ЁЗЁВОН ТУМАН ҲОКИМЛИГИ

#Хушхабар Ёзёвон туманида ғалла топшириш шартнома режаси бажарилди. Батафсил кейинроқ маълумот берилади. Бизни кузатишда давом этинг.

БАЙРАМ СОВҒАЛАРИ ТОПШИРИЛДИ      Ўзбекистон Президенти Шавкат Мирзиёев  Матбуот ва оммавий ахборот воситалари ходимлари куни муносабати билан йўллаган табригида  ,, Бугунги кунда матбуот иши, журналистлар фаолияти нафақат “тўртинчи ҳокимият”, балки мудофаа, хавфсизлик каби ҳал қилувчи соҳага айланиб бормоқда," деб бежиз таъкидламади. Бу журналистларга янада масъулият юклайди.      Мана бир ҳафтадирки Ёзёвонда матбуотчилар байрами давом этяпти. Эрта тонгда муассис-туман ҳокими Дилшоджон Джалилов ҳокимят вакиллари билан  ,, Марказий Фарғона" газетаси таҳририятига ташриф буюрди.  Ҳоким  газета жамоасини касб байрами билан табриклади.     --Туманимиз газетасининг ўз тарихи бор,--деди ҳоким.--Тарихий анъаналарни давом эттираётган ижодий жамоа давр билан ҳамнафас ижод қилиб, вилоят, республикада ўрнини топганидан хурсандмиз. Кеча Фарғона шаҳрида ўтказилган вилоят матбуотчилар байрамида ҳам газетамиз журналисти Раматилло Шодмоновнинг хизматлари эътироф этилиши ҳам бунга ёрқин мисол. Бундан буён ҳам  газетамиз ривожи учун барча имкониятларни ишга соламиз. Янги йилдан обуна масаласида ҳам ўзгариш бўлади. Янги тизим яратамиз. Газетани олдиндан пулини тўлаб, кейин ўқийди.     Ҳоким ёзёвонлик ижодкорларни яна бир бор табриклаб, байрам совғаларини топширди.      Газета бош муҳаррири Азимжон Худойқулов муассис томонидан кўрсатилаётган эътибор ва эътироф учун миннатдорчилик билдирди.

"Янги Фарғона" газетасининг 2024 йил 27 июндаги 49-сони Fergana.uz | Telegram | Facebook | YouTube | Facebook | Instagram | Twitter

ГАЛА КОНЦЕРТ ЭСДА ҚОЛАРЛИ БЎЛДИ 30 июнь -- Ёшлар куни муносабати билан ўтказилаётган “Янги Ўзбекистон ёшлари, бирлашайлик!” шиори остидаги “Ёшлар фестивали” туманимизда юқори савияда, кўтаринкилик билан ўтказилди. Ёзёвон марказий ўйингоҳида катта гала-концерт бўлиб ўтди. Тадбирни туман ҳокими Дилшоджон Джалилов очиб, туманимиз ёшларини яқинлашиб келаётган байрам билан табриклаб, мамлакатимизда улар учун яратилаётган улкан имкониятлар ҳақида тўхталиб ўтди. Давлатимиз раҳбари томонидан олиб борилаётган бугунги давлат сиёсати замирида ёшларга эътибор ва ғамхўрлик мужассам эканига эътибор қаратилиб, ёзёвонлик ёшлар ҳам бу юксак ишонч ва имкониятларга муносиб бўлиб, келажакда халқимиз, Ватанимиз манфаатлари ҳамда унинг бахт-саодати йўлида бор куч-ғайратлари, билим ва салоҳиятларини сафарбар этишларига тилак билдирилди. Концерт дастурида таниқли хонандалар Жалолиддин Аҳмадалиев, Нодирбек Холбоев, Хумора Шайдо ҳамда туманимиз санъаткорларининг мусиқий чиқишлари, жозибали рақслар кечага янада файз киритди. Концерт дастурини ёзёвонлик минглаб ёшлар ва кенг жамоатчилик вакиллари катта иштиёқ билан томоша қилдилар. Якунда намойиш этилган мушакбозлик эса тадбир иштирокчиларига янада ҳуш кайфият улашди. Гала концерт барчанинг ёдида қоладиган бўлди.