💛和你慳💛優惠資訊發佈站

🐷豬隊友快速瀏覽Hashtags📍 #haan食店 #haan九龍灣 #haan葵涌 #haan水果 聖誕禮物deadline frighter睇呢度😎！知你哋班友上人屋企兩手空空㗎啦～想比少少誠意嘅可以比呢間巴打鮮菓幫吓你！🥳 小店推出啲人血聖誕福袋由$268-$498不等😂黄豬咁慳家梗係幫大家試吓$288平平哋嘅福袋抵唔抵啦😗！ 首先有巴西香印提子1房🍇～望落粒粒都漲卜卜～聞到淡淡提子清香！咬落水份充足甜度適中～🤔但唔似日本香印咁卜卜脆亦都冇咁甜！上網一搵巴西香印都要$180左右⋯唔怕貴就當造季節買番日本嘢啦～ 之後係日本愛媛甜柑🍊！外皮非常薄！一摸上手就知係爆汁嘅柑～食落有少少似柑糖個種蜜甜味☺️幾鍾意！又冇渣！食多2個都仲得🤣 意大利Zespri金奇異果🥝係珍寶size！手掌咁大嘅奇異果幾吸晴👀一切落去就流哂汁～但食落係比較清甜～冇普通奇異果個種酸微微、但又未去到n件前食嘅金奇異果咁濃甜😳紐西蘭種嘅Zespri會甜少少🤏 麒麟果就未試～不過之前都食過厄瓜多爾嘅麒麟果真係好！清！甜！😍個種甜味係同其他生果好唔同㗎😂一定要試！！不過小心要搵廁所囉～因為纖維好高⋯食完一定去廁所😗 🈹優惠情報 Promotions💰 ➖26號前門市自取所有蘋果9折 🗺商店詳情 Details📍 @brosfruit 葵涌打磚砰街89號葵匯工業大廈地下1號鋪 九龍灣宏泰道3-5號合力工業中心A座地下1號鋪 圖片來源：@yellowoneihaan

🐷豬隊友快速瀏覽Hashtags📍 #haan食店 #haan觀塘 #haan網店 #haan烘焙 星級推介😍😍！黃豬終於試到呢間bookmark咗好耐嘅布甸燒小店🤪之前等店主勁耐先重開真係等死人！ 佢哋嘅布甸燒有好多款口味～例如最基本嘅原味🥚、暖胃薑汁、茶味系列有小山園抹茶🍵、玫瑰奶茶🌹⋯仲有創意爆登嘅芋泥x布甸燒🤯🤯店主落足心機去研發最好味嘅配方～真係好有誠意㗎！黃豬今次試咗3款～以下逐款介紹比大家🥰（內餡圖都係依次序排㗎） 🥇芋泥布甸燒 呢款口感真係100分😭嫩滑嘅日本蛋布甸配上軟綿綿嘅芋泥⋯兩種口感撞埋一齊原來係咁滿足咁幸福🥺日本雞蛋蛋味非常香濃！滑溜到一個極致！新鮮芋泥冇粒粒、亦冇落芋精～品嘗到最原始嘅芋頭香味✨食完口入面唔知點解有萬🐥奔騰嘅feel🤣 🥈玫瑰奶茶布甸燒 一啖食落去先有濃郁蛋味～之後淡淡嘅玫瑰香氣係後勁飄出嚟😳兩者之間拎到個平衡、唔會掩蓋到大家獨自嘅香味～有茶香嘅布甸燒亦冇咁膩😍食多兩啖都唔怕滯～如果可以配多杯花茶就perfect啦🤤 🥉小山園抹茶布甸燒 店主原來為咗搵出最出色嘅抹茶味試咗十幾廿款抹茶🍵🙈！！最後先揀定小山園嘅茶粉✨整出嚟的確好濃厚嘅抹茶味！每一啖都好似飲緊超濃抹茶咁🤣比起玫瑰奶茶會更更更有茶味～抹茶控一定要試！！ 如果想試真功夫可以揀原味嚟試😎原汁原味🇯🇵日本滑蛋！～店主其實整蛋糕都有一手～而且平！靚！正！快啲入去睇睇啦！ 🈹優惠情報 Promotions💰 ➖已經賣得好平🤣感覺店主為興趣整的 🗺商店詳情 Details📍 @never_eat__alone 不定時開團 圖片來源：@yellowoneihaan

