ኑ እናንብብ

🎶🎶🎶. የጀርባ ምስል. 🎶🎶🎶                       "መቆም በቆምክበት ቦታ ብቻ ያለውን ዕድል እንድትጠቀም ያደርገሃል ፣ መሄድ ግን የማታውቀውንም ዕድል እንድትሞክር ይረዳሃል። ስትቆም መጀመሪያ ታረጃለህ ፣ ቆይቶም ትበሰብሳለህ። ስትሄድ ግን መጀመሪያ ትደክማለህ ፣ ቀጥሎ ግን ትጠነክራለህ። ባለቀ ትናንት አትታሰር ፣ በተበላ ዛሬ አትወስን ፣ ይልቅ ወደማይታውቀው ነገ ሂድ። ነገ ወዳንተ ሳይመጣብህ አንተ ወደ ነገ ሂድ። አንድ ቦታ ላይ የግድ እንድንቆም ቢፈለግ ኖሮ እግር ሳይሆን እንደ ዛፍ ስር ይኖረን ነበር። የመሄዳችን ዋናው ምክኒያቱ የምንቆይበት ምክኒያት አለመኖሩ ነው።" Rophnan - ሮፍናን               

🏛️ ስቶይሲዝም (STOICISM) የውስጣዊ ነፃነት፣ የምክንያታዊ አስተሳሰብና ራስን የመግዛት ፍልስፍና በግርግር፣ በጭንቀትና በቋሚ ለውጥ በተሞላው ዓለም ውስጥ ውስጣዊ ሰላምን ማግኘት አስቸጋሪ እየሆነ መጥቷል። የሌሎች ሰዎች አስተያየት፣ የኢኮኖሚ ሁኔታ፣ ያለፉ ስህተቶችና ስለወደፊቱ ያለን ፍርሃት አእምሯችንን ሊቆጣጠሩ ይችላሉ። ነገር ግን ከ2,000 ዓመታት በላይ የዳበረው የጥንታዊ ግሪክና ሮም ፍልስፍና የሆነው ስቶይሲዝም (Stoicism) አንድ አስፈላጊ ትምህርት ይሰጠናል፦ የሕይወትን ክስተቶች ሁሉ መቆጣጠር ባንችልም፣ ለእነሱ የምንሰጠውን ምላሽ በጥበብ ለመምረጥ መማር እንችላለን። ስቶይሲዝም ስሜት አልባ መሆን፣ ህመምን መካድ ወይም በዝምታ ሁሉንም መታገስ አይደለም። ይልቁንም ስሜቶቻችንን በመረዳትና በመቆጣጠር፣ በምክንያታዊነት በመወሰን ሕይወታችንን መምራት ነው። 1. የቁጥጥር ልዩነት (The Dichotomy of Control) የስቶይክ ፍልስፍና ከዋና መሠረቶቹ አንዱ የሚቻለንንና የማይቻለንን መለየት ነው። በኤፒክቴተስ (Epictetus) ትምህርት መሠረት፣ አንዳንድ ነገሮች በእኛ ምርጫ ላይ የተመሠረቱ ሲሆኑ፣ ሌሎች ደግሞ ከእኛ ቁጥጥር ውጭ ናቸው። ከእኛ ቁጥጥር ውጭ የሆኑት፦ የሌሎች ሰዎች ሐሳብና አስተያየት፤ያለፈው ጊዜና የተፈጸሙ ስህተቶች፤ ውጫዊ ክስተቶችና የወደፊቱ ውጤቶች፤ የሌሎች ሰዎች ውሳኔና ባህሪ። በእኛ ምርጫ ላይ የተመሠረቱት፦ የምንሰጠው ፍርድ፤የምንተረጉመው ትርጉም፣የምንወስነው ውሳኔ፤ የምንመርጠው ተግባርና የምንወስደው ኃላፊነት፤ ለችግሮቻችን የምንሰጠው ምላሽ ናቸው የትምህርቱ ጭብጥ፦ ከቁጥጥርህ ውጭ በሆነው ላይ ኃይልህን ከማባከን ይልቅ፣ በምርጫህና በድርጊትህ ላይ አተኩር። 