کوراباز ادبی گونش📚

🔷🔷🔷 آج گلمیشم، آج گئدیرم دونیادان قسمتیمه دوُشن آزدان دویمادیم آری کیمی گولدن گوله دولاشدیم نه پاییزدان، نه ده یازدان دویمادیم واختسیز سولدو،تئز توکولدو خزللر جان یاندیردی، گوزباخیشلار،کوُز اللر سایماز یانا گلیب کئشدی گوُزللر نه عیشوه دن،نه ده نازدان دویمادیم نغمه لرنن اوُره ییمی آلدیلار شیرین-شیرین خیاللارا دالدیلار مین بیر یئرده،مین بیر هاوا چالدیلار نه آشیقدان ،نه ده سازدان دویمادیم ✍ زلیمخان یعقوب 🕊 📚 @kurabazag #کوراباز_ادبی_گونش ✍

▪️▪️▪️ ماه محرم اولدو شفقدن چیخیب هلال قیلمیش عزا تؤکوب قد خم بیرله اشک آل اولاد مصطفایه مدد قیلمامیش فرات کئچیرمه سینمی یئرلره آنی بو انفعال؟ چوخدور حکایت اَلَمِ شاه کربلا البته چوخ حکایت اولور موجب ملال قصد ائیله سن غم شهدا شرحین ائتمگه هر سبزه کربلاده آچیبدیر زبان حال تجدید ماتم شهدا قیلدی روزگار زار آغلا ای کؤنول بوگون اولدوقجا احتمال میدان چرخی جلوه گه دود آه قیل گردون دونه کسوت ماتم سیاه قیل ماه محرم اولدو مسرت حرام دیر ماتم بوگون شریعته بیر احترام دیر تجدید ماتم شهده نفعسیز دئییل غفلتسرای دهرده تنبیه عام دیر غوغای کربلا خبرین سهل سانما کیم نقص وفای دهره دلیل تمام دیر هر ذره اشک کیم تؤکولور ذکر آل ایله سیاره سپهر علو مقام دیر هر مد آه کیم چکیلیر اهل بیت اوچون مفتاح باب روضه ی دارالسلام دیر شاد اولماسین بو واقعه دن شاد اولان کؤنول بیر دم بلا و غصه دن آزاد اولان کؤنول تدبیر قتل آل عبا قیلدین ای فلک فکر غلط خیال خطا قیلدین ای فلک برق سحاب حادثه دن تیغلر چکیب بیر بیر حواله شهدا قیلدین ای فلک عصمت حرمسراسینا حرمت روا ایکن پامال خصم بی سر و پا قیلدین ای فلک صحرای کربلادن اولان تشنه لبلره ریگ روان و سئیل بلا قیلدین ای فلک تخفیف قدر شرعدن اندیشه قیلمادین اولاد مصطفایه جفا قیلدین ای فلک بیر رحم قیلمادین جگری قان اولانلارا غربتده روزگاری پریشان اولانلارا باسدیقدا کربلایه قدم شاه کربلا اولدو نشان تیر ستم شاه کربلا دود دل پر آتش اهل نظاره دن ایتمیشدی پرده دار حرم حرم شاه کربلا اولدوقجا عؤمرو راحت دل گؤرمه ییب دمی اولموش همیشه همدم غم شاه کربلا اعدا مقابلینده چکنده صف سپاه قیلمیشدی مد آهی علم شاه کربلا یا شاه کربلا نه روا بونجا غم سنه درد دمادم و الم دم به دم سنه ای درد پرور الم کربلا حسین وی کربلا بلالرینه مبتلا حسین غم پاره پاره باغرینی یاندیردی داغ ایله ای لاله ی حدیقه ی آل عبا حسین تیغ جفا ایله بدنین اولدو چاک چاک ای بوستان سبزه ی تیغ جفا حسین یاخدی وجودونو غم ظلمت سرای دهر ای شمع بزم بارگه کبریا حسین دور فلک ایچیردی سنه کاسه کاسه قان ای تشنه حرارت برق بلا حسین یاد ائت فضولی آل عبا حالین ائیله آه کیم برق آه ایله یاخیلیر خرمن گوناه. #حکیم_فضولی 🕊 📚 @kurabazag #کوراباز_ادبی_گونش ✍

