Sirdaryo.uz

ДХХ кубогининг вилоят босқичига қуръа ташланди Гулистон шаҳридаги «Билимдонлар масканида» “Соғлом ёшлар – Янги Ўзбекистон келажаги” шиори остида маҳалла ёшлари ўртасида ўтказилаётган футбол ва мини футбол бўйича Давлат хавфсизлик хизмати кубоги мусобақасининг вилоят босқичига қуръа ташлаш маросими бўлиб ўтди. (Қуръа натижалари юқоридаги жадвалда) Унда сектор раҳбарлари, ушбу босқичгача етиб келган жамоаларнинг вакиллари ҳамда кенг жамоатчилик иштирок этди. Қайд этиш керак, жорий йилнинг апрель-май ойларида бўлиб ўтган 1–босқич мусобақаларида 11 та туман ва шаҳар кесимида 239 та маҳалладан 522 та жамоа шакллантирилиб, уларда 6 654 нафар ёшлар иштирок этди. Босқич доирасида ўтказилган ўйинларни 15 мингдан ортиқ мухлислар томоша қилди. 2–босқичда (июнь-июль ойлари) вилоятимиз бўйича 396 нафардан ортиқ ёшлардан шакллантирилган 33 та жамоа ўртасида саралаш мусобақалари ўтказилади ва унинг ғолиблари республика босқичига йўлланмани қўлга киритади. Тадбир турли куй-қўшиқлар ҳамда ажойиб шоу дастурлар билан давом этди. Telegram | Facebook | Instagram

#Live «Билимдонлар масканида» юқори атмосфера Айни пайтда бу ерда футбол ва мини футбол бўйича ДХХ кубогининг вилоят босқичига қуръа ташлаш марлсими ва "Ёшлар ойлиги" доирасида катта гала-концерт бўлиб ўтмоқда. 🔴 ПРЕСС-ПУЛ - каналга обуна бўлинг!

Хабар берилганидек, бугун вилоят ҳокими Акмалжон Махмудалиев Гулистон шаҳар ҳокимлиги катта мажлислар залида навбатдаги қабулини ўтказди. Унда барча шаҳар ва туманларидан келган 18 нафар жисмоний ва 11 нафар юридик шахсларнинг электр энергияси, ички йўлларни таъмирлаш, кадастр, муҳандислик тармоқлари, даволаниш, ишга жойлашиш, солиқ имтиёзлари, кредит, субсидия, моддий ёрдам, суд-ҳуқуқ ва бошқа масалаларга оид мурожаат, таклиф ва мулоҳазалари бирма-бир тингланди. Мурожаатларнинг аксарияти шу ернинг ўзида ҳал этилди. Қўшимча ўрганиш учун муддат ва маблағ талаб этадиган масалалар бўйича масъуллар белгиланиб, ижроси назоратга олинди. Айрим мурожаатлар юзасидан ҳуқуқий тушунтиришлар берилди. Telegram | Facebook | Instagram

Чегара қўшинлари ҳарбий хизматчилари учун хизмат уйлари топширилди Ховос туманида Чегара қўшинлари ҳарбий хизматчилари учун янги қуриб битказилган 3 қаватли 27 хонадонга мўлжалланган хизмат уйларини ўз эгаларига топшириш маросими бўлиб ўтди. Тадбирда вилоят ҳокими, ҳарбий-маъмурий сектор раҳбари Акмалжон Махмудалиев, ҳуқуқ-тартибот идоралари раҳбарлари, ҳарбий хизматчилар, жамоатчилик вакиллари иштирок этдилар. Акмалжон Махмудалиев янги хонадонларнинг калитини топширар экан, давлатимиз раҳбари томонидан ҳарбий-маъмурий секторларга белгилаб берилган вазифалар ижроси доирасида барпо этилган бу янги уйлар ҳарбийларимизнинг руҳини кўтариб, кучига куч қўшишини, ўз хизмат вазифаларини хотиржам, кўнгиллари тўқ бўлиб бажаришларига, янада садоқат ва ватанпарварлик ҳисси билан жонажон Ватанимиз сарҳадларини қўриқлашларида муҳим омил бўлишини таъкидлади. Рамзий тасма қирқилиб, меҳмонлар янги уй эгалари хонадонида бир пиёла чой устида дилдан суҳбат қуришди. Telegram | Facebook | Instagram