2. አራቱ ዋና ዋና የስቶይክ በጎ እሴቶች (The Four Cardinal Virtues) ስቶይሲዝም የሚያተኩረው ደስታን ብቻ በማግኘት ላይ ሳይሆን፣ ጥሩና በጎ ሕይወትን በጥበብ በመምራት ላይ ነው። የዚህ ፍልስፍና አራቱ ዋና እሴቶች እነዚህ ናቸው፦ 1. ጥበብ (Wisdom) ትክክለኛውንና ስህተቱን፣ እውነቱንና ውሸቱን፣ አስፈላጊውንና አላስፈላጊውን መለየት። ስሜትን ሳንክድ ስሜት ብቻውን ውሳኔያችንን እንዳይመራ ማድረግ። 2. ፍትህ (Justice) ሌሎችን በአክብሮት መያዝ፣ ታማኝ መሆን፣ የጋራ ጥቅምን ማስቀደምና ለድርጊቶቻችን ኃላፊነት መውሰድ። 3. ድፍረት (Courage) ፍርሃት ቢኖርም ትክክለኛውን ማድረግ፤ እውነትን መናገር፣ ችግርን መጋፈጥና ለሚያምኑበት መርህ መቆም ያስፈልጋል። ድፍረት የፍርሃት አለመኖር ሳይሆን፣  በአስፈሪ ሁኔታ ውስጥ ቢሆን ተረጋግቶ በጥበብ መኖር ነው። 4. ራስን መግዛት (Temperance) ምኞትን፣ ቁጣን፣ ጉጉትንና ሌሎች ግፊቶችን በሚዛናዊነት መምራት። የምትፈልገውን ሁሉ ወዲያውኑ ማግኘት አይደለም ነፃነት፤ የምትፈልገው ነገር እንዳይገዛህ ማድረግ መቻል ነው እንጂ። 3. አሞር ፋቲ (Amor Fati) — የሕይወትን እውነታ መቀበል Amor Fati በላቲን “የእጣ ፈንታ ፍቅር” ማለት ነው። ይህ አገላለጽ በተለይ ከፍሬድሪክ ኒቼ (Friedrich Nietzsche) ፍልስፍና ጋር ይያያዛል፤ የስቶይክ ፍልስፍናም ከዚህ ጋር ተቀራራቢ የሆነ የተቀባይነት መርህ አለው። ይህ ማለት መጥፎ ነገር ሲደርስብህ ተስፋ መቁረጥ ወይም ያለ ተቃውሞ መቀበል አይደለም። ያለፈውን መቀየር እንደማትችል በመረዳት፣ አሁን ምን ማድረግ እንደምትችል መጠየቅ ነው። የትምህርቱ ጭብጥ ፦ ከእውነታው ጋር አትጣላ፤ እውነታውን ተረድተህ በእሱ ውስጥ የምትችለውን መልካም ነገር ፍጠር። 4. ሜሜንቶ ሞሪ (Memento Mori) — ሟችነትህን አስታውስ በላቲን አገላለፅ “መሞትህን አስታውስ” ወይም “ሟች መሆንህን አትርሳ” የሚል ትርጉም አለው። ይህ ሐሳብ ሕይወትን እንድንጠላ ሳይሆን፣ ውስን የሆነውን ጊዜያችንን በትርጉም እንድንጠቀምበት ያስታውሰናል። ፨ ቂምና አላስፈላጊ ጥላቻን በመተው ላይ አተኩር። ፨ ለምትወዳቸው ሰዎች ጊዜ ስጥ። ፨ አስፈላጊ የሆኑ ውሳኔዎችን ያለማቋረጥ አታራዝም። ፨ ዛሬ ማድረግ የሚገባህን መልካም ነገር ለነገ አታስቀምጥ። የትምህርቱ ጭብጥ ፦ ሕይወትህ ውስን እንደሆነ ስትገነዘብ፣ ትኩረትህን ከጊዜያዊ ክብርና ከከንቱ ግጭቶች ወደ እውነተኛ እሴቶች ታዞራለህ። "እውነተኛ ጥንካሬ ዓለምን ሁሉ ማሸነፍ ሳይሆን፣ ዓለም በምታስነሳብህ ግፊት ውስጥ ራስህን ሳታጣ በጥበብ መኖር ነው።" @zephilosophy

