Qisqa satrlar

Musibatimiz shundaki; Turmush quramiz, sevmaymiz. Farzand ko‘paytiramiz, tarbiya bermaymiz. Bino quramiz, taʼlim bermaymiz. Namoz o‘qiymiz, taqvo qilmaymiz. Ishlaymiz, mukammal amalga oshirmaymiz. Gapiramiz, rost so‘zlamaymiz. Jubron Xalil Jubron 👉 Qisqa satrlar

Ramazonning oxirgi kunlariga oid tavsiyalar: Birinchi: Oxirgi o‘n kunlikning har bir kechasida bir (ming) so‘mdan bo‘lsa ham sadaqa qil, agar sadaqang Qadr kechasiga to‘g‘ri kelib qolsa, 84 yil davomida har kuni sadaqa qilgan bo‘lasan. Ikkinchi: Ramazonning oxirgi o‘n kunidagi tunlarda ikki rakʼat bo‘lsa ham tahajjud namozi o‘qib ol, agar namozing Qadr kechasiga to‘g‘ri kelib qolsa, 84 yil davomida har kecha tahajjud o‘qigan bo‘lasan. Uchinchi: Ramazonning oxirgi o‘n kunida har kecha uch martadan ixlos surasini o‘qib qo‘y, agar tilovating Qadr kechasiga to‘g‘ri kelib qolsa, 84 yil davomida har kecha Qurʼonni tilovat qilgan bo‘lasan. Allohim barchamizni ana shu maydonda g‘alaba qozonuvchilardan qilsin! "Ramazon hikmatlari" kitobidan. 👉 Qisqa satrlar

Birovga yaxshilik qilgan bo‘lsang, yaxshiligingni aytib, uni uyaltirib kamsitma. Birovga ichirgan va yedirganingni minnat qilib, zaharga aylantirma! Evaziga narsa kutib qilingan yaxshilik xisoblanmaydi, balki u oddiy oldi-berdidan iborat, xolos... Muruvvat maydonining shahsuvori bo‘lay desang, g‘araz bilan ish qilib, evaziga birovdan foyda olishni o‘ylama! 👉 Qisqa satrlar

Odamlar hammadan koʻproq nimadan qoʻrqadilar? Bir yangi ishga jazm qilishdan, bir yangi soʻz aytishdan hammadan koʻra koʻproq qoʻrqadilar... Dostoyevskiy, “Jinoyat va jazo” 👉 Qisqa satrlar

Daholikning xususiyati shundaki, u hammaga o'xshaydi va lekin hech kim unga o'xshamaydi. Onore de Balzak 👉 Qisqa satrlar

Bizda xotinlarni so‘kish faxr, urib mayib qilishni erkakchilikning fazilati deb bilamiz. Olloh ayolni faqat shahvoniy orzularimiz va hayvoniy ehtiroslarimizni bosish uchun yaratgan deb o‘ylaymiz. Baxtsizligimiz va qoloqligimizning eng muhim sabablari ham shundadir. Abdurauf Fitrat 👉 Qisqa satrlar

Aytishlaricha, bir kuni uzoq shaharlardan birida bankda o'g'irlik sodir bo'ladi. O'g'rilar bankka kirib kelaverishda qichqiradilar: "Hech kim qimirlamasin, pullar bankka, hayotingiz esa o'zingizga tegishli". Shunda barcha indamasdan yerga yotibdi. Bu – so'zning qanday ahamiyatga ega ekanligiga misol. Bitta ayol ataylab, yerga emas stolga yotibdi. Shunda o'g'rilar aytishibdi: "Bu o'g'rilik, zo'rlash emas. O'zingni normal tut". Bu - professional o'zini qanday tutishi kerakligiga misol. Faqat maqsadga e'tiborni qaratgan holda. Ular bankdan chiqishgach, endigina maktabni tugatgan va o'g'rilar ichida eng kichik bo'lgani eng yoshi ulug' boshchisidan so'rabdi: "Keling sardor, o'marganimizni sanab ko'ramiz, qancha ekan?". Sardorning esa jahli chiqibdi va aytibdi: "Esing joyidami, bu yerda juda ko'p pul bor, ularni sanab chiqolmaymiz. Yaxshisi, ertaga xabarlarda qancha o'marilgani haqida e'lon qilishlarini kutamiz". Bu ‐ hayotiy muhim tajriba deyiladi. Ertasi kuni bank rahbari buxgalterni chaqirib, politsiyaga pul summasi haqida hisobot berish kerakligini aytibdi. "Shoshmang boshliq, keling, bu summaga biz shu paytgacha o'marib kelgan $10 mln dollarni ham qo'shamiz va uni ham qo'shib o'g'irlashdi deb aytamiz..". Bu ‐ har qanday imkoniyatdan foydalanish deyiladi. Ertasi kuni xabarlarda bankdan $60 mln dollar o'marilgani haqida e'lon qilishibdi. O'g'rilar pulni qayta sanab ko'rishganda, u atigi $20 mln dollar chiqibdi. Shunda ular xitob qilib yuborishadi: "Biz shuncha hayotimizni xatarga qo'yib, atigi 20 mln dollar o'marishga erishdik. Bu paytda bank rahbariyati ko'z yummasdan 40 mln dollar o'maribdi. Yaxshisi bundan keyin sistema qanday ishlashini o'rganamiz, bu oddiy o'g'ri bo'lishdan ko'ra yaxshiroq ekan" deyishibdi ular. Bu – bilimning kuchi deyiladi. 👉 Qisqa satrlar

