади. 2. Адвокатурага параллел тузилмаларнинг ташкил этилганлиги. Масалан, “Халқ қабулхоналари”, юридик маслаҳатчи (консалтинг) ташкилотлар, “Мадад” ННТ ва бошқалар. 3. Аҳолининг адвокат ёрдами учун молиявий имкониятининг пастлиги. Бу тўғридан-тўғри адвокатура ривожига таъсир қилади. 4. Адвокатлик тузилмасида стажировка ўташ ўзини оқламаганлиги. Масалан, аксарият стажерлар формал. Бунинг ўрнига Адвокатлар палатаси ҳузурида академия ёки институт ташкил этиш, талабгорлар 2-3 ой ўқиши, шундан сўнг малака имтиҳонини топшириши зарур".

📺 Янгиликлар 24 | Янгиланаётган Конституция: адвокатлар фаолияти янада мустаҳкамланади. 🏛 ТДЮУ Суд, ҳуқуқни муҳофаза қилувчи органлар ва адвокатура кафедраси мудири, юридик фанлар бўйича фалсафа доктори (PhD), доцент Давлятов Валишер Хакимжанович томонидан Янгиланаётган Конституциянинг адвокатура бўйича назарда тутилаётган нормалари мазмун-моҳияти бўйича маълумот берилди.

#mahorat_darsi ⚖ Sud, huquqni muhofaza qiluvchi organlar va advokatura kafedrasi tomonidan nazariya va amaliyot uyg‘unligi ta'minlash maqsadida mahorat darslari tashkil etilmoqda. ✅ Shu kabi darslardan biri "Advokatura" modulidan tashkil etildi. 3⃣ Jinoiy odil sudlov fakulteti 3-bosqich talabalari uchun tashkil etilgan darsga "Vertus Leo" advokatlik firmasining tajribali advokati Alisher Zaynutdinov taklif etildi. 📚 Mahorat darsi davomida mutaxassis tomonidan talabalarga advokatlik kasbining o‘ziga xos tomonlari, sohadagi muammolar, ularning yechimi, advokatura institutini rivojlantirish istiqbollariga oid ma'lumotlar berildi. Mavzu yuzasidan talabalarni qiziqtirgan savollarga javob berildi. ♾ O‘quv semestri davomida talabalarga bu kabi mahorat darslarini tashkil qilish reja qilingan.

#REFERENDUM2023 #targibot_poyezdi ✅ Qoraqalpog‘iston Respublikasida «Men befarq emasman» shiori ostida «Targ‘ibot poyezdi» loyihasi o‘z faoliyatini davom ettirmoqda. 🗓 Joriy yilning 4-aprel kuni «Targ‘ibot poyezdi» loyihasi a’zolari O‘zbekiston Respublikasi Ichki ishlar vazirligi Xalqaro aeroportlarda xavfsizligini ta’minlash bo‘yicha qo‘shinlari Nukus xalqaro aeroportida xavfsizligini ta’minlash bo‘yicha alohida bataloni komandirining tarbiyaviy va mafkuraviy ishlar bo‘yicha o‘rinbosari, mayor O.Salimov bilan birgalikda harbiy xizmatchilarga O‘zbekiston Respublikasi Konstitutsiyasiga kiritilayotgan o‘zgartirish va qo‘shimchalarning mazmun-mohiyati hamda referendumga oid asosiy qoidalar to‘liq tushuntirildi. 📚 O‘tkazilgan tadbir natijasida Yangilanayotgan Konstitutsiyaga oid normalar bo‘yicha harbiy xizmatchilar o‘rtasida viktorina o‘tkazildi hamda faol harbiy xizmatchilar esdalik kitoblar bilan taqdirlanishdi.

#REFERENDUM2023 #targibot_poyezdi ✅ Qoraqalpog‘iston Respublikasida «Men befarq emasman» shiori ostida «Targ‘ibot poyezdi» loyihasi o‘z faoliyatini davom ettirmoqda. 🗓 Joriy yilning 4-aprel kuni «Targ‘ibot poyezdi» loyihasi a’zolari quyidagi manzillarga tashrif buyurishib, o‘zlarining tengdoshlariga Yangilanayotgan 🇺🇿O‘zbekiston Respublikasi Konstitutsiyasi🇺🇿 normalarining mazmun-mohiyatini tushuntirishdi: ✅ * Ajiniyoz nomidagi Nukus davlat pedagogika instituti; ✅* Qoraqalpog‘iston qishloq xo‘jaligi va agrotexnologiyalar instituti. 📚 O‘tkazilgan tadbir natijasida Yangilanayotgan Konstitutsiyaga oid normalar bo‘yicha talabalar o‘rtasida viktorina o‘tkazildi hamda faol talabalar kitoblar bilan taqdirlanishdi.

📌 Eslatma: 2023-yil 4-aprel kuni Qoraqalpogʻiston Respublikasiga tashrif buyurgan “Targʻibot poyezdi”ning keyingi manzili Toshkent davlat agrar universiteti Nukus filiali hamda Ajiniyoz nomidagi Nukus davlat pedogogik institutidir.