አቦል

#ሙት_ገላሽ_ነኝ_እኔ !!! . . . ፍቅረ ፅላት ለማደሪያው ከህብረ ዕፅ እንደ ግራር፣ በነፍሱ ልክ ለቀመሰ ጣፋጭ ቢሉሽ ልክ እንደ ማር። አሰማምሮ አበጃጅቶ እግዜር ቤቱን ቀማመረሽ፣ "ሴት" የመሆን ረቂቅ ጥበብ ታድኚኝ ዘንድ ገድሎ ማረሽ። አንቺ የልጅ ነፍስ !!! በበዓሉ በሰንበት ቀን ማን ሸለመሽ ልብ እንደ እናት፣ ከየትኛው ደብር ይሆን የተማርሽው "አጀብ" ፅናት። ያደማሁት ምስኪን ልብሽ ሳይሽርለት ትኩስ ህመም፣ እንዴት ያለ ከፍታ ነው የበደለኩሽ እኔን ማርመም። አፅም አካሌን ስትዳብሺኝ፤ ቃል ወልጄ ከሙት ገላ እንዲህ ብዬ አልጠይቅም፣ አፌ እንደሆን ተለጉሟል አልፏል በቃ ቃል አያውቅም። ብቻ አንቺ በምታውቂው "የኔ ፍቅር ይቅር" ስልሽ፣ በይ ስሚልኝ ድኩም ቃሌን ይቅር በይኝ እንደ ልብሽ። ይቅር በይኝ እንደ ልብሽ፤ ይቅር በይኝ እንደ ፍቅርሽ ሩቅ አይደለም የኔ መሻት፣ በመዓዛሽ አከላቴን በነካ እጅሽ ነፍሴን ዳብሻት። ✍ ዓቢይ ( @abiye12 ) Join & share 👇👇👇👇 @hasabawian @hasabawian @hasabawian

[ The Disappointment Series - 7 ] (Idiotic Experiment ፩ - ስድ ግጥም እንደ ደብዳቤ) ... ስትመጣ መሻሽቶ ነበር ቀን ጠልቆ ከፀሐይ ጋራ ናት ብዬ የእግዜር እንግዳ ታዛዬን ከ'ሷው ልጋራ እልፍኜኝ ለሰው የማልከፍት የማልቀል ለመወዳጀት እሷ ግን ባንዳች ትንግርቷ ዘለቀች ከልቤ ማጀት ፀሎቴን በእምባ ለውሳ ወደአምላክ አሳረገችው ቦግ አለች በድቅድቄ ላይ ሌሊቴን ቀን አረገችው እምባዬን እያበስኩባት - ሳቅ ሆናኝ ከልቤ ሳቅኳት በሥጋ አልደረስኩባት - በነፍሴ ነፍሷን አወቅኳት! [ ውብስ ነበር አመጣጧ - አስደንቆኝ ነበር እንደመልአክ በብርሃን መንቆጥቆጧ - ድንቅ ነበረች ልጅት ትንግርታዊ ክሱት - መስሎኝ ነበር እኔስ የተገፋው ልቤን አማልክት ሊክሱት - የተዘጋው በሬ ሳይከፈት ገባች - በሀሴት ልንዘምር በደስታ ልንንቧች - ትንሿ ጎጆ ውስጥ ሀገር እየሰራን - ውበት እየዘራን - በቁልምጫ ቃላት እየተጠራራን - ሕያው ነፍሳችንን በፍቅር አጠራን - አላስፈራኝም ነበር ዙፋን ሆኜላት በኔ ላይ መቀመጧ - ኋላ ሊከፋ አቀጣጧ - ውብስ ነበር አመጣጧ! ] ... ሳይማልድ ማለዳው፣ ከቀን ቀድማ ነቅታ የሳቋን ማሚቶ፤ የእምባዋን ሕቅታ ቧልትና ተረኳን፣ ስላቅና ምፀት የኩርፊያዋን ለዛ፣ የሳጓንም ድምፀት የአንገቷን ሥር ጠረን፣ የገላዋን ሽታ ግለት፣ ትኩሷቷን፤ ሳልና እንጥሽታ ሁሉንም ሸክፋ፤ በመውደዷ አዋዝታ አንዳችም ሳታስቀር እንዲሆን ትዝታ ከትራሴ ለቅማ የፀጉሯ ዘለላን ከመንገድ ልትኖር ሄደች እንደዘላን! [ ስትሄጂ ኮቴም የለሽ እንዴ? እንዲያው ጭልጥ፣ እንዲያው ጥፍት ባንዴ? ሰው ያስባልም አይባል? ወንድ ልጅም እኮ ይባባል! ቡራቄ ዛሬም ያምርሻል፣ አልሻረልሽም እንዴ ልጅነት? ሁሉን ይቅርና አይከበርም ወይ ወዳጅነት? እንዲህ ትርቂያለሽ ብሎ መች ያውቃል ልቤ ጠርጥሮስ - ሰበርሽኝ እንደአልባስጥሮስ - እንደው ለእኔ ባታዝኚ አታዝኚም አቅፎሽ ለነበረው ክንዴ? ስትሄጂ ኮቴም የለሽ እንዴ? ] ... ሕልም ነበረች ወይ ቅዥት ነበረች ወይ ስነቃ ያጣኋት? ሚራዥ ነበረች ወይ ጉምስ ነበረች ወይ በእውን ያላየኋት? ምነው ከመምጣቷ መሄዷ ቀደመ? ሽፋሽፍቶቼ ላይ እምባ ተጋደመ ቄስ አይደለሁ አቡን አልጠራት ገዝ'ቼ ሰው 'ንጂ አይደለች ቁስ አልወርሳት ገዝቼ ልኑር እንጂ እየጋትኩ የትዝታን እንገር በረረች ወፊቱ ሄደች ሳትናገር ከንፋስ ጋር እልም ከመንገድ ጋር እብስ ትዝታን ትታልኝ ከፍቅሯ የሚብስ! [ አልዋሽሽም የሔድሽብኝ ቀን አዘንኩ - ፍቅርሽን ፍለጋ በየመንገድ ባዘንኩ - አነባሁ ከሰው ተደብቄ - አለቀስኩ አንጀት ሰብቄ - የወንድነትን ወግ ያፈረስኩ መሰለኝ - እምባ ፊቴን ሳይሆን ልቤን አቆሰለኝ - ትምክቴ ትንፋሽ አሳጣኝ፣ አፈነኝ የልቤ ኩራት - አንድም መያዝ በልምምጫ፣ አንድም መልቀቅ የፍቅሬን በኩራት - ዋልኩና በፍቅርሽ ሚዛን ቀልዬ ልገኝ ተመዘንኩ - አልዋሽሽም የሔድሽብኝ ቀን አዘንኩ! ] ... አንዳንዴ ካሳብ ይመጥቃል አይገባም ፍቅር ስሌቱ ለብቻ ጧቱ ብራ አይሆን ካንቺ ጋር አይጨልም ሌቱ ቢደርብ ልቤ ላይሞቀው ሸማውን ይዘመዝማል ካንቺ ጋር ቅርብ ያልኩት መንገድ ብቻዬን ስሆን ይረዝማል አብሬሽ በእምባዬ እንዳልሳቅኩ ሳቅ መሀል እምባዬ አጠበኝ እያለሽ የሰፋን ጎጆ ብቻዬን ስሆን ጠበበኝ! [ ሰላም ለኪ ላንቺ በምትኖሪበት - በሰማይ ርቀት ወይ በምድር ቅርበት - ከወዳጅሽ ጋራ ለደመቀው ፍቅር - አበባ ነው እንጂ ደንጋይ አልደነቅር - ታነቢው አታነቢው አላውቅም ይሄን እንኳን ሙንጨራ - ምናልባት እራሴን እየጎዳኹ ነው ካራ እንዳወጣችው ዶሮ መሬቱን ጭራ ጭራ - ግን ይኼም አይገደኝ - መላው ዓለም ይቅርና አንዱ ልብሽም አልወደደኝ - ወንድ እኮ ነኝ ያባቴ ልጅ በሞቴ እንኳን የማሸንፍ - ባልድን እንኳ ካንቺ ውጋት እያነከስኩ የምከንፍ - አንድ ቀን አይቀርም መብረሬ ተላቅቄ ከፍቅርሽ ስበት - እስከዚያው ግን ሰላም ለኪ ላንቺ በምትኖሪበት! ] ፨ ፨ ፨ ©Yonathan Getachew Share to your loved ones ለሚወዷቸው ያጋሩልን . @nathanErmias @nathanErmias

