"ИСТЕЪДОД" АДАБИЙ-БАДИИЙ, ИЖТИМОИЙ САҲИФА

*** Ташна эпкинларнинг чанқоғи қонмас... Олов пуркар қуёш Орол бағрига. Сароб тўлқинларни қондира олмас... Кемалар кўмилар тузлоқ бағрига. Барҳанлар устида эмаклар қуюн, Сиртилар саксовул чакмони кунда. Сарғайган қамишнинг вақт ўтган сайин Минглаб болалари жон берар қумда... Муҳиддин ОМАД @isted01👈👈👈 sahifamiz siz uchun!

ТОМ ТОҒА(М)НИНГ КУЛБАСИ О, Том! Менинг қадрдон тоғам, Наҳот сени шунча эзди бу қисмат. Айбинг қоралигинг бўлдими ва ё Садоқатинг сабаб чекдингми заҳмат? Тунлар оромим йўқ, хаёл қочади Кентуккидан токи Канада сари. Қуллик тугунини ким ҳам ечади? Ишон, юз бермагай бундан баттари. Сени Негр дея хўрлашди чунон, Худди матоҳдайин сотишди такрор. Савалаб ўлдирди шерикларингни, Бироқ айбларига бўлмади иқрор. Том! Тоғажоним! Кулбанг ҳам ўша, У эски жойида турибди — бадбахт. Куйинма дунёда ҳаммамиз қулмиз, Аслзодаларда на шахт бор на аҳд. Жаноб Том! Озодлик истовчи негр, Ҳар инсон дунёга қул бўлиб келар. Сен кимдан озодлик истаяпсан — Том? Аслзодалар ҳам қулликда ўлар! Том тоға! Сенга бир ҳақиқат айтай, Озодлик дегани — қуллик дегани Ва ё қуллик эмаскан билгин — Аслзодаларга қуллуқ дегани. Том тоға! Гавдаси киртайган негр, Сен учун эрк Ева — кичик хониминг. Қора танлилардан хазар қилганлар Нимаси кулгили “Негр” номининг? Қуллик қайдан келди сенинг дунёнгга? У дунёдан эмас, унда қуллик йўқ. Фиръавндан, балки, Цезардан мерос, Балки, Клеопатра яратгандир! Ўҳ-ҳ! Энди англагандек бўлдим, азизим, Бунда айблама ҳеч бир кимсани. Ватандошларинг бор бир-биридан оқ, Оппоқ сўз замири Негр дегани... Том тоға! Азизим, Мана, ниҳоят — Озодликка қолди саноқли кунлар. Ишон, онт ичаман, Аллоҳим ҳаққи, Олисдан кўринди оппоқ учқунлар. Том тоға! Йиғлама ётибсан, демак, Ҳеч замон қулликдан йиқилмадинг сен. Сониялар қолди бошланар эртак, У эртак — озодлик билан теппа-тенг. Руҳинг таскин топсин абадиятда! Қуллик йўқолади асрлар оша. Римда шер инсонни ғажиганидай Қуллик негрларга бўлар томоша. Бундай қисматлардан йиғламайман. Йўқ — Баъзан ор қиламан оппоқ танимдан. Йиғлолмаганимдек дардимни тўкиб, Ойнага термилиб аччиқ куламан. Ҳар замон қонуни бўлакча экан, Шоҳлик... Қироллик... Амир оғаларга. Кўксимга қадалар улкан бир тикан, Раҳмим келиб кетар Том тоғаларга . Ниҳоят йўқолди қуллик балоси, Бугун орамизда ўзгача тадбир. Қуллик — янгича ном — одам савдоси. Таҳқир... таҳқир бўлди ва яна таҳқир. Интиҳо топажак бари бир маҳал, Ўчади қуллигу савдонинг саси. Лек булар якунин топгунга қадар Қурийди Томларнинг қанча кулбаси!. ✍️ Шавкат Одилжон @isted01 👈👈👈 sahifamiz siz uchun!

*** Бошим узра сокин бир уммон Юлдузларин тақдим этади. Ойни йўллаб тунда мен томон Йўлларимга ёғду тутади. Бошим узра сокин бир уммон Қуёш билан кунда сийлайди. Бўлсам-да бир ўткинчи меҳмон Мен ҳақимда тун-кун ўйлайди. Қор, ёмғирин сепар ёзу қиш, Йўлларимда гул, майса ўнар. Кенг бағрида яйраб учган қуш, Кунда келиб ёнимга қўнар. Бошим узра ястанган уммон Етказади бир кун васлимга. Мени кунда сийлаган осмон, Қайтишимни кутар аслимга.    Муҳиддин ОМАД @isted01 👈👈👈 sahifamiz siz uchun!