ካፍካ እንዲህ ይላል፦«You are free, and that is why you are lost» አዎን የሰው ልጅ የሚጠፋው ነፃነት ስለሌለው ሳይሆን ነፃነቱን በሌሎች ባርነት ውስጥ ስለሚጥለው ነው። እንደ ወፍ ክንፍ ተሰጥቶት በሰዎች ጣት ላይ እድሜ ዘመኑን ተቀምጦ የሚኖር ሰው አለ። ሊበር እየቻለ ግን ሰማይን ማየት ይፈራል። ሞትን አይቶ ቢመለስ ግን ክንፍ እንዳለው ያስታውሳል። ሞተን ስንመለስ የሕይወትን ጣዕም በደንብ እናውቃለን። ከጣፋጭ እስከሚያቃጥል የሚበላውን ምግብ በጠቅላላ እናጣጥማለን፤ እያንዳንዱ ጉርሻ በለሆሳስ የታጀበ ማኘክ ነው። ምክንያቱም አንድ ቀን አጠገባችን በተቀመጠው ሳህን ላይ ያለውን ምግብ መልሰን እንደማናገኘው እናውቃለን። ሻወር ስንወስድ በገላችን ላይ የሚፈሰውን እያንዳንዱን ውሃ እናስተውላለን፤ የውሃው ነጠብጣብ በቆዳችን ላይ ሲገባ ይሰማናል። ያንን ቅጽበት እንደ ተራ ነገር አናልፈውም። ምክንያቱም አንድ ቀን ከውሃ ጋር እስከወዲያኛው እንደማንገናኝ ጠንቅቀን ተረድተናል፤  ንፋሱ ፊታችንን ሲነካው፣ ፀሐይዋ በቆዳችን ሰርጉዳ ስትገባና፣ በሲኒ ያለውን ቡና ስንጎነጭ በሙሉዓት ተሰጥተን ማጣጣም እንጀምራለን። ከምንወዳቸው ሰዎች ጋር ስንነጋገር ቃላታቸው ብቻ ሳይሆን የድምፃቸውን ቃና ጭምር እናስተውላለን። ሕይወት በታላላቅ ክስተቶች የተከበበች አይደለችም፤ ይልቅስ ሕይወት በዚች ትንሽዬ የውሃ ጠብታ ውስጥ ተቀምጣለች። በምግብ መዓዛ ውስጥ፣ በምንወዳቸው ሰዎች ጠረን ውስጥ፣ በመስኮት በምታጮልቀው ፀዐይ ውስጥ ደግሞም በሌሊት ፀጥታ ውስጥ ህይወት ደግማ ደጋግማ ትንቀሳቀሳለች። ሞትን ያላየነው እኛ ግን እነዚህን ሁሉ በረከቶች ችላ ብለን በሌላ ትኩረት ተወስደናል። ስለነገ እናስባለን፣ ለሰዎች እንኖራለን፣ ለገንዘብ እንለፋለን፣ ለስም እንጨነቃለን በዚህ ምክንያት ዛሬያችንን ተነጥቀን እንቀራለን። ዛሬ ማለት አሁን ነው አሁንም በውሃ ጠብታ መካከል የምትፈስ ህይወት ነች። ዶስቶይቭስኪ በ«The Brothers Karamazov»  ውስጥ እንዲህ ይላል፦«The mystery of human existence lies not in just staying alive, but in finding something to live for» ይህ ንግግሩ በቂ ትምህርት ታቅፏል። የምንኖርለት ነገር ሁልጊዜ በታላቅ እቅዶች የተከበበ ውጣ ውረድ አይደለም። አንዳንድ ቀን ለመጻፍ፣ አንዳንድ ቀን ለመውደድ፣ አንዳንድ ቀን ለመሳቅ፣ አንዳንድ ቀን በጸጥታ ለመቀመጥ፣ በሌላ ግዜ ደግሞ ለራሳችን በመኖር ውስጥ ማለፍ ትልቅ ትርፍ ነው። በርግጥ ይህ ራስ ወዳድነት አይደለም። ይህ ለራስህ ያለ ክብር ነው። ማንም ለእራሱ ሳይኖር ለሌሎች የሚሰጠው ፍቅር በመጨረሻ ባዶ ኪሳራ ነው የሚያስታቅፈው። የራሱ እሳት የጠፋበት ለሌላ ሰው ብርሃም መሆን አይቻለውም!። ኒቼ ይህን በተመለከተ እንዲህ ይላል፦«He who has a why to live can bear almost any how» መንገዱን የተገነዘበ ሰው መሬት ላይ የተዘረጋውን እሾህ ተመልክቶ ወደኋላ አይቀርም፤ ይልቅስ መድረሻውን እያሰበ ይራመዳል። አዎን ሞት የሚያስተምረንም ይህን ብቻ ነው። የሚያልቅ ነገር ላይ የሚኖር እስከሚያልቅ ያጣጥማታል። እያንዳንዷን ደቂቃ በከንቱ ሳያሳልፍ በለሆሳስ ይገፋታል። ዛሬ ለመጨረሻ ግዜ ምግብ የሚባለውን ነገር የምንበላ ቢሆን የቀረበላችሁን ምግብ እንዴት ነበር የምታጣጥሙት?፤ በፍጥነት አትውጡትም ይልቅስ ቀስ ብላችሁ ትቀምሱታላችሁ፤ ጣዕሙን በምላሳችሁ ላይ መረቁን እያመነጨ በጉሮሯችሁ በኩል ያልፋል። ዛሬ ለአንዴና ለመጨረሸ ግዜ ነው ውሃ የሚኖረው ከነገ በኋላ ይጠፋል ቢባል ሻወር እንዴት ነበር የምትወስዱት?፤ የውሃው አንኳር ነጠብጣብ በገላችሁ ላይ ሲፈስ ምን ያህል ይሰማችሁ ነበር?። ዛሬ የመጨረሻው ፀሐይ የምትወጣበት ቀን ነው ብትባሉ ሰማዩን በችኮላ እንዴት እንደምታዩት አሰብኩት። ዛሬ የምትወዱትን ሰው ድምፅ ለመጨረሻ ግዜ ነው የምትሰሙት ብትባሉ እያንዳንዷን ቃላት እንደ ዝናብ ነጠብጣብ በእናንተ ላይ እንዲወርድ በፈቀዳችሁ ነበር። አዎን ያኔ ነው የምንገነዘበው፤ ሕይወት የምንጠብቃት አንድ ሽልማት አይደለችም። ሕይወት እዚህ ነች ዛሬን ብሎም አሁናችንን ኖሮ ማለፍ። ስለዚህ ሞትን ማወቅ ማለት ሞትን መፈለግ አይደለም። ሞት እንደሚመጣ ማወቅ ሕይወት እንዳለን በመጨረሻ ማስታወስ መቻል ነው። ያንን ከተረዳን በኋላ ለማንም ምንም ለማሳየት አንጋጋጥም። ይልቅ ዛሬን እንኖራለን፣ ምግባችንን እናጣጥማለን፣ ውሃው በገላችን ላይ ሲፈስ ይሰማናል፣ ፀሐይዋን በከፍተኛ ፍላጎት እንሞቃታለን፣ ንፋሱን በፊታችን ላይ እንዲርመሰመስ እንፈቅዳለን፣ የምንወደውን እንወዳለን የማይወደንንን እንለቃለን። እና ለመጀመሪያ ጊዜ ለራሳችን ብቻ የሚበቃ ሕይወት እንኖራለን። ምክንያቱም አንድ ቀን ይህ ሁሉ ነገር ለዘላለም ይጠፋል። እኛ ግን አሁን ላይ አለን። እዚሁ እንደተቀመጥን፤ ብቻችንን ሆነን ከእነዚህ ተፈጥሮዎች ጋር የሕይወት ምስጢርን በምንወደው በረከት ውስጥ እያጣጣምን። ጸጥ..We are all going to die. And I drink to that because we are still alive. Here’s to life🥂 @Armemo_offical

