انهيارات داخليه › .

لم يوجعني أنك خذلتني، فالخذلان منك كان متوقعاً، الذي أوجعني حقاً أنني كنتُ أظن أنك مختلف، كنتُ أراك استثناءً بين الجميع،فأثبتَّ لي أنك كنتَ أتقنهم تمثيلاً

تنازُلاتك الكتير وإنّك دايمًا بترضى بالقليل دا مش هينجّح عِلاقتك زي ما إنتَ فاكر ولا الطرف التاني هيشيلك على كفوف الراحة؛ بالعكس إنتَ كدا هيتداس عليك وحقوقك اللي المفروض فرض عليهُم هتلاقي نفسك بتشحتها وبتترجاها وبرضو مش هتطولها! وبمرور الوقت هيتداس عليك أكتر وحتى لما تتوجّع ما حدّش هيهتم لصوت وجعك من الأساس لإنّك مش متشاف أساسًا. ولو مش مصدّق بُص حواليك هتلاقي نماذج كتير بالغت في عطائها وتضحياتها وفي الأخر قلوبهم اتكسرت وإتداس عليهم حرفيًا.

أكتر حاجة بتوجع مش إن حد يتغير عليك… إنك تلاحظ التغيير، وتفضل تتعامل معاه بنفس طريقتك القديمة، لحد ما تستوعب إنك الوحيد اللي لسه واقف في نفس المكان.

هتفضل تسامح الشخص لحد ما تبطل تحبه.

و بقيت مضطر دلوقتي اموت ولا اقولها وحشاني.

اكبر غلطه هتعملها في حياتك وهتدفع تمنها تالت ومتلت انك تحب شخص من كل قلبك.

متتعودش علي حد يكون أساسي في يومك عشان لم يتغير أو في يوم يمشي ويختفي متحسش أن في حاجه ناقصه في حياتك وهو مكمل من غيرك وعايش يومه وحياته من غيرك وانت قاعد تفكر فيه طول الوقت وان مبقاش موجود .التعود اصعب من انك تحب شخص يوم🤷

أوقات بتكتشف إنك كنت بتدي ناس أكبر من حجمهم بكتير… كنت موجود في وقت احتياجهم، أسمعهم، أطمنهم، وأقف جنبهم من غير ما أسأل: هتعملوا معايا إيه لما أحتاجكم؟ ويمكن دي كانت غلطتي… إني كنت بعامل الناس باللي جوايا، وكنت فاكر إن كل اللي بقدمه هيرجعلي بنفس الطريقة. لحد ما جه وقت احتياجي، وساعتها ناس كتير اختفت، وناس تانية اتغيرت، وناس مكنتش متوقع منها حاجة هي اللي فاجأتني. بس الغريب إني مش ندمان على خير عملته… أنا بس ندمان إني اديت بعض الناس مكانة، هما بنفسهم أثبتوا إنهم مكنوش يستحقوها،ومن يومها فهمت إنك ممكن تفضل إنسان كويس… بس مش لازم تفضل متاح لكل الناس.

يابخت الناس الى بتلاقي حد بيحاول عشانها :"

ولكني بخير .

‏"ما رأيك أن نعشق بعضنا سرًا ونُوهم العالم اننا مُجرد أصدقاء؟"

‏أنا حاولت كتير بس ملقتش منك حتى تقدير لمحاولاتى فبلاش تسألنى ليه اتغيرت لإنى مفيش فيا حيل أشرحلك حاجة انت السبب فيها.

أصعب حاجة في الحنين إنك تشتاق لحاجة عارف إنها مش هترجع زي الأول. تفتكر تفاصيل صغيرة محدش يعرف قيمتها غيرك… مكان، صوت، ضحكة، كلام كان عادي وقتها، وبقى دلوقتي أغلى من حاجات كتير ،والأغرب إنك مش دايمًا بتكون عايز الشخص يرجع… ساعات كل اللي نفسك فيه ترجع لك اللحظة نفسها، قبل ما كل حاجة تتغير،يمكن الحنين مش معناه إننا عايزين نرجع للماضي… يمكن معناه إن في حاجات كانت جميلة لدرجة إن القلب لسه مش عارف يودّعها.

اقولك حاجة ومتزعلش؟ انت مش هتتخطى الأذى، ولا الشخص اللي اذاك، ولا احساسك وقت ما تأذيت، ولا فقدان اقرب حد ليك، ولا المرة اللي عملت فيها أقصى جهدك وموصلتش، ولا الرفض، ولا الموضوع اللي عملت انه مش فارقلك، ولا صاحبك اللي باعك، انت هتُجبر على التناسي مش النسيان، لكن التخطي! ما اوعدكش.

- أنا مش زعلان إنك بعدت أنا زعلان إني كنت فاكر إنك مختلف زعلان على كل مرة طمنتني فيها وكل مرة صدقتك فيها وكل مرة اخترتك فيها وأنا كان ممكن أختار نفسي.

حد فاهم شعور الكتمان اللي بيوصل لدرجه ان اكن حد لافف حوالين رقبتك حبل او سلسله ونت عاوز تعيط بس مش عارف...؟!

مفيش حاجة وجعاني قد سكوتي اللي قاتلني من جوه واحساسي اللي معرفتش ف مرة اوصفه.

في رأيي من أكتر الحاجات اللي بتوجع إنك تفضل مستني نفس المعاملة اللي بتديها للناس. تفتكر إن طالما أنت بتسأل عليهم هيعملوا زيك وإن طالما أنت بتفتكرهم هيفتكروك. لكن مع الوقت بتكتشف إن كل واحد بيحب بطريقته وإن في ناس أصلًا مش شايفة اللي بتعمله. ساعتها بتبطل تستنى وبتتعلم إن اللي يقدرك هيبان من غير ما تطلب منه حاجة واللي مش فارق معاه وجودك عمره ما هيتغير مهما عملت. «𝑰𝒕'𝒔 𝑹𝒊𝒗𝒂 𔘓»

فيه نوع من أنواع الزعل يخليك ساكت لا تعاتب ، لا تلوم ، ولا تهتم ، بس تبعد .

عمرك إللي بتضيعه مع الناس الغلط و في المكان الغلط صدقني هتندم عليه بعدين