#ይድረስ_ለተከፋች_ሴት . . ይኸውልሽ የኔ አይናማ፤ አንዴ ብቻ እኔን ስሚኝ አታለቃቅሺ እርሺው እንባሽን፤ ሰው ከመሆንሽ ሳትሸራርፊ እጥፍ ውደጂው ያስለቀሰሽን። ልብሽን በእምነት አፅኚው የዛሬ ቀንሽም ያልፋል፣ ችግርሽ ምን ቢደራረብ በእግዜር እጆች ይገፋል። የምታምኚው አምላክሽ እኮ፤ ከሞት መንጋጋም ነፍስ ያስተርፋል። "ተሳሳትኩ " ?? አልተሳሳትኩም !!!!! የተስፋ መሃረብ ይዘሽ ትኩስ እንባሽን በይ አደራርቂው፣ መደነቃቀፍ ብርታት ከሆነ ገፊሽን ሁሉ ወደሽ መርቂው። ወርቅን እራሱ፤ "ወርቅ ሆነ" እንዲባል የተጋጋመ እሳት በልቶታል፣ ታድያ አምላክሽ ይመካብሽ ዘንድ ሺ ቢፈትንሽ ክፋቱ የታል ???? "እኔ አልታየኝም"። . . እናምልሽ ውድ ዓለሜ መፈተንሽን እንዳትጠዪው፣ ይልቅናሽስ ፈገግ ብለሽ "ፈጣሪዬ ሆይ ተመስገን" በይው።   ✍ ዓቢይ ( @abiye12 ) Join & share 👇👇👇👇 @hasabawian @hasabawian @hasabawian

#ጅብ_የገራው_ወደል . . በነጭ በጥበብ አምሮ እንደተዋበ፣ እንደ ጦር አበጋዝ ምርኮ እንደታጀበ። እኔ ዕርም ለበረት እንብዛም ነኝ ጋጣ፣ ወይ በቅሎ ላሰግር ከመስኩም አልወጣ። ግና አምና ለታ፤ ማን አስቶኝ እንጃ ወይ ተልኮብኝ ፍርጃ፣ በወርሃ መጋቢት በዕለተ ተክልዬ፣ ሰይጣን ዘውዱን ሊጭን እኔ ደብሬን ጥዬ። መሃል ሜዳ ብገኝ ስንኩል ቀን ቢያቀብጠኝ፣ ሀገር ያስቸገረ የወደ'ለ አህያ ስስ ጎኔን ረገጠኝ። አቤት አቤት አቤት !!! አቤት አቤት አቤት !!! እንደምን ነረተው የልቤን ስር ስሩ፣ ጅብ የገራው ወደል፤ ሆዱ ከጠገበ መች ልክ ያውቃል እግሩ። ይላል አከላቴ፤ ይላል ሰውነቴ፤ ተረግጦ ተድጦ ደካክሞ ሲያበቃ፣ ወትሮስ የእግዜር ድሃ፤ ከፈጠረው በቀር መች አለው ጠበቃ። እናም አትጨነቅ፤ ኮቴህ እስኪታክተው፤ ዝም ብለህ 'ርገጥ ለምን ብለህ አታስብ፣ ለድፍን ሸሆናህ፤ እኛን የመሰለ ድኩም አካል ሰብስብ። ፀሃይ ስትወጣ ግን፤ ይቺን ቃል አትርሳት። የአካሌ ላይ ሰንበር አይቀርም ይፈርዳል፣ የቀለብከው መንጋም፤ እንደ እፉኝት ፍቅር አንተን በልቶህ ይሄዳል። ምን አካሉ ቢገዝፍ፤ ቢቦርቅ አህያ ቢያካልለው መስኩን፣ በሳቅ የታጀበ፤ ጅብ ጥርሱን ሲሞርድ አውቀዋለሁ ልኩን።            ✍  ዓቢይ ( @abiye12 ) Join & share 👇👇👇👇 @hasabawian @hasabawian @hasabawian

#የድሃ_ሰው_ፀሎት . . በአየር ሰረገላ ጉም ደመና ጭኖ፣ መብረቅያ ታጠቆ ስግምታ ተክኖ። "ሀምሌ ነሀሴ መጣ ስሩ ደነደነ፣ የምበላው የለኝ ቤቴ አልተከደነ።" አንተ ሁሉን ገዢ የተፈጥሮ ጌታ፣ ድዊ የምትፈውስ ታሳሪ የምትፈታ። ህልሜን እየረታሁ እንድረሳው ቀኔ፣ የማነሳት አካል የምላት ወገኔ። ላክልኝ አንድ እሷን ልቤን ታሳርፈው፣ ጠራርጎኝ እንዲሄድ ወይ ዶፉን አጉርፈው። ብዬ ያልኩህ ለታ፤ ለደጅህ ባይደርስም የሌጣ ፀሎቴ፣ እራስ ያህል ሸንፈት ቢያህልም ውድቀቴ። 'ባክህ አትዘንብኝ አይክፋህ እግዜሩ፣ ቢያሳሳኝ ውሽንፍር ቢያደክመኝ ነው ቁሩ።              ✍ ዓቢይ ( @abiye12 ) Join & share 👇👇👇👇 @hasabawian @hasabawian @hasabawian

'ውበቲክ ዲስኦርደር' (የእታች ሰፈሯ ልጅ በሽታ) ___ 1. የታች ሰፈሯ ልጅኮ አደገች። አማረባት። ቆነጀች። መስከረምን ተከትሎ ዳገትና ተራራን እንደሚወርሰው አደይ አበባ... ውበት ወረራት። ሸተተች፥ እንደአልባብ። አወደች እንደአልባስጥሮስ። 19 ዓመቷ። ቁንጅናዋ እንደኤርታሌ ተንተከተከ። አረማመዷ ፈር ያዘ። ተፈጥሮ ገራት። ይህ ብቻ? አይደለም። ስርዓት እጇን ያዛት። ትህትና ፈሰሰባት... ክብር ስጋዋ ላይ አረበበ... 2. ደነገጡ!! እነማን? የላይ ሰፈር ልጆች ናቸዋ! እነሊሊ እነኮኪ... ፥ የውበትን ወንዝ በዱቄትና በዊግ ጠልፈው ወደቤታቸው ያስገቡት። ምነው እንደውም እነቲቲ...? ወንዱን በፈርጣማ ጭናቸው የ'ገብር' አዋጅ ያወጡበት... እነሱ... ቁንጅናዋ ሰፈራቸው ላይ ሲያስገመግም ፥ ሰልፉ እንደተነካ የቁጫጭ መንጋ ተተረማመሱ...  ተደነባበሩ...። እውነት አላቸው።  ወንዱ ሁሉ ስጦታና ልቡን ይዞ ወደታች ሰፈር ወረደ... ወደእርሷ። 2.2 ተማከሩባት!! "ስሟ ይጥፋ" “አባቷኮ አይታወቅም”አሉ ... ያን ምስኪን ጥሩምባ ነፊ። ህዝቡ ወደቀብር የሚተመው፣ ድንኳን የሚተክለው በእሱ ድምፅ ነውና አልተሳካም። “እናቷ ሴተኛ አዳሪ ነች” አሉ... ሰፈሬው የሴትዮይቱን ሽልጦ ከጨዋ እጇ እየተቀበለ ልጆቹን አሳድጓልና ፥  ጆሮውን ዘጋባቸው። 2.3 ይሄኔ አንዷ ጎበዝ ተነሳች። “ውበቷን ለመቀማት ስለምን ትታገላላችሁ?” “እናስ  ምን ይበጀን?” “ባለችበት ውበቷን ትርሳው ።  ትናቀው። የተረሳ እርሻ አረም ይወርሰው የለምን? አረሟን ሰብል ነው ትበል። ሰብሏን እንደአረም እየነቀለች ወደእኛ ትወርውረው።” “እንዴት?” “ምን እንዴት አለው? ውበት እንጂ ልምድ የላትም። የያዝሽው ነገር በሽታ ነው እንበላት። መድሀኒቱ መሬት ነው ካልናት አላማዋ መውደቅ ይሆናል።” ሀዲዱን ለኛ ተዉት አለች ቻይና። ስብሰባው በዚህ ተዘጋ። 3. ሀኪም መጣ። “በሽታ አለብሽ” አላት። “የምን በሽታ?” ደነገጠች። ዶፍተርዬ መነፅሩን አስተካከለ። ጉሮሮውን ጠራረገ። “’ውበቲክ ዲስኦርደር’ ይባላል።” “ምልክቶቹስ?” “ልብን በትህትና ያቅለሸልሻል። ጭንን ከመልካም ነፋስ ይጋርዳል። ከንፈርን ከደጀሰላም ፥ ጉልበትን ከቤተ-መቅደስ እየወሰደ ያላትማል። ዐይንን ወረቀት ላይ አፍዝዞ ያስቀራል። ጀርባሽ ላይ ስርዓት የሚባል ሽፍታ ወጥቶብሻል። ታፋሽ ሥር ድንግልና የሚባል እጢ አለ። እሱን እናነሳልሻለን።” “የቱ ጋር?" ብላ እጇን ስትሰድ "እኔን አዳምጪኝ አሁን!" ብሎ ሀኪሙ አንባረቀባት። ሀኪምን ይፈሯልና ፥ ያምኗልና... እጇን ሰበሰበች። መድሀኒቱስ? ውሀና አፈር አዘዘላት። የጭቃ አልጋ ያዘች። 3.1 ታሪኩን ቶሎ እንዝጋው (ለምን ቢሉ ፤ በሽታው ጥልቀት አይወድምና። 'ውበቲክ ዲስኦርደር' አጉል ሲመራመሩት ያሳብዳል አሉ።) ፈጣሪ የመስገን!!! ታድያ ዛሬ ዛሬ... ልጅት ተፈውሳ... ጠዋት ተነስታ... ዊጓን ሰክታ... ማድያቷን ቀብታ... ፓንት የሚበልጠውን ሚጢጢ ቀሚስ ታፋዋ ላይ ትታ... አባት የሌለውን ልጇን ለእናቷ ጥላ... ቦርሳዋን አንጠልጥላ...ልትወጣ ስትል ትፀልያለች። ለእሷ አይደለም... ከበሽታዋ የገላገሏትን ደጋግ ወዳጆቿን ፈጣሪ እንዲጠብቅላት እንጂ። Michael minasse Share to your loved ones ለሚወዷቸው ያጋሩልን . @nathanErmias @nathanErmias

