Uychi tumani 27-sonli umumiy oʻrta taʼlim maktabi

УЙҒОНМАЁТГАН ЖАМИЯТГА... УЧ ДАҲО Кунлардан бир куни Султон шаҳар аҳолисига энг яхши асар , ихтиро учун танлов ўтказишга қарор қилади. Мукофот сифатида султон соф олтиндан чиройли тож ясашни буюради. Белгиланган куни саройга шоир, рассом ва олим ўз истеъдодларини намойиш этиш учун келишади. Шоир биринчи бўлиб Султон олдида ўзини шеърий маҳоратнинг энг юқори чўққиси бўлган энг яхши қасидаларини ўқиб беради. Иккинчи бўлиб рассом чиқади. У ўзининг энг яхши расмларини тақдим этди, улар бир биридан ажойиб даражада чиройли эди. Учинчи бўлиб олим ўз ютуқларини намойиш этади. У ўз ихтироларини олиб келиб, ўзидан олдин ҳеч бир олим эришмаган кашфиётлар ва ихтиролар ҳақида гапириб беради. Бу пайт кутилмаганда саройга сочларига оқ тушган кекса аёл кириб келади. "Менга кўрсатадиган бирор нарсанг борми, эй кампир"- дея сўрайди Султон. "Ҳозир сизнинг олдингизда ўз маҳоратларини кўрсатган шу уч инсон менинг ўғилларим. Мен ўғилларимни қайси бири ғалаба қозонишини ва олтин тожни олишини кўриш учун келган эдим." дея жавоб беради. Шунда Султон ўз мулозимларига дарҳол буюрди: "Бу аёлнинг бошига олтин тожни кийдиринг , чунки бу аёл жамиятга уч буюк инсонни тарбия қилиб берди!» Араб илоҳиётшуноси ва ёзувчиси Абу Усмон Ал-Жаҳизнинг (775 – 868) "Зиқналар китоби"дан.

#Сўнгги_қўнғироқ Uychi tuman MMTBga qarashli 27-maktabda "So‘nggi qo‘ng‘iroq" tadbiri tantanali boshlandi “Ilm-saodat kaliti!” shiori ostida “So‘nggi qo‘ng‘iroq” tadbiri bo‘lib o‘tdi Tadbir avvalida Oʻzbekiston Respublikasi davlat madhiyasi yangrab, Prezidentimizning bitiruvchilarga yo‘llagan tabrigi o‘qib eshittirildi. So‘ngra maktabda aʼlo baholarga o‘qigan, iqtidorli va faol o‘quvchilar va ularning ota-onalariga tashakkurnomalar taqdim etildi. Tadbir davomida badiiy chiqishlar namoyish etilib, ustoz pedagoglar faxriy yorliq bilan taqdirlandi.

📚"Ким ўқишдан (илм олишдан) тўхтаса, қарийди, хоҳ у 20 ёки 80 ёш бўлсин, ким мунтазам ўқишни (илм олишни) давом эттирса, ёш-навқирон бўлиб қолаверади. Ҳаётда энг асосийси - мияни ёш-навқирон ҳолатда сақлашдир. Генри Форд

Фараз қилинг, уч кишини зиндонга ташлашди. Уларга зиндондан қутилиш учун иккита имконият берилди ва ҳар бирини қўлига қурол беришди. Уларда фақат икки имконият бор учинчи инсон эса зиндонда қолиб кетади. Хўш, сизнингча ким зиндонда қолиб кетади? Албатта, улар ичидаги энг яхшиси, кўнгли бўши, қалби тозаси. Чунки у бошқаларга озор беришни, қалбини оғритишни хоҳламайди, гарчи ўзи қийналсада. Мендан ҳаётда нега яхши инсонлар қийналади деб сўраманг! Энди сабабини биласиз! Ҳа, яхшилар ҳамиша ёмонларга ютказиб қўяди. Виждонинг, кўнглинг, қалбинг тозами, демак сен кўпроқ қийналасан. Сени кўпроқ ҳафа қилишади. Сендан кўпроқ фойдаланишади. Сенга кўпроқ озор беришади. Бу — ҳаётнинг оддий қонунларидан бири...

«Одам каср сонга ўхшайди. Одамнинг ўзи каср сурати бўлса, махражи эса ўзи ҳақидаги фикридир. Махраж қанчалик катталашгани сари сон шунчалик кичиклашади» ©Лев Толстой

Уйчи тумани мактабгача ва мактаб таълими бўлимига қарашли 27-сонли умумий ўрта таълим мактабида жорий йилнинг 16 май пайшанба кунида ота-оналар йиғилишига бўлиб ўтди Йиғилишда 2023-2024 ўқув йили якунлари, “Оила-маҳалла-мактаб” узвий тизими ҳамкорлиги борасида олиб борилаётган ишлар таҳлил этилади. Ёзги таътил даврида болаларнинг қизиқиши ва бўш вақтларини мазмунли ташкил этиш бўйича суҳбатлашилди.

‍‍🌐Агар фарзандингиз қўрқоқ, ўзига ишончи паст бўлса, бу сизнинг асабий эканлигингизни англатади!!! ✅Агар фарзандингиз журъациз бўлса, бу сизнинг ҳамма нарсани ўз бўйнингизга олганингизни, қўпол қилиб айтганда, болангизни пуфлаб-пуфлаб оқсуяк қилиб катта қилганингизни англатади. 🔸Агар фарзандингизнинг қалбида хасад пайдо бўладиган бўлса, бу уни тез-тез бошқа бировлар билан солиштиришингизни англатади. ✅Агар фарзандингиз қўпол, сўкинадиган бўлса, бу унинг уясида кўрганини қилётганини англатади. 🔸Агар фарзандингиз ёлғон гапирётган бўлса, бу сизнинг ўтган сафар қилган хатоси, айби учун қаттиқ жазолаганингиз ёки уршаганингизни англатади. ✅Агар фарзандингиз китоб ўқишга қизиқмаса, бу сизнинг китобга қизиқтира олмаганингизни англатади.

Илмга рағбат мана шундай бўлади. Қадимда, Ироқда кимки бирон илмий китобни араб тилига ўгиришга қодир бўлса, унга ўша китобнинг вазнича олтин билан қалам ҳақи тўланган. Бундан мақсад, китоблар олтиндан афзал эканини билдириш бўлган. Бу ҳолат еттинчи асрдан бошлаб ўнинчи асргача давом этган. Ўша вақтда араб ва мусулмонлар китоб ўқиш бўйича энг олий ўринда, саводсизлик даражаси бўйича энг пастда бўлишган.

Ассалому алайкум ! Ҳурматли ота-оналар! Уйчи тумани мактабгача ва мактаб таълими бўлимига қарашли 27-сонли умумий ўрта таълим мактабида сизларни фарзандларингиз таълим олаётган барча умумтаълим мактабларида жорий йилнинг 16 май, пайшанба куни соат 16:00 да бўлиб ўтадиган ота-оналар йиғилишига таклиф этади. Йиғилишда 2023-2024 ўқув йили якунлари, “Оила-маҳалла-мактаб” узвий тизими ҳамкорлиги борасида олиб борилаётган ишлар таҳлил этилади. Ёзги таътил даврида болаларнинг қизиқиши ва бўш вақтларини мазмунли ташкил этиш бўйича суҳбатлашилади. Фарзандингиз келажаги ва билим олишига бефарқ эмассиз, деган умиддамиз. Ҳурмат билан 27-мактаб маъмурияти