غلاي

رحنا وجينا وصار الصبر مثـل السلاح ماعندنا " كان ما طاعك زمانك طعه " نخاشر الطير لو انه . . يرّف الجناح ونسوق الأقدام ودروب النشاما سعه ما تربط أرزاقنا في ليلٍ ولا في صباح الليل رزقه معه و الصبح رزقه معه

يارب والدنيا.. متاع وتمنّي لاهي و أدور في حياتي حياتي يارب وارزقني على حسن ظنّي وتقبل دعائي .. وتقبل صلاتي

حاول تخلي جلستك عند العرب ركعة وتر خفيفةٍ تقضي لزومك كل ما صليتها وحاول تخلي كلمتك عند العرب ليلة قدر كلٍ يدورها ولا يدري متى توقيتها وحاول تخلي كلمتك وقت العتب رشة عطر يفطن لها المخطي ولا تندم ليا رشيتها

من عطاه الله محبه في القلوب أشهد أن الله معطيه الكثير جعلني لاجيت للناس محبوب وجعلني لاغبت مذكور بخير

يهمني همّك و أحاتي محاتاك أنا معك في كل فرحك و همّك لا خان وقتك و أقرب الناس خلاك تلقاني أقرب من وريدك ، لدمك

يـ الله ؛ بـ حسن الخاتمه . . . والهدايه وبفرحةٍ ؛ تجعلنّي ، أسجد وانا { أبكي }

السجدة اللي تالي الليل من قلب ما خيب الله دعوة اللي سجدها

كثر الله خير الايام وأحلام السنين علموني كل حاجة تبي عزم وصبر

تمر الوجيه العابره مع مرور السير وكلٍ يروح وينحفظ ذكره مع الطيّب عسى ذكرنا ما يذكر إلا مع أهل الخير وعسى الله يجملنا مع بعيد وقريّب

لو يركض العبد بيدينه ورجلينه الصفقه الخاسرة ماهو برابحها إن كان مالله معاه.. ولا الله معينه بيخرّب اللي يحسب إنه يصلحها والعمر مهما يطول بتقضي سنينه وأول ما يشهد على نفسك جوارحها يالله بقلبٍ سليم ونيةٍ زينه تفتح لنا أبواب ما نقدر نفتّحهـا

" لعّل السعَد في وجه الأيام متخبّي "

يارب عبدك ماطلب غير أنت يارب الأنام ‏حقق مراده و آمن قليبه وحقق ما يبي ‏هب له عظيم المغفرة ، هب له من العالم ‏سلام يجعل سيرته عطره وذكره ما يهبي و يارب لا من فارقت روحي وشارفت الختام ‏هب لي صديقٍ يدعي لروحي كثر أمي و أبي ‏يارب ، أقفي ماتركت إلا حسن خلق و كلام ‏ولا تركت ندوب في صدرٍ قريَّب و أجنبي أضفي علي النور لا منه غشى قبري عتام ‏و أغفر جميع الذنوب اللي على منكبي

لا تدقق بالخلايق .. يزعجك الزمان قالها بن جدلان مادام تمّشي مشها

يأهل الصدور الضيّقه عينو خير لـجروحكم عندي علاجٍ يضمد لا شانت ظروف الزمن والمقادير صلوا على خير البريه محمد ﷺ

يارب الناس، وهّاب الخلايق مهربي ملجاي عظيمٍ كل ما جيت ارتجيك اجيك ملهوفه مادام إنك وكيل أمري ماخاف من الزمان الجاي لو إني ما أعرف وش شايلٍ لي داخل كفوفه

يا حظ من حط ذكر الله لجوفه رفيق زاهد بالابواب .. فاتحها ومقفولها الأرض لله و الانسان حرَّ طليق والله يحاسب عباد الله بفعولها يارب لا تختبر نفسي بما لا تطيق ورضاك يا رب غايتها و مدلولها

يارب و أنت خالق هالقلب .. طمنه

‏كل مايمنعني الوقت شي في نفسي أقول : ‏" شي ما الله قاسمه ليّ ما فيه بركة "