ከሰሞኑን በማህበራዊ ሚዲያው የተጀመረ challenge አለ #ግብረ_ሰዶሞችን_እቃወማለሁ የሚል! ይሄ ነገር የእያንዳንዷን በር ስለሚያንኳኳ አይመለከተኝም ማለት ዘበት ነው። ከዚህ በፊት እንደ sense of humer ተጠቅሜው ጓደኞቼ ኸረ ተው እስኪሉኝ ድረስ እንጨት እንጨት የሚሉ ቀልዶችን ቀልጄበታለሁ አሁን ላይ በዛ ጉዳይ ፊት መስጠት መዘዝ እንጂ ቀልድ እንደማይፈጥር ስለገባኝ የማውቀውን መረጃ በዝርዝር የመናገር ውዴታ ላይ ነኝ። Vent የተባለ የቴሌግራም bot አለ እናም እዛ ላይ የደበራቸውን'ና የቸገራቸውን share አድርገው experience ካደረገ ሰው እንደ ምክርም፣እንደ መልስ የሚያገኙበት site ነው። አሁን ላይ በብዛት በሚባል መልኩ የሚጠይቁት ጥያቄ የተመሳሳይ ፆታ አፋቃሪ መሆናቸውን በመንገር ጓደኛዬ እንዲህ አረገበኝ፣እንዲህ አደረኩበት ምን ይሻላል አይነት ነገር ነው even ከዚህ ነገር መውጣት እፈልጋለሁ የሚል vent አጋጥሞኝም አይቼም አላውቅም። ጭራሹን የት እንደተገናኙ የት እንደሚማሩ mention ሲያረጉ ከምማርበት ቦታ ጋር ሲገጣጠም ሚሰማኝን ስሜት፣ወጣ ያለ ባህሪ ያላቸውን ወንድ'ና ሴቶች ሳይ የኔን reaction አለመደበቅ አልችልም። ከአለባበሳቸው፣ከአኳሃን፣ከአነጋገር፣ከአረማመዳቸው አንፃር መገመት የምችልበት ደረጃ ላይ ነኝ። ፨ እዚሁ የ Facebook platform ላይ ደሞ የሆነ dawid beloved የሚል አካውንት ይሄንን ፅሁፍ አጋርቶ አየሁ (የተቆረጠ ነው ሙሉውን comment ላይ ታገኙታላችሁ) “ወንድሜ የእኔ ተመሳሳይ ጾታ አፍቃሪ መሆን ተፈጥሮዬ ነው። መርጬ ያመጣውት ማንነት አይደለም። አንተ ግን እኔን ከዚህ ማንነቴ የተነሳ መጥላትህ እና ልትጎዳኝ መነሳትህ ተፈጥሯዊ አይደለም። ስለዚህ ንግግህ እና ድርጊትህ በማስተዋል ይሁን። እውነት አንተ የክርስቶስ ተከታይ ነህ? ክርስቶስ ባንተ ቦታ ቢሆን ይህን አሳብ በእኔ ላይ ያስባል? ክርስቶስ ባንተ ቦታ ቢሆን ይህን ያደርግብኛል? ይጠላኛል?___ያሳድደኛል? ይደበድበኛል?___ያሳስረኛል? 'እገድልሃለው!' ብሎስ ይዝትብኛል? እና አንተ የክርስቶስ ተከታይ ፣ የእግዚአብሔር መንፈስ ማደሪያ ክርስቲያን ነኝ ባይ ይህን አሳብ እኔ ላይ ልታስብ እንዴት ቻልክ? የእኔ ማፍቀር ወይስ ያንተ ነፍስ ማጥፋት ፤ የትኛው ነው በእርግጥስ የሶዶም ስራ? የማንኛችን ስራ ይሆን እግዚአብሔርን የሚያስከፋው? መልሱን 'እኔ' ለምትለው አንተ እና ለሕሊናህ” ይላል የልጁ ፅሁፍ በአጭሩ! ይሄንን ከስር ያለውን ፅሁፍ ፣ note ላይ ፅፌ ካስቀመጥኩት ቆይቻለሁ may be አሁናዊ ስለሆነ ነው ያጋራሁት ከተማው አቅራቢያ ባለ ትልቅ ተቋም ውስጥ “ይመችሽ” የተባለ Community አለ። እዛው ጊቢ በሚማሩ'ና በከተማው ባሉ ወጣት ሴቶች የሚዘየር። እዛ ጊቢ እየተማረ ጭራሽ ስለዚህ ነገር ሰምተው የማያውቁ፣የሚያውቁትም የሴት ልጅ supportive group አድርገው ከመቁጠር የዘለለ ስለዛ community idea የላቸውም። ነገር ግን ከጀርባ የሚሰሩት የተመሳሳይ ፆታን supportive ነው። በሚገርም መልኩ የcommunityው አባላት ሴቶች ብቻ አይደሉም ብዙ ወንዶችም ይገኙበታል። እነሱን ለመቀላቀል የፈለገ በሴት 50 ብር፣በወንድ 1000 ብር ነው የአባልነት መመዝገቢያው። celebrity የምንላቸው tiktokers coffe time ከ'ነሱ ጋር ያሳልፋሉ። እዛ member ነኝ የሚል ሰው ወይ lgbt ነው ወይም fan ነው. I don't want to mention እነሱን አሁን ላይ። በአጠቃላይ ከምናስበው በላይ lgbt ሀገራችን ውስጥ እንቅስቃሴ አላቸው። እዚሁ መዲናችን ውስጥ ውስጥ የት ሰፈር ምን እንደሚካሄድ ሀገር ያወቀው ነው። ለእኔ የተመሳሳይ ፆታ ግንኙነት normal ሁኖም አያውቅም፣ሊሆንም አይችልም። አጥብቄ እፀየፋለሁ አጥብቄም አወግዛለሁ። ሼር አረጉት #ግብረሰዶምን_እፀየፋለሁ #ትውልድ_ይዳን Share to your loved ones ለሚወዷቸው ያጋሩልን . @nathanErmias @nathanErmias

ትላንት ከደንበኞቼ መሀል አንዱ "ጎበዝ ጠበቃ ጠቁመኝ" ሲለኝ ካሉኝ ብዙ ጠበቃ ጓደኞች መካከል "ሥራ ቀዝቅዟል፣ ሥራ ላክልኝ" ስላለኝና በሥራም ጎበዝ ስለሆነ፣ የጠበቃ እንዳሻውን ስልክ ሰጠሁት። ዛሬ በጠዋቱ ደውሎ "ምን አይነት እብድ ነው የላክብኝ?!መጫወቻ መሰልኩህ?" ብሎ ጮኸብኝ - ጠበቃ እንዳሻው። "ምን አጠፋሁ? ሥራ ላክልኝ አልከኝ፣ ላኩልህ!" "ሰውዬውን በደንብ ታውቀዋለህ?!" "የሶስት ዓመት ደንበኛዬ ነው፣ እብድ እንዳልሆነ አውቃለሁ። ቆይ ምን አድርጎህ ነው?" "የሆነ ሰው ልከስስ ነው ብሎ የክሱን ጭብጥ እንዳለ ዘርዝሮ ነገረኝ፤ እህ ብዬ ሰማሁት" "እሺ..." "የክሱን ጭብጥ ዘርዝሮ ሲጨርስ 'እና በእዚህ ጉዳይ ላይ ክስ ብንመሰርት የምናሸንፍ ይመስልሀል?!" ሲል ጠየቀኝ። "ምኑ ላይ ነው ታዲያ ጥፋቱ?!" "አትቸኩል! እንደምናሸንፍ በጣም እርግጠኛ ነኝ ብዬ ያለ የሌለ የህግ አንቀጽ ጠቅሼ ነገርኩት፤ ይሁንና እየደጋገመ 'እርግጠኛ ነህ እናሸንፋለን?!' ሲል ጠየቀኝ። 'ማንኛውም ይሄ ጉዳይ የቀረበለት ችሎት ሁለቴ እንኳ ማሰብ ሳያስፈልገው ይፈርድልናል፣ የተሟላ ማስረጃ ያለው ጉዳይ እኮ ነው? እንደምናሸንፍ 100% እርግጠኛ ነኝ' አልኩት።" "እሺ ከእዛስ?..." "...ከእዛማ ለጥቂት ደቂቃዎች የቀረበለትን ቡና በጸጥታ ሲጠጣ ከቆየ በኋላ...'እንደዛ ከሆነ ነገውኑ ሽማግሌ ልኬ መታረቅ ይኖርብኛል!' አለኝ" "እንዴ??? ክሱን በእርግጠኝነት እንደሚረታ እየነገርከው የምን ሽምግሌ መላክ ነው?" - ስል ጠየቅሁት። "እኔም ይሄንኑ ጥያቄ ነበር የጠየቅኩት!" "እና ምን መለሰልህ?" "ተከሳሹ እኔ ነኝ፣ ጉዳዩን በሙሉ ገልብጬ ነው የነገርኩህ!' ብሎኝ የጠጣነውን ቡና ከፍሎ በቅጡ እንኳ ሳያመሰግነኝ ጥሎኝ ሄደ! ወይኔ እንዳሻው! የማንም መጫወቻ ልሁን?!' Tilahun girma Share to your loved ones ለሚወዷቸው ያጋሩልን . @nathanErmias @nathanErmias

