Bankers.uz - Банк тизими янгиликлари

🏦 Ўзсаноатқурилишбанк ва “UZCARD Ventures” ўртасида ҳамкорлик меморандуми имзоланди Меморандум янги стартапларни қўллаб-қувватлаш ва юқори технологияли лойиҳаларга сармоя жалб қилиш мақсадида имзоланди. Бу стартап лойиҳалар ташаббускорларининг молиявий ресурслардан фойдаланиш имкониятини оширади, банк ва венчур фондлардан малакали маслаҳат хизматлари олишига йўл очади. Батафсил: https://bankers.uz/news/1546 Telegram | Facebook | Instagram

🏦 Мадад Инвест банк "mybank" бренди остида хизмат кўрсатишни бошлайди "Мадад Инвест банк" АТБ акциядорлари банкнинг товар белгисини “mybank” номига ўзгартириш бўйича қарор қабул қилди. Шунингдек, йиғилишда банкни моддий ва технологик жиҳатдан янгилаш учун инвестиция киритишга ҳам қарор қилинган. Ребрендингдан сўнг банк рақамли хизмат кўрсатиш йўналишига урғу берган ҳолда нафақат чакана, балки юридик шахслар учун ҳам қулай масофавий тизимларни яратишни режа қилган. Батафсил: https://bankers.uz/news/1545 Telegram | Facebook | Instagram

🏦 Капиталбанк Германия Commerzbank'и билан стратегик ҳамкорлик тўғрисидаги меморандумни имзолади Германия-Ўзбекистон ишбилармонлар кенгашининг 8-йиғилиши доирасида Ўзбекистоннинг энг йирик хусусий банкларидан бири Капиталбанк ва Commerzbank ўртасида ҳамкорлик меморандуми имзоланди. Банклар нафақат молиявий маҳсулотларни ривожлантириш, балки қўшма тадбирлар ташкил этиш, ўзаро тажриба алмашиш борасида ҳам ҳамкорлик қилишни режалаштирган. Батафсил: https://bankers.uz/news/1544 Telegram | Facebook | Instagram

Имтиёзли кредит маблағлари талон-торож қилинган ҳолатлар маълум қилинди Прокуратура департаменти Жиззахда 110 минг АҚШ доллари, Қашқадарёда 323 млн сўм ва Фарғонада 132 млн сўмдан ортиқ имтиёзли кредит маблағларининг талон-торож қилинганлиги ва бошқа ҳолатларини маълум қилди. Мазкур ҳолатлар юзасидан ЖКнинг тегишли моддалари билан жиноят ишлари қўзғатилиб, тергов ҳаракатлари ўтказилмоқда. Батафсил: https://bankers.uz/news/1542 Telegram | Facebook | Instagram

🏦 Ўзсаноатқурилишбанк муассислигида "Молиявий технологиялар" компанияси ташкил этилади 2024 йилнинг 4 июнь куни Ўзсаноатқурилишбанк томонидан “Замонавий коммуникациялар” МЧЖ билан ҳамкорликда “Молиявий технологиялар” компаниясини ташкил қилиш бўйича меморандум имзоланди. Компания фаолияти банк тизимида IT соҳасини ривожлантиришга қаратилади. Батафсил: https://bankers.uz/news/1540 Telegram | Facebook | Instagram

🏦 Ипотека-банк аёл тадбиркорлар учун семинар ташкиллаштирмоқда 2024 йилнинг 12 июнь куни "Hilton Tashkent city" меҳмонхонасида “Аёллар тадбиркорлигида рақамлаштириш ва ривожланиш истиқболлари” мавзусида семинар бўлиб ўтади. Аёллар тадбиркорлигини қўллаб-қувватлаш мақсадида ўтказилаётган мазкур семинарда қуйидаги ҳавола орқали олдиндан рўйхатдан ўтиб, бепул иштирок этиш мумкин. Батафсил: https://bankers.uz/news/1539 Telegram | Facebook | Instagram

🏦 Ўзмиллийбанк бизнесни қўллаб-қувватлаш учун 100 млн евро миқдорида кредит линияси жалб қилмоқда Ўзмиллийбанк Европанинг йирик банклари — Standard Chartered Bank (Буюк Британия) ҳамда Landesbank Baden-Württemberg (LBBW, Германия) дан Кўп томонлама инвестицияларни кафолатлаш агентлиги (MIGA) суғурта қопламаси остида 100 млн евролик синдикатлаштирилган кредит линиясини жалб қилмоқда. Батафсил: https://bankers.uz/news/1538 Telegram | Facebook | Instagram

🏦 Биринчи халқаро ўйин ва анимация фестивалида VISA карталарни бепул очтириш мумкин — фото Тошкентда 3-4 июнь кунлари "Халқаро ўйин ва анимация фестивали" бўлиб ўтмоқда. Фестивалда Aloqabank стендига келиб, VISA карталарни бепул очиш мумкин. Фестиваль доирасида ўтказиладиган тадбирларда 5 мингдан ортиқ ёшларни қамраб олиш ҳамда фестивалнинг халқаро даражада ёритилиши кўзда тутилмоқда. Батафсил: https://bankers.uz/news/1537 Telegram | Facebook | Instagram

🏦 MKBANK курьерлик фаолияти билан шуғулланувчилар учун мақбул шартларда кредит ажратмоқда Замонавий касблар орасида анча оммалашиб қолган курьерлик йўналишда даромад топиш истагида бўлганлар учун MKBANK “Чаққон курьер” микроқарзини таклиф қилмоқда. Кредит 48 ойгача , йиллик 25 фоизлик ставкада, 17 млн сўмгача ажратилади. Кредит маблағлари эвазига велосипед, скутер ва бошқа етказиб бериш техникаларини сотиб олиш мумкин. ❗️Кредитни исталган шаклда (нақд ёки нақдсиз) расмийлаштириш имкони мавжуд. Батафсил

🏦 Bankers.uz интернет-нашри журналист қидирмоқда Номзодга қўйиладиган талаблар: — 5/7 иш режимида ишлай олиш (доимий алоқада бўлиш шарти билан); — банк-молия йўналишидаги ахборотлар билан ишлай олиш; — ўзбек тилида тўғри ва хатосиз ёзиш, бошқа тилларни билиш устунлик беради; — тадбирларни матнли ва видеорепортаж шаклида ёрита олиш қобилияти; — маъсулиятли, киришимли ҳамда ҳазил-мутойибага иммунитет бўлиши; — ОАВ ва медиа йўналишида иш тажрибаси бўлиши устунлик беради. Биз ходимга қуйидагиларни таклиф қиламиз: — шаҳар марказидаги офис; — ишлаш учун барча қулайликларга эга меҳнат шароити; — банк соҳаси бўйича қимматли билимлар; — қўшимча лойиҳаларда иштирок; Иш ҳақи миқдори ходимнинг салоҳияти ва қобилиятларига қараб белгиланади. Агар вакансия билан қизиқсангиз, унда ушбу формани тўлдиринг. Қўшимча саволларни @bankersuzgroup_akbarali аккаунтига юбориш мумкин.