በዚህ ምድር ላይ አንድ ኃይል አለ። አማኞች ፈጣሪ ይሉታል፤ ኤቲስቶች ዩንቨርስ ይሉታል፣ ሳይንቲስቶች ደግሞ Energy ይሉታል። ብቻ Whatever ከዚህች አለም ጀርባ አንድ ታላቅ ኃይል ተቀምጧል። ያ ታላቅ ኃይልም ሃያልነቱን የሚገልጸው በመኖር ውስጥ ሳይሆን ባለመኖር ውስጥ ወይም ሞትን በመስጠት ላይ ነው። ታድያ ይህ ታላቅ ኃይል ለሰው ልጅ የምድርን ምስጢር ለመግለጥ ቢፈልግ የማይናወጥ ጤናን፣ ብዙ ገንዘብን ይልቅ ታላቅ ጥበብንም አልነበረም የሚሰጠው። ይልቅንስ ለተወሰነ ጊዜ ሞት ምን እንደሚመስል ቀምሶ ዳግም ወደህይወት እንዲመለስ ነበር የሚያደርገው። ለአንድ ወር፣ ለሁለት ወር ወይም ለጥቂት ጊዜ ብቻ ሰው ሞት ምን እንደሚመስል በራሱ ዐይን አይቶ እንደገና ወደህይወት ቢመለስ ኖሮ በፊት የነበረውን ሰው አይሆንም ነበር። ምክንያቱም ከሞት ደጃፍ ተመልሶ የመጣ ሰው ዓለምን እንደበፊቱ አይመለከታትም። ይህ ሰው ኖሮ ኖሮ ሞተ። የሞተም ግዜ ቀብር «ስንት ሰዓት ነው?» ተባብለው ቀበሩት። የሰፈሩ ሰዎች አፈር አልብሰውት ሲመጡ ረስተውት ንፍሮ በሉ። ጓደኞችሁ ድንኳኑን እንደመሸሸጊያ ቆጥረው ማታ ላይ አረቄ እና ቆሎ እየቆረጠሙ ካርታ ተጫወቱበት። አንድ ወር አለፈ፣ ሁለት ወር፣ ሦስት ወር በሰፈር ስሙ መነሳት ያቆማል። ከአምስት እና ስድስት ወር በኋላ በቤተሰብ አፍ አልፎ አልፎ የሚታወስ ሰው ይሆናል። ከአንድ እና ሁለት አመት በኋላ ግን ሳሎን የነበረው ፎቶ ተነስቶ በሙሉ ልብ ይረሳል። እና ያ ታልቅ ኃይል ይህን ሰው የምድርን ጥበብ ሊገልጽለት ፈልጎ ገድሎ ዳግም ወደህይወት ሲመልሰው በመጀመርያ አዕምሮ ላይ የሚመጣለት ነገር በፊት ትልቅ ይመስሉት የነበሩ ነገሮች ምንያህል ትንሽ እንደሆኑ መረዳት ነው፤ በተቃራኒው ትንሽ ናቸው ብሎ የናቃቸው ነገሮች በድንገት ምንያህል ዋጋ እንዳላቸው ያውቃል። ከሰዎች አስተያየትና ማረጋገጫ ሲፈልግለት የኖረለት፣ በሌሎች ለመወደድ የደከመበት መንገድ፣ የገንዘብ ፍርሃት እና የዝና ጥማት በጠቅላላ እነዚህ ሁሉ በእሱ ውስጥ የነበራቸውን ትልቅ ዋጋ ያጣሉ። ይህ ሰው ልክ ከሞት ወደህይወት የተመለሰባት የመጀመርያ ጠዋት ላይ የሰማይን ፀዐይ በሙሉ ልቡ ይሞቃታል። ታድያ በለሆሳስ እንዲህ ይላል፦«እኔ በዚህች ዓለም ብዙ አልቆይም። ይልቅስ ለጥቂት ጊዜ ብቻ አጣጥማታለሁ።» ይህም ንግግሩ ለሰዎች መጨነቅን ማቆም ሳይሆን ለማን እንደሚንጨነቅ እና ለምን እንደሚንጨነቅ መረዳት ነው። አዎን ሁላችንም ሞተን ስንመለስ የምንወዳቸው ሰዎች ቢኖሩም ሕይወታችንን ግን በእነሱ ፍርድ ውስጥ አንጥለውም። የሚወደንን እንቀበላለን፤ የሚተወንን እንለቃለን። የሚጠላንንም ለማሳመን እድሜያችንን ባላባከንን ነበር።

