ИБРАТЛЫ СӨЗЛЕР...

#Яссаўий 📜 Лайқор ата Яссаўий заманында Санжар деген султан болған екен. Бир күни түс көреди. Түсинде әжайып бир ис көреди. Шексиз периштелер толқын-толқын болып ағып киятыр екен. - Қаяққа барасыз? - деп сорайды. - Арыслан бап Хожа Ахметке пайғамбардың аманат қурмасын алып келипти. Соны көриўге барамыз. Үлес тийсе бир шарапатына ийе болармыз, - дейди. Ол қай жерде? - деп сорайды. - Мадина ал-Байза деген елде, Ханкөпирдиң үстинде болады. Еки әўлийе дәрядан суў ишип, шөлин қандырады. Сол суўға  берекет дарыйды. Биз соған баратырмыз, - дейди. Мени де өзиңиз бенен алып кетиң, - деген ўақта султан уйқысынан оянып кетипти. Оның басы мең-зең болып, ойланып отырып қалады. Уәзирлерин шақырып түсин жорытады. Олар кийиз китапты ақтарып: - Я, патшамыз, буннан төрт жүз жыл бурын Мухаммед пайғамбер бир саҳебесине қурма аманатқа берген деген сөз бар. Аманат ийеси Бозқала деген қалада дүняға келеди. Биз билсек, оның ўақты жақынласқан сыяқлы. Арадан төрт жүз жыл өтти. Арыслан бап Сайрамға жетипти. Санжар Султан: - Онда көликти таярлаң, мен жолға шығаман. Барлық периштелер түнде сол жаққа ағылды. Патша жолға шығыўға таярланып атырғанда, гөззал ҳаялы еркелеп, мойнына асылады. Сүт писирим ўақыт кешигеди. Қырық атты ертлеп жолға шықты. Шаршаған атларды бирим-бирим аўмастырып, қырық күнде Сайрам қаласына жетип келди. Ханкөпирди излеп таўып келсе, дәряның суўы азайып, ылай суўдың ақыры қурып атырған екен. Есапсыз периште суўдан симирип ишкени ушын Ақсу дәрьясы ўақтынша тартылып турған ўақыты екен. Султан сүт писирим ўақытқа кешигипти. Ҳәмме сол әтирапқа жыйналып, ҳайран қалып тур екен. Санжар Султан: - Әй, мен кешиктим-аў. Арыслан бап аманатын тапсырған екен. Ертерек шыққанымда үлгерген болар едим. Бәлким, дәрьяның түбиндеги ылайына да қут дарыған шығар деп, ылай суў менен бетин жуўады. Шыдамай дәмин жалап көреди. Адамлар оны түсинбей: - Лайқор, лайқор, - деп мазақ етипти. Тәңритаала оның ықласынан разы болады. Енди сонша мийнети зая кетпесин деп көкирек көзин ашып, Яссауийге шәкирт етипти. Ўақыттың өтиўи менен патша аты шыққан әўлийеге айланыпты. Бирақ лайқор аты өлгенше қалмапты. Халық оны сол лайқор аты менен атап кетипти. "Яссаўий феномени" китабынан алынды. https://t.me/ibratli_sozler

Мәўсимлер Ҳәр пасылдың өзине тән заўқы бар, Айрықшалық,өзгешелик тағы бар, Инсәнлардың кеўилинен жай алған, Мәўсимлердиң бизге унар жери бар. Биреў жақсы көрер гөззал бәҳәрди, Тиришилик,жасарыў,сулыў әййямды, Мусылманның жаңа жылы саналған, Миллийликти сақлаған Наўрыз байрамды. Биреўлерге унар тек жазғы айлар, Балаларда күтеди усы пайытлар, Дым мазалы жемислерден дәм татып, Лагерьлерде дослар менен дем алар. Биреў жақсы көрер гүздиң айларын, Дәстурханды толтырар азийз бағманым, Дийхан,фермер тыным билмей ислеген, Мол зүрәәт етер пахта қырманын. Мине енди үлкемизде гумис қыс, Кеўиллерди қуўанышқа толтырар, Жаңа жылға күн санатып бизлерди, Жаңа арзыў менен қәдем аттырар. Қыс зийнети гүмис қары болады, Аппақ қарға жерде ырза болады, Балалардың қыс ойыны тамаша, Байрамларға олар үлес қосады. Азийз инсән.!,Шүкирликте мәни бар, Мәўсимлердиң өзине тән сыры бар, Бәри жақсы,қуўанышларға бөлейди, Өмириңде ҳәр бириниң изи бар. Күн артынан айлар келер избе-из, Мәўсимлерде орны менен алмасар, Жыллар өтсе,өтер сизиң өмириңиз, Жақсы нийет,жақсы тилек жарасар.! Гүлжәҳән Исмайлова Мойнақ районы. 2-мектеп баслаўыш класс муғаллими. https://t.me/ibratli_sozler

