محمد سعد دانيال

”وإني مُحبٌ للجمالِ .. وكُلُّ الجمالِ أُبصره، حينما أرى عيناكِ.“ - محمد سعد دانيال

كان فيه زمان دلوقت بَحْ كان فيه محبة مكنتش ماشية بالمادة من مُدة والغلط ماشي وبقاله سوق، وسوق الأصول شطَّب شَحْ أقولك ميجراشي، صاحب الشدة جايز تلقى صاحب صح - محمد سعد دانيال

بس أنا ما نسيتش أنا ما قسيتش ولا شلت في قلبي غيرك كان كل زادي في دنيتي ضحكتك ونظرتك لما ترضى على قلبي... وفي الآخر شربت كاس الأسى من ايدك عشت السنين بَعدك، أحبك بس انتي في لحظة بِعتي سنين حُبي.. وانا للأسف لسه بَرِيدك - محمد سعد دانيال

لم أصل، ولم أجد استراحةً لأنفض عنّي التعب“

بشوف نفسي، مبشوفنيش بشوف نفسي تملّي في الآخر.. بشوف نفسي مبعرفنيش بشوف نفسي مبكسبنيش ما أنا اللي طول العمر ف الخسارة بعافر.. - محمد سعد دانيال

”لقد تعبت، والكلمات لا تُسعفني لأُخرج ما في قلبي من آهات، ولا تكفي لوصفِ ما أشعرُ به من ألم“ - محمد سعد دانيال

الخسيس دلوقت له قيمة ومقام ابن الأصول ف النازل بشوف الخسيس واطي ف كل الأمثال القديمة ومفيش مثل ذكر بالخير سيرة العوازل - محمد سعد دانيال

جه سؤال في بالي النهاردة هو أنا بخاف ولا بقلق سكتْ ومردتش علي نفسي

”التراكمات اسوء مرحلة بنعدي عليها واحنا مش واخدين بالنا، تفاصيل صغيرة بالوقت بتبقى غول بياكل فينا، لحد ما نتفاجئ إننا ضحايا التفاصيل اللي ممكن اصلا محدش بياخد باله منها غير وهي بتدوس على قلبه، كل واحد مننا بيكسر بخاطر نفسه لما يدي حاجة غير نفسه اهتمام وأهمية في حياته على حساب نفسه اللي هي أُولى أولوياته، وأهم اهتماماته.“ - محمد سعد دانيال

تعرف أكتر حد انت مقصر معاه مين.. طبعاً هتسرح بخيالك وتبدأ تفكر شوية وتقول فلان، لأ انت غلطان، انت مقصرتش في حق حد غير نفسك.. - داني

حد تايه في عقله مالوش مع قلبه سكة سالكة عاشر من الناس قد ما عاشر، وفي الآخر رِجع لوحده والوحدة مش تِركة - محمد سعد دانيال

”الخوف الحاجة الوحيدة اللي بتشل قدرتنا على التفكير الايجابي تجاه حياتنا، تخيل تبقى عايش يومك مشاعرك عبارة عن توتر وضغط نفسي وقلق، هتكون النتيجة ايه خوف من أي حاجة تواجهك لدرجة إن لو حد قالك عامل ايه وقتها هتخاف ترد عليه هتحس انك بتكدب على نفسك لو قلت له إنك بخير، وإحساس انك محاصر بالألم النفسي من كل مكان مخليك متعطل مش عارف تاخد خطوة لقدام، ولا قادر تحس بمكانك دلوقت بالظبط يعني انت فين ورايح فين، يا اخي انت ممكن تشك حتى إن الناس بتهرب منك وبتسيبك لوحدك عشان انت بس تايه جوا دماغك، افكارك طول الوقت بتسحلك معاها في أحداث وحاجات مش بتحصل غير في دماغك انت، فتبدأ تقول فلان دا مبقاش يحبني زي زمان، وفلان ده كاره لي الخير عشان أنا احسن منه، وعلان ده مش بيطيق سيرتي لإني أنجح منه وهو ياما راهن على فشلي بس انا نجحت، دماغك هتفضل تسوح فيك في ألف حوار ومليون حكاية مش موجودة ممكن بس عشان انت خايف تواجه نفسك في الأول قبل ما تواجه مخاوفك، تاخد موقف من نفسك انت ازاي وصلت للمرحلة دي وانت المفروض تعيش حياتك طبيعي ومبسوط وزي كل الناس؛ ولا كل الناس بقت شبهك ولا انت أقل واحد في قايمة اللي محتاجين مساعدة ومنتظرين حد يجي يساعدهم، ويقولهم تعملوا واحد اتنين تلاته، وتستمروا على النظام ده الفترة المعينة دي، ولو حصل أي جديد تتصلوا على خدمة العملا؟!“ - محمد سعد دانيال

أنا اللي عملتلكوا قيمة وسعر ومكان متشاف بين الناس أنا الغلطان منكرشي عملت الصح، مكدبشي لما اقول كفاية كده احساس - محمد سعد دانيال

صحاب القلوب العمرانه بالرضى مش مشغولين بالدنيا.. يعني ايه مش مشغولين دي .. يعني معاهم خير ونعمة، مش معاهم ربنا يبارك في الموجود .. مش بيقول أنا ناقصني كذا وكذا لأنه راضي بالي معاه .. قليله مكفِّيه وربنا بالقناعة مراضيه. - محمد سعد دانيال

عايز أشوف أماكن جديدة.. أعرف ناس جديدة.. أجرب حاجات جديدة كل اللي اعرفه عنها إني بسمع عنها أو يشوفها من بعيد لبعيد.. *طيب ايه المفيد في كلامي ما كل الناس نفسها في كده* اما بنروح أماكن جديدة نظرتنا بتتغير، بتختلف، بنبدأ نحس لأول مرة إن العالم مش المكان اللي احنا فيه، العالم أوسع من نظرتنا الضيقة للمحيط اللي احنا فيه اما بنقابل ناس جديدة بيبدأ مفهومنا في التعامل بيتغير عن الأول، وطريقتنا في الحوار بتبدأ تكتسب أشكال مختلفة، وطريقة كلامنا بتبدأ تاخد شكل جديد من الاتزان مش رص كلام وصوت عالي وزعيق ع الفاضي وخلاص لما بنجرب حاجات جديدة ضغط الروتين بيخف، وبنبطل نحس بتوتر من تجربة اي حاجة جديدة لاننا خلاص كل فترة بنشوف حاجة مختلفة عن اللي قبلها، بنشوف نفسنا الحقيقية في كل حاجة كان نفسنا نوصلها ونحققها بعد صبر ووقت كبير، رتم العادي والطبيعي والمألوف بيتكسر ولو لوقت قليل، فتبدأ عجلة الحياة تدور بشكل جديد ومن غير ضغوط ومشاكل على الأقل لو لفترة ... - محمد سعد دانيال

أنا مش مستني حاجة من حد، ولا فارقلي حد، المهم أبقى رايق ومبسوط ومش شاغلني العالم عامل ايه. - محمد سعد دانيال

مفيش حاجة ثابتة، في لحظة كل حاجة بتتغير، اتوقع تطير لو خفيف وأول راس هتقع لو تقلت الشيلة. - محمد سعد دانيال