ጥቁር ወይ ነጭ (black and White) በብዙ ነገር ችግሮቻችን የሚመነጩት ግራጫዋን የማጣትና የጥሞና ቦታ አለመኖሯ ይመስለኛል። ከ አብዮትም ከ ፊውዳሉም ወገን ገለል ብለህ ማስተዋል የምትችልበት። ከ ነጭ ሽብርና ከ ቀይ ሽብሮች ፋታ የምቶስድበት። የጋርዮሽና መንጋነት ያለበት ቦታ ግራጫ ሀሳብ አትወደድም ከመንጋው የምትነጥልህ በመሆኗ ወይ ከነሱ ወይ ከኛ ነው የምትባለው። ምርጫው ላይ መሀሉ ግራጫው አይቀርብም መሀል ሰፋሪ በተባራሪ ጥይት የመሞት ዕድሉ ሰፊ ነው። ጥቁር ወይ ነጭ የሚል ሀሳብ እኛ ሰዎችን ሁል ጊዜ የሚቸግረን የፅንፈኝነት ጉዳይ ነው። ወይ ነጭ ሽብር አልያ ቀይ ሽብር ህይወት ሌላ ምርጫ የሌላት እስኪመስል መወጠር። ወይ ከሴጣን ወይ አምላክ የመሆን ያለ እሳቤ። ግን ከሁለቱም መሀል የሆነውን ግራጫው መሀሉ ይጠፋናል። ገጣሚ ነብይ መኮንን ግራጫ ነኝ እንዲል መሀሉ ላይ የመሆን ዘይቤ ይማታብናል። ህይወት እንደ ወተት አልያ እንደ ቡና ያለ ሳይሆን እንደ ማክያቶ ነው እንደሚለው አቦይ አልያ "መሐል ሰፋሪ የ እግዜርም የሴጣንም ናቸው" እንዲል እሱባለው አበራ መሀሏ ትጠፋናለች። ግራጭን የመሰለ መታዘቢያ መድረክ አይገኝም። ቀይ ሽብርም ነጭ ሽብርም ሳትሆን መሀል ሆነህ ነገሮችን ማስተዋል መቻል ለግራጫነት የተመቸህ ካልሆንክ የማይሰራ ነው። ህይወትም በሁለት ፅንፎች በኩል ማመዛዘን መቻል ነው። አንዱ ስትገባ አንዱ ጋር ያለው በረከት ይጎልብሀል። የዛኛውን በረከት ማጣጣም አትችልም በራስህ ኩሬ እንደመዋኘት ያለ የራስህን አለም ከማጠር ውጪ። ጨዋታውን በ አውጉቾ ተረፈ (ህሩይ ሚናስ) ገጠመኝ ልዝጋው። አውግቸው ቡና ለመጠጣት ወደ ቀኝ ሲያማስል ቀኝ ዘመም ነህ ሲሉት ወደ ግራ ሲያማስል ግራ ዘመም ሲሉት ከዚህ ሁሉ ስኳሩን ቢተወው መሀል ሰፋሪ ነህ ብለውት አረፉ። መሀል ሰፋሪነቱ ግን ከሁሉ በላይ ሳያንገበግባቸው አልቀሩም። በርግጥ ሀገራችን ለግራጫ ቦታ የላትም ወይ ከነሱ አልያ ከኛ ወገን ትሆናለህ የሚል አማራጭ ብቻ ነው የሚቀርብልህ። ግራጫነት ስትታይ ዋዛ ብትመስልም ከመንጋነት የምታስመልጥ ግለሰባዊ ቦታ ናት። ከኛም ከነሱም ከሚል የመንጋ እሳቤ ታወጣሀለች። ግን ለግራጫነት ዕድል ለማግኘት ለግለሰብ ነፃነት የሚሰጥ ማህበረሰብ ግድ ይላል። ግራጫነት ይለምልም። @ourrthought