🔷🔷🔷 دونیا سنده نلر گؤردوم عُمّان گلدی عمان گئتدی یوز مین غمیم یوز مین دردیم پنهان گلدی پنهان گئتدی اوخومامیش ناغیل لاری عذاب چکیب اوغول لاری چوخ باشلارین عاغیل لاری سامان گلدی سامان گئتدی گؤزلریم حاق چیراغیندا معنالارین سوراغیندا اثرلرین قوجاغیندا زامان گلدی زامان گئتدی ای آزافلی آچما سیرری گئدن گئتدی باخما گئری یارانمیشین یوزدن بیری آدام گلدی آدام گئتدی میکاییل آزافلی 🕊 📚 @kurabazag #کوراباز_ادبی_گونش ✍

قوشالاشدیریب یارادان هئچ نه یی تک یاراتماییب چمنی بولاغ لا قوشالاشدیریب ایلهامی شعرله اوره یی سوُزله نغمه نی دوداق لا قوشالاشدیریب یئرلشمیر اوتاغا سیغیشمیر ائوه باخیرسان ساچلاری قاپ قارا شوه بابانین یانیندا داریخمیر نوه قوجانی اوشاقلا قوشالاشدیریب دونیانین حسابی یازیلمالییمیش سئوینجی عذابی یازیلمالییمیش تاریخین کیتابی یازیلمالییمیش قلمی واراقلا قوشالاشدیریب حیاتا جان وئریب قلبین سسلری دونیا اونوتماییب دویان کسلری اوره ک ده یاشایان مقدسلری آلیشان اوجاقلا قوشالاشدیریب زلیمخان یوردوندو بو دوغما دیار بوردا بئشیینده مزارین دا وار طبیعت اوُزودور بویوک صنعتکار انسانی تورپاقلا قوشالاشدیریب زلیمخان یعقوب 🕊 📚 @kurabazag #کوراباز_ادبی_گونش ✍

قُلْ لِلَّذِي هو مُثقَلُ من هَمِّهِ هون‌عليكَ فَإِنَّ رَبِّكَ يَعْرِفُ ـ غم یوکلری بویونلارینا آغیرلیق ائدنلره دئین : راحات اولون کی تانری سیزین حالی نیزی بیلیر 🕊 📚 @kurabazag #کوراباز_ادبی_گونش ✍

« تدبیرلی قادین » دئییرلر : شاه عاباس_ین ناخیرچی قیزینا گؤزو دوشور . ائلچی گؤنده ریر . قیز ائلچیلری دالی قایتاریر . دئییر : _ شاه اولاندا نه اولار . الینده بیر صنعتی ، پئشه سی یوخدور . بلکه صاباح شاهلیق قوشون اوچورتدولار اونون باشینا قونمادی . ائله آجیندان اؤله جک ؟ او گوندن شاه باشلاییر کئچه چی یانیندا شاگیردلیک ائله ییر . کئچه توخوماغی اؤگرنیر . سونرا بیر کئچه توخویوب ناخیرچی قیزینا پای گؤنده ریر . بوندان سونرا ناخیرچی قیزی راضیلیق وئریر . گون گئچیر ، آی دولانیر شاه پالتارینی دئیشیب ولایتی گزیر . یول اوستو بیر آشخانایا دؤنور گؤرسون جماعته نئجه باخیرلار . دئمه اورانین آدی آشخانا ایمیش آمما قولدورلارین ، باش کسنلرین یوواسی ایمیش . قاپیدان گیرن مشتری نین ، آیاغی نین آلتیندان تاختانی چکیب اونو زئرزمییه سالیب ، وار _ یوخون آلیب اؤزونوده اؤلدورورموشلر . بو احوالات شاهین دا باشینا گلیر . شاه آشخانایا گیرن کیمی تاختانی چکیب گومبولتوینان زئرزمییه دوشور . سویقونچولار نه_یی وار الیندن آلیرلار . ایسته ییرلر اؤلدورسونلر کی شاه دئییر : _ ال ساخلایین . چوخ پول لازیم دیر پولو من وئره رم . من چوخ یاخشی کئچه توخویورام . توخودوغوم کئچه لری شاهین خانیمی باها قیمته آلیر . منه یون وئرین ، دزگاه وئرین نه قده ر ایسته نیز کئچه توخویوم آپارین ساتین الیز پولونان اویناسین . بودا منیم خئیریم . قولدورلار بیر یئره _ بیرده گؤیه باخیب راضیلاشیرلار . شاه بیر کئچه توخویور . قولدورلار آپاریب شاهین خانیمینا ساتیرلار . شاهین خانیمی کئچه نی ناخیشیندان تانیییر . دئییر : _ وارسا بیرینده گتیرین . شاه گؤرور ایشی باش توتوب . بو دفعه توخودوغو کئچه نین ناخیشلاریندا هاردا اولدوغون بیلدیریر . کئچه نی آپاریب ساتیرلار . شاه_ین خانیمی تدبیرلی ایمیش . آشخانایا قوشون گؤنده ریر . شاهی دا ، اوردا کی گوناهسیزلاری دا آزاد ائله ییرلر . سویقونچولاری ، قولدورلاری شاه دار آغاجیندان آسدیریر . جماعت آرخایین عؤمور سورور. 🕊 📚 @kurabazag #کوراباز_ادبی_گونش ✍