🐷豬隊友快速瀏覽Hashtags📍 #haan食店 #haan九龍城 #haan咖啡店 又心掛掛呢件咸批🤤決定出個post分享比大家！位於九龍塘角落頭嘅一間主張hea住生活coffee shop✨呢度有各種咖啡同咸甜點心🥧任君選擇～拎埋laptop嚟嘆住啡打文就最適合😝 當日叫咗呢個signature pie 「十種蔬菜咖喱批 $65」👳🏽‍♂️批皮厚薄適中～少油令口感偏乾實～健康啲幾鍾意❤️咖喱醬料偏甜不辣～內餡嘅十種蔬菜切碎同咖喱醬混和一齊～每一啖都食到唔同蔬菜🥬例如西蘭花、紅蘿蔔、白蘿蔔、青瓜、黃椒、茄子等～黃豬就只分辨到呢幾種😂你哋試完留言話我知仲有咩係入面！！整體來講係一款素食/健康人士必試嘅下午茶🤤 另外配上一杯「Espresso Tonic $48」😚呢度嘅tonic 較為特別～係用tonic syrup去調製㗎！以英國BTW嘅tonic syrup、泰國梳打水、石榴青檸糖漿調配嘅tonic你試過未呢🙆🏻‍♀️飲落非常refreshing～清甜同苦澀之間平衡得啱啱好🤤相信黃豬～飲完之後平價tonic water真係會變地底泥～ 小店不時同本地巧手烘焙師合作～提供不同款式嘅甜點比大家食🙆🏻‍♀️去之前睇吓佢哋ig呢幾日有咩供應喔～ 🈹優惠情報 Promotions💰 ➖暫時未有 🗺商店詳情 Details📍 @lazycreatures.hk 慵懶生物 (九龍城) 九龍城太子道西379號家歡樓地下J舖 營業時間：星期二至五09:00-18:00 星期六至日10:00-19:00 星期一休息 圖片來源：@yellowoneihaan

🐷豬隊友快速瀏覽Hashtags📍 #haan食店 #haan旺角 #haan長沙灣 #haan餃子 最近呢間好受歡迎甜記餃子🥟係旺角新開張✨佢哋嘅煎餃、水餃都大受好評～湯麵轉蕃茄薯仔魚湯仲唔洗加錢🤪～即刻去試試！ 餃子種類繁多😍主要係各種蔬菜配豬肉餃～另外有幾款雞肉、牛肉甚至係羊肉餃添😋黃豬嗌嘅係「粟米芝士雞肉+煎餃麵 $46」另外轉蕃茄薯仔魚湯同台灣麵🙌🏽 滿懷期望等⋯一等就等咗20分鐘😂同行友人都食完先輪到黃豬🥺然而好可惜⋯記得轉台灣麵又漏咗轉魚湯🤦🏽‍♀️雖然麵底爽口有彈性～配上店家辣菜圃幾好食⋯但冇得試魚湯真係差好遠 餃子煎至外皮脆香～沾上少少喼汁已經夠殺食😆入面嘅餡料都幾足！粟米粒同雞肉塞滿餃子～完全冇肥肉、味精😋即使有芝士黃豬都覺得係好健康😹芝士本來就唔係Bad Food適量就可以～不過就唔好期望呢隻餃係爆芝餃～ 另外加咗$10熱豆漿～係有糖嘅⚠️香濃豆漿飲完暖笠笠💛♨️可能仲係試業期間啦～啲嘢都比較亂～希望下次去會好啲😬 🈹優惠情報 Promotions💰 ➖長沙灣店用lingduck叫外賣有優惠 🗺商店詳情 Details📍 @tinkeedumplings 甜記餃子 (旺角) 旺角通菜街2Q-2Z號鴻輝大廈地下2號舖 營業時間：星期一至日12:00-21:00 甜記餃子 (長沙灣) 長沙灣昌華街23號富華廣場19號地舖 營業時間：星期一至日11:00-22:00 星期六休息 圖片來源：@yellowoneihaan