“እጅግም የከፋው ግፍ አዕምሮን ሳያጠራጥር ነፍሳችንንም ሳይነካ የሚያልፍ ነው። ክፉ በማድረጋችን ሳይሆን ክፋትን በመልመዳችን እናዝን ዘንድ በተገባ ነበር..”                     ―ዶይስቶቭስኪ @Imagination_officially

የህይወት ህግ!! ​ህይወት በራሷ መንገድ የምትመራባቸው የየራሷ ህጎች አሏት። ከእነዚህም መካከል በዋናነት የሚጠቀሱ ሁለት ትላልቅ እና የማይለወጡ ወርቃማ ህጎች አሉ። የሚያስደንቀውና ደስ የሚለው ነገር ግን፣ ከእነዚህ ሁለት ህጎች መካከል የትኛውን መርጠን መጓዝ እንዳለብን ሙሉ ምርጫው ለራሳችን መሰጠቱ ነው! ይህም እኛ ምን ያህል እድለኞች መሆናችንን ያሳያል። ​እነዚህ ሁለት ወርቃማ ህጎች የሚከተሉት ናቸው፡- ​1. "Pay now, play later" (በቅድሚያ መክፈል፣ በኋላ ላይ መጫወት/መደሰት) ​ይህ ህግ "ዛሬ ዋጋህን ክፈልና ነገ ትደሰታለህ" የሚል ትርጉም አለው። 👉​ጥልቅ ሀሳብና ውጤቱ፡ ይህንን መንገድ የሚመርጡ ሰዎች ዛሬ ላይ ምቾታቸውን መስዋዕት ያደርጋሉ። ለህልማቸው ሌሊት ይተጋሉ፣ እውቀት ይገበያሉ፣ በዲሲፕሊን ራሳቸውን ይገነባሉ እንዲሁም ገንዘብና ጊዜያቸውን ባልረባ ነገር ላይ ከማባከን ይቆጠባሉ። የዚህ ምርጫ ውጤት ዘላቂ ስኬት፣ የውስጥ ሰላም እና በነጻነት የሚመራ ድንቅ ህይወት ነው። ዛሬ የዘሩትን መራራ የስራ ፍሬ ነገ በደስታ ያጭዱታል። ​2. "Play now, pay later" (በቅድሚያ መጫወት/መደሰት፣ በኋላ ላይ መክፈል) ​ይህ ህግ ደግሞ "ዛሬ ተደሰትና ዋጋውን ነገ ትከፍላለህ" ማለት ነው። 👉​ጥልቅ ሀሳብና ውጤቱ፡ ይህንን መንገድ የሚመርጡ ሰዎች የዛሬውን ጊዜያዊ ስሜት እና የቅፅበት መዝናናትን ብቻ ያስቀድማሉ። ለነገ እቅድ የላቸውም፤ ራሳቸውን ከማሳደግ ይልቅ ውጫዊ ገጽታና ጊዜያዊ ደስታ ላይ ያተኩራሉ። ነገር ግን የዚህ ምርጫ ውጤት ከባድ ነው። ጊዜው አልፎ እድሜው ሲገፋ፣ ትላንት ያልከፈሉት ዋጋ ዛሬ ላይ ተከማችቶ በትልቅ እዳ፣ በቁጭትና በችግር መልክ እንዲከፍሉ ያስገድዳቸዋል። ​ውድ ምርጫችን! ​ህይወት ፍትሃዊ ናት፤ ዋጋ ሳያስከፍሉ ስኬትን አትሰጥም። ልዩነቱ ዋጋውን የምንከፍልበት ጊዜ ላይ ብቻ ነው። ዛሬ በፈቃደኝነት በዲሲፕሊን መኖር ካልመረጥን፣ ነገ በግዴታ በቁጭት ዋጋ መክፈላችን የማይቀር ነው። ​ደግነቱ ግን ዛሬ እጃችን ላይ ትልቅ እድል አለ፤ የትኛውን ህግ እንደምንከተል የመወሰን ስልጣኑ ሙሉ በሙሉ የራሳችን ነው። @enlighten_ethiopia

“እናም መገረም ትጀምራለህ ፤ የዛን ጊዜ ህልሞችህ የት ሄዱ?። ራስህን በመነቅነቅ አመታት በፍጥነት እንዴት እንደሚበሩ ታስተውላለህ!። እና በድጋሚ ትገረማለህ። በኖርከው አመታቶችህ ምን አደረግክ?፤ ምርጥ ጊዜህን የት ቀበርከው ኖሯል?። አዎ ወይም አይደለም የማትለው ውሳኔ ውስጥ ራስህን ታገኘዋለህ። ተመልከት ይቺ አለም ምን ያህል ቀዝቅዛለች ብዙ አመታቶች እንደዘበት ያልፋሉ በዚህም እነርሱን ተከትለህ ትጠፋለ። እነዚህ መከተሎች ሀዘን ብቸኝነት እና እርጅና ይጭኑብሃል። እርቃኑን በሰሜን ባህር እንደ ቆመ ዛፍ መሰልቸት እና ተስፋ መቁረጥ ምናባዊ አለምህ ላይ ይጋረጣል። ትሞታለህ ሕልሞችህ በዛ ይደርቃሉ አንተም ከዛፎች ላይ እንዳለ ደረቅ ቅጠል ትረግፋለህ!።”         ✍🏼 ፊዮዶር ዶስቶይቭስኪ             ―White nights 📖 🪽

አህያው የሚቀመስ ምግብ ፍለጋ በጫካ ውስጥ እየዞረ ሳለ የሞተ አንበሳ ተንጋሎ ያገኛል። የፈጠነም የአንበሳውን ቆዳ በመግፈፍ ይለብሰዋል። ቀጥሎ ወደወንዙ በመውረድ በወንዙ ውሃ መልኩን ሲመለከት ቁጭ አንበሳ ሆኖ አገኘው። ወደዱርም በመሄድ በእንስሳቱ መካከል ቆመ፤ የዱር እንስሳቱም አህያውን ሲመለከቱት አንበሳ መስሏቸው ፈሩት። ይሄኔ አንድ ሃሳብ ብልጭ አለለትና ወደአንበሳ ማህበር አቀና። አንበሶችሁ ጋር እንደደረሰም በጨዋታ መልኩ ተላፋቸው፤ እንደሱም ጉልበት ያለው አንበሳ አልተገኘም። የታገሉት ሁሉ ይወድቃሉ። አንበሳ ጎበዝ ተናካሽ ቢሆንም መራገጥ ላይ እንብዛም ነው። ይሄኛው አንበሳ ግን ሲራገጥ አያምጣው ነው። ስለዚህ አንበሳ መስሎ የመጣውን አህያ በጉልበቱ አማክኝነት በአንበሶች መካከልም እጅግ በጣም የተፈራ ሆነ። ስልጣን ሰጥተውም ንጉስ አደረጉት። ታድያ የንግስናው ወንበር ላይ ሲቀመጥ ስሜቱን መቆጣጠር ስላቃተው በድንገት «ኢ..ሃ ኢ..ሃ» ብሎ አናፋ!። 🤓 ይሄንን ጥንታዊያን የኤዞፕ ተረተኞች እንዲህ ብለው ይጠሩታል «The ass in the Lion's skin» ምን ልላችሁ ነው መሰላችሁ You can wear a lion’s skin, but you can’t hide a donkey’s voice! ሰው ምንም ያህል መልኩን ቢቀይርም ባህሪው እና ንግግሩ ውሎ አድሮ ማንነቱን ማሳበቁ አይቀሬ ነው።                     @Armemo_offical