آه حسینیم وای حسینیم 🔷🔷🔷 تورک قادینی 🕊 📚 @kurabazag #کوراباز_ادبی_گونش ✍

سن حسینه آغلادؽب،پول یؽغمادؽن ظن ائتمه‌آز اۏلسا انصافؽن اگر ،بئش بئیتیده شانینده یاز! باخ علی زهرا اؤلنده ائوله‌نیب اوچ گۆن سورا تن یارؽم طبلیله خالقؽن بئینینی گل آزجا قاز! کیم دئییر من سئومیرم تاریخده یاد اۏلسون حسین ظلمه عصیان ائیله قارداش،کؤکلمه میداندا جاز کارناوالدان باشقا بیر آد من نئجه الصاق ائدیم اۏخشامؽر تعزیته،سن چالدؽغؽن والله بو ساز بیر الینده وار قمن ،باشقا الین گؤیده گزیر گؤزلرین اطرافیده،هئی آختارؽر بیر نازلؽ−ناز بو سایاق درمان ائدیب،کیم مللتین آلامینه آغلاماقلا کیم اۏلوب، تاریخیده، تاریخساز ✍خلیل گۆن اۏغلو 🕊 📚 @kurabazag #کوراباز_ادبی_گونش ✍

🔷🔷🔷 ملک لر حسرتین چکمیش عجب پیمان مصفادیر سلوک و سیر عرفاندا سو عشقینده محیادیر سوسوز لیقدان یانان لبلر دانیشدی آسمان وصلین فراتین قانلی باغریندا سووا چاتماقدا رویادیر یازاندا تاریخین اسلام مرکب قاندی میداندا باش اییمزظلمه انسان کی کئچیلمیش جاندی میداندا شهامت مظهری زینب دانیشدی حال عاشیقدن دئدی من سیررنی بیلدیم گوزل پنهاندی میداندا حسینین مکتبی والا نمازی  پایه دیر دینده شهادت عنوانی زیبا نشان و آیه دیر دینده قلمده اولماز او قدرت روبابین احوالین یازسین سپاه و سرور عالم اینان شش ماهه دیر دینده ✍ساچلی 🕊 📚 @kurabazag #کوراباز_ادبی_گونش ✍

مهِ شبگرد اگر گؤرسه اونون خورشید رخسارین کمند ائیلر اونو صید ائتمک اوچون ، هاله زُنّارین دئییرلر دردمند اولان بیلر همدردینین حالین یئتیشمز خسته‌لر حالینا نئیچون چشم بیمارین؟ نئجه محو اولماسین آدم ، اونون سئیرانینی گؤرجک که جئیران اونودوبدور وحشتین گؤردوگجه رفتارین نه لایقدیر که عشق اهلی قیلا قان ایچدیگین ظاهر؟ نئچون بلبل یاشیرماز ائل گؤزوندن قانلی منقارین ؟ سپهر سنگدل ایچره من اول فرهادِ تردستم که آب تیشه‌دن کان زمّرد قیلدی کُهسارین مگر اول آفتاب ایلن شفق‌گون مئی ایچر " صائب" ؟ که سرخوش تک چکر یئر اوزره هر گون صبح ، دستارین ... سؤز : #صائب‌تبریزی 🕊 📚 @kurabazag #کوراباز_ادبی_گونش ✍