እማ ወዲያ ዳሩን እየሳቅሽ ያለፍሽው ፣ ለ ህይወት አይበቃም ( ትንሽ ያ'ደይሽታ ) ትንሽ የቡና ጣዕም ካላጎናጸፉት አውቆ የተኛ እድሜ ፣ በ እግዜር ጥሪ አይነቃም። እማ ወዲያ ዳሩን "አንድ" ያልሽውን ህመም ፣ አልፏል አትቁጠሪው ይልቅ ከ ደጃፍሽ ሲጣራ የከረመ ፣ እግዜርሽን ጥሪው አሁን ናርዶስ ናርዶስ አሁን አደስ አደስ ፣ ይላል ያንገት ሽታሽ ያለሱ ለሳቅሽው ፣ ለዚያ መከራ ቀን... በይ እግዚአብሔር ይፍታሽ እኔን ለ ትላንትሽ

Here is the poem I mentioned

A piece of advice - Don't get attached! (I know I am not entitled to give advice, and I hate doing so. But who cares? 😂) Starting from an early age, I've had the chance to be with many individuals as friends, brothers and sisters. Only a few of them are still in my life, while the rest have moved on. I'm quite sure they barely remember me. I always find myself blaming myself for their departure and living in the nostalgia of our memories. And now, probably in the middle of my life, I realized attachment is the source of most pains. All the little scratchs on the wall of my heart ቢኮዛቸው attachment ነው 😅 ብዙ የቅርቤ ያይደሉ ሰዎች ብዙ ነገር ሲሉኝ ወይ ሲያደርጉብኝ ልቤ ድንጋይ የሆነ ያህል ምንም ሳይሰማኝ ሲቀር፤ የቅርቤ ያልኳቸው ደግሞ ለእነርሱ እንኳን በማይታወቅ አኳኋን፣ ከምንም በሚቆጠር ድርጊታቸው ብዙ ቆስያለሁ። እና ዛሬ መለስ ብዬ ሳስባቸው የማልረሳቸው ክፉ ትዝታዎቼ ከመቀራረብ የመነጩ መስለው ይታዩኛል። መስታወትን ይበልጥ የሚሰብረው ከሩቅ ነው ከቅርብ የተወረወረ ድንጋይ? People are beautiful and loveable. But they are people after all. They have much in their own plates. No matter how much you love them, how hard you try, and to what extent you want them to stay, ultimately they will go - in one or another way. የሆነ የሔኖክ ግጥም አለ that touched my heart -  "አንዳንድ ሰዎች ማለት ጥርጊያ መንገድ ናቸው እስከሰዎች ድረስ" የሚል። እውነት ነው! ቢመረንም ቢጥመንም በቃ አንዳንዶቻችን ወደሌሎች ሰዎች የምናደርስ መንገዶች ነን። መንገድ ደግሞ ከመንገደኛው በፍቅር መክነፍ የለበትም - መንገደኛው ሂያጅ ነውና! People come and people go. It's not because they are bad, it's just because that's how life functions and how the system is wired. If things ain't working, you gotta smile and move on - there are much in life! እና ሰውን መውደድ፣ ለቀረቡን ሁሉ መልካም መሆን እንዳለ ሆኖ ከሰዎች ጋር ያለንን attachment መቀነስ ከብዙ ሕመም ይጠብቀናል። Eat, laugh, enjoy, talk, fight with them but there should be some boundary. ብንችል priority መስጠት ያለብን ለራሳችን ነው! የሆነ ቀን ብቻችንን ስንቀር ከሁለት ያጣ እንዳንሆን! እና ይሄ ነገር ልጅ ሳለሁ ቢገባኝ ኖሮ ከብዙ ሕመም ባመለጥኩ ነበር! And still it's haunting me. I have been through a lot and it's not worth it - believe me, it's not totally worth it!! Yonathan getachew Share to your loved ones ለሚወዷቸው ያጋሩልን . @nathanErmias @nathanErmias

ውበት —.•: በመሥፈሪያ ከጤፍ ማዳበሪያ ሀሴት — .•: በላይ በላይ ከእንጀራ ምጣድ ላይ ስታስስ ይመሻል — .•: የሚያሳዝን ቀኗ ጨረቃ ሙዚቃ ሥነ-ጥበብ — .•ኮከብ — .•: አይማትርም ዓይኗ ••• ተአምሯ — .•: ማጀቷ ትንግርቷ — .•: ሽንኩርቷ ሲምፎኒዋ — .•: ሳንቲም ግጥሟ — .•: ቲማቲም የልቧ ሥራ — .•: ኩርማን እንጀራ የቀኗ ትጋት —.•: ጉሮሮዋን መዝጋት ••• ለመሰንበት መኖር — • እንደ ሁሉ ወጣት ፍልስፍና የቅኔ ጥፍጥና የመጽሐፍ ምዕራፍ አሪፍ ፎቶግራፍ — • ብዙም ግድ አይሰጣት ••• የመልስህን ዓለም በ’ሷ ጥያቄ ውስጥ — .•: ከምትፈልገው የቄሳርን ዲናር —.•: ለቄሳር አድርገው ••• ዳኛት በራሷ ሕግ ሆዷን —.• ጌታዋን — .• መቅደሷን አትናቀው ኩሽናዋን ስትረግጥ ጫማህን አውልቀው:: Share to your loved ones ለሚወዷቸው ያጋሩልን . @nathanErmias @nathanErmias