‹‹ያየን ሁሉ ተሰናክለን የማናውቅ ይመስለው ዘንድ የተረጋጋና ዝም ብሎ የሚሄድ ሰው መሆን ምን ማለት እንደሆነ አያውቁትም። ማንም ምን ያህል እንደደከመን አይገነዘብም። በዝምታ ፈገግ ማለታችንና የተስተካከለ ቁመናችንን ስላዩ ብቻ ምን ያህል የድካም ዝርዝሮችን እንደተሸከምን አያውቁም፤ ቢያውቁም ማንም ስለዛ ጉዳዩ አይደለም። በቃ አይረዱኋችሁም.. ሺህ ማይል እያሰብን የተራመድንበትን ነገር አፍ አውጥተን ብናወራው እነሱ አንድ እርምጃ እራሱ ስላልተራመዱ አይሰማቸውም። በልባችን ውስጥ ቤት ስለሰሩት የለሊት ሃሳቦች ሚሊዮን ጊዜ ብናስረዳ የልባቸውን በር አንዷን ሌሊት እንኳን አያንኳኳም። በዚህ ምክንያት አንድ ሰው ተቀብሎ ባለመኖር እና ሳይቀበሉት በመኖር መካከል ይሞታል››            ―አህመድ ካሊድ ታውፊቅ          @Imagination_officially

ራስህን በፀፀት አለንጋ መግረፍህን አቁም። ​እናንተ "ጸጸት" የምትሉት ነገር አእምሯችሁ ራሱን ቅዱስ ለማድረግ የሚጠቀምበት ሌላኛው የውሸት ጭንብል ነው። "ያኔ ያንን ባላደረግኩት፣ ያንን ስህተት ባልሰራሁት፣ ያንን ሰው ባላስቀየምኩት" እያልክ ትላንት በሞተው ታሪክ ላይ ዛሬህን ትገብራለህ። ያ የአእምሮህ ጨዋታ እንጂ ንቃት አይደለም። ትላንትናን መለወጥ አትችልም፤ ነገር ግን በትላንትናው መቃብር ላይ ቁጭ ብለህ ስታለቅስ፣ አሁን በአጠገብህ እያለፈች ያለችውን ህይወት በገዛ እጅህ ትገድላታለህ። ​አንድ እውነተኛ ገጠመኝ ልንገራችሁ። ​አንድ ቀን በህይወቱ በሰራው አንድ ትልቅ ስህተት ምክንያት ለዓመታት ራሱን ሲወቅስ የኖረ፣ ፊቱ ላይ ታላቅ ስቃይ የሚታይበት ሰው ወደ እኔ መጣ። "ከዓመታት በፊት አንድ የቅርብ ጓደኛዬን ከዳሁት። ከዚያ ቀን ጀምሮ ውስጤ ሰላም አጣ። በየቀኑ ራሴን እረግማለሁ። እባክህ ይህንን የውስጤን የጸጸት እሳት እንዴት ላጥፋው?" አለኝ ​እኔም ትኩር ብዬ አየሁትና ፈገግ አልኩ። "ችግርህ እኮ ያኔ የሰራኸው ስህተት አይደለም፤ ችግርህ ያ የሞተው 'አንተ' ዛሬም በህይወት ያለ መስሎ መታየትህ ላይ ነው። ያኔ ያንን ስህተት የሰራኸው በዚያን ጊዜ በነበረህ የንቃት ደረጃ (Awareness) ልክ ነበረ። ዛሬ ላይ ቆመህ ትላንትናን ስትወቅስ ግን ራስህን እንደ እግዚአብሔር ፍጹም አድርገህ እያሰብክ ነው። ይህ ደግሞ ያንተ 'እኔነት' (Ego) እንጂ መጸጸት አይደለም" አልኩት። ​ያለፈው ነገር አልፏል፤ ድንጋይ ሆኗል። ድንጋዩን በትከሻህ ላይ ተሸክመህ ብትዞር የሚደክመው ያንተ ትከሻ እንጂ ድንጋዩ አይቀልጥም። ​የትላንትናውን አስክሬን የመሸከም ውጫዊ እብደታችሁን አቁሙ። ​ልክ እንደ መኸር ዛፍ ሁኑ። የደረቁ ቅጠሎች ከዛፉ ላይ ሲረግፉ፣ ዛፉ ስለወደቁት ቅጠሎች አያለቅስም፣ አይቆጭም። ቅጠሎቹ መውደቃቸው ተፈጥሮአዊ ነው። ዛፉ ግን ወደ አዲሱ የጸደይ ወቅት ያያል፣ አዳዲስ ቅጠሎችንና አበባዎችን ያበቅላል። ህይወት ወደ ፊት እንጂ ወደ ኋላ አትፈስም። ​ያለፈውን ስህተትህን እንደ ትልቅ የትምህርት ቤት መጽሐፍ ተመልከተው እንጂ እንደ ሰንሰለት አታድርገው። ከእሱ ተማር፣ ወደ ህልውናው ዝምታ ተመለስ፣ ከዚያም እራስህን ይቅር በል። አሁን በዚህች ቅጽበት አዲስ ነህ። ከአሮጌው ታሪክህ ነጻ ስትሆን፣ ያኔ እውነተኛውን መለኮታዊ ብርሃንና ውስጣዊ ሰላም ታገኛለህ። ራስህን ፍታው! ​ "ትላንትና የታተመ መጽሐፍ ነው፣ ገጹን ማስተካከል አትችልም። አሁን ግን ንጹህ ነጭ ወረቀት በእጅህ ላይ አለ። በትላንትናው ቀለም የዛሬውን ወረቀት አታቆሽሸው፤ አሁንህን አዲስ አድርገህ ጻፈው።" — ኦሾ ​@enlighten_ethiopia

