VIPEPERUSHI NA NUKUU ZA KIELIMU.

🌹 2- KUMFANYIA UPOLE MKE KWA KUMLISHA CHAKULA. Amesema mtume sala na salamu za Allah ziwe juu yake:- (Hakika yako wewe hautoi nafaka yoyote -utoaji wowote- isipokuwa unalipwa ujira juu yake, Hata tonge unalolinyanyua katika kinywa cha mke wako). {Bukhaary na Muslim} ✍Imetafsiriwa na Abuu Maysarah' Saalim bin Ramadhaan.

🌺 1- KUTABASAMU KATIKA USO WA MKE -NI SADAKA. Amesema Mtume sala na salamu za Allah ziwe juu yake:- (Tabasamu lako katika uso wa ndugu yako kwako wewe hilo ni sadaka). {Swahiyh Ttirmidhiy -1956} ✓Mke wako ni bora zaidi kupata tabasamu lako. -kwani mke wako ni katika jumla ya ndugu zako. ✍Imetafsiriwa na Abuu Maysarah' Saalim bin Ramadhaan.

INAPENDEKEZWA KUFUNGA SIKU YA TISA PAMOJA NA SIKU YA KUMI -AASHURAA- KATIKA MWEZI WA MUHARRAM NA HEKIMA YAKUFUNGA SIKU HIYO. قال الشيخ ابن عثيمين رحمه الله Amesema Shekh Muhammad Al-Uthaymiin- Allah amrehemu. ينبغي أن يصوم مع عاشوراء تاسوعاء؛ لأنه صلى الله عليه وسلم أمر أن يصام يوما قبله أو يوما بعده مخالفة لليهود لأن يوم عاشوراء يعني اليوم العاشر من محرم هو اليوم الذي أنجى الله فيه موسى وقومه وأغرق فرعون وقومه فكان اليهود يصومونه شكرا لله عز وجل على هذه النعمة العظيمة أن الله أنجى جنده وهزم جند الشيطان، أنجى موسى وقومه وأغرق فرعون وقومه. "Inatakikana  -inapendeza- kufungwa pamoja na Aashuraa siku ya tisa, Kwa sababu mtume sala na salamu za Allah ziwe juu yake aliamrisha kufungwa siku moja kabla yake au siku moja baada yake hali ya kwenda kinyume na Mayahudi kwasababu siku ya Aashuraa yani siku ya kumi katika mwezi wa Muharram ndio siku ambayo ndani yake Allah alimuokoa Nabii Muusa na watu wake na akamzamisha kwenye maji Firauni na watu wake. Basi wakawa mayahudi wanaifunga siku hiyo hali yakumshukuru Allah mwenye nguvu na ushindi juu ya neema hiyo uliyokuwa kubwa ya kuwa Allah aliokoa jeshi lake na akaliangamiza jeshi la shetani. Alimuokoa Nabii Musa na watu wake na alimuangamiza kwenye maji Firauni na watu wake" (شرح رياض الصالحين / ج5 / ص304). ✍ Abuu Maysarah' Saalim bin Ramadhaan https://t.me/vipeperushivyakielimuTZ