#ሕፅናዊነት - አጭር የግል ማስታወሻ (እሱባለው አበራ ንጉሴ) “#ሕፅናዊነት” አዳም ረታ የፈጠረው አዲስ የአጻጻፍ ስልት (Method) ነው። ከአዳም በኋላ የሚነሡ ጸሐፍያን አዋጭ ሆኖ እስካገኙት ድረስ የአከያየን ስልቱን በድርሰት ሥራቸው ቢከስቱት የሚያስኮንን፣ የሥራቸውንም ዋጋ (credit) የሚያሳጣ አይደለም። እንዲያውም #ሕፅናዊነትን እንደ አንድ የትረካ አማራጭ መንገድ በመገልገላቸው ሊበረታቱ ይገባል። “#ሕፅናዊነት” በራሱ ተረክ (story) ሳይሆን የድርሰት አጻጻፍ መሣሪያ (literary device or instrument) ነው። አዳም ረታ “#ሕፅናዊነትን” ለመዘየድ ረዥም ርቀት ለመጓዝ የተገደደው ያለንበትን የዘመን ጠባይ፣ መረባዊ ግንኙነታችንን፣ ውስብስብ ሕይወታችንን፣ ለውጦችን ሳያጓድል ለመግለጽና ለመወከል የሚያስችል ሁነኛ ቴክኒክ ስላጣ ነው። ወደ “#ሕፅናዊነት” ያመጡት ገፊ ምክንያቶች አሉ። ምናልባትም አዳም ረታ ከአንጋፋዎቹ የሀገሩ ከያኒያን ዘንድ ነባራዊውን ዘመንና ግንኙነታችንን በመግለጽ ረገድ የሰመረ የአጻጻፍ ስልት ንድፍ ለማግኘት ቢታደል ኖሮ ድካሙና ኀሰሳው ይቀልለት ነበር። የእነርሱ ፈለግ ላይ የራሱን እሴት ጨምሮ ከመከተል ወደ ኋላ የሚል አይመስለኝም። እኛ ሀገር ሲሆን እንደ እንግዳ ነገር ከተቆጠረ አላውቅም። የሥነ ጽሑፍ ባሕላቸው በዳበረ ሀገራት ውስጥ ይህ የተለመደ ነው። “#ሕፅናዊነት”ን የሚገለገሉ ወጣት ከያኒያንን በግልብ ኂስ ማግለል፣ “#ሕፅናዊነት” አዳም ረታ እንደማንኛውም ሰው ኖሮ ሲያልፍ አብሮት ሊሞትና ሊዘነጋ የሚችል የአጻጻፍ ስልት እንደሆነ ያለመገንዘብ ውጤት እንዳመጣው አስባለሁ። ሌሎች ጸሐፊያን ስልቱን አጎልብተው ባይገለገሉበት “#ሕፅናዊት” በአዳም ረታ ሥራዎች ብቻ ተወስኖ ይቀራል። ያ ማለት የአጻጻፍ ስልቱ በሌሎች ደራሲያን የሚዳብርበትን፣ የሚያድግበትን ዕድል አያገኝም ማለት ነው። ደራሲ ሙሉጌታ አለባቸውም በ“መሐረቤን ያያችሁ” መጽሐፉ መግቢያ ከአዳም ረታ የ#ሕፅናዊነትን የአጻጻፍ ስልት የተዋሰበትን ምክንያት ሲያስረዳ “ታሪኮቹ የተዋቀሩበት ዘዴ የአቶ አዳም ረታ “#ሕፅናዊነት” የተሰኘ የአጻጻፍ ስልት ነው። እነዚህን ታሪኮችን ለመንገር ተመራጩ ዘዴ ሆኖ ስላገኘሁት አመስግኜ ወስጄዋለሁ። #ሕፅናዊነትን የማስቀጠል ደፋር ሙከራዬም ነው!” ሲል የገለጸውም፣ ይህንኑ በመረዳቱ ነው። አዳም ረታም በ“አብርሆት” መጽሔት ቃለ ምልልሱ ላይ ኮስታራ ከሆነ ወይም የተባ የሥነ ጽሑፍ፣ የባሕል ኂስ ካለበት ኅብረተሰብ እና ልብ ወለዱ እንኳን ንዑስ ዘውጎች ካልተሰየሙለት ዘመናዊ ከተባለ የሥነ ጽሑፍ ባሕል ስለመመዘዙ ያወሳል። ይሄ እጥረት በሆነ መልክ ድጋፍ ያጣ ደራሲ እንደሚያደርገው፤ የራሱን ፍልስፍና ሲናገር በአገራችን የመጻፍ ካርታ ላይ ከማንና የት ጋር እንደምናስቀምጠው ግራ ሊያጋባን እንደሚችልም አልሸሸገም። ይሄ ባይተዋርነት ሆነ ተብሎ ከሚሰነዘር አግላይነት ጋር ሲደመር #ሕፅናዊነት የሚለው ቃል ገቺ ወይም አጋጅነት እንደሚኖረውም ገልጿል። “#ሕፅናዊነት”ን ያገኘው በብዙ ኅሰሳና ምርምር ውስጥ አልፎ ነው። በ“#ሕፅናዊነት” (በእንጀራና ኢንጆሪ፣ በሥግር ልብ ወለድ) የአጻጻፍ ስልት ላይ የዲበ-አካላዊና አእምሮአዊ ኑባሬ (Metaphysiclal and Ontological) ጥናቶችን በማድረግ መግለጫ (ማኒፌስት) ያቀረበውም አጽንዖት እንዲሰጥለት ስለፈለገ ነው። ከእርሱ በኋላ የሚመጡ ጸሐፊያን፣ እንደ እርሱ እንዳይዳክሩ “#ሕፅናዊነት”ን አዋጭ ሆኖ እስካገኙት ድረስ አጎልብተው እንዲጠቀሙት መነሻ ዳና እና ተሻጋሪ አበርክቶ ለመተው መሞከሩም ነበር። “#ሕፅናዊነት”ን እንደ አንድ የአጻጻፍ ስልት ከመገልገል ባለፈ በተጽዕኖ ያመለጡ ተወራራሽ ጽሑፎች (texts)፣ የገጸ ባሕርያት ምስስሎሾችና ቅጂዎች (imitations) ከአዳም ረታ በሥራዎቹ የተገኙበት ሌላ ከያኒ ሲኖር በአደባባይ መጽሐፍ ገልጦ፣ ገጽ ጠቅሶ መሞገት፣ በተጨባጭ መረጃ አስደግፎ መተቸት ይገባል። እንዲህ ዓይነቱ ልማድ ደራሲውም ለተጠየቅ ራሱን እንዲያሰናዳ ያደርገዋል። ይህ ካልሆነ ግን በደፈናው የሚነሡ ግልብ አስተያየቶች እርባና አይኖራቸውም። ዘላቂ እሴትንም አይጨምሩም። ከዚህ ውጪ “በጎ ተጽዕኖ” እንዳለም ልብ ማለት ያስፈልጋል። ልክ ሁሉም የዓለማችን ደራሲ ፍጹም ራሱን በራሱ እንደፈጠረ አድርጎ የመውሰድ ዝንባሌ ስሕተት ነው። ከተጽዕኖ የሚያመልጥ ከያኒ አለ ለማለት ይቸግራል። እንዲያውም በዓለም የተደነቁ ጸሐፊያን አንዳቸው ከአንዳቸው የተዋረሱት የተለያየ “ተጽዕኖ” አለ። ማን ማን ላይ በምን መልኩ ተጽዕኖ እንዳሳደረ የሚያሳዩ ካርታዎችም በጥናት ተደግፈው ይቀርባሉ። ራሳቸው ከያኒያኑም ያለመሸፋፈን ማን ተጽዕኖ እንዳሳደረባቸው ይናገራሉ። እናም “ተጽዕኖን” በደፈናው የማነወር አካሄድም አላዋቂነት አለው። Share to your loved ones ለሚወዷቸው ያጋሩልን . @nathanErmias @nathanErmias

#እጂግ-አየሁ #የ22 ዓመታት አርምሞ ጉራማይሌ አልበም ሙዚቃዊ ከፍታው ከቴዎድሮስ ካሳሁን አቡጊዳ አልበም የሚልቅ እንጂ የሚያንስ አልነበረም ፡፡ ምስክራችን ሙዚቃውን ያቀናበረው ራሱ ኤያልስ መልካ ነው ፡፡ “ጂጂ በዚህ ሥራዋ ለእኛ ለሙዚቃ ሰዎች ጭምር ትልቅ ትምህርት ነው የሰጠችን ፡፡ አማርኛንም በዚህ መልኩ መሥራት ይቻላል እንዴ? እንድንል ነው ያስገደደችን፡፡ ዕድገት ማለት ይኼ ነው ፡፡...“ ጉራማይሌ ታሪክ ቀያሪነቱ ባያከራክርም ከአድማጩ ለመድረስ ግን መቸገሩ አልቀረም ፡፡ አልበሙን አስመልክቶ በጊዜው ከፈርጥ መጽሔት ጋር ቆይታ አድርጎ የነበረው አበበ ብርሃኔ ያቀረበው ምክንያት አሳማኝ ይመስላል ፡፡ “የጂጂ ሙዚቃ ቅንብርን ለመረዳት ሙዚቃው ደሜ ውስጥ የሌለ በመሆኑ ለማጣጣም ባልችልም ግጥምና ዜማው ግን ውብ ነው ፡፡” ጉራማይሌ እንደ ቴዎድሮስ ካሳሁን አቡጊዳ ሁሉ ኢትዮጵያዊ አጨዋወትን በዓለም አቀፍ የሙዚቃ ስልት ውስጥ ያቀረበ የሙዚቃ ሥራ ነው ፡፡የአልበሙ መጠሪያ የሆነውን ዜማ "ጉራማይሌ" በፖፕ የሙዚቃ ስልት ውስጥ የምታቀነቅነው እጅጋየሁ ሽባባው የአፍሪካዊያኑን ስልት ተውሳ "መንገደኛ" ስትል እናደምጣታለን፡፡ የአገሯን ቅኝት ወዳም "ተው አንተ ሰው" እያለች ስታዜም እንሰማታለን ፡፡ ይህ መንገድ ቴክኖ እና ሬጌን ተንተርሰው በተሰሩት የቴዎድሮስ ካሳሁን ሙዚቃዎች ላይ ለአድማጩ እክል ባይፈጥርም በእጅጋየሁ አልበም ውስጥ ግን ወዲያው ስኬትን አላስገኘም ፡፡ ልዩነቱን የፈጠረው ኤልያስ መልካ ነው ፡፡ አቡጊዳ በቅንብር ደረጃ ቅይጥ የሙዚቃ ፍልስፍናን ቢከተልም ከውጭ የመጡት ስልቶች ግን ፍጹም ኢትዮጵያዊ እንዲመስሉን ተደርገው የቀረቡበት አልበም ነው ፡፡ "ጉራማይሌ" ግን ተግባሩ የዚህ ተቃራኒ ነበር ፡፡ ኢትዮጵያዊ ሙዚቃዎችን ፈጽሞ ዓለም አቀፋዊ አድርጓቸዋል ፡፡ ዓለም አቀፋዊውን ስልት ኢትዮጵያዊ ማድረግና ኢትዮጵያዊውን አጨዋወት ዓለም አቀፋዊ ማድረግ ለየቅል የሚታዩ ጽንሰ ሐሳቦች ናቸው፡፡ የእጅጋየሁ ሽባባውን አልበም ያከፋፈለው የናይል ሙዚቃ ቤት ባለቤት አቶ ኤልያስ ደርሶ በጊዜው የሰጡት አስተያየት ይህን የሚያረጋግጥ ነው ፡፡ “ሰኔ 28/93 ነው አዲሱን የጂጂ ሥራ ያዋልነው ፡፡ ሽያጩን የተሳካ ለማድረግ በተቻለን ሁሉ ማስታወቂያ እየለቀቅን ለማስተዋወቅ ሞክረናል ፡፡ነገር ግን ካሴቱ በመጀመሪያዎቹ ሳምንታት ጸጥ አለ ፡፡ ወደ ክልል ያከፋፈልናቸው ሙዚቃ ቤቶችም ሽፋንና ስቲከሩን መመለስ ጀመሩ ፡፡ ስለስራው ከብዙ አቅጣጫ የሚስማው የሚያበረታታ አልነበረም ፡፡ ምን ሆናችሁ ነው ይህን እዚያው ለፈረንጆች አትተውትም የሚል ነበር ፤ ” #ከከተማው መናኝ መጽሐፍ የተወሰደ! GiGI ዳግም የተወለደችበት #ጉራማይሌ አልበም 22 ዓመት ከሁለት ወር ሞልቶታል:: ዛሬ የአንድ ወጣት ዕድሜ ያለው ይህ አልበም መልሶ የጥበብ እናቱን ይጦር ጀምሯል:: አንዳንዱ መዚቃ እንዲህ ሳይሆን አይቀርም:: ከዘመን ተናንቆ ከጊዜ ተጋፍቶ በአሸናፊነት ከፊት ይቆማል:: Mareg Getachw Share to your loved ones ለሚወዷቸው ያጋሩልን . @nathanErmias @nathanErmias