Йўлларда ётиқ чизиқлар чизилиб, эскирганлари янгиланмоқда. Telegram | Facebook | Instagram

Сирдарёлик ёшлар диққатига! Барчангизни бугун вилоят мусиқали драма театри майдонида бўлиб ўтадиган "Ёшлар гала концерти"га таклиф этамиз. Концерт олдидан маҳалла ёшлари ўртасида футбол ва мини футбол бўйича Давлат хавфсизлик хизмати кубоги баҳсларининг вилоят босқичига қуръа ташлаш маросими ўтказилади. Гала-концертда вилоятимизнинг таниқли санъаткорлари, шунингдек, Дилшодбек Каттабеков ҳамда DJ Umar иштирок этади. Бошланиш вақти: соат 19:00. Telegram | Facebook | Instagram

Президент Шавкат Мирзиёев “Муборак Қурбон ҳайитини нишонлаш тўғрисида”ги қарорни имзолади. Қарорга кўра, 2024 йилда Қурбон ҳайитининг биринчи куни 16 июнь – якшанбага тўғри келиши муносабати билан юртимизда 16 июнь Қурбон ҳайити байрами сифатида нишонланади. Қурбон ҳайитининг биринчи куни дам олиш кунига тўғри келиши муносабати билан ушбу дам олиш куни 17 июнь – душанба кунига кўчирилади, 18 июнь – сешанба куни барча ходимлар учун қўшимча дам олиш куни бўлади. Маҳаллий давлат ҳокимияти органлари, масъул вазирлик ва идораларга муборак Қурбон ҳайитини халқимизнинг миллий анъана ва урф-одатларига уйғун ҳолда ўтказиш учун тегишли чора-тадбирларни амалга ошириш, юртдошларимиз учун муборак Қурбон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратиш топширилди. Telegram | Facebook | Instagram

Диққат эълон! Эртага, 11 июнь куни соат 10:00 да Гулистон шаҳар ҳокимлиги катта мажлислар залида вилоят ҳокими Акмалжон Махмудалиев тадбиркорлар учун қабул ўтказади. 📍Геолокация Telegram | Facebook | Instagram

Хитойнинг Баодин шаҳри билан камбағалликни қисқартириш соҳасида ҳамкорлик ўрнатилади Вилоят ҳокими Акмалжон Махмудалиев Хитойнинг Хэбэй провинцияси Баодин шаҳар Цзинсю тумани партия қўмитаси котиби Цзя Жуйшэн бошчилигидаги делегацияни қабул қилди. Суҳбатда давлат раҳбарларининг саъй-ҳаракати билан кейинги йилларда Ўзбекистон-Хитой ўртасида барча соҳаларда алоқалар мустаҳкамланиб бораётгани алоҳида мамнуният билан қайд этилди. “Бир макон, бир йўл” ташаббуси доирасида тез фурсатда қурилиши кутилаётган “Хитой – Қирғизистон - Ўзбекистон” темир йўли юзасидан ҳам фикр алмашилди. Акмалжон Махмудалиев Цзинсю туманининг камбағалликни қисқартириш соҳасидаги тажрибасини ўрганишдан манфаатдор эканини айтди ва Сирдарёда илк бор жорий қилиниб, бутун республикада оммалаштирилаётган "Сайхунобод тажрибаси" хусусида тўхталди. Маданий ҳамкорликни фаоллаштириш, ўзаро маданият кунларини ўтказиш таклиф қилинди. Ишонч, очиқлик ва дўстлик руҳида ўтган учрашувда, шунингдек, стратегик шерикликни мазмун жиҳатидан бойитишга қаратилган қатор янги лойиҳалар, хусусан, вилоятда мультимодал логистика марказини қуриш, "ZXAUTO" бренди остида автомобил ишлаб чиқаришни йўлга қўйиш масаласи муҳокама этилди. Музокара якунида илгари сурилган ташаббусларни амалга ошириш мақсадида томонлар ҳукуматлараро ишчи гуруҳ тузиш ва биргаликда иш ташкил қилиш бўйича келишиб олди. Telegram | Facebook | Instagram

«Сирдарё» ИЭСда иш жараёнлари ва самарадорликни ошириш бўйича кўрилаётган чора-тадбирлар Telegram | Facebook | Instagram