🐷豬隊友快速瀏覽Hashtags📍 #haan食店 #haan元朗 #haan小食 去開元朗梗係要買啲手信番屋企！🥳呢間其奧餅舖本來就非常出名～當然招牌就係佢哋人手製作嘅傳統花生糖啦🥜🥜 無論大人細路都圍住呢位哥哥仔睇表演🤣兩隻強而有力嘅臂彎起勢炒呀炒✨將糖漿同花生粒撈均哂😍然係就加入黑白芝麻、椰絲等等就攪掂啦！！ 單買一盒$30；兩盒就只需$50💛每粒花生都好新鮮！！大大粒冇溢味！黑芝麻本身鑊味重啲會平衝到強啲糖漿嘅甜味～所以怕甜嘅豬隊友可以揀黑芝麻花生糖！黃豬唔鍾意椰絲就冇試了🙈送禮自食都好～ 🈹優惠情報 Promotions💰 ➖買2盒$50 🗺商店詳情 Details📍 其奧 (元朗) 元朗大馬路36號 圖片來源：@yellowoneihaan

🐷豬隊友快速瀏覽Hashtags📍 #haan食店 #haan尖沙咀 #haan西式 #haan日本菜 石門嘅explorer fusion係尖沙咀開新分店啦😍✨黃豬幫襯過佢哋唔少次～今次嚟到尖沙咀嘅Aurora試吓佢哋啲食物水準同質素😎係咪同舊舖一樣咁好！ 「七重刺身海膽杯$298」餐廳有一個日式吧枱😳刺身師傅就喺度不停又切又砌～將三文魚、八爪魚、油甘魚、吞拿魚、吞拿魚蓉、海膽等角切魚生塞滿成隻cocktail杯🤯🤯魚生新鮮又肥美～一啲雪味都冇！海膽鮮甜冇瀉水超正🥳而且仲有大大粒飯糰🍙同脆紫菜比你送魚生🤣咁抵、打卡able嘅刺身杯真係得呢度有！！ 「香辣燒雞翼$98」 香烤至金黃色嘅雞翼搞到黃豬流哂口水🤤雞皮微焦脆皮、雞肉啱啱熟！保留落嚟嘅油脂分布係熱辣辣嘅嫩肉之間😝少啲功力都未必燒到咁好食😌不過名就叫香辣雞翼～黃豬就唔覺得辣啦！怕辣嘅豬隊友放心食～ 「德國腸拼盤$208」 三款德國腸煎到外皮脆卜卜、入面啲肥油爆發嘅感覺真係冇得彈😍黃豬最鍾意嘅係帶少少辣味嘅德國腸～貪佢辣辣地食多幾舊都唔會滯👍🏽推薦大家一路食德國腸嘅時候～配一啲酸椰菜嚟食咁就冇咁肥膩啦✨ 因為佢哋嘅菜式份量都好大份⋯黃豬食到呢度已經飽到上心口😹就冇辦法再試更加多嘢食🙈但係尖沙咀嗰間分店同石門一樣都係非常抵食😚而且食物質素都好高👏🏼有興趣可以嚟預約訂位支持下呢一間黃到金嘅西日fusion菜～ 🈹優惠情報 Promotions💰 ➖星期日、一Happy Hour買2送1 🗺商店詳情 Details📍 @explorerfusion @aurora.fusion.restaurant Aurora Fusion Restaurant (尖沙咀) 尖沙咀亞士厘道35號地舖 營業時間：星期一至日12:00-22:00 圖片來源：@yellowoneihaan