Станислав КОЛМАКОВ,                украин шоири. ТАНДИРНОН Ўзбегимнинг нони, яъни тандирнон, Мўъжизалар ичра мўъжиза, аъло! Ушоғин ҳам ерга туширмай асло Оғзимга соламан, ширин, қадрдон! Шунчалар ширинки, юмшоқ, хушбўй ис, Тишласанг, оғзингда эриб кетар, бас. Уни табаррук деб айтишмас бежиз, Неъматлар ичра ҳам ўрни муқаддас. Ҳеч ким пичоқ тиқиб озор бермайди, Тишлаб ҳам узмаслар ундан бир бўлак. Авайлаб ушатар, меҳмон ҳурмати, Меҳмон ҳам қўшқўллаб тутмоғи керак. Жон каби юмшоқдир ноннинг теграси, Ўртаси кисирлаб синади осон. Энг бахтли инсон бу - нони бор киши, Нонсиз тириклик йўқ, нон зарурдир, нон! Дастурхонга аввал нон қўйилади, Сўнгра чой, сўнг қанд-қурс, мураббо, асал. Нон ҳақи-ла ҳатто онд ичилади, У - шунчалар улуғ, муқаддас азал... Нонни қўлга олиб жим қолдим беун, Бўйсуниб ўзбаки урф-одатларга. Шу азиз неъматга етказгани-чун, Шукурлар айтаман Парвардигорга! Рус тилидан Музаффар АҲМАД таржимаси @isted01 👈👈👈 sahifamiz siz uchun!

#Adabiy_gurungdan_esdalik O‘zbekiston yozuvchilar uyushmasi a’zosi, shoir Husniddin Hayit yosh ijodkorlar Quddus Asad va Yorqinjon Hayitboyev bilan birga... @isted01

     Анна АҲМАТОВА Азиз йўлчим, олиссан бугун, Гаплашяпман сен билан лекин. Шамларини ёққанча гардун Ғарб ёлқинин кузатди секин. Азиз йўлчим, сен ўнгга тезроқ Қарат ёруғ юзингни, зеро: Унда яшар айёр, бодқовоқ Ҳукмдорим менинг аждарҳо. Унинг ғори эркка тош тўсиқ, На шафқат бор ва на қонун бор. Айтмасин деб мени ҳеч қўшиқ, Қамчин билан дўқ қилар девор. Ва қанотли маҳлуқ қутуриб, Шукронага мени ўргатар: Кулмасин деб қаҳқаҳа уриб, Бўлсин дея сипо-ю камтар. Азиз йўлчим, элт йўллар оша Сўзларимни олис шаҳарга, - Мен кимни деб яшасам, ўша Тинглаб туриб ботсин ғамларга.     1921 й. Рус тилидан Абдулла ШЕР таржимаси. @isted01 👈👈👈 sahifamiz siz uchun!

*** Лабимдан артади муслима шамол, Ошиқ ёмғирларнинг ширин бўсасин. Мен эса тинглайман олма ҳидидан Анқиган севгининг қадим қиссасин. Қачондир ишқ эдим нур бўлиб оққан, Дарахтнинг ёдида, гулнинг ёдида. Нега яшамадим, яшай олмадим, Мажнун наъраси-ю, Фарҳод додида. Фурсат ўтиб кетди бир йўловчидек, Йўлин тўсолмади ҳаёту ўлим. Менга алам қилар, эсиз чириди Хазонлар остида олмадек кўнглим. Ҳалима АҲМЕДОВА @isted01 👈👈👈 sahifamiz siz uchun!

НУРКЎНГИЛКИТОБ Хаёлларнинг маҳсули – ғоя, сатрларга кўчирар барин ва ёғилиб турса иноят, сўйлайверар ақл минбари. Гоҳ қониқмай маъно, мазмундан, ўрганилиб энг зарур пайтда ва ечилиб фикрий тугунлар, ўйёзмада ишланар қайта. Ва битикни қилиб берар чоп, энг сифатли дил – босмахона, яратилиб нуркўнгилкитоб, файз бағишлар бу кенг жаҳона. Таҳрирларда қанчадан бери – юргиздириб ҳис нашриётин, ва умрбод сўзга дил бериб, яшаб ўтар шоир ҳаётин. (16.05.2021) ©Ҳусниддин ҲАЙИТ @isted01 👈👈👈 sahifamiz siz uchun!