« . . . ግርማዊነትዎ፣ የሕዝብ እንደራሴ . . . » 👑 «የእኔንም የሕይወት ታሪክ አንዳንድ ሰዎች ባለማወቅና በመሳሳት ወይም በምቀኝነት እውነት አስመስለው ጽፈው ሌሎችን እንዲመስላቸው ለማድረግ ቢፈትኑ፤ የእውነተኛውን ነገር ከሥፍራው ሊያናውጹት አይችሉም።» . ( — ሕይወቴና ፡ የኢትዮጵያ ፡ እርምጃ — ) ———————————————- (ኦርያና ፋላቺ)፡— ግርማዊነትዎ ስለ ዲሞክራሲ ምን ያስባሉ? … (አፄ ኃይለሥላሴ)፡— ዴሞክራሲ? ሪፐብሊክ? እነዚህ ቃላት ምንን ያመለክታሉ? በዓለም ላይ ምን ለውጥ አምጥተዋል? ሰዎች የተሻሉ፣ ይበልጥ ታማኝና ደግ ኾነዋል? ሕዝቦች ይበልጥ ደስተኛ ኾነዋል? ሁሉም ነገር ያው እንደ በፊቱ ነው። ቅዠት . . . ቅዠት ብቻ . . . ከዚህም በላይ በቃላት ከማውደም በፊት የአንድን ሀገር ፍላጎት ግምት ውስጥ ማስገባት ያስፈልጋል። በአንዳንድ ሁኔታዎች ዲሞክራሲ አስፈላጊ ነው እናም አንዳንድ የአፍሪካ ሕዝቦች ይህን ዲሞክራሲ ሊቀበሉ እንደሚችሉ እናምናለን። በሌሎች ጊዜያት ግን ጎጂና ስሕተት ነው። … (ኦርያና ፋላቺ)፡— በአጠቃላይ ግርማዊነትዎ የእርስዎ ሕይወት በደስታ የተሞላ አልነበረም። የሚወዷቸው ሁሉ ሞተዋል። ሚስትዎ፣ ሁለት ወንዶች ልጆችዎና ሁለት ሴቶች ልጆችዎ ሞተዋል። ብዙ ሃሳብዎና ብዙ ሕልሞችዎ አልተሳኩም። ነገር ግን ታላቅ ጥበብ አከማችተው መሆን አለበት ብዬ እገምታለሁ፣ እናም ይህን ልጠይቅዎት . . . እርስዎ ሞትን እንዴት ይመለከቱታል? … (አፄ ኃይለሥላሴ)፡— ምንድን? ምንን ይመለከቱታል? … (ኦርያና ፋላቺ) :—ሞትን ግርማዊነትዎ …ሞትን እንዴት ይመለከቱታል? … (አፄ ኃይለሥላሴ)፡— ሞት፣ ሞት? ይህች ሴት ማናት? ከየት ነው የመጣችው? ምንድን ነው የምትፈልገው? ( — አፄ ኃይለሥላሴ ለ Chicago Tribune በ 1973 እ.ኤ.አ ከታዋቂዋ ጣልያናዊ ጋዜጠኛ ከኦርያና ፋላቺ ጋር ካደረጉት ቃለ-መጠይቅ የተወሰደ) ——————————————— 🔑 ሕዝብ የወል አእምሮ (collective mind) ነው። በአብዛኛው ማሰብ አይችልም ወይም የማሰብን ድካም መቀበል አይፈልግም፤ በዚህም ምክንያት ከእርሱ በሐብት፣ በሐሳብ፣ በሥልጣንና በኃይል የሚበልጡትን ግለሰቦች ወይም ሥርዓቶች ያመልካል። እንደጊዜው መንፈስ፣ እንደ ሀገሩ ወረትና እንደ ሐሜቱ ግነት ይከረባበታል። ኃይለሥላሴን “ፀሐዩ …” እያለ ያሞካሸ፣ “ጃንሆይ” እያለ ያደገደገ፣ በመኪና ሲያልፉ መሬት ላይ እየሰገደ እጅ የነሣ ሁሉ ቀን ዞሮ ወታደራዊው ኃይል ከቤተመንግሥት በቮልስ ሲያባርራቸው “ሌባ …ሌባ” እያለ ከተማውን በቱማታ ሞላው። የወል ሐሳብ በወሬ ተገንብቶ በወሬ ይፈርሳል። በፈጠራ ዘጋቢ ፊልም አመለካከቱ ይከለሳል። ዕውቀቱ ቅድሚያም በመሠረታዊ ሙግትና አስተውሎት ላይ የተመሠረተ ስላልነበር ለመጥላትም ለመውደድም ጊዜ አይፈጅበትም። በዚህ የሕዝብ ባሕርይ ምክንያት ፍቅር እስከመጨረሻው የጸናላቸው በጣም ጥቂቶች ብቻ ናቸው። ከታምራት ኃይሌ መዝሙር መሃል ያሉ ስንኞች እንዲህ ይነበባሉ… . “የሰው አለኝታነት ዘለቄታ የለው በሆሳዕና ማግስት ስቀለው ስቀለው” … … ተፈሪ መኮንን አሪፍ፣ አሳቢና ተራማጅ (progressive)ንጉሥ ነበሩ። ይህን ለማወቅ የሰጧቸውን ቃለ-መጠይቆች ማንበብ፣ ንግሮቻቸውን መስማት፣ ለአፍሪቃ ኀብረት መመሥረት ያበረከቱትን አስተዋጽዖና ለሀገራቸው ነገ መቃናት የወሰዷቸውን እርምጃዎች ማየት በቂ ነው። ሌላው ቢቀር ያጎረሱበትን እጅ የነከሳቸው የተማሪዎች አመጽ እንኳ የተቀጣጠለው “የድሃ ልጅ አታስተምር” እየተባሉ እንቢኝ ብለው በተለያየ ሀገር ልከው ባስተማሯቸው ልጆች ነው። ለትምህርትና ለዘመናዊነት የነበራቸው ፍቅር ቀላል አልነበረም። ሀገሪቱን ከፍትሐ-ነገሥት በዘለለ ቅርጽ ባለው ሕግ እንድትመራ የመጀመሪያው ሕገ-መንግሥት እንዲረቅቅ ምክንያት የሆኑሰው ናቸው። ለሃይማኖቶች እኩልነት ከቀደሙት ሥርዓቶች በተለየ መልኩ የተጉ ሰው ነበሩ። በ1961 ዓ.ም ቅዱስ ቁርዓን በአማርኛ ተተርጉሞና በመንግሥት በጀት ታትሞ እንዲወጣ የሆነው በንጉሡ ቀጥተኛ ትዕዛዝና ሐሳብ ነበር። የወንጌል አማንያን ቀደምት የሆነው መካነ-እየሱስ ቤተክርስቲያንና የልማት ድርጅት ሕጋዊ ዕውቅና ያገኘው በንጉሡ ቀጥተኛ ፈቃደኝነት ነበር። ሌላም … ሌላም … ነገር ግን ለፕሮፖጋንዳው ይጠቅም ዘንድ ቀጣይ መንግሥታት ሁሌም የቀዳሚውን እኩይነት ብቻ አውጥተው ያሳያሉ። ደርግ እንደ ጥሩ እድል የተጠቀማቸው የተደበቀውን የወሎ ርሃብ የሚያሳየውን የእንግሊዛዊው ጋዜጠኛ ጆናታን ዲምቢልቢን ዘጋቢ ፊልም ነበር። … አዎን! በሌላ አንጻር ደግሞ በዛሬ መነጽር ሲታይ የሚያስወቅስ ብዙ ስሕተት ሠርተዋል። ከ40 ዓመት በላይ በሥልጣን ቆይተው በመጨረሻው ለውጥ አይቀሬ መሆኑ እሙን በሆነበት ወቅት እርጅና የተጫነው መፋዘዝ ማሳየታቸው አንዱ ሆኖ መነሣት ይችላል። ብዙ ሀገራት ላይ እንደምናየው ሕዝባዊ መንግሥት ተቋቁሞ የንጉሣዊው ሥርዓት ሳይፈርስ ( constitutional monarchy ) ጠቃሚ ተቋም ሆኖ መቀጠል ይችል ነበር። ይህን አለማድረጋቸው ሀገሪቱ በፈላጭ ቆራጩ ወታደር እጅ ለመውደቋ ምክንያት ሆኗል። የባሌ፣ የጎጃም፣ የትግራይ የጎድኦና የየጁ የገበሬ አመጾች እንዲሁም የነገሌውን የወታደር አመጽ፣ እንዲሁም ከ1950ዎቹ ጀምሮ የተከሰቱ የተማሪዎች አመጾችን ያስተናገዱበት መንገድ፣ “ሲሶ ለቀዳሽ፣ ሲሶ ለአንጋሽ፣ ሲሶ ለአራሽ” ተብዬ የጉልት ሥርዓቱና የመሬት ሥሪቱ፣ ከፍተኛ የሆነ የአስተዳደር በደሎች፣ የድርቅና ረሃብ መሰወሮች ምናልባትም እንደ እርሳቸው መንግሥት ድክመቶች መታየት ይችሉ ይሆናል። ጊዜው ሲለወጥ ጥፋትን ይቅር ማለትና መልካምን ማንገሥ ደግሞ የእኛ ፈንታ ይሆናል። … ቢሆንም በንጉሣዊ ቤተሰብ ውስጥ በመወለድ ያጡትን ልጅ የመሆን ጸጋ ተቋቁመው ለሀገራቸው የተሻለውን የተመኙትን ፣ መቃብራቸው እንደ ሙሴ ላልታወቀ፣ ስማቸው ግን ዛሬም ድረስ በተለያዩ ሀገራት ከፍ ብሎ ለሚነሣው አባት “ተፈሪ መኮንን” ጃንሆይ መልካም ልደት ይሁን። Henock_bekele_lema Share to your loved ones ለሚወዷቸው ያጋሩልን . @nathanErmias @nathanErmias