"የምንኖረው ቀብር ከሟቹ ይበልጥ ፣ ሰርግ ከፍቅር ይበልጥ በሚያሳስብበት እና ቁሳዊ ነገሮች ከአእምሮ ብስለት ይበልጥ የሚከበርበት ዓለም ውስጥ ነው። ይዘቱን በሚንቅ የማሸጊያ ባህል ውስጥ ነው የምንኖረው።" ኤድዋርዶ ጋሊያኖ @zephilosophy

ሩሲያዊው ጸሃፊ አንቶን ቼኮቭ ስለወደቁ ማህበረሰቦች ተፈጥሮ ሲጠየቅ እንዲህ ሲል መልስ ሰጥቶ ነበር፡- ‹‹በወደቁ ማህበረሰቦች ውስጥ ለእያንዳንዱ ጥበበኛ አእምሮ አንድ ሺህ ሞኞች እና ለእያንዳንዱ አስተዋይ ቃል አንድ ሺህ ደደብ ቃላት አሉ። ብዙሃኑ ሁል ጊዜ ሞኞች ሆነው ይቆያሉ። በዚህም ምክንያታዊውን ሰው ያለማቋረጥ ያሸንፋሉ። በህብረተሰብ ውስጥ ለውይይት ግንባር ቀደም የሆኑ ተራ ርእሶችን ካየንና ተራ ሰዎች ዋናውን መድረክን ከተቆጣጠሩ ለእናንተ የሚያወሩት ከራሳቸው ማኀበረሰብ ያመጡትን ተራ ውድቀት ነው። ለምሳሌ በዘፈኖች ውስጥ ትርጉም የለሽ ቃላት እየተዘፈነ በሚሊዮኖች የሚቆጠሩ ሰዎች ሲጨፍሩ እና ደጋግመው ሲያዳምጡ ይታያሉ። እናም የዘፈኑ ባለቤት ታዋቂ፣ ዝነኛ እና ተወዳጅ ይሆናል። ሰው እንኳን በህብረተሰብ እና በህይወት ጉዳዮች ላይ የራሱ አስተያየት አለው። ጸሃፊዎች እና ደራሲዎች ግን ማንም አያውቃቸውም፤ ከእቁብ ባለመቁጠር ዋጋ እንኳን ሳይሰጣቸው ሲያልፉ ይስተዋላል። አብዛኛው ሰዎች ስካርን ብሎም በከንቱ ወሬ መፍዘዝን ይወዳሉ። አዕምሯችንን እንድንስት የሚያደነዝዝና በማይረባ ነገር የሚያስቀን ሰው ደግሞ ወደ እውነት ከሚነቃንና እውነትን በመናገር ከሚጎዳን ሰው የተሻለ ቦታን ያገኛል። ስለዚህም ነው ዲሞክራሲ እና ሎጂክ ለደናቁርት ማህበረሰቦች የማይመቸው!። ምክንያቱም ብዙሃን አላዋቂዎች የብዙሃኑን እጣ ፈንታ ይወስናሉ!።›› @Armemo_offical

እንኳን አደረሳችሁ! መልካም የትንሳዔ በዓል ለሁላችን ይሁንልን።

የሆነ ጊዜ መንግስት ኦሮሚያ ውስጥ በተደረገ ውጊያ ማረኳቸው ያላቸውን ወጣቶች አቅርቧቸው በቲቪ እየተናገሩ ነው የሰራዊቱ የምርኮኛ አያያዝ እንዴት ነው? "እንደልባችን ገላችንን እየታጠብን፣ ስጋም ዳቦም በቀን እንደፈለግን እየበላን ነው ...ተንከባክበውናል ሌሎችም ከኛ ተምረው እጅ በሰላም ይስጡ" ሕዝቡ በኮሜንት "ተምረናል ...መንግስት እኛንም ይማርከን"👐 አሌክስ አብርሀም