Habib ibn Abu Sobitdan rivoyat qilinadi: «Bir odam gapirganda, bir kishiga qarab olmasdan, hammaga qarab gapirishini yaxshi ko‘rishar edi». Sharh: Sahobai kiromning odati shunday ekanki, ko‘pchilikning ichida gapirgan kishi bir kishiga qarab olib gapirmas, balki hammaga bir xil qarab gapirar ekan. Sahobalar ana shuni xush ko‘rar ekanlar. Islomda ko‘pchilik oldida nutq so‘zlashning odoblari ana shuni taqozo qilar ekan. "Odoblar xazinasi" kitobidan 👉 Qisqa satrlar

Rasululloh sollallohu alayhi vasallam: «Kim ro‘zador holida unutib yeb qo‘ysa, ro‘zasini oxiriga yetkazsin. Uni Alloh yedirib-ichiribdi, xolos”, dedilar. Imom Buxoriy rivoyat qilgan. 👉 Qisqa satrlar

Qabul bo‘lgan ro‘za Alloh uchun ixlos va iymon samarasi bo‘lmish qabul qilingan ro‘zaning alomati – ro‘zador tilini yolg‘on va befoyda narsalardan hamda qo‘lini ozor beruvchi narsalardan tiyishi, tana aʼzolarining barchasini gunoh va maʼsiyatdan tiyishi, Alloh g‘azab qiladigan har qanday zohiriy va botiniy narsalardan tiyilishi, yomonlikni yaxshilik bilan bartaraf qilishi, agar biror kishi johillik qilsa yoki so‘ksa, yoki janjallashsa, tili yoki qalbida: «Men ro‘zadorman”, deb aytishidir. Mana shu bilan inson yutuqqa erishadi, shundagina uning tutgan ro‘zasi to‘siq va himoya bo‘ladi. Ulamolar suhbatidan 👉 Qisqa satrlar

Ket, mening poyimga bog‘langan soya, Ket, orsiz tabassum muhrlangan yuz, Ket, fisqu fasodlar tug‘dirgich doya, Nechun buncha zulm ko‘ngilga hargiz! Muhabbat mayiga tutilgan kosa Qattol bir qahrga, axir, to‘lmoqda. Ket, fitna, hasadning makkor soqiysi! Balki manzillarim yaqin kelmoqda… Ketgil… Ko‘zlarimni to‘ldirsin olam, Yulduzlar bo‘ylasin tungi chog‘larda. Osoyishta boqay tegramga men ham, Bulbul yuragimni bermay zog‘larga. Balki zaifman men… yetmaydi qurbim Do‘stu g‘animimni sevmoqqa birdek… Nodira Afoqova 👉 Qisqa satrlar

Alloh taolo odil davlatni qo‘llaydi, garchi kofir bo‘lsa ham. Zolim davlatni qo‘llamaydi, garchi musulmon bo‘lsa ham. Ibn Taymiyya rahimahulloh 👉 Qisqa satrlar

Dangasa millatlar odatda manman bo‘lishadi. Monteskyo, fransuz yozuvchisi 👉 Qisqa satrlar

Oldinlari urush sababidan qurol-yarog‘ yasalardi. Hozir esa qurol tufayli urushlar yasalyapti. Arundati Ray 👉 Qisqa satrlar

Kechirish va unutish - aqlli insonlarning intiqomidir! Fridrix Shiller 👉 Qisqa satrlar

Kirib chiqavermang, sovib ketdi uy, Ochib, yopavermang eshik oʻlgurni. Kiritishgan boʻlsa, bulgʻash kerakmi, Ollohning dargohi boʻlgan koʻngilni. Chiqing! Boraqoling, bayram tugadi, Muzlab qolmasidan yuragim butkul. Mening qalb uyimda mehmonlar emas, Uning egalari qolgani maʼqul. Rizolik soʻrayman! Sogʻ-omon boring, Chiqiboq chalasiz yana bir kuyni. Bilaman, bugunoq taqillatasiz, Eshigi koʻringan boshqa bir uyni. Na chora, uyi yoʻq bir musofirsiz, Karvonsaroylarda oʻtadi umr. Eshiklar mayliku, siz hatlab oʻtgan, Ostonalarga ham tilayman sabr! Tezroq ketaqoling, boʻling, shoshiling, Vaqt kerak, supurib olishim uchun. Bilib boʻlmaydida, bugun uyimning, Chinakam egasi kelishi mumkin! Malika Tavfiq 👉 Qisqa satrlar

Har kimning fikri, harakati turgan maqomiga ko’ra bôladi. Har kim olamni o’z nigohi ila ko’ra oladi. Moviy ko’zgu quyoshni moviy ko’rsatadi,qizil ko’zgu esa qizil! Rumiy 👉 Qisqa satrlar

Tabassum Tabassum – harfsiz yozilgan yoqimli so‘zdir. Tabassum – elektr sarflamay yongan chiroqdir. Tabassum – Allohning qazo-qadariga rozilikdir. Tabassum – tarjima kerak bo‘lmagan lug‘atdir. Tabassum – sadaqadir. Tabassum – sunnatdir! 👉 Qisqa satrlar

Husni xulqning alomati o‘nta narsadadir: 1. Kelishmovchiligi oz. 2. Insofli va yaxshi adolatli bo‘lish. 3. Birovni toyilishini kutmaslik. 4. Yomon ko‘ringan ishlardan ham yaxshilikni izlash, yaxshi gumonda bo‘lish. 5. Uzr qidirish. 6. Aziyatni ko‘tarish. 7. O‘z nafsini malomatlashga qaytish, nuqsonni ko‘proq o‘z nafsidan qidirish. 8. Boshqalar aybini bilishdan ko‘ra o‘zining ayblari bilan mashg‘ul bo‘lish. 9. Ochiq yuzlik. 10. Muloyimlik, shirinso‘zlik. Yusuf ibn Asbot rahimahulloh 👉 Qisqa satrlar