የቅዳሜ ተጓዣችንን ከረዥም እረፍት በኋላ እንደመግቢያ ከዚህ ብንጀምርስ 😍 መንገድ ዳር እጁን አርገብግቦ አስቁሞኝ ዘው ብሎ ገቢና ገባ። ራይድ ውስጥ ጋቢና የሚገባ ሰው ሲገጥመኝ ግራ ያጋባኛል። መኪናዬን ተኮናትሮ ሲገባ እስከሚወርድ ድረስ ከአራቱም ወንበር አማርጦ የመቀመጥ መብት እንዳለው ባውቅም ... ጋቢና ግን እንጃ ... ምን ሆኖ ይሆን ብዬ አስባለሁ። የከተማ ሰው ይሁን የገጠር ሰው፣ ወይ ሌላ ችግር ይኑርበት አይኑርበት መገመት እንኳን አልችልም። ብቻ ከፊት ሲገባ… "ገቢና ይሻልሃል?" ብዬ ስጠይቅ ብዙዎቹ "አዎ ቶሎ ለመድረስ… " ብለው የሰለቸኝን ቀልድ ይቀልዱልኛል። ፈገግ እላለሁ… ስራ ነው መቼም። ገቢና ገባና… "ራይድ ነው አይደል?" "አዎ ወዴት ነህ?" "ይሄንን አይሱዙ ተከተይው ተከተይው" አለኝ አጠገቤ ተቀምጦ። "መጀመሪያ ቀበቶ እሰር፤ ከዛ ስልክህን ንገረኝ" “ችግር የለውም ለሂሳቡ… አታስገቢው ስልኬን ቶሎ ተከተይልኝ ብቻ " ቀበቶውን እያሰረ… "እንዴ ለምንድነው የምከተለው? ደግሞስ የት ድረስ?" "ኦ… እንዳያመልጠን ተከተይው የኔ መኪና ነው" በጥድፊያ ነፍሴን ሊያወጣት ሲደርስ ነገርኩት። "ሰውዬ ራይድ ከዚህ ተነስቶ እንትን ቦታ ለመድረስ ነው እንጂ እንደ ፖሊስ ሞተር ተፈላጊ የምታሳድድበት አይደለም ። " "እሺ በቃ ንጂው" እየተነጫነጨም ቢሆን መኮሳተሬን ሲያይ ረገብ አለ። በቪትዝ የጭነት መኪና ለመከተል መሞከር መቼስ ዳይኖሰርን በአይጥ እንደማሳደድ ነው፡፡ መሐል መንገድ ላይ ብትቀደድስ? ኧረ በጭሱ ይገፈትረኛል። እኔ ከስር ከስሩ እየፈጠንኩ ድንገት ፍሬን ቢይዝኮ ዘልዬ እጫናለሁ ወይም በአራት ጎማዎቹ መሐል እሾልካለሁ እንጂ የከፋ ጉዳት እንኳን አይደርስብኝም። ብቻ ከዓይናችን ሳይሰወር ከኋላ ከኋላው በቅርብ እርቀት መከታተል ጀመርን። “የኔ መኪና ነው ፤ ቅድም ስደውልለት ክፍለሐገር ነኝ ብሎኝኮ ...አሁንኮ ድንገት አላየውም?… እግዜር ሲያዋርደው አይ ሹፌር አንድ ታማኝ የለምኮ በራሴ መኪና እንዳልከተለው መኪናዬን ያውቀዋል ብዬ ነው የታባቱ ነው የሚሄደው?” አንዱን አደባባይ ስንዞር የተጠራጠረ ትራፊክ አይሱዙውን አስቆመው። አለፍነውና ፈንጠር ብለን ቆመን ወደኋላ ማየት ያዝን” ሹፌሩ ወረደ… ረዳቱም ተከተለው። ትራፊኩ የጭነት መኪናውን በጥርጣሬ ዞረው። የኋላ በሩን አስከፈተ። ብርበራ ጀመረ። ሹፌሩ እንደማንኛውም ትራፊክ እንዳስቆመው አሽከርካሪ ተማፅኖ ነገር ያሳያል። መንጃፈቃድ ሰጠ። "እንዴ" ይላል ደንበኛዬ በድንጋጤ ፊቱ ገርጥቶ። " እንዴ? እንዴ? ....ምናባቱ ጭኖ ነው " እያለ በሩን ከፍቶ ሊወርድ ሲል የረሳው ቀበቶ አነቀው። "ሂሳብ?" አልኩት ኪሱ ውስጥ ገብቶ ያገኘውን ብር ሳይቆጥር ሰጠኝ 300 ብር። በቂ ነው። ወርዶ ወደ ትራፊኩና ወደመኪናው ወደ ኋላ አመራ። ይቅናህ ወንድሜ። እኔ ግን የዚህን ነገር መጨረሻ ሳላይማ አልሄዳትም። ሌላ ጥሪ እስኪመጣ እዚሁ እቆማታለሁ። #የቅዳሜተጓዥ ጠይም ፅጌሬዳ Share to your loved ones ለሚወዷቸው ያጋሩልን . @nathanErmias @nathanErmias