🐷豬隊友快速瀏覽Hashtags📍 #haan食店 #haan小食 #haan觀塘 #haan新蒲崗 #haan沙田 #haan紅磡 #haan荔枝角 #haan柴灣 又試一間即叫即整嘅石磨腸粉😝鳳鳴開咗好兔分店～今次試嘅係觀塘個間！黃豬嗌嘅係「雞蛋黑米腸$19+$3」💛由於都幾多客～等咗10分鐘先食到！ 注意呢度係冇位坐㗎⚠️⚠️要立食/外賣！咁流浪至此嘅黃豬惟有立食啦⋯🤣欣賞有紅黑米可以揀！比起白米會更有營養價值～不過米漿比較薄～食咗兩啖可能已經食完😳$23嚟講男仔真係唔會夠喉～但石磨米漿整出嚟的確好滑又有米香🤩加上芫荽香蔥辣椒豉油吊味⋯做早餐冇得輸～ 🈹優惠情報 Promotions💰 ➖學生着校服或出示學生證全單8折 ➖OR外賣自取95折（只限新蒲崗分店） 🗺商店詳情 Details📍 @fengming_original 鳳鳴石磨腸粉 (觀塘) 觀塘開源道68號觀塘廣場地下G34號舖 營業時間：星期一至日08:00-19:00 圖片來源：@yellowoneihaan

🐷豬隊友快速瀏覽Hashtags📍 #haan粉絲優惠 #haan非食店 #haan網店 今次為各位豬隊友R到個激抵優惠番嚟😱而家武肺又嚟第4波😢個個都要停課WFH！又係時候要囤吓貨～ 唔洗出門、禁幾個制就可以買到你至愛嘅超市百貨🤩嘢飲、零食、啤酒、粉麵、罐頭應有盡有～原箱購買價錢仲抵抵抵！😎然後用埋和你慳嘅粉絲專屬優惠碼「yellowoneihaan」仲即刻有9折！！🤯😝鍾意獨買又得、同隔離屋夾份訂又得！ 🈹優惠情報 Promotions💰 ➖ 用yellowoneihaan優惠碼即享全單9折 🗺商店詳情 Details📍 @ban9na_ig 今日落單聽日送上門！ https://www.ban9na.com/ 圖片來源：@yellowoneihaan

🐷豬隊友快速瀏覽Hashtags📍 #haan食店 #haan上環 #haan西式 早幾日終於嚟咗LLB朝聖😍聽聞主廚係對食物好有要求嘅人！今次就嚟試一試喇😎 午餐叫咗呢款「香煎挪威三文魚 配 蘆筍香菌意大利飯 $158」配有餐湯/沙律🥗以及各款茶飲咖啡～ Fushion沙律除咗有常見生律菜、蕃茄仔～仲加入通常泰式沙律先有嘅柚子😳搞到黃豬好掛住泰國😢⋯沙律菜乾身新鮮、無枯葉！沾上千島醬汁已經好好味👍🏼 三文魚裹上咗一層激薄嘅粉去煎～雖然外表睇落黑咗啲～但魚皮煎至微脆仲保留到皮肉之間嘅油脂😻裏面嘅魚肉熟度啱啱好流緊魚油🤪食落嫩滑、滿口魚油香！意大利飯粒粒有口感～忌廉汁濃稠但又冇重cream個種膩嘅感覺～用上BB蘆荀特別鮮嫩☺️香菌份量都唔少～每一羹都好豐富！ 🈹優惠情報 Promotions💰 ➖ 懲罰祭(27-29/11) 電話或WhatsApp 訂座85折 ➖GumPay 優惠$100減$10，最多減$50 ➖每日3-7pm Happy Hour 買一送一 🗺商店詳情 Details📍 @llbbistrohk LLB Bistro (上環) 上環荷李活道188號地下 營業時間：星期一至日12:00-22:00星期五六至23:00 圖片來源：@yellowoneihaan

杜汶澤喱騷新平台將有黃秋生、王宗堯、田蕊妮等藝人，月費港幣$60，新節目香港企硬只供VIP會員觀賞，VIP會員港幣$600，可觀看12個月節目。 請香港人支持真正屬於香港人嘅電視台！