TEATR JANKÚYERLERINE (27-mart-xalıqaralıq teatr kúnine) Geyde jansız súwretińiz janlanıp, Tillesemen sizler menen sıbırlap. Sizler basqan izler búgin teberik, Ruwxıńız shad bolǵay, marhum aktyorlar! Birińiz kúldirip, biriń jılatıp, Kórgenlerdiń júrek-bawrın sızlatıp. Bayramda da jatpaysız bir dem alıp, Saw bolıń, teatr jankúyerleri! Birewlerge unamas bul kásibiń, "Qoysań-á, ártis-qo" deydi násili. Bul sózler hesh tiygizbesin tásirin, Saw bolıń, teatr jankúyerleri! Ata-anam hadal nanıńdı jedi, Kásibine ıqlas mehirin berdi. Hámmeńizdi birdey jaqsı kóremen, Saw bolıń, teatr jankúyerleri! Qaraqalpaqtı tanıtıp shet ellerge, Mártebeńiz asa bersin ele de. Shın kewilden tileklerim sizlerge, Saw bolıń, teatr jankúyerleri! Miywagúl Baymurzaeva. https://t.me/ibratli_sozler

Бизиң мухаббатымызға ақ таллар гүуа Аққан суулар гүуа толқып дүрликкен Билмеймен тек өзиңе кеткендей дууа Жипсиз байлағансаң мени неликтен.. Сағындым деуге де тилим гүрмелмей Хатыңды оқыйман тəкирар хəм тəкирар Кирпигим хөллеймен гейде билдирмей Таңғы шықтай дизилер жасларым қатар Излеймен хəр күни сени хəр жерден Дийдарың көрмеклик мен ушын əрман Көксимде сенсизликтиң шоғын үрлеткен Билсеңиз сағыныштың азабы жаман... Юсупова М. https://t.me/ibratli_sozler

Ағаларға Сизлер баратырсыз азайып кем-кем, Бәлким, биразыңды таппаспан ертең. Өмир теңизиниң даўылы бәлент, Сизлер едиңизлер кемемде желқом. Қар жаўып турғандай саратан жазда, Кеўлиңизден шыға алмадым базда. Қурқулақ тыңлаўшы сийрексип қалды, Сизлер нама едиңиз мен шалған сазға. Бул асығыс ўақыт кеўлимди дағлар, Қуўрап, нарт шығарар әрманлы бағлар. Өмир дәрьясының толқынларында Сизлер шыра едиңлер силтеген бағдар. Неге сонша асықтық атқан ҳәр таңға? Сизлер барда еди арқамыз тамда. Өмир шөлиндеги дубелей кушли, Қутқарар едиңиз қалдырмай шаңда. Жаслық-туйнеги аз, қуры ғаў пәлек, Сизлер нықырттыңлар атласақ ғәлет. Өмир майданында көпдур ғалаўыт, Бизди дузеў ушын болдыңлар ҳәлек. Дәўир басқа менен қурмақта ойын, Сизлерди излеймиз талдырып мойын. Өмир гузарының алды босаған, Ағалар кетипти-аў тарқатып тойын… К. Рахманов https://t.me/ibratli_sozler

ҚАЙЫРЛЫ ТҮН ! Ертеңги күниңиз бүгинги күниңизден абзал болсын! Аллатаала бәршеңизди түрли қәўиптен-қәтерден, көринбес бәлелерден сақласын, нурлы таңға саў-саламат жеткизсин! Түниңиз қәсийетли болып, Аллатаала көмекши, периштелер тилекши болсын! https://t.me/ibratli_sozler