#አልመጣምን_ምን_አመጣው ?? . . ዛሬ ነበር የቀጠርሽኝ፤ እዚህ ነበር "ናልኝ" ያልሽኝ። ፀሃይ ስትደምቅ በስተምስራቅ ስትፈካ በሀገሩ፣ ከወፍ ጋራ እኩል ሲያዜም ሲዘማምር ጫካ ዱሩ። የእግዜር በጎች ከልጆች ጋር በየመስኩ ሲሯሯጡ፣ ስስ እንቦሶች ሽር ብንት ሜዳው መሃል ሲቃበጡ። ያኔ ነበር "ድረስ" ያልሽኝ፤ እዚህ ነበር የቀጠርሽኝ። እኔ አፍቃሪሽ ያንቺው ንጉስ፤ ናፍቆት ፍቅር እንደታቀፍኩ ከንጋት ጋር ጎህ ቀድጄ፣ የፀደይ ወር እቅፍ አደይ፤ ላፍቃሪ ሩህ ይዤ በእጄ። ካልሺኝ ቦታ እንደደረስኩ ዙሪያ ገባው ባማትረው፣ ችላ ብትሽ ቀረሽ መሰል ቃልሽ ፍቅሬን ሰባበረው። አንቺዬ..............፤ እንደ ቀላል እንደ ዘበት፤ "እመጣለሁ" ባለ አንደበት፤ ምን ይሉታል ቃልን ማጠፍ "አልመጣም"ን ምን አመጣው ? አጀብ መቼም ወንድ መሆን ያልተነሳ እግርሽ ቀጣው። ብዬ እያሰብኩ ስብሰለሰል እዚሁ ሆኜ ልቤ አረጀ፣ በትዝታሽ ሳቅ... እያለ ይኸው ጊዜም አብሮኝ ጃጀ።          " አጀብ መቼም ወንድ መሆን !!! " ✍ ዓቢይ ( @abiye12 ) Join & share 👇👇👇👇 @hasabawian @hasabawian @hasabawian

መልካም ልደት ስለ-ማለት ቅኔ ማለት ምርጥ ቃላትን አገጣጥሞና ለጆሮ በሚጣፍጥ አኳኋን ደርድሮ የሚቀርብ ነገር አይደለም። ቅኔ የተራቀቀና ጠሊቅ የሆነ የፍልስፍና አስተሳሰብ መገለጫ ነው ይሉናል ሊቁ ብርሃኑ ድንቄ በአልቦ ዘመድ መጽሐፋቸው፤ ለዚህም ማጠናከሪያ Samuel Taylor Coleridge የተባለውን የእንግሊዝ ባለቅኔ ያለውን ጠቅሰው 'No man was ever yet a great poet, without at the same time being a profound philosopher.' ይሉናል ብርሃኑ ድንቄ። የባለቅኔው ምስክርነት በልኩ ተሰፍቶልኛል ከምላቸው የሀገሬ ገጣሚያን አንዱ በውቀቱ ሥዩም ነው። የሕይወትን ወለፈንዲነት በአንድ በ "የባይተዋር ገድል" ግጥሙ የገለጸበት ተአምር በእጅጉ ይገርመኛል (ሁሌም)። የባይተዋር ገድል በቁም መስታወት ፊት፥ መቆምኽ ሲጨንቅህ የቁም መስታወቱ፥ “ሰውነትህ የታል?” ብሎ ሲጠይቅህ፤ ግድግዳው ላይ ያለች፥ የገደል ማሚቶ፥ ዝም ማለት ፈርታ ሳሎንህን ስትሞላው፥ ዝምህን አባዝታ ሕልም የቀላቀለ፥ የዝናም ነጠብጣብ፥ ጣራኽን ሲመታ ከመስኮትኽ ማዶ፥ የሌሊት ወፍ ሞታ፤ የጊዜ ስውር ክንድ የጓሮህን ዋርካ፥ ያላጋር ሲያስቀረው በሌሊት ወፍ ምትክ፥ ክንፍ ያወጣ ለሊት ጎጆህን ሲዞረው መረሳት የሚሉት፥ የኑሮ ገባር ወንዝ፥ አልጋህን ሲገምሰው፤ “መንሳፈፉስ ይቅር፥ መስጠም ያቅተዋል ሰው?” ሲያሰኝህ ዕድልህ ያኔ ይጀምራል፥ የባይተዋር ገድልህ። The realization that life is absurd cannot be an end, but a beginning. By realizing it is all absurd, you have the opportunity to rebel against the meaninglessness ይለናል ካሙ (የበውቄ የባይተዋር ገድል ጅማሬም ይኼንኑ ሐቅ ነው የፍርሃት ክንብንባችንን ገልጦ የሚያሳየን...) #ለዘመናችን አሰላሳይና ባለቅኔ በውቀቱ ሥዩም በክብር እጅ እነሣለሁ🙏 #EmbraceTheAbsurd መልካም ልደት Share to your loved ones ለሚወዷቸው ያጋሩልን . @nathanErmias @nathanErmias

አንሙት ◌ ◌ ◌ አዕሩግ በንፍር ጥፍር ቆንጥጠው በድድ ቅሪት ግጠው አላምጠው መጥጠው ያልጠገቧት - የዕድሜ ሸንኮር ለስል ጥርሳችን - ጠናችን፤ አይ አወዳደቅ አወዳደቅ ዘምቶ ሞትማ ወግ ነበረ ገና ስንነሳ ስንታጠቅ። በሞሳችን ምርኩዝ አማረን መንገዱ ባ'ይን አዛለን ለፍቅር ዕድሜ በሚለመንበት ለዕድሜ ፍቅር ጎደለን። ሹም እዳ ነውና ሞት ለሃች የጸናች ሲመቱ ፍጹም ነውና መንግሥቱ አልጋው ባድማ አይደፈርም ‘አንሙት’ ቢሉ ሞት አይቀርም። ሞት አይቀርምና አንሙት አይቀር ላይቀር ምኑ ይጠራል? ይልቅ ህይወት፣ ይልቅ ህይወት ይቀራል። ◌ ◌ ◌ መስፍን ወንድወሰን Share to your loved ones ለሚወዷቸው ያጋሩልን . @nathanErmias @nathanErmias

ሶስት ነገሮች!..(ጊዜ ከሌለህ እለፈው አይጠቅምህም😀) ❶ የህይወት ጎዳና ECONOMICS ላይ አንድ Theory አለ!... roving bandit model እና stationary bandit model ይባላል። ስለ ቋሚ ሽፍታና ተዘዋዋሪ ሽፍታ ነው የሚተርከው። በአጭሩ ህይወትም፣ ፖለቲካም፣ ኢኮኖሚም በእነዚህ አውድ ውስጥ ይሽከረከራል ነው አስተምሮቱ። 😀 በህይወት ጎዳናችን ትጉህ ብንሆን፣ መልካም ስነምግባርን ብንላበስ፣ ከሰው ልጇች ጋር ሁሉ በፍቅር ብንኖር፣ ለቤተሰቧቻችን ቅርብ፣ ለልጆቻችን አርዓያ፣ ለትዳራችን መከታ በንሆን.... ከትምህርትና ንባብ ባንርቅ፣ ራሳችንን ሀሌም ለሀላፊነት ብናበቃ ጥሩ ነው።... (ምክር አበዛው አይደል ታውቆኛል😀) ❷ አርዓያ እና መልካም ሰዎች ባለፈው ሳምንት ወደ ቺፍ (አማካሪ) ሆኖ ያደገው አለቃዬ እጅግ መልካምና አርዓያ የሚሆን ሰው ነው። ይህ በ40ቹ አጋማሽ የሚገኝ ሰው እጅግ ግሩምና አስደናቂ የህይወት መንገዶች አሉት። ፈረንጆቹ (work life balance) የሚሉት የስራና የግል ህይወትን በአግባቡ አሰናስሎ መጓዝ የሚችል ሰው ነው። ለባለቤቱ ፣ ለልጆቹ፣ ለጓደኞቹ፣ ለቤተሰቦቹ እጅግ በጣም ቅርብ ሰው ነው። በስራ ህይወቱ እጅግ በጣም ጎበዝና ጥሩ የመሪት ብቃት የተላበሰ ነው። በዙሪያው በአግባቡ የሚቆጣጠር፣ ተፅዕኖ የሚያሳድር፣ የሚያዳምጥ፣ ፊት ለፊት የሚናገር፣ ቢያወራ የሚደመጥ፣ በዙሪያው ያሉ ሰዎችን የሚያማክር ነው። ለእኔ በተለየ ወደ ሀላፊነት ሲያመጣኝ በጣምም ብዙ ርቀትን ተጉዞ ነበር። ለዚህም በጣም አመሰግኜዋለሁ። ባለፈው ሽኝት ስናደርግለት ጉድ እስኪባል ድረስ!... እጅግ በጣም በብዙ ሰዎች ታጅቦ ነበር። ❸ አምላክና ምስጋና በእነዚህ የህይወት ጎዳና!...አምላክ ምን ያህል እንደረዳችሁ? እንዳገዛችሁ? ቤተሰባችሁን እንደባረከ? አሰቡ። ስለ ሁሉ ነገራችሁ አመስግኑ! ፀሎትም አድርጉ። Yohans liban Share to your loved ones ለሚወዷቸው ያጋሩልን . @nathanErmias @nathanErmias