🤲✍️Otabek Rahim✍️🤲

Do'stlarim uchun maxsus❤️

Шунақа меҳрибон синглим бор... Бу видеони у тайёрлаган 🤍    Ҳа бугун туғилган куним. Ўзимни бахтимга ўзим соғ бўлай☺ Табриклар учун барча яқинларимга ташаккур. Бугунги куним устоз Раҳмат Бобожон оила аъзолари билан ўтди. Яхши кун бўляпти.   Хуллас декабр кириб келди ва бу ойда буюклар таваллуд топган (Устоз Болтавой Бекматов сўзлари) #kun       / @Otabekshoir

Кузнинг сўнги кунига... Тун. Надомат келтирган аросат қўйни. Ташвишга кўмилган оввора йиллар. Дил тинмай чалади, ғам севган куйни,  Кузакка алвидо ўқийди ҳурлар. Дарахтлар пичирлар, оқшом тин олар, Бир ойнинг кўзида синиқ туйғу бор. Ноябр олисдан мунғайиб қолар , Бу кузак фош қилмас тиниқ туйғу бор. Тоқатлар бор ҳануз,маломатлар йўқ, Соғинчлар абадий, шикоят надир. Хазоннинг кўксига жойлабгина ўқ, Қай тилсим ҳақида сўзлайсан тақдир. Тақдир. Кўниш бор, бир сендан кетиш йўқ фақат, Ўзинг айт осмоннинг армони борми? Ташвишга жон бериб тунлари қат-қат Ёлғиз армонларнинг осмони борми? Енгил саволларга жавоблар оғир, Эй юрак, бас энди умидингни уз. Ташвишлар ёғилса оқ қора қўнғир, Руҳимга соябон умидворим -  куз..! Бу кўнгил шаҳридир ғам ипин узган, Фасллар галма гал у томон учар. Чирчиқнинг ҳар оқшом юрагин эзган- Бетҳовеннинг маюс куйлари қучар. Куз. Икки қош асрори, панжараси бор, Бир булбул садоси дилни ёраркан. Қишлар ҳам, ёзлар ҳам хаттоки баҳор, Сарғиш япроқлардан бўса оларкан. Куз...!

Бу шеър курсдошим опаси бўлмиш Саодатхоннинг  илтимосига биноан ёзилди. Шеър унинг Абдумавлон тоғасининг хотирасига бағишланади   Соғинч қизи... Интиқом ҳар оқшом дилни афв айлар, Эй Осмон, энгашиб бардошга айлан. Ҳаловат беради, энг мунгли куйлар, Балки, мен, жим яшар соғинч қизиман. Армоннинг пинжидан вулқондек тошиб, Ҳисларим лол қолар ёниқ додимга. Навқирон азоблар кўнглини очиб, Изтироб юклажак чап қанотимга. Бир сиймо қошида дилда гина йўқ, Кўзларда соғинчнинг шамлари ёниқ. Кўнгиллар сиртмоғи беармон андуҳ, Ғўр қисмат бизларни хушламас аниқ. Энг тўнғич фармонлар қилишди таслим, Руҳим тинмас кўнгил торларин ёя. Шу инсон умрини эслаган фаслим, Тоғамнинг руҳлари қилар ҳимоя. Элас - элас кўнгил торлари синди, Ҳеч ким, етган эмас унинг ўйига. Мезбонлик қилишни билмай бу дунё- Жўнатиб юборди уни уйига. Элас - элас кўнгил торлари синди... 2023 йил 26 ноябр Отабек Раҳим #xotira /@Otabekshoir